| ຫວຽດນາມ ໄດ້ ແລະ ພວມມານະພະຍາຍາມຈົນສຸດຄວາມສາມາດຂອງຕົນເພື່ອຈັດຕັ້ງກອງປະຊຸມສຸດຍອດອາຊຽນຄັ້ງທີ 37 ຢ່າງສຳເລັດຜົນ | |
| ຫວຽດນາມ ແມ່ນປະເທດສະມາຊິກທີ່ມີຄວາມຮັບຜິດຊອບ |
ປະຊາຄົມອາຊຽນ ໄດ້ຮັບການສ້າງຕັ້ງຂຶ້ນ ເມື່ອວັນທີ 31 ທັນວາ 2015, ຄ່ອຍໆໄດ້ກາຍເປັນແບບຢ່າງ ກ່ຽວກັບປະຊາຄົມ ມີຄວາມສະໜິດຕິດພັນ ທາງດ້ານການເມືອງ, ຮ່ວມສຳພັນດ້ານເສດຖະກິດ ແລະ ແບ່ງປັນຄວາມຮັບ ຜິດຊອບທາງສັງຄົມ. ເພື່ອມຸ່ງໄປເຖິງຈຸດໝາຍ ສ້າງວິໄສທັດ ອາຊຽນ 2025 ໃຫ້ປະກົດຜົນເປັນຈິງນັ້ນ, ປະຊາຄົມ ອາຊຽນ ສືບຕໍ່ມີຄວາມສະໜິດຕິດພັນ, ຢັ້ງຢືນບົດບາດ ໃຈກາງໃນບັນດາວິວັດ ການເຄື່ອນໄຫວເພື່ອ ພາກພື້ນສັນຕິພາບ, ສະຫງົບ, ໝັ້ນຄົງ ແລະ ພັດທະນາ ຢູ່ອາຊີຕາເວັນອອກສ່ຽງໃຕ້, ມີສຽງເວົ້າສຳຄັນ ໃນໂຄງປະກອບພາກພື້ນ ພວມສ້າງເປັນຮູບປະທຳ ແລະ ໃນຫລາຍບັນຫາສາກົນສຳຄັນ. ໃນຍຸດທະສາດຂອງ ບັນດາປະເທດໃຫຍ່, ອາຊຽນ ແມ່ນຄູ່ຮ່ວມມືສຳຄັນ ເພື່ອເປັນຄູ່ເຈລະຈາ ແລະ ຮ່ວມມືໃນພາກພື້ນ. ໃນຄວາມໝັ້ນຄົງໜັກແໜ້ນ ຂອງອາຊຽນ ຄື ໃນທຸກວັນນີ້ ມີບັນດາຄວາມມານະພະຍາຍາມ ທີ່ບໍ່ຢຸດຢັ້ງຂອງຫວຽດນາມ, ປະກອບສ່ວນສ້າງຄວາມສາມັກຄີ ແລະ ຄວາມເປັນເອກະພາບຊ່ວຍໃຫ້ ອາຊຽນ ຜ່ານຜ່າບັນດາໄລຍະເວລາປະສົບ ກັບຄວາມຫຍຸ້ງຍາກ, ສິ່ງທ້າທາຍ.
 |
| (ພາບປະກອບ: vietnamplus) |
ໃນສະພາບການທີ່ໂລກສືບຕໍ່ ເຕັມໄປດ້ວຍບັນດາ ບັນຫາສັບສົນທີ່ຂາດ ສະຖຽນລະພາບ, ຄວາມແກ່ງແຍ້ງ ລະຫວ່າງບັນດາປະເທດ ໃຫຍ່ກໍ່ເພີ່ມຂຶ້ນ, ດ້ວຍພູມມີສັນຖານ-ຍຸດທະສາດ ຢູ່ໃຈກາງຂອງພາກພື້ນ ທີ່ກ້ວາງໃຫຍ່ ທີ່ເຊື່ອມຕໍ່ມະຫາ ສະໝຸດອິນເດຍ ແລະ ມະຫາສະໝຸດປາຊີຟິກນັ້ນ, ອາຊຽນ ພວມຢື່ນຢູ່ຕໍ່ໜ້າ ກາລະໂອກາດ ແລະ ສິ່ງທ້າທາຍໃໝ່. ດ້ວຍຈຳນວນປະຊາກອນກ່ວາ 642 ລ້ານຄົນ ແລະ ເນື້ອທີ່ກ່ວາ 1,7 ລ້ານກິໂລຕາແມັດ, ອາຊຽນ ແມ່ນຕະຫລາດທີ່ມີ ຄວາມສາມາດບົ່ມຊ້ອນ ດ້ວຍພື້ນຖານເສດຖະກິດ ຂະຫຍັນຂັນເຄື່ອນ, ແມ່ນຈຸດເດັ່ນຂອງ ເສດຖະກິດທົ່ວໂລກ. ບັນດາປະເທດອາຊຽນ ກໍ່ບື່ນຕົວຂຶ້ນຢ່າງບໍ່ຢຸດຢັ້ງ, ຕ້ອນຮັບບັນດາຜົນປະໂຫຍດ ຂອງການປະຕິວັດອຸດສາຫະກຳ 4.0 ດ້ວຍການເຂົ້າຮ່ວມຢ່າງແຮງ ເຂົ້າບັນດາຂົງເຂດເຕັກໂນໂລຢີໃໝ່ ຄື ພຸມປັນຍາທຽມ, ຫຸ່ນຍົນທີ່ທັນສະໄໝ… ແຕ່ເຖິງຢ່າງໃດກໍ່ຕາມ, ການເພີ່ມທະວີຂອງ ລັດທິອາລັກຂາ, ການແກ່ງແຍ້ງດ້ານການຄ້າ ຂອງບັນດາປະເທດໃຫຍ່ ໄດ້ວາງອອກສິ່ງທ້າທາຍ, ຜົນສະທ້ອນຫຍໍ້ທໍ້ຫລາຍຢ່າງ ເຖິງລະດັບການ ພັດທະນາເສດຖະກິດ ແລະ ການຄ້າສາກົນ. ໄປຄຽງຄູ່ກັນນັ້ນ, ຄວາມແຕກຕ່າງກັນ ໃນການພັດທະນາ ເສດຖະກິດລະຫວ່າງ ບັນດາປະເທດສະມາຊິກ ແລະ ບັນດາຄວາມຮຽກຮ້ອງ ຕ້ອງການເຊື່ອມໂຍງສູງກ່ວາ, ເລິກເຊິ່ງກ່ວາໃນໄລຍະໃໝ່ ຮຽກຮ້ອງໃຫ້ລັດຖະບານ ບັນດາປະເທດ ຕ້ອງມີບັນດາລັດຖະນະໂຍບາຍ ເສດຖະກິດທີ່ເໝາະສົມ.
ອາຊຽນໃນປີ 2020 ດ້ວຍຫົວຂໍ້ “ສະໜິດຕິດພັນ ແລະ ເປັນເຈົ້າໃນການປັບຕົວ”, ຫວຽດນາມ ປາດຖະໜາ ຢາກຢັ້ງຢືນຄວາມສາມັກຄີ ມີຄວາມໝາຍຕັດສິນຊີ້ຂາດ ຕໍ່ຄວາມໝັ້ນຄົງຂອງ ອາຊຽນ. ປະຊາຄົມ ອາຊຽນ ສະໜິດຕິດພັນ ແລະ ພັດທະນາຈຶ່ງສາມາດ ປັບຕົວຢ່າງມີປະສິດທິຜົນ ກັບບັນດາປັດໄຈຜົນກະທົບ ຢູ່ພາຍນອກ ແລະ ກົງກັນຂ້າມ, ເປັນເຈົ້າການປັບຕົວ ຈະຊ່ວຍໃຫ້ ອາຊຽນ ມີຄວາມສະໜິດຕິດພັນ ຢ່າງແໜ້ນແຟ້ນ, ອີງນັ້ນໄດ້ເພີ່ມທະວີ ກຳລັງແຮງສັງລວມ. ຫົວຂໍ້ດັ່ງກ່າວໄດ້ຮັບ ການສະໜັບສະໜູນຢ່າງສູງ ຈາກບັນດາປະເທດສະມາຊິກ ອາຊຽນ ແລະ ຄວາມເຫັນດີເຫັນພ້ອມ, ການສະໜັບສະໜູນ ຈາກບັນດາປະເທດ ຄູ່ຮ່ວມມືຂອງອາຊຽນ.
 |
| ນາຍົກລັດຖະມົນຕີຫວຽດນາມ - ຫງວຽນຊວນຟຸກ ຮັບໜ້າທີ່ເປັນປະທານອາຊຽນປີ 2020. (ພາບ: vietnamplus) |
ເພື່ອຮັບດຳລົງຕຳແໜ່ງ ເປັນປະທານອາຊຽນ 2020 ກົງກັບໂອກາດສະເຫລີມ ສະຫລອງ 25 ປີ ແຫ່ງວັນເຂົ້າເປັນສະມາຊິກ ອາຊຽນ, ຫວຽດນາມ ໄດ້ສະແດງໃຫ້ເຫັນກຳລັງ ຄວາມສາມາດ ແລະ ເສີມຂະຫຍາຍບົດບາດ ພາທາງຂອງຕົນ, ຕອບສະໜອງຄວາມລໍຄອຍ, ຄວາມເຊື່ອໝັ້ນຂອງບັນດາປະເທດສະມາຊິກ ແລະ ຄູ່ຮ່ວມມື. ປະຊາຄົມ ອາຊຽນ ໄດ້ເຄື່ອນໄຫວຢ່າງທັນການ, ເປັນເຈົ້າການໃນການປັບຕົວ, ສະໜິດຕິດພັນບັນດາປະເທດ ຮັບມືກັບໂລກລະບາດ ໂຄວິດ-19 ພວມແຜ່ລາມໃນທົ່ວໂລກ. ຫວຽດນາມ ໄດ້ຈັດຕັ້ງບັນດາເຫດການສຳຄັນ ຄື: ກອງປະຊຸມສຸດຍອດພິເສດ ອາຊຽນ ແລະ ອາຊຽນ+3 ກ່ຽວກັບການຮັບມືກັບ ໂຄວິດ-19; ກອງປະຊຸມສຸດຍອດອາຊຽນ 36 ໃນສະພາບການໂລກລະບາດຂອງ ໂຄວິດ-19 ພວມຜັນແປຢ່າງສັບສົນ ບັນລຸຜົນສຳເລັດນັ້ນ, ອີກຄັ້ງໜຶ່ງ ຢັ້ງຢືນບົດບາດປະຈັນບານ, ເປັນເຈົ້າການ ແລະ ເຕັ້ມໄປດ້ວຍຄວາມຮັບຜິດຊອບ ຂອງປະເທດປະທານ ພັດປ່ຽນອາຊຽນ 2020 ນີ້.
ໂລກລະບາດໂຄວິດ-19 ກໍ່ແມ່ນສິ່ງທ້າທາຍ ເຊິ່ງ ຫວຽດນາມ ຕ້ອງປະເຊີນໜ້າ. ແຕ່ເຖິງຢ່າງໃດກໍ່ຕາມ, ດ້ວຍການປະຕິບັດ ບັນດາມາດຕະການປ້ອງກັນ, ຕ້ານພະຍາດຢ່່່າງເດັດຂາດ ຄື ປະຈຸບັນ, ຫວຽດນາມ ໄດ້ຄວບຄຸມພະຍາດນີ້ ໂດຍພື້ນຖານ. ໄປຄຽງຄູ່ກັບການປ້ອງກັນ, ຕ້ານຢ່າງມີປະສິດທິຜົນນັ້ນ, ລັດຖະບານຫວຽດນາມ ສະເໝີຕົ້ນສະເໝີປາຍ ໃນການຍູ້ແຮງການພັດທະນາ ເສດຖະກິດ-ສັງຄົມ, ຍົກສູງຄວາມສາມາດຮັບມື ແລະ ປັບຕົວຂອງພື້ນຖານເສດຖະກິດ. ດ້ວຍແຜນນະໂຍບາຍນີ້, ຫວຽດນາມ ໄດ້ ແລະ ພວມຜັນຂະຫຍາຍນະໂຍບາຍ, ມາດຕະການຢ່າງຄົບຊຸດ ເພື່ອຟື້ນຟູເສດຖະກິດ ແລະ ພາຍຫຼັງເກີດວິກິດ ການໂຄວິດ-19 ຄື: ຮັບປະກັນລະບົບສະໜອງ, ແລກປ່ຽນຄ້າຂາຍສິນຄ້າ, ການບໍລິການພາຍ ໃນປະເທດ ກໍ່ຄື ລະຫວ່າງ ຫວຽດນາມ ກັບພາຍນອກ; ສືບຕໍ່ຍູ້ແຮງການປັບປຸງສະພາບແວດລ້ອມ ແຫ່ງການລົງທຶນ ດຳເນີນທຸລະກິດ, ຫລຸດຜ່ອນລະບຽບການບໍລິຫານ, ຄ່າໃຊ້ຈ່າຍຂອງວິສາຫະກິດ, ພັດທະນາພື້ນຖານໂຄງລ່າງ, ການຂົນສົ່ງ; ຕັ້ງໜ້າຜັນຂະຫຍາຍບັນດາ ສັນຍາການຄ້າເສລີ (FTA) ກັບບັນດາຄູ່ຮ່ວມມື; ໜູນຊ່ວຍບັນດາວິສາຫະກິດ, ນັກລົງທຶນແກ້ໄຂຄວາມຫຍຸ້ງຍາກຍ້ອນພະຍາດ ໂຄວິດ-19 ກໍ່ໃຫ້ເກີດ ເພື່ອສືບຕໍ່ຜັນຂະຫຍາຍ ບັນດາໂຄງການລົງທຶນ ຢູ່ ຫວຽດນາມ, ໃນນັ້ນສ້າງເງື່ອນໄຂ ໃຫ້ນັກຊ່ຽວຊານ, ແຮງງານມີສີມືການຊ່າງ ເຂົ້າຫວຽດນາມ ເຮັດວຽກແຕ່ຍັງຄົງຮັບປະກັນ ບັນດາລະບຽບການປ້ອງກັນ, ຕ້ານພະຍາດ.
ດ້ວຍແນວທາງທີ່ຖືກຕ້ອງ ແລະ ບົດຮຽນ, ປະສົບການໃນການພົວພັນ ຫລາຍຝ່າຍນັ້ນ, ຫວຽດນາມ ໄດ້ສະແດງ ແລະ ເສີມຂະຫຍາຍບົດບາດຕັ້ງໜ້າ, ເປັນເຈົ້າການຂອງປະເທດ ປະທານອາຊຽນ ເຕັ້ມໄປດ້ວຍຄວາມຮັບ ຜິດຊອບໃນການນໍາພາ ອາຊຽນ ຮັບມືກັບສິ່ງທ້າທາຍ ທີ່ບໍ່ເຄີຍມີມາກ່ອນ, ທີ່ໄດ້ຮັບການຍ້ອງຍໍຊົມເຊີຍ ຂອງປະຊາຄົມໂລກ ຄືດັ່ງແບບຢ່າງກ່ຽວກັບ ການປ້ອງກັນ, ຕ້ານໂຄວິດ-19.
ນີ້ກໍ່ແມ່ນບັນດາປະຖົມປັດໄຈ ທີ່ສະດວກເພື່ອໃຫ້ຫວຽດນາມ ປະຕິບັດບົດບາດ ປະທານອາຊຽນ 2020 ໃນປີນີ້ໃຫ້ເປັນຢ່າງດີ.
 | ຈີນຕີລາຄາສູງບົດບາດເປັນປະທານອາຊຽນຂອງຫວຽດນາມ ຍສໝ - ປີ 2021 ຈະສ້າງຂີດໝາຍສະເຫຼີມສະຫຼອງ 30 ປີແຫ່ງການພົວພັນຄູ່ເຈລະຈາ ຈີນ - ອາຊຽນ. ບັນດາລັດຖະມົນຕີຖືເປັນສຳຄັນ ແລະ ໃຫ້ຄຳໝັ້ນສັນຍາບັນດາການເຄື່ອນໄຫວສະເຫຼີມສະຫຼອງຢ່າງແໜ້ນແຟ້ນ. |
 | ຄວາມມານະພະຍາຍາມຂອງຫວຽດນາມ ໃນຖານະເປັນປະທານອາຊຽນ 2020 ຍສໝ - ວັນທີ 10 ກັນຍາ, ກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 53 (AMM 53) ແລະ ບັນດາກອງປະຊຸມທີ່ກ່ຽວຂ້ອງ ໄດ້ເຂົ້າສູ່ມື້ເຮັດວຽກທີ 2 ດ້ວຍບັນດາເນື້ອໃນທີ່ສຳຄັນຫຼາຍຢ່າງ. |
 | ທ່ານເອກອັກຄະລັດຖະທູດອິນໂດເນເຊຍ ປະຈຳອາຊຽນ ໄດ້ຕີລາຄາສູງການນຳພາຂອງຫວຽດນາມ ຍສໝ - ທ່ານ Ade Padmo Sarwono - ເອກອັກຄະລັດຖະທູດອິນໂດເນເຊຍ ປະຈຳອາຊຽນ ໃຫ້ຮູ້ວ່າ, ຫວຽດນາມ - ປະທານອາຊຽນ 2020 ບໍ່ພຽງແຕ່ໄດ້ສົ່ງເສີມຜົນປະໂຫຍດຂອງບັນດາປະເທດສະມາຊິກເທົ່ານັ້ນ, ຫາກຍັງເພີ່ມທະວີ ແລະ ຊຸກຍູ້ບັນດາອຸດົມຄະຕິການຂອງອາຊຽນເພື່ອສ້າງພາກພື້ນທີ່ຈະເລີນຮຸ່ງເຮືອງກວ່າອີກ. |
kpl.gov.la
