 |
| Coopfood ພາກເຫນືອ ຍັງຄົງຮັກສາການເຄື່ອນໄຫວທີ່ເປັນປົກກະຕິ (ພາບ: VGP) |
ປະຈຸບັນ, ພື້ນຖານເສດຖະກິດ ຫວຽດນາມ ມີຫລາຍສັນຍານຕັ້ງຫນ້າ, ສ່ອງແສງການຟື້ນຕົວຢ່າງແຮງ ພາຍຫລັງ 01 ປີທີ່ຖືກຜົນກະທົບຈາກໂລກລະບາດໂຄວິດ 19. ເຖິງແນວໃດກໍຕາມ, ຕົວເລກ 51.500 ວິສາຫະກິດຕ້ອງຖອນຕົວອອກຈາກຕະຫລາດ ຍັງສະແດງໃຫ້ເຫັນຄວາມຫຍຸ້ງຍາກທີ່ຍັງມີຢູ່, ເປັນຕົ້ນເມື່ອໂລກລະບາດໂຄວິດ - 19 ເກີດຂຶ້ນຮອບໃຫມ່ ພາຍຫລັງວັນພັກບຸນເມື່ອວັນທີ 30 ເມສາ - ວັນທີ 1 ພຶດສະພາ ຜ່ານມາ.
ໂລກລະບາດໂຄວິດ 19 ກໍ່ແມ່ນສິ່ງທົດສອບກຳລັງຄວາມສາມາດຂອງແຕ່ລະວິສາຫະກິດ. ໃນສະພາບການໃບສັ່ງຊື້ສິນຄ້າຫລາຍສະບັບຖືກຍົກເລີກ, ລາຍຮັບຫລຸດລົງຢ່າງແຮງ, ຄະນະການນຳ ບໍລິສັດ ຫຸ້ນສ່ວນ Dgroupກໍ່ໄດ້ມີການປ່ຽນແປງຍຸດທະສາດ. ບັນດາແຜນການໄລຍະຍາວໄດ້ຫັນເປັນໄລຍະສັ້ນ, ຊ້ຳບໍ່ໜຳຍັງກາຍເປັນແຜນການຮີບດ່ວນ. ສຳລັບລູກຄ້າ ປ່ຽນແທນການຈັດຕັ້ງການພົບປະ ການປະຊຸມໂດຍກົງ ດ້ວຍການຫັນມາເປັນຮູບການອອນລາຍ.
ບັນດາມາດຕະການຄຸ້ມຄອງວິສາຫະກິດກໍ່ໄດ້ຮັບການປະຕິບັດຕາມທິດຫລຸດຜ່ອນລາຍຈ່າຍ ແຕ່ຍັງຄົງຮັບປະກັນຄວາມຄືບຫນ້າຂອງວຽກງານ ແລະ ສິດຜົນປະໂຫຍດຂອງຄົນງານ. ຍ້ອນມີການດັດປັບຢ່າງທັນການ ແລະເໝາະສົມນັ້ນ, ທາງບໍລິສັດຍັງຄົງຮັກສາການເຄື່ອນໄຫວຢ່າງເປັນປົກກະຕິ ແລະ ມີປະສິດທິຜົນ. ທ່ານນາງ ເລຢູງ ຜູ້ອຳນວຍການໃຫຍ່ບໍລິສັດຫຸ້ນສ່ວນ Dgroupໃຫ້ຮູ້ວ່າ:
“ຖ້າຫາກພາກສ່ວນໃດບໍ່ມີຄວາມຈຳເປັນຮີບດ່ວນແມ່ນບໍ່ຕ້ອງໄປຫ້ອງການ ພວກຂ້າພະເຈົ້າອະນຸຍາດໃຫ້ເຂົາເຈົ້າເຮັດວຽກຢູ່ບ້ານ. ພວກຂ້າພະເຈົ້າຫນູນຊ່ວຍບັນດາເຄື່ອງມືທີ່ຈຳເປັນ ແລະ ລາຍຈ່າຍເພື່ອໃຫ້ເຂົາເຈົ້າເຮັດວຽກຢູ່ບ້ານໂດຍບໍ່ມີຜົນສະທ້ອນເຖິງຄວາມຄືບຫນ້າວຽກງານ.ສຳລັບພະນັກງານຜັດປ່ຽນກັນເຮັດວຽກຢູ່ບ້ານ ພວກຂ້າພະເຈົ້າມີກົນໄກ ແລະ ວິທີຄຸ້ມຄອງຜ່ານລະບົບເຕັກໂນໂລຊີຂໍ້ມູນຂ່າວສານ, ຮັບປະກັນການຕິດຕໍ່ພົວພັນຢ່າງສະດວກ ແລະ ມີການລາຍງານເປັນປະຈຳ”.
ຕົວຢ່າງອື່ນ ກ່ຽວກັບການຮັບມືຢ່າງມີໄຫວພິບຂອງວິສາຫະກິດໃນສະພາບເກີດໂລກລະບາດໂຄວິດ - 19 ນັ້ນແມ່ນ ລະບົບCoopfoodພາກເຫນືອ. ນອກຈາກບັນດາມາດຕະການຮັບປະກັນຄວາມປອດໄພໃຫ້ແກ່ລູກຄ້າ ແລະ ພະນັກງານແລ້ວ, ທາງບໍລິສັດຍັງເປັນເຈົ້າການໃນການສ້າງເຂດວັດຖຸດິບ, ສະສົມແຫລ່ງສິນຄ້າ. ເອື້ອຍ ເຈີນຖູຍເຮືອງ ພະນັກງານຫ້ອງການ MarketingລະບົບCoopfoodພາກເຫນືອ ແບ່ງປັນວ່າ:
“ພວກຂ້າພະເຈົ້າໄດ້ວາງແຜນຮັບມືເມື່ອເກີດໂລກລະບາດໄວ້ ມາແຕ່ດົນແລ້ວ. ພວກຂ້າພະເຈົ້າໄດ້ມີການເຮັດວຽກກັບບັນດາຄູ່ຮ່ວມມື ແລະ ແຫລ່ງສະຫນອງສິນຄ້າກ່ອນນັ້ນ. ສະນັ້ນ ພວກຂ້າພະເຈົ້າ ຍາມໃດກໍ່ຮັບປະກັນລາຄາສິນຄ້າປົກກະຕິ, ບໍ່ມີການປ່ຽນແປງໃດກ່ອນ ແລະ ຫລັງໂລກລະບາດ ເພື່ອໃຫ້ປະຊາຊົນຍາມໃດກໍ່ເຊື່ອໝັ້ນມາຊື້ສິນຄ້າຂອງພວກຂ້າພະເຈົ້າ.”
ນີ້ແມ່ນສອງວິສາຫະກິດ ໃນຈຳນວນວິສາຫະກິດຫວຽດນາມ ຫລາຍແຫ່ງທີ່ປະສົບຜົນສຳເລັດໃນການຮັບມືກັບສະພາບເກີດໂລກລະບາດໂຄວິດ 19, ຍ້ອນຄວາມມີໄຫວພິບ ແລະ ເປັນເຈົ້າການໃນການສ້າງວິທີການຮັບມືໂດຍໄວ. ຕາມທ່ານ ຫວູຕຽນລົກ, ປະທານ ຫ້ອງການການຄ້າ ແລະ ອຸດສາຫະກຳ ຫວຽດນາມ ແລ້ວ, ການພ້ອມກັນການຫນູນຊ່ວຍຂອງບັນດາກະຊວງ, ຂະແຫນງການ, ທ້ອງຖິ່ນ ໄດ້ຊ່ວຍໃຫ້ວິສາຫະກິດມີຄວາມໝັ້ນໃຈ ແລະ ຮັກສາການເຄື່ອນໄຫວດຳເນີນທຸລະກິດແລ້ວ, ເລື່ອງເສີມຂະຫຍາຍກຳລັງແຮງພາຍໃນແມ່ນບັນຫາຫລັກແຫລ່ງເພື່ອໃຫ້ວິສາຫະກິດຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນ. ທ່ານ ຫວູຕຽນລົກ ຢືນຢັນວ່າ:
“ເພື່ອຄົງຕົວໄດ້ໃນສະພາບເກີດໂລກລະບາດຄືປະຈຸບັນ ພ້ອມທັງວິສາຫະກິດກໍ່ຕ້ອງມີແຜນການສ້າງໂຄງປະກອບຄືນໃຫມ່ໃນໄລຍະຈະມາເຖິງກ່ຽວກັບການຄຸ້ມຄອງບໍລິຫານ,Marketing, ພິເສດແມ່ນບັນຫາຫັນເປັນເປັນດີຈີຕອນໃນບັນດາວິສາຫະກິດ. ໂດຍອີງໃສ່ພື້ນຖານດີຈີຕອນເພື່ອຊຸກຍູ້ການເຄື່ອນໄຫວຜະລິດດຳເນີນທຸລະກິດ.”
ອາດເຫັນໄດ້ວ່າປະຊາຄົມວິສາຫະກິດຫວຽດນາມພວມປັບຕົວໃຫ້ແທດເໝາະກັບສະພາບການໃຫມ່ທີ່ຫຍຸ້ງຍາກນັ້ນເປັນຢ່າງດີ. ນີ້ກໍ່ແມ່ນສິ່ງຊື່ງຫລາຍຄົນໄດ້ຕັ້ງຄວາມຫວັງຕໍ່ວົງການນັກທຸລະກິດໃນຍຸກໃຫມ່ຊື່ງແມ່ນບັນດາຜູ້ຄົນທີ່ໄດ້ສວມບົດບາດສຳຄັນໃນການພັດທະນາພື້ນຖານເສດຖະກິດຂອງປະເທດຊາດ.
 | ເຊີນລາ, ແທັງຮວາ, ກົງສູນໃຫຍ່ຫວຽດນາມ ປະຈຳຫຼວງພະບາງ ໜູນຊ່ວຍລາວໃນການປ້ອງກັນ, ສະກັດກັ້ນໂລກລະບາດໂຄວິດ - 19 ຍສໝ - ຕອນເຊົ້າວັນທີ 7 ພຶດສະພາ, ຢູ່ຫຼັກໝາຍຊາຍແດນເລກທີ 281 ໃນບໍລິເວນດ່ານຊາຍແດນ ແຕ໊ນຕັ່ນ, ປ້ອມປ້ອງກັນຊາຍແດນດ່ານຊາຍແດນ ແຕ໊ນຕັ່ນ (ແທງຮວາ) ໄດ້ມອບອຸປະກອນປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ກອງໃຫຍ່ທະຫານເລກທີ 214, ກອງບັນຊາການແຂວງຫົວພັນ ແລະ ປ້ອມລະຫວ່າງຂະແໜງດ່ານຊາຍແດນ ສົມຫວັງ, ແຂວງຫົວພັນ (ລາວ). |
 | ເພີ່ມທະວີການນຳໃຊ້ບັນດາພາຫະນະສື່ມວນຊົນໃນການເຄື່ອນໄຫວເລືອກຕັ້ງ ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຕີລາຄາສູງເລື່ອງ ມາຮອດປັດຈຸບັນ, ແຂວງຮ່າຢາງໄດ້ຜັນຂະຫຍາຍວຽກງານກະກຽມການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະ ສະມາຊິກສະພາປະຊາຊົນ ທຸກຂັ້ນອາຍຸການ 2021 – 2026 ຢ່າງຄົບຊຸດ, ເຂັ້ມງວດ, ຄົບຖ້ວນ, ທັນການ ແລະ ຖືກຕ້ອງຕາມຂໍ້ກຳນົດຂອງກົດໝາຍ. |
 | ນະຄອນ ໂຮ່ຈີມິນ ພ້ອມແລ້ວທີ່ຈະຊ່ວຍເຫຼືອບັນດາແຂວງພາກຕາເວັນຕົກ ປ້ອງກັນ, ສະກັດກັ້ນໂລກລະບາດໂຄວິດ - 19 ນັ້ນແມ່ນຄຳຊີ້ນຳຂອງທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເຈືອງຮວ່າບິ່ງ ເມື່ອການກວດກາວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃນບໍລິເວນນະຄອນ ໂຮ່ຈີມິນ ໃນຕອນເຊົ້າວັນທີ 28 ເມສາ. |
vovworld.vn
