| ອິນໂດເນເຊຍ ຈະດຳເນີນການເຈລະຈາຮອບຕໍ່ໄປ ກ່ຽວກັບກົດແຫ່ງການປະພຶດຢູ່ທະເລຕາເວັນອອກ | |
| ຫວຽດນາມ ແລະ ຄວາມມານະພະຍາຍາມປະກອບສ່ວນໃຫ້ແກ່ສັນຕິພາບ, ສະຖຽນລະພາບຢູ່ທະເລຕາເວັນອອ |
ທ່ານ Usman Kansong, ຫົວໜ້າກົມການຖະແຫຼງຂ່າວ ແລະ ສື່ສານມວນຊົນ, ກະຊວງຖະແຫຼງຂ່າວ ແລະ ສື່ສານ ອິນໂດເນເຊຍ ໃຫ້ຮູ້ວ່າ: ກອງປະຊຸມຈະປຶກສາຫາລືບັນດາບັນຫາທີ່ສຳຄັນເຊິ່ງພວມພົ້ນເດັ່ນໃນພາກພື້ນ, ກໍ່ຄືບັນດາບັນຫາການຮ່ວມມືກັບບັນດາຄູ່ຮ່ວມມືພາຍນອກ. ຕາມນັ້ນແລ້ວ, ກອງປະຊຸມ ຈະປຶກສາຫາລືກ່ຽວກັບກົດແຫ່ງການປະພຶດຢູ່ທະເລທະເລຕາເວັນອອກ(COC), ສົນທິສັນຍາອາຊີຕາເວັນອອກສ່ຽງໃຕ້ວ່າດ້ວຍການປອດອາວຸດນິວເຄຼຍ (SEANFWZ), ວິໄສທັດທະເລອາຊຽນ, ວິໄສທັດອາຊຽນກ່ຽວກັບມະຫາສະໝຸດອິນເດຍ - ປາຊີຟິກ (AOIP) ແລະ ບັນຫາທີ່ກ່ຽວຂ້ອງກັບມຽນມາ.
 |
ຕາມຂ່າວແຈ້ງວ່າ ກອງປະຊຸມສຸດຍອດອາຊຽນ ຄັ້ງທີ 43 ແລະ ກອງປະຊຸມທີ່ກ່ຽວຂ້ອງ ຈະຈັດຂຶ້ນຢູ່ສູນປະຊຸມຈາກາຕາ (JCC) ໂດຍມີການເຂົ້າຮ່ວມຂອງຜູ້ນຳ 26 ປະເທດ. ນອກຈາກບັນດາປະເທດສະມາຊິກອາຊຽນແລ້ວ, ເຂົ້າຮ່ວມໃນກອງປະຊຸມ ກໍ່ມີການນຳບັນດາຄູ່ເຈລະຈາ ຄື: ອົດສະຕາລີ, ອິນເດຍ, ຈີນ, ຍີ່ປຸ່ນ, ສ.ເກົາຫຼີ, ລັດເຊຍ, ອາເມລິກາ, ການາດາ ແລະ ຜູ້ຕາງໜ້າອົງການສະຫະປະຊາຊາດ.
ນອກນີ້, ກອງປະຊຸມປິ່ນອ້ອມຈຳນວນໜຶ່ງກໍ່ຈະຈັດຂຶ້ນໃນສັບປະດາກອງປະຊຸມສຸດຍອດອາຊຽນ ຄັ້ງທີ 43 , ໃນນັ້ນມີກອງປະຊຸມສຸດຍອດວິສາຫະກິດອາຊຽນ ຈັດຕັ້ງໂດຍການເປັນເຈົ້າພາບຂອງ ຫ້ອງການການຄ້າ ແລະ ອຸດສາຫະກຳ ອິນໂດເນເຊຍ (KADIN), ແລະ ເວທີປາໄສການລົງທຶນອາຊຽນ ໂດຍຄະນະກຳມະການປະສານງານການລົງທຶນ ອິນໂດເນເຊຍ (BKPM).
ຄຳຮຸ່ງ
