ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານພິທີເປີດກອງປະຊຸມສຸດຍອດອາຊຽນຄັ້ງທີ 37

	ທ່ານນາຍົກລັດຖະມົນຕີ ຫງວຽນຊວນຟຸກ ເຈລະຈາທາງໂທລະສັບກັບທ່ານນາຍົກລັດຖະມົນຕີລາວ ທອງລຸນ ສີສຸລິດ
	ຫວຽດນາມ ໄດ້ ແລະ ພວມມານະພະຍາຍາມຈົນສຸດຄວາມສາມາດຂອງຕົນເພື່ອຈັດຕັ້ງກອງປະຊຸມສຸດຍອດອາຊຽນຄັ້ງທີ 37 ຢ່າງສຳເລັດຜົນ

ພິທີເປີດກອງປະຊຸມສຸດຍອດອາຊຽນຄັ້ງທີ 37 ຍັງມີການເຂົ້າຮ່ວມ ແລະ ກ່າວຄຳປາໄສຂອງທ່ານຫງວຽນຝູຈ້ອງ - ເລຂາທິການໃຫຍ່ ແລະ ປະທານປະເທດຫວຽດນາມ. ພາຍຫຼັງພິທີເປີດ, ຈະມີກອງປະຊຸມຄົບຄະນະ ຂອງກອງປະຊຸມສຸດຍອດອາຊຽນຄັ້ງທີ 37. ເຊິ່ງໄດ້ຄາດວ່າບັນດາຜູ້ນຳຈະໄດ້ຮັບຮອງ ແລະ ປະກາດເປັນທາງການເອກະສານ 80 ກວ່າສະບັບ.

ກ່າວຄຳເຫັນທີ່ພິທີເປີດ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຟູຈ້ອງ ໄດ້ເນັ້ນໜັກວ່າ ໃນປີ 2020, ບັນດາປະເທດອາຊຽນ ລ້ວນແຕ່ມີຄວາມຕັດສິນໃຈ, ມານະພະຍາຍາມຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ.

ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຟູຈ້ອງ. (ພາບ: TTXVN)

ກ່າວຄຳເຫັນທີ່ກອງປະຊຸມສຸດຍອດອາຊຽນຄັ້ງທີ 37 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງລະຫວ່າງອາຊຽນ ແລະ ບັນດາຄູ່ຮ່ວມມື, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຢືນຢັນວ່າ: ການລະບາດຂອງພະຍາດ COVID-19 ບໍ່ສາມາດສ້າງຄວາມກີດຂວາງຄວາມຄືບ ໜ້າຂອງປະຊາຄົມອາຊຽນ ໄດ້. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ແຈ້ງວ່າ, ຫວຽດນາມ ຍາມໃດກໍ່ສະໜັບສະໜູນການຮັກສາຄວາມເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ ແລະ ຫັນເປັນຫຼາຍຮູບຫຼາຍແບບ ໃນການພົວພັນຕ່າງປະເທດ; ເປັນເພື່ອນມີດ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງຊຸມຊົນສາກົນ ເພື່ອສັນຕິພາບ, ການຮ່ວມມື ແລະ ການພັດທະນາ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ກ່າວຄຳເຫັນທີ່ກອງປະຊຸມສຸດຍອດອາຊຽນຄັ້ງທີ 37. (ພາບ: TTXVN)

ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມຊົມເຊີຍ ຕໍ່ການຖະແຫຼງການລັດຖະມົນຕີການຕ່າງປະເທດອາຊຽນ ເນື່ອງໃນໂອກາດຄົບຮອບ 53 ປີແຫ່ງວັນສ້າງຕັ້ງສະມາຄົມ ເຊິ່ງໄດ້ຢືນຢັນຄວາມຕັດສິນໃຈໃນການຮັກສາຄວາມສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນອາຊີຕາເວັນອອກສ່ຽງໃຕ້.

ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຊື່ອໝັ້ນວ່າ ອາຊຽນຈະສືບຕໍ່ເປັນໃຈກາງໃນຂະບວນການການສົນທະນາ ແລະ ການຮ່ວມມືໃນພາກພື້ນຢ່າງກວ້າງຂວາງ; ເຊື່ອມໂຍງ, ຮັບມືຢ່າງມີປະສິດທິຜົນຕໍ່ສິ່ງທ້າທາຍຕ່າງໆ.

ປະທານສະຫະພັນບັນດາອົງການມິດຕະພາບຫວຽດນາມ - ທ່ານນາງ ຫງວຽນເຟືອງງາ (ຜູ້ທີ 3 ຈາກຂວາຫາຊ້າຍ) ພ້ອມດ້ວຍຄະນະຜູ້ແທນທັງພາຍໃນ ແລະ ຕ່າງປະເທດ. (ພາບ: TTXVN)

ກອງປະຊຸມສຸດຍອດອາຊຽນຄັ້ງທີ 37 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ແມ່ນໂອກາດເພື່ອໃຫ້ອາຊຽນ ຕີລາຄາຢ່າງສົມບູນກ່ຽວກັບຜົນສຳເລັດຂອງການຮ່ວມມື ທັງພາຍໃນ ແລະ ສຳຫຼັບຄູ່ຮ່ວມມື, ກຳນົດທິດທາງບຸລິມະສິດໃນໄລຍະຕໍ່ໄປ.

ໜັງສືພິມປະເທດລາວ ໄດ້ລົງບົດຂຽນກ່ຽວກັບຄວາມກ້າວໜ້າ ໃນການເຊື່ອມເຂົ້າກັນຊຸມຊົນອາຊຽນ ຍສໝ - ເວບໄຊໜັງສືພິມອອນໄລ "vientianetimes.org.la" ຂອງປະເທດລາວ ໃນວັນທີ 10 ພະຈິກ ໄດ້ລົງບົດຂຽນທີ່ຢັ້ງຢືນໃຫ້ຫູ້ວ່າ ບັນດາລັດຖະມົນຕີຕ່າງປະເທດອາຊຽນ ໄດ້ຕີລາຄາສູງຕໍ່ຄວາມກ້າວໜ້າ ໃນການເຊື່ອມເຂົ້າກັບຊຸມຊົນອາຊຽນ.

ທ່ານ​ເລ​ຂາ​ທິ​ການ​ໃຫຍ່​ສູນ​​ອາ​ຊຽນ - ຍີ່​ປຸ່ນ ຕີ​ລາ​ຄາ​ສູງ​ບົດ​ບາດ​ເປັນ​ປະ​ທານ​ອາ​ຊຽນ​ຂອງ ຫວຽດ​ນາມ ຍ​ສ​ໝ - ທ່ານ Masataka Fujita, ເລຂາທິການໃຫຍ່ສູນອາຊຽນ - ຍີ່ປຸ່ນ (AJC)ໃຫ້​ຮູ້​ວ່າ ໃນຖານະທີ່ເປັນປະເທດທີ່ປະສົບຜົນສຳເລັດໃນການຄວບຄຸມການລະບາດຂອງ COVID-19, ຫວຽດນາມສາມາດນຳໜ້າບໍ່ພຽງແຕ່ໃນການຄວບຄຸມການລະບາດຂອງພະຍາດ, ແຕ່ຍັງສາມາດຟື້ນຕົວໃຫ້ເຂັ້ມແຂງໃນຂະນະທີ່ອີກຫຼາຍໆປະເທດຍັງປະສົບກັບຄວາມຫຍຸ້ງຍາກຈາກກ​ານ​ໂລກ​ລະ​ບາດ COVID-19

ກອງປະຊຸມສຸດຍອດນັກທຸລະກິດຍິງອາຊຽນ ກອງປະຊຸມສຸດຍອດນັກທຸລະກິດຍິງອາຊຽນ ຖືກຈັດຂຶ້ນຕາມຮູບການປະຊຸມໂດຍກົງຢູ່ຫໍປະຊຸມ ແລະ ທາງອອນລາຍໃນຕອນເຊົ້າວັນທີ 09 ພະຈິກ, ຢູ່ຮ່າໂນ້ຍ.