| ໜູນຊ່ວຍຊາວລັດເຊຍ ອາໄສຢູ່ຍາຈາງ ທີ່ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19 | |
| ສາວລັດເຊຍຖ່າຍຮູບກ່ຽວກັບລຸງໂຮ່ |
 |
| ເຝີງົວຫວຽດນາມ (ພາບ: Grigory Polyakovsky) |
ວາລະສານການທ່ອງທ່ຽວ Vokrug Sveta ຂອງ ລັດເຊຍ ໂດຍເປັນວາລະສານທີ່ໄດ້ຂຽນບົດສະເພາະກ່ຽວກັບການລົງພຶດຕິກຳຕົວຈິງການຄົ້ນຫາອາຫານການກິນ, ວັດທະນະທຳໃນທົ່ວໂລກ ຫາກໍ່ລົງບົດຂຽນກ່ຽວກັບເຝີຫວຽດນາມ ໃນສາຍຕາຂອງແຂກທ່ອງທ່ຽວລັດເຊຍ: ຍາມຮຸ່ງເຊົ້າ, ບົນຖະໜົນຫົນທາງຢູ່ຮ່າໂນ້ຍ, ແຂກທ່ອງທ່ຽວລັດເຊຍຮູ້ສຶກແປກປະຫຼາດໃຈເມື່ອມີຄົນຕໍ່ຄິວເປັນແຖວຢູ່ຕໍ່ໜ້າບັນດາຮ້ານອາຫານຢູ່ແຄມຖະໜົນ. ຢູ່ລັດເຊຍ, ເຂົາເຈົ້າມັກຕໍ່ຄິວເປັນແຖວເພື່ອຊື້ກາເຟ ແຕ່ຢູ່ ຫວຽດນາມ ປະຊາຊົນໄດ້ນັ່ງຢູ່ກັບທີ່ເພື່ອກິນເຍື່ອງອາຫານທີ່ແຊບໆ. ນັ້ນແມ່ນເຝີງົວ ໂດຍແມ່ນເຍື່ອງອາຫານທີ່ໄດ້ປຸງແຕ່ງຈາກ ເສັ້ນເຝີ, ຊີ້ນງົວຊອຍ ແລະ ຜັກຫອມຫຼາຍຊະນິດ. ຊາວຫວຽດນາມ ມີຄວາມເຊື່ອວ່າ ເຍື່ອງອາຫານນີ້ຈະນຳມາເຊິ່ງພະລັງງານຂອງໜຶ່ງວັນ.
ວາລະສານການທ່ອງທ່ຽວລັດເຊຍໄດ້ຕັ້ງສົມມຸດຖານວ່າ ຊາວຝລັ່ງໄດ້ມາຫວຽດນາມ ແລ້ວສອນວິທີການປຸງແຕ່ງນ້ຳແກງຊີ້ນງົວໃຫ້ຫວຽດນາມ, ໂດຍກ່ອນນັ້ນ ຊາວຫວຽດນາມ ບໍ່ກິນຊີ້ນງົວຫຼາຍ. ນັກປະຫວັດສາດບາງທ່ານຖືວ່າ ເຝີອາດຈະເລີ່ມມາຈາກຄຳໜຶ່ງຂອງພາສາຝລັ່ງ ນັ້ນແມ່ນ “feu”, ໝາຍຄວາມວ່າ “ໄຟ”.
ຕາມ Vokrug Sveta ແລ້ວ, ເຍື່ອງອາຫານເຝີ ເລີ່ມປະກົດມີຢູ່ພາກເໜືອ ໃນທ້າຍສະຕະວັດທີ 21, ໄດ້ປຸງແຕ່ງຄັ້ງທຳອິດຢູ່ນາມດິງ ແລະ ໄດ້ຂາຍໂດຍບັນດາຜູ້ຂາຍຕາມຖະໜົນ. ໃນສະຕະວັດທີ 20, ໜຶ່ງໃນບັນດາຜູ້ຂາຍຕາມຖະໜົນນີ້ ຍ້າຍໄປຍັງຮ່າໂນ້ຍ ແລະ ເຍື່ອງອາຫານເຝີຈິ່ງໄດ້ຮັບການເຜີຍແຜ່ໃນວົງກ້ວາງໂດຍໄວ.
ໃນໄລຍະຍາວ, ນ້ຳແກງເຝີໄດ້ປຸງແຕ່ງຈາກຊິ້ນງົວ ແຕ່ຮອດປີ 1939, ມີເຝີຊະນິດໃໝ່ໄດ້ປະກົດຂຶ້ນນັ້ນແມ່ນເຝີໄກ່. ໃນຂະນະ ນ້ຳແກງເຝີງົວອາດຈະເສຍເວລາຕົ້ມເຖິງ 8 ຊົ່ວໂມງເພື່ອຕົ້ມໝໍ້ນ້ຳແກງທີ່ມີຄຸນນະພາບ ແຕ່ເຝີໄກ່ພັດແຕ່ງກິນຢ່າງງາຍດາຍກ່ວາ ແລະ ເສຍເວລາພຽງແຕ່ 1 ຊົ່ວໂມງເພື່ອຕົ້ມນ້ຳແກງ. ເພາະສະນັ້ນ, ເຝີໄກ່ກວມເອົາຕະຫຼາດໂດຍໄວ ແລະ ກາຍເປັນຄູ່ແຂ່ງທີ່ແຂງແຮງຂອງເຝີງົວ.
ຕາມຄວາມຮູ້ສຶກຂອງແຂກທ່ອງທ່ຽວລັດເຊຍແລ້ວ, ຊາວຫວຽດນາມ ບໍ່ມັກແຕ່ງກິນຢູ່ບ້ານ ແລະ ມັນໄປກິນຢູ່ບັນດາຮ້ານເຂົ້າຢູ່ແຄມຖະໜົນ, ຍ້ອນລາຄາຖືກ ແລະ ໄດ້ຮັບການບໍລິການຢ່າງສຸດໃຈ. ເຂົາເຈົ້າກໍ່ເຊື່ອວ່າ ເຝີງົວແຊບທີ່ສຸດແມ່ນຢູ່ຮ່າໂນ້ຍ.
Vokrug Sveta ກໍ່ໄດ້ໃຫ້ຄຳແນະນຳໃຫ້ແກ່ແຂກທ່ອງທ່ຽວຕ່າງປະເທດທີ່ມາຢ້ຽມຢາມ ຫວຽດນາມ ແມ່ນຈົ່ງເລືອກເອົາຮ້ານອາຫານທີ່ຂາຍສະເພາະແຕ່ເຝີງົວ, ບໍ່ຂາຍບັນດາເຍື່ອງອາຫານຕ່າງໆນຳ: “ພຽງແຕ່ນັ່ງລົງໂຕະໜຶ່ງ ທີ່ໄດ້ວາງບົນຖະໜົນ, ຫຼັງຈາກນັ້ນ ໜຶ່ງນາທີ ເພື່ອນກໍ່ຈະໄດ້ຮັບປະທານຖ້ວຍເຝີທີ່ດູດດື່ມໃຈທີ່ພວມກະຈາຍກິ່ນຫອມໄປທົ່ວ. ສິ່ງພິເສດ, ເຍື່ອງອາຫານດັ່ງກ່າວມີລາຄາພຽງແຕ່ 30.000 ດົ່ງ”. ແຂກທ່ອງທ່ຽວລັດເຊຍກໍ່ຖືວ່າ ສຳລັບຊາວຫວຽດນາມ, ເຝີແມ່ນເຍື່ອງອາຫານມໍລະດົກວັດທະນະທຳທີ່ສັກກະລະບູຊາ.
ບຸນຄົງ
