 |
| ເຄື່ອງຫັດຖະກຳທີ່ເປັນມູນເຊື້ອ ຂອງ ຫວຽດນາມ (ພາບ: nhandan.vn) |
ງານວາງສະແດງລວມມີຫຼາຍເນື້ອໃນວາງສະແດງທີ່ເປັນຫຼາຍຮູບແບບ, ມີຄວາມດຶງດູດໃຈ, ໃນນັ້ນ ງານວາງສະແດງ ລວມມີ 2 ຫົວເລື່ອງ. ທຳອິດແມ່ນບັນດາມໍລະດົກທີ່ UNESCO ເຊີດຊູ (ມໍລະດົກທຳມະຊາດໂລກ, ມໍລະດົກວັດທະນະທຳໂລກ, ມໍລະດົມປະສົມ ລະຫວ່າງ ວັດທະນະທຳ ແລະ ທຳມະຊາດ, ມໍລະດົກວັດທະນະທຳບໍ່ເປັນວັດຖຸ ແລະ ເຂດປ່າສະຫງວນ, ມໍລະດົກເອກະສານ, ສວນທໍລະນີທົ່ວໂລກ), ຮ່ອງຮອຍປະຫວັດສາດ, ທັດສະນີຍະພາບທີ່ມີຊື່ສຽງຂອງ ຫວຽດນາມ ພ້ອມກັບການດຳລົງຊີວິດດ້ານວັດທະນະທຳທີ່ເປັນເອກະລັກສະເພາະຂອງປະຊາຊົນບັນດາເຂດໃນທົ່ວປະເທດ.
ຖັດຈາກນັ້ນ ແມ່ນງານວາງສະແດງເຊີດຊູຜະລິດຕະພັນດີເດັ່ນຂອງຫຼາຍນັກສິລະປິນ, ນາຍຊ່າງທີ່ມາຈາກຫຼາຍໝູ່ບ້ານອາຊີບ: ເຄື່ອງປັ້ນດິນເຜົາ ຝຸດຽວ (ຫ໋າຍຝ່ອງ), ເຄື່ອງເງິນ ດິງກົງ, ຫຼໍ່ທອງ ງູຊ໊າ, ຜ້າໄໝວ້ານຟຸກ (ຮ່າໂນ້ຍ), ດອກໄມ້ທີ່ເຮັດດ້ວຍເຈ້ຍ ແທັງຕຽນ (ເທື່ອທຽນ - ເຫ້ວ).
ໃນຂອບເຂດງານວາງສະແດງ “ມໍລະດົກວັດທະນະທຳ, ປູຊະນີຍະສະຖານ ຫວຽດນາມ ແລະ ຜະລິດຕະພັນຫັດຖະກຳມູນເຊື້ອ” ກໍ່ຈະດຳເນີນບັນດາການເຄື່ອນໄຫວພົວພັນແລກປ່ຽນລະຫວ່າງບັນດາທ້ອງຖິ່ນ ໃນການເຄື່ອນໄຫວວັດທະນະທຳສິລະປະ, ໂຄສະນາການທ່ອງທ່ຽວ...
ບຸນຄົງ
