ທ່ານນາຍົກລັດຖະມົນຕີ ສປປ.ລາວ ໄດ້ຕີລາຄາສູງຕໍ່ບັນດາຜົນສຳເລັດຂອງອາຊຽນ ແລະ ຫວຽດນາມ

	ສາກົນໄດ້ຕີລາຄາສູງ ບົດບາດເປັນປະທານອາຊຽນ 2020 ຂອງຫວຽດນາມ
	ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານພິທີເປີດກອງປະຊຸມສຸດຍອດອາຊຽນຄັ້ງທີ 37

ທ່ານທອງລຸນສີສຸລິດ - ນາຍົກລັດຖະມົນຕີປະເທດລາວ ໄດ້ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 37 ແລະ ກອງປະຊຸມສຸດຍອດອາຊຽນ - ຈີນ ຄັ້ງທີ 23 ຈັດໂດຍແບບທາງໄກ.

ກ່າວຄຳເຫັນທີ່ການປະຊຸມຜ່ານຮູບແບບທາງໄກ, ທ່ານນາຍົກລັດຖະມົນຕີປະເທດລາວ ທອງລຸນສີສຸລິດ ໄດ້ຕີລາຄາສູງບັນດາໝາກຜົນຂອງອາຊຽນ ແລະ ຫວຽດນາມ ເຊິ່ງໃນຖານະຕຳແໜ່ງເປັນປະທານອາຊຽນ ໃນປີ 2020.

ທ່ານທອງລຸນສີສຸລິດ - ນາຍົກລັດຖະມົນຕີປະເທດລາວ. (ພາບ: AFP)

ທ່ານນາຍົກລັດຖະມົນຕີ ສປປ.ລາວ ໄດ້ຮຽກຮ້ອງໃຫ້ບັນດາຜູ້ນຳອາຊຽນ ຕ້ອງການພະຍາຍາມ ເພື່ອຟື້ນຟູບັນດາພາກສ່ວນເສດຖະກິດທີ່ໄດ້ຮັບຜົນກະທົບຈາກພະຍາດ COVID-19 ແລະ ສືບຕໍ່ໃຫ້ການຮ່ວມມືໃນການຄົ້ນຄວ້າ ແລະ ພັດທະນາວັກຊີນປ້ອງກັນ ແລະ ຕ້ານພະຍາດ.

ທີ່ກອງປະຊຸມສຸດຍອດອາຊຽນຄັ້ງທີ 37, ໂດຍການເປັນປະທານຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ບັນດາການນຳອາຊຽນ ໄດ້ຕີລາຄາສູງຄວາມມານະພະຍາຍາມຂອງອາຊຽນ ໃນການຕໍ່ສູ້ຕ້ານ ແລະ ຄວບຄຸມແຜ່ລະບາດຂອງພະຍາດ COVID-19 ແລະ ຟື້ນຟູເສດຖະກິດພາກພື້ນ, ລວມທັງການສ້າງຕັ້ງກອງທຶນຕອບໂຕ້ COVID-19 ຂອງອາຊຽນ ແລະ ສາງສຳຮອງຮັກສາອຸປະກອນການແພດຢ່າງສຸກເສີນຂອງອາຊຽນ.

ໃນກອງປະຊຸມຄັ້ງນີ້, ບັນດາຜູ້ນຳອາຊຽນ ໄດ້ຕີລາຄາສູງຕໍ່ບົດບາດຂອງແມ່ຍິງ ທີ່ໄດ້ປະກອບສ່ວນອັນສຳຄັນ ເຂົ້າໃນຂະບວນການພັດທະນາ, ກໍຄືການຟື້ນຟູເສດຖະກິດສັງຄົມຢູ່ພາກພື້ນອາຊຽນ ແລະ ໃນໂລກໃນການລະບາດຂອງພະຍາດ COVID-19, ໂດຍສະເພາະ ແມ່ນການຮັບມືກັບພະຍາດ COVID-19, ຊຶ່ງແມ່ຍິງ ໄດ້ມີສ່ວນຮ່ວມເຂົ້າໃນຂະບວນການລວມຂອງອາຊຽນ, ໃນການປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາແບບຍືນຍົງຢູ່ໃນພາກພື້ນ ແລະ ໃນໂລກ.

ທ່ານທອງລຸນສີສຸລິດ ກ່າວຄຳເຫັນທີ່ການປະຊຸມກອງປະຊຸມສຸດຍອດອາຊຽນຄັ້ງທີ 37. (ພາບ: KPL)

ທີ່ກອງປະຊຸມ, ບັນດາການນຳ ໄດ້ປຶກສາຫາລື ກ່ຽວກັບການເພີ່ມທະວີຄວາມມານະພະຍາຍາມ ເພື່ອເຮັດໃຫ້ອາຊຽນກາຍເປັນປະຊາຄົມທີ່ເຂັ້ມແຂງ ແລະ ຍືນຍົງ, ບົນຈິດໃຈ “ອາຊຽນສະໜິດຕິດພັນ ແລະ ປັນເຈົ້າການຮັບມື”, ແລະ ເຫັນດີສືບຕໍ່ເພີ່ມທະວີການຮ່ວມມືກັບບັນດາຄູ່ຄູ່ຮ່ວມມືເພື່ອການພັດທະນານໍາກັນ.

ໃນໂອກາດດຽວກັນ, ທ່ານນາຍົກລັດຖະມົນຕີ ສປປ ລາວ ທອງລຸນສີສຸລິດ ກໍໄດ້ປະກອບຄຳເຫັນ ໂດຍຕີລາສູງຕໍ່ກັບການມີສ່ວນຮ່ວມຂອງແມ່ຍິໃນທຸກຂົງເຂດ ແລະ ກິດຈະກຳຕ່າງໆຂອງອາຊຽນ, ກໍຄື ການພັດທະນາເສດຖະກິດສັງຄົມຂອງປະເທດ. ໃນໄລຍະຕໍ່ໜ້າ ເຫັນຄວນສືບຕໍ່ເພິ່ມທະວີບັນດາກົນໄກ, ແຜນການຕ່າງໆ ທີ່ໄດ້ມີການເຊື່ອມສານບົດບາດຍິງ-ຊາຍ ໃຫ້ປະກົດເປັນຮູບປະທຳຢ່າງແທ້ຈິງ.

ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ: ຫວຽດນາມ ເຄົາລົບຄວາມສາມັກຄີ ແລະການໜູນຊ່ວຍອັນລໍ້າຄ່າຈາກບັນດາປະເທດສະມາຊິກອາຊຽນ ຍສໝ - ໃນຕອນເຊົ້າວັນທີ 12 ພະຈິກ, ກອງປະຊຸມສຸດຍອດອາຊຽນຄັ້ງທີ 37 ໄດ້ໄຂຂຶ້ນຢ່າງເປັນທາງການຢູ່ຮ່າໂນ້ຍ ຜ່ານລະບົບທາງໄກດ້ວຍການເຂົ້າຮ່ວມຂອງການນຳບັນດາປະເທດສະມາຊິກອາຊຽນ.

ໜັງສືພິມປະເທດລາວ ໄດ້ລົງບົດຂຽນກ່ຽວກັບຄວາມກ້າວໜ້າ ໃນການເຊື່ອມເຂົ້າກັນຊຸມຊົນອາຊຽນ ຍສໝ - ເວບໄຊໜັງສືພິມອອນໄລ "vientianetimes.org.la" ຂອງປະເທດລາວ ໃນວັນທີ 10 ພະຈິກ ໄດ້ລົງບົດຂຽນທີ່ຢັ້ງຢືນໃຫ້ຫູ້ວ່າ ບັນດາລັດຖະມົນຕີຕ່າງປະເທດອາຊຽນ ໄດ້ຕີລາຄາສູງຕໍ່ຄວາມກ້າວໜ້າ ໃນການເຊື່ອມເຂົ້າກັບຊຸມຊົນອາຊຽນ.

ຜົນສຳເລັດທີ່ພົ້ນເດັ່ນຂອງ ຫວຽດນາມ ຕໍ່ໜ້າກອງປະຊຸມສຸດຍອດ ອາຊຽນ ຄັ້ງທີ 37 ກອງປະຊຸມສຸດຍອດ ອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຄາດວ່າຈະຈັດຂຶ້ນຜ່ານທາງອອນລາຍ ໃນລະຫວ່າງວັນທີ 12 – 15 ພະຈິກ, ດ້ວຍຫົວຂໍ້ “ອາຊຽນ ສະໜິດຕະພັນ ແລະ ເປັນເຈົ້າການຮັບມື”.