 | ເສີມຂະຫຍາຍບົດບາດສະກັດໜ້າຂອງຊາວໜຸ່ມ ພາຍໃນຍຸກສະໄໝໃໝ່ |
| ເພີ່ມທະວີການຮ່ວມມືດ້ານຍຸຕິທຳ, ແລກປ່ຽນບົດຮຽນການໄກ່ເກ່ຍລະຫວ່າງ ຫວຽດນາມ - ບູນກາລີ |
ເຂົ້າຮ່ວມມີ ພົນໂທ ຫງວຽນວັນລອງ, ກຳມະການສູນກາງພັກ, ທຸຕິຍະລັດຖະມົນຕີກະຊວງປ້ອງກັນຄວາມສະຫງົບ; ຕາງໜ້າບັນດາຄະນະ, ກະຊວງ, ຂະແໜງການສູນກາງ ແລະ ນະຄອນ ຮ່າໂນ້ຍ.
ພິທີມິດຕິງເພື່ອສະໜັບສະໜູນ ເດືອນແຫ່ງການເຄື່ອນໄຫວປ້ອງກັນ ແລະ ຕ້ານຢາເສບຕິດ ແມ່ນກິດຈະກຳປະຈຳປີ ທີ່ປ່ຽມລົ້ນໄປດ້ວຍຄວາມໝາຍອັນຄຳສຳຄັນ, ຢັ້ງຢືນເຖິງຄວາມມຸ່ງໝັ້ນສູ້ຊົນຂອງທົ່ວລະບົບການເມືອງ ພາຍໃນວຽກງານການປຸກລະດົມກຳລັງແຮງສັງລວມຂອງທຸກຂັ້ນ, ທຸກຂະແໜງການ ແລະ ປະຊາຊົນ ເຂົ້າຮ່ວມການສະກັດກັ້ນ, ຕໍ່ສູ້, ຕ້ານ ແລະ ຍູ້ຖອຍໄພສັງຄົມຢາເສບຕິດ.
 |
| ບັນດາຜູ້ແທນເຂົ້າຮ່ວມພິທີມິດຕິງ. (ພາບ: ໜັງສືພິມກອງທັບປະຊາຊົນ) |
ພິທີມິດຕິງປະຈຳປີ 2026 ໄດ້ຮັບການຈັດຕັ້ງຂຶ້ນຢ່າງເປັນລະບົບ ແລະ ພ້ອມເພງກັນ ບົນຂອບເຂດທົ່ວປະເທດ. ຈາກຈຸດເຊື່ອມຕໍ່ສູນກາງຢູ່ທີ່ສະນາມຫຼວງ ດົງກິງເຫງີຍທຸກ, ໂຄງການໄດ້ເຊື່ອມຕໍ່ທາງອອນລາຍໄປຍັງ 3.321 ຕາແສງ, ເມືອງ, ເຂດພິເສດ ໃນທົ່ວປະເທດ.
 |
| ຮອງນາຍົກລັດຖະມົນຕີ ຟາມທິແທັງຈາ ປຸກລະດົມການສະໜັບສະໜູນ ເດືອນແຫ່ງການເຄື່ອນໄຫວປ້ອງກັນ ແລະ ຕ້ານຢາເສບຕິດ ປະຈຳປີ 2026. (ພາບ: ໜັງສືພິມກອງທັບປະຊາຊົນ) |
ກ່າວຄຳເຫັນຢູ່ທີ່ພິທີມິດຕິງ, ຮອງນາຍົກລັດຖະມົນຕີ ຟາມທິແທັງຈາ ໄດ້ເນັ້ນຢ້ຽມວ່າ: ລັດຖະບານກຳນົດວ່າ ວຽກງານການປ້ອງກັນ ແລະ ຕ້ານຢາເສບຕິດ ບໍ່ພຽງແຕ່ແມ່ນໜ້າທີ່ຂອງກຳລັງສະເພາະກິດເທົ່ານັ້ນ ແຕ່ຍັງແມ່ນສະຕິຮັບຜິດຊອບລວມຂອງທົ່ວສັງຄົມ, ໂດຍຖືເອົາການສະກັດກັ້ນ (ການປ້ອງກັນ) ເປັນຕົ້ນຕໍ, ຖືເອົາບໍລິເວນຮາກຖານເປັນຈຸດສຸມ, ຖືເອົາປະຊາຊົນເປັນເຈົ້າການ ພາຍໃນການສ້າງສາສະພາບແວດລ້ອມແຫ່ງການດຳເນີນຊີວິດອັນປອດໄພ ແລະ ປອດຢາເສບຕິດ.
 |
| ມອບທຶນຮອນຊ່ວຍເຫຼືອຕາມນະໂຍບາຍ ໃຫ້ແກ່ວິສາຫະກິດທີ່ນຳໃຊ້ແຮງງານແມ່ນຜູ້ຜ່ານການບຳບັດຢາເສບຕິດ ແລະ ເປົ້າໝາຍແມ່ນຜູ້ຜ່ານການບຳບັດຢາເສບຕິດ. (ພາບ: ໜັງສືພິມກອງທັບປະຊາຊົນ) |
ສະຫາຍ ຮອງນາຍົກລັດຖະມົນຕີ ໄດ້ຮຽກຮ້ອງໃຫ້ທົ່ວປວງຊົນໃນທົ່ວປະເທດ ຈົ່ງຮ່ວມແຮງຮ່ວມໃຈກັນປະຕິບັດດ້ວຍຄວາມມຸ່ງໝັ້ນສູ້ຊົນອັນດຽວກັນ ເພື່ອປະເທດ ຫວຽດນາມ ທີ່ປອດຢາເສບຕິດ. ປະຊາຊົນແຕ່ລະຄົນ, ເປັນຕົ້ນແມ່ນຮຸ່ນຄົນໜຸ່ມ, ຈົ່ງປະຕິບັດໃຫ້ດີຕາມສານຄຳຂວັນ “ສາມມີ”: ມີຄວາມຮັບຮູ້ກ່ຽວກັບໂທດໄພຂອງຢາເສບຕິດ, ມີຄຸນທາດກ້າເວົ້າຄຳວ່າບໍ່ຕໍ່ກັບຢາເສບຕິດ, ມີສະຕິຮັບຜິດຊອບພາຍໃນການປ້ອງກັນ ແລະ ຕ້ານຢາເສບຕິດ ແລະ “ສາມບໍ່": ບໍ່ທົດລອງເສບຢາເສບຕິດ, ບໍ່ລະເມີດກົດໝາຍກ່ຽວກັບຢາເສບຕິດ, ບໍ່ເປັນຫູເປັນຕາ (ບໍ່ໃຫ້ການຮ່ວມມື) ໃຫ້ແກ່ອາດຊະຍາກອນຢາເສບຕິດ; ໃນຂະນະດຽວກັນ ກໍໄດ້ປຸກລະດົມຂະບວນການເຄື່ອນໄຫວໃນທົ່ວປະເທດ: ຮ່ວມຈິດຮ່ວມໃຈກັນສ້າງຕັ້ງຕາແສງ, ແຂວງ, ເຂດພິເສດ ປອດຢາເສບຕິດ - ເພື່ອສຸຂະພາບຂອງປະຊາຊົນ, ເພື່ອອະນາຄົດຂອງຮຸ່ນຄົນໜຸ່ມ, ເພື່ອການຂະຫຍາຍຕົວຢ່າງຍືນຍົງຂອງປະເທດຊາດ.
 |
| ພິທີມິດຕິງໄດ້ຮັບການຖ່າຍທອດສົດທາງອອນລາຍ ໄປຍັງ 33 ຈຸດເຊື່ອມຕໍ່ (ຈຸດຂົວທາງ) ໃນທົ່ວປະເທດ. (ພາບ: ໜັງສືພິມກອງທັບປະຊາຊົນ) |
ຖັດຈາກພິທີມິດຕິງທັນທີ ແມ່ນການແຂ່ງຂັນແລ່ນມາລາທອນຂະບວນການ “ຮ່ວມຈິດຮ່ວມໃຈກັນສ້າງຕັ້ງຕາແສງ, ແຂວງ, ເຂດພິເສດ ປອດຢາເສບຕິດ” ໂດຍມີການເຂົ້າຮ່ວມ ຂອງບັນດານັກກິລາ ທີ່ເປັນຜູ້ແທນ ກໍຄືມວນຊົນປະຊາຊົນຢ່າງຫຼວງຫຼາຍ ບົນບໍລິເວນ 34 ແຂວງ, ນະຄອນ. ພາຍໃນນັ້ນ, ເສັ້ນທາງແລ່ນຢູ່ທີ່ຈຸດເຊື່ອມຕໍ່ສູນກາງ ແມ່ນໄດ້ຮັບການຈັດວາງລຽບຕາມໜອງ ຮ່ວານກ໋ຽມ (ຮ່າໂນ້ຍ).
 |
| ຢູ່ທີ່ບໍລິເວນໜອງ ຮ່ວານກ໋ຽມ, ນັກກິລາຫຼາຍພັນຄົນເຂົ້າຮ່ວມການແຂ່ງຂັນແລ່ນມາລາທອນຂະບວນການ ພາຍຫຼັງພິທີມິດຕິງ. (ພາບ: ໜັງສືພິມກອງທັບປະຊາຊົນ) |
ຕາມແຜນການ, ແຕ່ເວລາ 20 ໂມງ ຫາ 21 ໂມງ 30 ນາທີ ຂອງວັນດຽວກັນ ຈະມີການດຳເນີນໂຄງການສິລະປະພິເສດ ເພື່ອສະໜັບສະໜູນ ເດືອນແຫ່ງການເຄື່ອນໄຫວປ້ອງກັນ ແລະ ຕ້ານຢາເສບຕິດ ປະຈຳປີ 2026 ຢູ່ທີ່ສະນາມຫຼວງ ດົງກິງເຫງີຍທຸກ. ໂຄງການດັ່ງກ່າວໄດ້ຮັບການຈັດຕັ້ງ ແລະ ປະດິດສ້າງຂຶ້ນ ເພື່ອສະທ້ອນໃຫ້ເຫັນເຖິງຜົນກະທົບອັນໜັກໜ່ວງ ທີ່ເກີດມາຈາກຢາເສບຕິດ, ໃນຂະນະດຽວກັນ ກໍພັນລະນາເຖິງເສັ້ນທາງການເດີນຊີວິດ ຂອງບັນດາຜູ້ທີ່ເຄີຍຕົກຢູ່ໃນວັງວົນຂອງຢາເສບຕິດ ທີ່ສາມາດກ້າວຂ້າມຜ່ານສິ່ງກີດຂວາງ ແລະ ກັບຕົວມາສ້າງສາຊີວິດໃໝ່; ຜ່ານນັ້ນ ແມ່ນເພື່ອປຸກລະດົມຄວາມເຊື່ອໝັ້ນ, ຈິດໃຈສູ້ຊົນ ແລະ ຄວາມມຸ່ງມາດປາດຖະໜາພາຍໃນການສ້າງຕັ້ງຊຸມຊົນ ທີ່ປອດຢາເສບຕິດ.
 | ສະຖານທູດ ຫວຽດນາມ ປະຈຳ ຍີ່ປຸ່ນ ຮ່ວມເດີນທາງຄຽງຄູ່ກັບ ວິງລອງ ຂະຫຍາຍການຮ່ວມມື ຍສໝ - ພາຍໃນແຜນງານຊຸກຍູ້ການລົງທຶນຢູ່ ຍີ່ປຸ່ນ, ວັນທີ 26 ມິຖຸນາ, ທ່ານ ເຈິ່ນຈີກວາງ ປະທານຄະນະກຳມະການປະຊາຊົນແຂວງ ວິງລອງ ໄດ້ສະເໜີໃຫ້ ສະຖານທູດ ຫວຽດນາມ ປະຈຳ ຍີ່ປຸ່ນ ສືບຕໍ່ຊ່ວຍເຫຼືອໃນການເຊື່ອມຕໍ່ວິສາຫະກິດ, ຂະຫຍາຍຕະຫຼາດສົ່ງອອກ, ປົກປ້ອງສິດ ແລະ ຜົນປະໂຫຍດຂອງແຮງງານ ຄຽງຄູ່ກັບການຮ່ວມເດີນທາງກັບທ້ອງຖິ່ນ ແນໃສ່ຊຸກຍູ້ການຮ່ວມມືກັບບັນດາຄູ່ຮ່ວມມື ຍີ່ປຸ່ນ ພາຍໃນຫຼາຍຂົງເຂດ. |
 | ວິງລອງ ຂະຫຍາຍການຮ່ວມມືບຳລຸງສ້າງແຫຼ່ງຊັບພະຍາກອນມະນຸດ ກັບ ຍີ່ປຸ່ນ ຍສໝ - ພາຍໃນຂອບເຂດການເດີນທາງໄປເຄື່ອນໄຫວວຽກງານຊຸກຍູ້ການລົງທຶນຢູ່ ຍີ່ປຸ່ນ, ຄະນະຜູ້ແທນແຂວງ ວິງລອງ ໂດຍແມ່ນທ່ານ ເຈິ່ນຈີກວາງ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ເປັນຫົວໜ້າຄະນະ ໄດ້ເດີນທາງໄປຢ້ຽມຢາມ ແລະ ເຮັດວຽກຮ່ວມກັບ ບໍລິສັດ Esuhai ຈຳກັດ ແນໃສ່ຊຸກຍູ້ການຮ່ວມມືພາຍໃນຂົງເຂດແຮງງານ. |
