| ຮ່າໂນ້ຍ ສືບຕໍ່ໜູນຊ່ວຍຂອງກິນໂດຍບໍ່ເສຍຄ່າໃຫ້ແກ່ຜູ້ປະສົບກັບຄວາມຫຍຸ້ງຍາກຈາກໂລກລະບາດໂຄວິດ - 19 | |
| KFHI ໜູນຊ່ວຍແມ່ຍິງ 110 ຄົນທີ່ປະສົບກັບຄວາມຫຍຸ້ງຍາກຢູ່ແຂວງ ກ໋ວາງນາມ |
 |
| ພາບປະກອບ: vufo.org.vn |
ພະແນກພົວພັນຕ່າງປະເທດ ໄດ້ສົມທົບກັບສະຫະພັນບັນດາອົງການຈັດຕັ້ງມິດຕະພາບ, ຄະນະຊາວໜຸ່ມແຂວງ ແລະ ຕຳຫຼວດແຂວງ ແຄ໊ງຮ່ວາ ມອບຂອງຂວັນ 150 ພູດໃຫ້ແກ່ພົນລະເມືອງ ລັດເຊຍ ຢູ່ບັນດາຕາແສງ: ວິງຮ່ວາ, ວິງຫ໋າຍ, ວິງເຟືອກ, ວິງເທາະ, ວິງງອກ, ວິງຮຽບ, ວິງງວຽນ, ເຟືອກລອງ, ເຟືອກດົງ, ເຕິນເລີບ, ເຟືອກຫ໋າຍ (ນະຄອນຍາຈາງ).
ບັນດາພູດຂອງຂວັນລວມມີ ເຂົ້າສານ, ໝີ່ສຳເລັດຮູບ, ນ້ຳມັນ, ໄຂ່… ໂດຍສູນຊ່ວຍເຫຼືອແຂວງ ແຄ໊ງຮ່ວາ ພ້ອມກັບອົງການຈັດຕັ້ງ ແລະ ຜູ້ໃຈບູນໃຈກຸສົນຈຳນວນໜຶ່ງໜູນຊ່ວຍ. ຄະນະໄດ້ໄປແຕ່ລະເຂດທີ່ມີຊາວລັດເຊຍດຳລົງຊີວິດເພື່ອມອບຂອງຂວັນ.
ທ່ານ Dugin Denis, ພົນລະເມືອງ ລັດເຊຍທີ່ດຳລົງຊີວິດຢູ່ຖະໜົນ ຝໍດຶກຈິງ (ຕາແສງ ວິງຫ໋າຍ) ໃຫ້ຮູ້ວ່າ: ຂ້າພະເຈົ້າຮູ້ສຶກຕຶ້ນຕັນໃຈ ເມື່ອພວກເພື່ອນໄດ້ມອບບັນດາຂອງຂວັນທີ່ມີຄວາມໝາຍໃຫ້ແກ່ພວກຂ້າພະເຈົ້າ, ຊ່ວຍໃຫ້ພວກຂ້າພະເຈົ້າຫຼຸດຜ່ອນຄວາມຫຍຸ້ງຍາກ ແລະ ຮູ້ສຶກໄດ້ຮັບຄວາມຮັກແພງ, ຄວາມເອົາໃຈໃສ່ຈາກພວກເພື່ອນ.
ຕາມທ່ານນາງ ງວຽດ ແລ້ວ, ໃນບໍລິເວນຕາແສງແຄ໊ງຮ່ວາ ມີພົນລະເມືອງຊາວລັດເຊຍ 780 ຄົນ ພວມດຳລົງຊີວິດ, ຮ່ຳຮຽນ ແລະ ເຮັດວຽກ, ໂດຍເຕົ້າໂຮມຢູ່ນະຄອນຍາຈາງ. ສຳລັບບັນດາພົນລະເມືອງຊາວລັດເຊຍ ທີ່ມີຄວາມຕ້ອງການກັບເມືອປະເທດ, ສະມາຄົມມິດຕະພາບ ຫວຽດນາມ - ລັດເຊຍ ແລະ ພະແນກພົວພັນຕ່າງປະເທດ ແຂວງ ແຄ໊ງຮ່ວາ ກໍ່ໄດ້ຕິດຕໍ່ພົວພັນບັນດາຖ້ຽວບິນໜູນຊ່ວຍເພື່ອພາເຂົາເຈົ້າກັບຄືນບ້ານເກີດເມືອງນອນ. ແຕ່ສ່ວນຫຼາຍພົນລະເມືອງຊາວລັດເຊຍ ລ້ວນແຕ່ຖື ຍາຈາງແມ່ນບ້ານເກີດເມືອງນອນແຫ່ງທີ 2 ຂອງຕົນ, ໄດ້ນຳຄອບຄົວຂອງຕົນມາເຮັດວຽກ ແລະ ດຳລົງຊີວິດຢູ່ທີ່ນີ້.
ບຸນຄົງ
