| ອິນເດຍຍູ້ໄວບັນດາໂຄງການລົງທຶນ ແລະ ດຳເນີນທຸລະກິດ ກັບບັນດາປະເທດ CLMV | |
| ອຸດສາຫະກຳວັດສະດຸກໍ່ສ້າງ ອິນເດຍ ແລະ ຫວຽດນາມ ສາມາດຊ່ວຍເຫຼືອກັນ |
 |
| ການເຈລະຈາຂັ້ນສູງທາງອອນລາຍ ລະຫວ່າງ ຫວຽດນາມ - ອິນເດຍ (ພາບ: VGP) |
ຕອນບ່າຍວັນທີ 21 ທັນວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ທ່ານ ນາຍົກລັດຖະມົນຕີ ອິນເດຍ Narendra Modi ໄດ້ເປັນປະທານຮ່ວມການເຈລະຈາຂັ້ນສູງທາງອອນລາຍ ລະຫວ່າງ ຫວຽດນາມ - ອິນເດຍ.
ທີ່ການເຈລະຈາ, ນາຍົກລັດຖະມົນຕີສອງທ່ານ ໄດ້ເນັ້ນໜັກເຖິງການຮ່ວມມືໃນການປ້ອງກັນຊາດ ແລະ ຄວາມໝັ້ນຄົງ ແມ່ນເສົາຄ້ຳໜຶ່ງໃນການພົວພັນສອງຝ່າຍ, ເປັນຕົ້ນແມ່ນການຊຸກຍູ້, ເສີມຂະຫຍາຍບັນດາກົນໄກປຶກສາຫາລື, ໂອ້ລົມສົນທະນາ, ເປີດກ້ວາງການຮ່ວມມືດ້ານອຸດສາຫະກຳປ້ອງກັນປະເທດ, ຝຶກອົບຮົມ ແລະ ສົມທົບກັນໃນບັນດາການເຄື່ອນໄຫວຮັກສາສັນຕິພາບ ສປຊ, ຍູ້ແຮງການຮ່ວມມືໃນການຮັບມືກັບສິ່ງທ້າທາຍຄວາມໝັ້ນຄົງແບບເກົ່າ ແລະ ແບບໃໝ່. ສອງຝ່າຍໄດ້ເຫັນດີເປັນເອກະພາບ ມານະພະຍາຍາມນຳວົງເງິນການຄ້າສອງສົນບັນລຸໄດ້ 15 ຕື້ USD/ປີໂດຍໄວ, ເພີ່ມທະວີການສະໜັບສະໜູນເຊິ່ງກັນ ແລະ ກັນ ແລະ ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສໃນສາກົນ ແລະ ພາກພື້ນ, ເປັນຕົ້ນແມ່ນ ຢູ່ ສປຊ ເມື່ອສອງປະເທດພ້ອມກັນແມ່ນສະມາຊິກ ສະພາຄວາມໝັ້ນຄົງ ສປຊ ໃນປີ 2021, ກໍ່ຄືຢູ່ບັນດາກົນໄກໂດຍອາຊຽນນຳໜ້າ ແລະ ໃນຂອບເຂດການຮ່ວມມືແມ່ນ້ຳຂອງ - ແມ່ນ້ຳນິນ.
ນາຍົກລັດຖະມົນຕີ ສອງທ່ານກໍ່ຢັ້ງຢືນເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະ ຄວາມເສລີໃນການເດີນເຮືອ ແລະ ການບິນ, ແກ້ໄຂການຂັດແຍ້ງກັນໂດຍສັນຕິວິທີ ໂດຍອີງໃສ່ກົດໝາຍສາກົນ, ເປັນຕົ້ນແມ່ນສົນທິສັນຍາ ສປຊ ກ່ຽວກັບກົດໝາຍ ວ່າດ້ວຍທະເລ (UNCLOS) 1982, ເນັ້ນໜັກວ່າ UNCLOS ແມ່ນກອບນິຕິກຳດັດປັບທຸກໆການເຄື່ອນໄຫວຢູ່ທະເລ ແລະ ມະຫາສະມຸດ, ພ້ອມທັງຮຽກຮ້ອງໃຫ້ບັນດາຝ່າຍປະຕິບັດ ຖະແຫຼງການກ່ຽວກັບວິທີການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງຄົບຖ້ວນ ແລະ ມີປະສິດທິຜົນ ແລະ ສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກໃຫ້ສົມບຸນແບບ, ແທດຈິງ ແລະ ມີປະສິດທິຜົນ, ສອດຄ່ອງກັບກົດໝາຍສາກົນ, ພິເສດແມ່ນ UNCLOS ໂດຍໄວ.
ສິນສຸດການເຈລະຈາ, ນາຍົກລັດຖະມົນຕີສອງທ່ານໄດ້ຮັງຮອງເອົາ “ຖະແຫຼງການວິໄສທັດລວມ ຫວຽດນາມ - ອິນເດຍກ່ຽວກັບສັນຕິພາບ, ວັດທະນາຖາວອນ ແລະ ປະຊາຊົນ”. ເນື່ອງໃນໂອກາດນີ້, ບັນດາກະຊວງ, ຂະແໜງການສອງປະເທດໄດ້ລົງນາມ ເອກະສານ 7 ສະບັບ ແລະ ປະກາດ 3 ລາຍການຮ່ວມມືໃນຂົງເຂດປ້ອງກັນຊາດ, ນິວເຄຼຍນຳພົນລະເຮືອນ, ນ້ຳມັນອາຍແກັດ, ພະລັງງານສະອາດ, ສາທາລະນະສຸກ, ຮ່ວມມືພັດທະນາ, ອະນຸລັກຮັກສາ ມໍລະດົກ ແລະ ການພົບພັນແລກປ່ຽນວັດທະນະທຳ.
 | ອຸດສາຫະກຳວັດສະດຸກໍ່ສ້າງ ອິນເດຍ ແລະ ຫວຽດນາມ ສາມາດຊ່ວຍເຫຼືອກັນ ຍສໝ - ກອງປະຊຸມສຳມະນາແມ່ນກາລະໂອກາດເພື່ອເຊື່ອມຕໍ່ບັນດາວິສາຫະກິດ, ສະມາຄົມກໍ່ສ້າງ ແລະ ຜະລິດວັດສະດຸອິນເດຍ, ບັນດາຮາກຖານສຶກສາວິຊາຊີບ ກ່ຽວກັບການກໍ່ສ້າງຂອງ ອິນເດຍກັບບັນດາຄູ່ຮ່ວມມືຫວຽດນາມ ໃນໄລຍະໂລກລະບາດໂຄວິດ - 19 ຍັງຄົມກີດຂວາງການຮ່ວມມື, ແລກປ່ຽນການຄ້າ. |
 | ທ່ານເອກອັກຄະລັດຖະທູດ ອິນເດຍປະຈຳ ຫວຽດນາມ Pranay Verma: ຫວັງວ່າຈະສ້າງຕັ້ງຕື່ມອີກສາຂາສະມາຄົມ ມິດຕະພາບຢູ່ ຫວຽດນາມ ຍສໝ - ສະມາຄົມມິດຕະພາບ ແລະ ບັນດາອົງການສະມາຊິກໄດ້ສົມທົບກັບສະຖານທູດ ແລະ ສູນວັດທະນະທຳ ອິນເດຍ Swami Vivekanand ຂອງ ພວກຂ້າພະເຈົ້າເພື່ອເພີ່ມທະວີການຮ່ວມມືໃນບັນດາຂົງເຂດຄືວັດທະນະທຳ, ການສຶກສາ ແລະ ບັນດາການເຄື່ອນໄຫວທີ່ກ່ຽວຂ້ອງ, ຊຸກຍູ້ການພົວພັນປະຊາຊົນ. |
 | ຫວຽດນາມສະໜັບສະໜູນພາກພື້ນມະຫາສະມຸດອິນເດຍ - ປາຊີຟິກ ສັນຕິພາບ ແລະ ພັດທະນາ ຍສໝ - ທີ່ເວທີປາໄສ, ຫວຽດນາມ ແລະ ອາເມລິກາ ໄດ້ລົງນາມ ໃນຂໍ້ຕົກລົງການຮ່ວມມື/ບົດບັນທຶກຊ່ວຍຈຳ 7 ສະບັບ. ໃນນັ້ນມີໂຄງການສາງທ່າກ່ຳປັ່ນ LNG ເຊີນໝີ໋ ດ້ວຍມູນຄ່າ 2,8 ຕື້ USD ລະຫວ່າງ PVGas ແລະ ກຸ່ມບໍລິສັດ AES, ໂຄງການໜູນຊ່ວຍ ລາຍການພະລັງງານຫຼຸດຜ່ອນການປ່ອຍອາຍພິດ ຫວຽດນາມ II ທີ່ມີມູນຄ່າ ... |
ບຸນຄົງ
