| ອາເມລິກາ ໜູນຊ່ວຍບັນດາແຂວງພາກກາງ ຫວຽດນາມ ຖືກຜົນສະທ້ອນຈາກໄພນ້ຳຖ້ວມ | |
| ນຳການຮ່ວມມືລະຫວ່າງ ອາເມລິກາ ແລະ ຫວຽດນາມ ເຂົ້າສູ່ລວງເລິກ |
 |
| ພາບປະກອບ: VGP |
ທີ່ເວທີປາໄສວິສາຫະກິດ ມະຫາສະມຸດອິນເດຍ - ປາຊີຟິກຄັ້ງທີ 8 ເຊິ່ງໄດ້ດຳເນີນໃນຕອນເຊົ້າວັນທີ 28 ຕຸລາ, ບັນດາຜູ້ແທນ ຫວຽດນາມ - ອາເມລິກາ ໄດ້ໃຫ້ຂໍ້ສັງເກດວ່າ "ມີຂໍ້ຕົກລົງຫຼາຍສະບັບຈະໄດ້ລົງນາມຢູ່ເວທີປາໄສວິສາຫະກິດ ມະຫາສະມຸດອິນເດຍ - ປາຊີຟິກ 2020" ເວທີປາໄສ ໂດຍຫ້ອງການການຄ້າ ແລະ ອຸດສາຫະກຳ ຫວຽດນາມ ສົມທົບກັບກະຊວງການຕ່າງປະເທດ, ກະຊວງອຸດສາຫະກຳ ແລະ ການຄ້າ, ອົງການລັດຖະບານ ແລະ ສະຫະສະມາຄົມ ວິສາຫະກິດ ອາເມລິກາ ຈັດຕັ້ງ. ທີ່ເວທີປາໄສ, ການນຳບັນດາລັດຖະບານ ແລະ ວິສາຫະກິດ ຂອງ ອາເມລິກາ, ຫວຽດນາມ ແລະ ບັນດາປະເທດ ໃນພາກພື້ນໄດ້ປຶກສາຫາລືບັນດາບັນຫາຈາກ: ພະລັງງານ, ພື້ນຖານໂຄງລ່າງ, ເສດຖະກິດດີຈີຕອນ ຕະຫຼອດຮອດການຟື້ນຟູເສດຖະກິດພາຍຫຼັງໂລກລະບາດ ໂຄວິດ - 19 ພ້ອມກັບບັນດາກາລະໂອກາດໃນການຮ່ວມມືທາງການຄ້າລະຫວ່າງ ອາເມລິກາ ແລະ ພາກພື້ນ.
ກ່າວຄຳເຫັນທີ່ເວທີປາໄສ, ທ່ານ ຫວູຕ໊ຽນລົກ, ປະທານຫ້ອງການການຄ້າ ແລະ ອຸດສາຫະກຳ ຫວຽດນາມໃຫ້ຮູ້ວ່າ: ມີ 3 ເສົາຄ້ຳຫຼັກໃນຍຸດທະສາດພັດທະນາຂອງພາກພື້ນ ມະຫາສະມຸດອິນເດຍ - ປາຊີຟິກ, ລວມມີ: ເສດຖະກິດ, ຄວາມໝັ້ນຄົງ ແລະ ການຄຸ້ມຄອງ. ໃນນັ້ນ ປະຊາຄົມວິສາຫະກິດໃນພາກພື້ນ ພວມສວມບົດບາດສຳຄັນທີ່ສຸດໃນເສົາຄ້ຳທາງດ້ານເສດຖະກິດ.
ທີ່ເວທີປາໄສ, ຫວຽດນາມ ແລະ ອາເມລິກາ ໄດ້ລົງນາມ ໃນຂໍ້ຕົກລົງການຮ່ວມມື/ບົດບັນທຶກຊ່ວຍຈຳ 7 ສະ ບັບ. ໃນນັ້ນມີໂຄງການສາງທ່າກ່ຳປັ່ນ ທາດແຫຼວ ເຊີນໝີ໋ ດ້ວຍມູນຄ່າ 2,8 ຕື້ USD ລະຫວ່າງ PVGas ແລະ ກຸ່ມບໍລິສັດ AES, ໂຄງການໜູນຊ່ວຍ ລາຍການພະລັງງານຫຼຸດຜ່ອນການປ່ອຍອາຍພິດ ຫວຽດນາມ II ທີ່ມີມູນຄ່າ 36 ລ້ານ USD ຂອງອົງການພັດທະນາສາກົນ ອາເມລິກາ.
ສ່ວນທ່ານ ລັດຖະມົນຕີກະຊວງການຕ່າງປະເທດ ອາເມລິກາ Mike Pompeo ໄດ້ຕີລາຄາສູງ ຫວຽດນາມ ໃນບົດບາດເປັນປະທານ ອາຊຽນ 2020 ແລະ ຖືວ່າ ຫວຽດນາມ ພວມມານະພະຍາຍາມພ້ອມກັບບັນດາປະເທດ ສະມາຊິກເພື່ອ ນຳອາຊຽນຜ່ານຜ່າໂລກລະບາດ Covid – 19 ໄປເທື່ອລະກ້າວ. ທ່ານ Mike Pompeo ກໍ່ເນັ້ນ ໜັກເຖິງຄວາມສຳຄັນຂອງພາກພື້ນ ມະຫາສະມຸດອິນເດຍ - ປາຊີຟິກ ທີ່ມີຕໍ່ຜົນປະໂຫຍດດ້ານເສດຖະກິດຂອງອາເມລິກາ, ພ້ອມທັງຢັ້ງຢືນບັນດາຄຳໝັ້ນສັນຍາຂອງ ອາເມລິກາມທີ່ມີຕໍ່ພາກພື້ນໃນໄລຍະຈະມາເຖິງວ່າຈະບໍ່ມີການປ່ຽນແປງ.
 | ນຳການຮ່ວມມືລະຫວ່າງ ອາເມລິກາ ແລະ ຫວຽດນາມ ເຂົ້າສູ່ລວງເລິກ ຍສໝ - ທ່ານເອກອັກຄະລັດຖະທູດ Daniel Kritenbrink ຢືນຢັນວ່າໃນຖານະ ຕຳແໜ່ງຂອງຕົນ, ທ່ານຈະຊຸກຍູ້ການພົວພັນຮ່ວມມືລະຫວ່າງບັນດາອົງການຂອງສະຫະລັດອາເມລິກາແລະກະຊວງ ຕຳ ຫຼວດຫວຽດນາມ. |
 | ກອງປະຊຸມດ້ານການເມືອງ - ຄວາມໝັ້ນຄົງ - ການປ້ອງກັນຫວຽດນາມ - ອາເມລິກາ ຄັ້ງທີ 11 ຍສໝ - ກອງປະຊຸມຄັ້ງນີ້ໄດ້ເພີ່ມທະວີສາຍພົວພັນສອງຝ່າຍທີ່ນັບມື້ປັບປຸງລະຫວ່າງ ອາເມລິກາ ແລະ ຫວຽດນາມ, ແລະສະແດງໃຫ້ເຫັນເຖິງຄວາມໝັ້ນໝາຍຮ່ວມກັນຂອງສອງປະເທດໃນພາກພື້ນມະຫາສະມຸດອິນເດຍ - ປາຊີຟິກທີ່ເສລີແລະເປີດກ້ວາງ. |
 | ຍົກສູງວົງເງິນການຄ້ານຳເຂົ້າສົ່ງອອກຜະລິດຕະພັນກະເສດຫວຽດນາມ - ອາເມລິກາ ຍສໝ - ອາເມລິກາແມ່ນໜຶ່ງໃນບັນດາຄູ່ຮ່ວມມືການຄ້າແຖວໜ້າຂອງຫວຽດນາມ, ພິເສດແມ່ນການຄ້າຜະລິດຕະພັນກະເສດ ມີການເຕີບໂຕຢ່າງບໍ່ຢຸດຢັ້ງໃນຊຸມປີທີ່ຜ່ານມາ, ບັນລຸໄດ້ເກືອບ 30%. 7 ເດືອນທີ່ຜ່ານມາ, ວົງເງິນການຄ້າສອງຝ່າຍບັນລຸກ່ວາ 47 ຕື້ USD. |
ບຸນຄົງ
