 |
| ນາງ Vera Mazhirina |
ໂຄງການຖ່າຍຮູບ “ສະໄໝໂຮ່ຈີມິນ” ໂດຍ ນາງ Vera Mazhirina ປະຕິບັດໄດ້ສຳເລັດຂັ້ນຕອນພາບຖ່າຍ, ກະກຽມວາງສະແດງພາບຖ່າຍ. ຄວາມຮັກຂອງການນຳຜູ້ຍິ່ງໃຫຍ່ຂອງ ຫວຽດນາມ, ກໍ່ຄືປະເທດຊາດ ແລະ ຊາວຫວຽດນາມ ໃນດິນແດງຫວຽດນາມ ນັບມື້ນັບແຮງກ້າໃນໃຈຂອງນັກຖ່າຍຮູບຊາວລັດເຊຍຄົນນີ້.
ປັດຈຸບັນນາງ Vera Mazhirina ແມ່ນຜູ້ຮັບຜິດຊອບດ້ານພາບຖ່າຍສະພາແຫ່ງຊາດ ລັດເຊຍ, ເລີ່ມທຳຄວາມຮູ້ຈັກເຖິງ ຫວຽດນາມ ນັບແຕ່ປີ 2016 ແລະ ໃນທັນທີໄດ້ດຶງດູດໃຈດ້ວຍຄວາມງາມຂອງປະເທດຊາດ ແລະ ຊາວ ຫວຽດນາມ. ນາງ Vera Mazhirina ໃຫ້ຮູ້ວ່າ: ຫວຽດນາມ ເຮັດໃຫ້ຂ້າພະເຈົ້າຮູ້ສຶກປະທັບໃຈ, ຂ້າພະເຈົ້າບໍ່ສາມາດນິງງຽບຕໍ່ຄວາມງາມຂອງປະເທດຊາດ, ຂອງບັນດາຜູ້ຄົນເຊິ່ງຂ້າພະເຈົ້າພົບປະ. ຂ້າພະເຈົ້າຢາກຈົດຈຳບັນດາຄວາມຊົງຈຳໃນຊີວິດການເປັນຢູ່ຂອງຕົນຢູ່ຫວຽດນາມ.
ເມື່ອກັບລັດເຊຍ ຈາກ ຫວຽດນາມ, ນາງ Vera Mazhirina ສືບຕໍ່ຄົ້ນຄ້ວາ ກ່ຽວກັບວັດທະນະທຳ ແລະ ມະນຸດ ຫວຽດນາມ. ລາວໄດ້ຖ່າຍຮູບຫຼາຍແຜ່ນກ່ຽວກັບຊີວິດຂອງຊາວຫວຽດນາມ ຢູ່ ນະຄອນຫຼວງ ມົດສະກູ.
ໃນໂອກາດສະເຫຼີມສະຫຼອງ 131 ປີແຫ່ງວັນຄ້າຍວັນເກີດຂອງປະທານໂຮ່ຈີມິນ (1890 - 2021), ແຕ່ເດືອນກຸມພາ 2021, Vera Mazhirina ເລີ່ມລົງມືປະຕິບັດໂຄງການກ່ຽວກັບປະທານໂຮ່ຈີມິນ, ຜ່ານການໜູນຊ່ວຍຈາກຫ້ອງການຮ່ວມມືຂອງສະພາຫະຫະພັນ ລັດເຊຍ (ສະພາສູງ) ກັບ ສະພາແຫ່ງຊາດ ຫວຽດນາມ ແລະ ສະຖານທູດ ຫວຽດນາມ ປະຈຳ ລັດເຊຍ.
ຕາມນາງ Vera Mazhirina ແລ້ວ, ໂຄງການພາບຖ່າຍ ສະໄໝໂຮ່ຈີມິນ ໄດ້ວາດພາບເຖິງປະທານໂຮ່ຈີມິນ ກໍ່ຄືໃນບັນດາໄລຍະປະຫວັດສາດ ຫວຽດນາມ, ເພື່ອແນໃສ່ສະແດງຄວາມຮູ້ບຸນຄຸນ ແລະ ເຊີດຊູ ຜູ້ນຳແສນເຄົາລົບຮັກຂອງຊາດ ຫວຽດນາມ, ຜູ້ຕັ້ງພື້ນຖານ ແລະ ເພີ່ມພູນຄູນສ້າງນຳໃຈ້ມິດຕະພາບ ຫວຽດນາມ - ລັດເຊຍ.
ໂຄງການ “ສະໄໝໂຮ່ຈີມິນ” ລວມມີສອງສ່ວນ, ສ່ວນທີໜຶ່ງສະແດງໃຫ້ເຫັນປະຫວັດສາດແຫ່ງການພັດທະນາຂອງ ຫວຽດນາມ ຜ່ານບັນດາພາບຖ່າຍ, ລວມມີພາບຖ່າຍກ່ຽວກັບຊີວິດ ແລະ ພາລະກິດປະຕິວັດຂອງປະທານ ໂຮ່ຈີມິນ, ປະຊາຄົມຊາວຫວຽດນາມ ອາໄສຢູ່ຕ່າງປະເທດ.
ສ່ວນທີ 2, ໂຄງການໄດ້ແນະນຳຜູ້ຕາງໜ້າສະຖານທູດ ແລະ ປະຊາຄົມຊາວຫວຽດນາມອາໄສຢູ່ ມົດສະກູ, ກໍ່ຄືບັນດາສະມາຊິກລັດຖະສະພາລັດເຊຍຂຶ້ນກັບກຸ່ມມິດຕະພາບ ກັບ ຫວຽດນາມ. ເຂົາເຈົ້າປະກົດຂຶ້ນກັບບັນດາພາບຖ່າຍ, ວັດຖຸກ່ຽວກັບລຸງໂຮ່ ແລະ ການພົວພັນມິດຕະພາບສອງປະເທດ.
 | ຄຸນຄ່າຂອງແນວຄິດໂຮ່ຈີມິນກ່ຽວກັບສັງຄົມນິຍົມ ແລະ ເສັ້ນທາງກ້າວຂຶ້ນສັງຄົມນິຍົມຢູ່ ຫວຽດນາມ ສັງຄົມນິຍົມແມ່ນເປົ້າໝາຍ, ແມ່ນເສັ້ນທາງເຊິ່ງປະທານໂຮ່ຈີມິນ, ພັກກອມມູນິດ ແລະ ປະຊາຊົນ ຫວຽດນາມ ໄດ້ເລືອກເອົາ ແລະ ພວມຢຶດໝັ້ນເດີນຕາມ, ມັນກໍ່ແມ່ນຈຸດຫຼັກແຫຼ່ງແກ່ນສານໃນມໍລະດົກແນວຄິດຂອງປະທານໂຮ່ຈີມິນ. ຫວນຄືນມໍລະດົກແນວຄິດຂອງປະທານໂຮ່ຈີມິນ ໃນໂອກາດສະເຫຼີມສະຫຼອງ 131 ປີແຫ່ງວັນຄ້າຍວັນເກີດຂອງເພິ່ນ (19 ພຶດສະພາ 1890 – 19 ພຶດສະພາ 2021), ຍິ່ງເຫັນໄດ້ ບັນດາຄຸນຄ່າຂອງມໍລະດົກແນວຄິດດັ່ງກ່າວໃນຍຸກສະໄໝປັດຈຸບັນຢ່າງຈະແຈ້ງ. |
 | ສະມາຄົມມິດຕະພາບ ການາດາ - ຫວຽດນາມ ຈັດຕັ້ງກອງປະຊຸມກ່ຽວກັບ ຊີວິດ ແລະ ພາລະກິດຂອງ ປະທານ ໂຮ່ຈີມິນ ຍສໝ - CVFS ໄດ້ນຳບັນດາໜັງສາລະຄະດີ ກ່ຽວກັບແບບແຜນດຳລົງຊີວິດແບບລຽບງ່າຍ, ຄວາມຮັກແພງອອກແຮງງານ ຂອງປະທານໂຮ່ຈີມິນ ໂດຍເປັນຜູ້ມີສະຫງວນຕະຫຼອດຊີວິດຂອງຕົນເພື່ອເປົ້າໝາຍ “ສູ້ຊົນໃຫ້ສິດຜົນປະໂຫຍດຂອງຊາດ ແລະ ຄວາມຜາສຸກຂອງປະຊາຊົນ”ມາຍັງກອງປະຊຸມສຳມະນາ. |
 | ມີຫຼາຍເຄື່ອນໄຫວທາງອອນລາຍ ໄດ້ຈັດຕັ້ງເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນມູນເຊື້ອສະມາຄົມມິດຕະພາບ ຫວຽດນາມ - ລັດເຊຍ ຍສໝ - ບັນດາອົງການຈັດຕັ້ງ ແລະ ສ່ວນບຸກຄົນຂຶ້ນກັບສະມາຄົມມິດຕະພາບ ຫວຽດນາມ - ລັດເຊຍ ໄດ້ພົບປະ, ພົວພັນ, ຈັດຕັ້ງພິທີການຟ້ອນລຳທຳນອງ, ແນະນຳພາບຖ່າຍ, ປຶ້ມ, ວັດນະຄະດີ…ຜ່ານເຄືອຂ່າຍອິນເຕິແນດ. ສູນກາງສະມາຄົມມິດຕະພາບ ຫວຽດນາມ - ລັດເຊຍກໍ່ມີບັນດາຮູບແບບແລກປ່ຽນ, ພົບປະທາງອອນລາຍ ກັບສະມາຄົມມິດຕະພາບ ລັດເຊຍ - ຫວຽດນາມ, ຕ້ອນຮັບບັນດາຄຳອວຍພອນຂອງເພື່ອນລັດເຊຍດ້ວຍຮູບການທາງອອນລາຍ. |
ບຸນຄົງ
