ອິນເດຍຍູ້ໄວບັນດາໂຄງການລົງທຶນ ແລະ ດຳເນີນທຸລະກິດ ກັບບັນດາປະເທດ CLMV

15:00 | 08/12/2020

ຍສໝ - ຕາມທ່ານ V Muraleedharan ແລ້ວ, ການຊຸກຍູ້ການດຳເນີນທຸລະກິດ ແລະ ການລົງທຶນ ເຂດເອກະຊົນສວມບົດບາດສຳຄັນຕໍ່ການເຕີບໂຕໃນພາກພື້ນ CLMV.

	ກອງປະຊຸມລັດຖະມົນຕີເສດຖະກິດບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 12
	ກອງປະຊຸມ CLMV SEOM ຄັ້ງທີ 19

ອິນເດຍຍູ້ໄວບັນດາໂຄງການລົງທຶນ ແລະ ດຳເນີນທຸລະກິດ ກັບບັນດາປະເທດ CLMV

ທ່ານ V Muraleedharan ລັດຖະມົນຕີກະຊວງການຕ່າງປະເທດ ອິນເດຍ

ກ່າວຄຳເຫັນທີ່ກອງປະຊຸມດຳເນີນທຸລະກິດ ອິນເດຍ - CLMV (ກຳປູເຈຍ, ລາວ, ມຽນມາ ແລະ ຫວຽດນາມ) ຄັ້ງທີ 6 ດ້ວຍຫົວຂໍ້ວ່າ "ສ້າງຂົວເຊື່ອມຕໍ່ໃຫ້ແກ່ການພັດທະນາການສ້າງສັນ" ທີ່ໄດ້ດຳເນີນຫວ່າງແລ້ວນີ້, ທ່ານ V Muraleedharan ລັດຖະມົນຕີກະຊວງການຕ່າງປະເທດ ອິນເດຍໄດ້ຢັ້ງຢືນວ່າ ອິນເດຍ ໃຫ້ຄຳໝັ້ນສັນຍາຊຸກຍູ້ການດຳເນີນທຸລະກິດ ແລະ ການລົງທຶນເຂດເອກະຊົນລະຫວ່າງ ອິນເດຍ ແລະ ບັນດາປະເທດໃນພາກພື້ນ CLMV ພ້ອມທັງເນັ້ນໜັກເຖິງການປະຕິບັດໂຄງການດຳເນີນງານການເຊື່ອມໂຍງ ແລະ ເຊື່ອມຕໍ່ກັບ ອາຊຽນ.

ຕາມທ່ານ V Muraleedharan ແລ້ວ, ການຊຸກຍູ້ການດຳເນີນທຸລະກິດ ແລະ ການລົງທຶນ ເຂດເອກະຊົນສວມບົດບາດສຳຄັນຕໍ່ການເຕີບໂຕໃນພາກພື້ນ CLMV. ເພື່ອຜັນຂະຫຍາຍເປົ້າໝາຍນີ້, ປີ 2015 ອິນເດຍໄດ້ສ້າງຕັ້ງ ກອງທຶນ "ບັນດາໂຄງການມີຜົນກະທົບໂດຍໄວ" ທີ່ມີຊື່ວ່າ "ກອງທຶນ PDF - CLMV" ດ້ວຍຍອດມູນຄ່າແມ່ນ 5 ຕື້ Rupi ເພື່ອແນໃສ່ສົ່ງເສີມການລົງທຶນຈາກເຂດເອກະຊົນອິນເດຍ ເຂົ້າເຂດ CLMV ຜ່ານການສ້າງຕັ້ງບັນດາສູນຜະລິດ, ລະບົບສະໜອງ.

ປັດຈຸບັນ, ມີ2ໂຄງການຢູ່ ມຽນມາ ແລະ 1 ໂຄງການຢູ່ ຫວຽດນາມ ແລະ 1 ໂຄງການຢູ່ກຳປູເຈຍ ໄດ້ກຳນົດວ່າເພື່ອສົມທົບກັບເຂດເອກະຊົນຂອງອິນເດຍ.

ທ່ານ V Muraleedharan ຖືວ່າອິນເດຍພວມຕັ້ງໜ້າປະຕິບັດໂຄງການເຊື່ອມໂຍງ ແລະ ເຊື່ອມຕໍ່ອາຊຽນດ້ວຍຂໍ້ສະເໜີບັນດາປະເທດອາຊຽນຍູ້ໄວການຜັນຂະຫຍາຍບວງເງິນສິນເຊື່ອ 1 ຕື້ USD ຂອງອິນເດຍ ເພື່ອເພີ່ມທະວີການເຊື່ອມຕໍ່ດ້ານວັດຖຸ ແລະ ດີຈີຕອນ ໂດຍໄດ້ທ່ານນາຍົກລັດຖະມົນຕີ ອິນເດຍ ຍົກອອກມາຢູ່ກອງປະຊຸມສຸດຍອດ ອາຊຽນ - ອິນເດຍປີ 2015.

ກອງປະຊຸມລັດຖະມົນຕີເສດຖະກິດບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 12

ຍສໝ - ວັນທີ 24 ສິງຫາ, ກອງປະຊຸມລັດຖະມົນຕີເສດຖະກິດ ບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 12 (CLMV EMM 12) ໄດ້ຈັດຂຶ້ນຕາມຮູບການທາງອອນລາຍ.

ກອງປະຊຸມ CLMV SEOM ຄັ້ງທີ 19

ຍສໝ - ບັນດາປະເທດໄດ້ເຫັນດີເປັນເອກະພາບສືບຕໍ່ສ້າງຄວາມສະດວກໃຫ້ແກ່ການເຄື່ອນໄຫວການຄ້າ, ການລົງທຶນ, ການບໍລິການ, ພິເສດແມ່ນການເຄື່ອນໄຫວການຄ້າຜ່ານແດນລະຫວ່າງບັນດາປະເທດ CLMV, ຈຳກັດ ແລະ ຍົກເລີກບັນດາຮົ້ວກີດຂວາງດ້ານການຄ້າທີ່ບໍ່ຈຳເປັນເພື່ອໜູນຊ່ວຍບັນດາວິສາຫະກິດ, ພິເສດແມ່ນ ຈຸນລະວິສາຫະກິດ, ວິສາຫະກິດຂະໜາດກາງ ແລະ ນ້ອຍ, ຮັບປະກັນການເຄື່ອນໄຫວຂອງ ບັນດາລະບົບສະໜອງ.

ສ້າງເຂດເສດຖະກິດ CLMV ພັດທະນາ ແລະ ແກ້ງແຍ້ງ ຮອດປີ 2030

ຕອນເຊົ້າວັນທີ 12 ມັງກອນ, ຢູ່ ຮ່າໂນ້ຍ, ກອງປະຊຸມ ເຈົ້າໜ້າທີ່ເສດຖະກິດຂັ້ນສູງ ກຳປູເຈຍ - ລາວ - ມຽນມາ - ຫວຽດນາມ (CLMV SEOM ) ຄັ້ງທີ 18 ຖືກຈັດຂຶ້ນ ພາຍໃຕ້ການເປັນປະທານຂອງກະຊວງອຸດສາຫະກຳ ແລະ ການຄ້າ ຫວຽດນາມ.

ບຸນຄົງ