 | ສະມາຄົມມິດຕະພາບ ຫວຽດນາມ, ໄທ: ເປີດກວ້າງການຮ່ວມມື, ເຊື່ອມຕໍ່ແບບຍືນຍົງ |
| ລັດເຊຍ ຍາມໃດກໍ່ຖື ຫວຽດນາມ ເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນເພື່ອນມິດທີ່ສັດຊື່ |
ການພົບປະມີການເຂົ້າຮ່ວມຂອງວິສາຫະກິດລັດເຊຍ 5 ແຫ່່ງ ເຮັດສະເພາະການສະໜອງບັນດາຜະລິດຕະພັນກະສິກຳ, ແມ່ນບັນດາຫົວໜ່ວຍທີ່ມີປະສົບການຫຼາຍປີໃນການເຄື່ອນໄຫວເສດຖະກິດການຕ່າງປະເທດ, ພ້ອມກັບຜູ້ຕາງໜ້າວິສາຫະກິດຫວຽດນາມ ທີ່ມາຈາກຫຼາຍທ້ອງຖິ່ນຄື: ຫາຍເຢືອງ, ຫວິງຟຸກ...
 |
| ການເຄື່ອນໄຫວພົບປະວິສາຫະກິດຫວຽດນາມ - ສະຫະພັນລັດເຊຍ. |
ກ່າວຄຳປາໄສທີ່ການພົບປະ, ທ່ານ ເຈີ່ນວັນຕ໋າມ, ຮອງເລຂາທິການໃຫຍ່ສະມາຄົມມິດຕະພາບຫວຽດນາມ - ສະຫະພັນລັດເຊຍ, ຮັບຜິດຊອບການຮ່ວມມືດ້ານເສດຖະກິດຫວຽດນາມ - ສະຫະພັນລັດເຊຍ ໃຫ້ຮູ້ວ່າ “ການເຄື່ອນໄຫວເພື່ອຊອກຫາສຽງລວມໃຫ້ການຮ່ວມມືດ້ານເສດຖະກິດ, ຊຸກຍູ້ບັນດາກາລະໂອກາດການນຳເຂົ້າ ແລະ ສົ່ງອອກຜະລິດຕະພັນກະເສດຄື ນ້ຳມັນດອກຕາເວັນ, ຫົວອາຫານສັດ,... ແລະ ເຄື່ອງຈັກ, ອຸປະກອນລະຫວ່າງຫວຽດນາມ ແລະ ສະຫະພັນລັດເຊຍ”.
ຫວຽດນາມ ແມ່ນປະເທດທີ່ມີທ່າແຮງຫຼາຍດ້ານໃນຂົງເຂດກະສິກຳ. ຍ້ອນເຫດນັ້ນ, ຫວຽດນາມ ກາຍເປັນທ້ອງຕະຫຼາດທີ່ມີຄວາມສາມາດບົ່ມຊ້ອນສຳລັບບັນດາວິສາຫະກິດລັດເຊຍ ຢູ່ແຂວງ Amur. ໂດຍຜ່ານການພົບປະແລກປ່ຽນໂດຍກົງ, ບັນດາວິສາຫະກິດແຂວງ Amur ສະແດງຄວາມຫວັງຢາກຈະສ້າງຕັ້ງການພົວພັນດ້ານການຄ້າ, ເປີດກວ້າງທ້ອງຕະຫຼາດຢູ່ ຫວຽດນາມ. ຝ່າຍຫວຽດນາມ ກໍ່ສະແດງຄວາມປາດຖະໜາຢາກຮ່ວມມື ແລະ ເຊີນບັນດາວິສາຫະກິດລັດເຊຍ ມາຢ້ຽມຢາມບັນດາສະຖານທີ່ທຳການຜະລິດຂອງຕົນໂດຍກົງ.
ຜູ້ຕາງໜ້າບໍລິສັດ Flagman ຈຳກັດ (ສະຫະພັນລັດເຊຍ), ທ່ານນາງ Victoria ໃຫ້ຮູ້ວ່າ “ການຮ່ວມມື ແລະ ສົ່ງອອກສິນຄ້າຈາກລັດເຊຍ ໄປຍັງຫວຽດນາມ ຍັງບໍ່ທັນເປັນປົກກະຕິ. ສະນັ້ນ, Flagman ປາດຖະໜາຢາກຊອກຫາຄູ່ຮ່ວມມືໄລຍະຍາວຢູ່ຫວຽດນາມ. ປະຈຸບັນ, ການຊຳລະສາກົນຂອງລັດເຊຍ ແມ່ນຫຍຸ້ງຍາກ, ແຕ່ບໍລິສັດມີສຳນັກງານຜູ້ຕາງໜ້າຢູ່ນະຄອນໂຮ່ຈິມິນ. ສະນັ້ນ, ການເຄື່ອນໄຫວລົງທຶນລະຫວ່າງ 2 ຝ່າຍຈະບໍ່ໄດ້ຮັບຜົນກະທົບ”.
 |
| ຜູ້ຕາງໜ້າບໍລິສັດ Flagman ຈຳກັດ (ສະຫະພັນລັດເຊຍ) ໄດ້ພົບປະແລກປ່ຽນໂດຍກົງກັບວິສາຫະກິດຫວຽດນາມ. ພາບ Bach Duong. |
ຜູ້ຕາງໜ້າບໍລິສັດ Soya28 ຈຳກັດ ແລະ ບໍລິສັດ “ດາວແດງ” ຈຳກັດ (ລັດເຊຍ) ໃຫ້ຮູ້ວ່າ ຈະຍົກອອກບັນດານະໂຍບາຍທີ່ສະດວກທີ່ສຸດ, ເພື່ອຊຸກຍູ້ການເຄື່ອໄຫວບໍລິໂພກບັນດາຜະລິດຕະພັນຈາກສາລີ ແລະ ໝາກຖົ່ວເຫຼືອງຢູ່ທ້ອງຕະຫຼາດ ຫວຽດນາມ. ຝ່າຍວິສາຫະກິດລັດເຊຍ ຢືນຢັນວ່າ ບັນດາຜະລິດຕະພັນລ້ວນແຕ່ບັນຈຸໂພຊະນາການສູງ, ໄດ້ຮັບການຄວບຄຸມຄຸນນະພາບຢ່າງເຂັ້ມງວດ.
ທ່ານ ເຈີ່ນວັນຕ໋າມ ກໍ່ເນັ້ນໜັກວ່າ “ບັນດາຜະລິດຕະພັນສົ່ງອອກຕ້ອງຮັບປະກັນມາດຕະຖານຄວາມປອດໄພຕໍ່ສຸຂະພາບຜູ້ບໍລິໂພກ ແລະ ເວົ້າບໍ່ກັບການດັດແປງພັນທຸກຳ”.
ການເຄື່ອນໄຫວພົບປະວິສາຫະກິດຫວຽດນາມ - ລັດເຊຍ ສ້າງເງື່ອນໄຂສະດວກໃຫ້ບັນດາວິສາຫະກິດຂອງສອງປະເທດໄດ້ພົບປະແບບໂດຍກົງ, ແລກປ່ຽນຂໍ້ມູນ, ຊອກຫາຄວາມຕ້ອງການຂອງທ້ອງຕະຫຼາດ, ພ້ອມທັງເພີ່ມທະວີຄວາມເຂົ້າໃຈດ້ານວັດທະນະທຳດຳເນີນທຸລະກິດ, ຈາກນັ້ນ ກໍ່ຮ່ວມມືໃນຂົງເຂດເສດຖະກິດຢ່າງມີປະສິດທິຜົນ.
 | ມາດຕະການແກ້ໄຂເພື່ອເຊື່ອມຕໍ່ ຫວຽດນາມ - ບຣາຊິນ: ຂໍ້ສະເໜີແນະຈາກບັນດາວິສາຫະກິດ ຍສໝ - ສ້າງຕັ້ງສາຍການບິນໂດຍກົງ, ຈັດຕັ້ງວັນບຸນ ຫວຽດນາມ ຢູ່ ບຣາຊິນ; ກໍ່ສ້າງບັນດາສູນເຊື່ອມຕໍ່ຂໍ້ມູນໃຫ້ແກ່ວິສາຫະກິດ... ແມ່ນຂໍ້ສະເໜີຂອງຫຼາຍວິສາຫະກິດ, ອົງການຈັດຕັ້ງ ເພື່ອຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການທ່ອງທ່ຽວລະຫວ່າງ ຫວຽດນາມ ແລະ ບຣາຊິນ ທີ່ກອງປະຊຸມເຈລະຈາສາກົນ “ມາດຕະການແກ້ໄຂເພື່ອຊຸກຍູ້ການພົວພັນ ຫວຽດນາມ - ບຣາຊິນ ໃນສະພາບການໃໝ່”. |
 | ຫວຽດນາມ ແມ່ນຂົວຕໍ່ສຳຄັນລະຫວ່າງ ອາຊຽນ ກັບບັນດາຄູ່ຮ່ວມມື ຍສໝ - ໂດຍແມ່ນພື້ນຖານເສດຖະກິດທີ່ມີການເຕີບໂຕແຖວໜ້າໃນອາຊຽນ, ຫວຽດນາມ ພວມນຳໜ້າບັນດາຄວາມມານະພະຍາຍາມຂອງ ອາຊຽນໃນການຮັດແຄບໄລຍະຫ່າງຂອງການພັດທະນາ ແລະ ເພີ່ມທະວີການເຊື່ອມໂຍງເຂົ້າກັບພາກພື້ນ. |
ມີງດຶກ
