ໃນວັນທີ 16 ເມສາ, ທີ່ໂຮງແຮມເມືອງແທັງ, ພະລາທິການກອງທັບປະຊາຊົນລາວ ໄດ້ຈັດຕັ້ງພິທີສົ່ງ ຄະນະຊ່ຽວຊານການແພດກອງທັບປະຊາຊົນ ຫວຽດນາມ ກັບຄືນປະເທດ ຢ່າງເປັນທາງການ, ພາຍຫລັງການປະຕິບັດຊຸດເຝິກອົບຮົມການແພດ ເພື່ອປັບປຸງຄວາມສາມາດໃນການປ້ອງກັນພະຍາດ Covid-19 ໃຫ້ແກ່ບັນດາແພດໝໍຂອງປະເທດລາວ, ແຕ່ວັນທີ 7 ເມສາ ເຖິງ 15 ເມສາ.
 |
| ພະລາທິການກອງທັບປະຊາຊົນລາວ ໄດ້ຈັດຕັ້ງພິທີສົ່ງຄະນະຊ່ຽວຊານການແພດກອງທັບປະຊາຊົນ ຫວຽດນາມ ກັບຄືນປະເທດ ຢ່າງເປັນທາງການ. (ພາບ: vientianemai) |
ກ່າວຄຳປາໄສໃນພິທີ, ທ່ານພົນຕີ ວົງຄຳ ພົມມະກອນ, ຫົວໜ້າກົມໃຫຍ່ພະລາທິການກອງທັບປະຊາຊົນລາວ ໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງຍິ່ງ ຕໍ່ກະຊວງປ້ອງກັນປະເທດຫວຽດນາມ, ກໍຄື ພັກ ແລະ ລັດຖະບານ ຫວຽດນາມ ທີ່ໄດ້ໃຫ້ການຊ່ວຍເຫລືອ, ສະໜັບສະໜູນ ຢ່າງແທດຈິງ ແລະ ຈິງໃຈ ໃຫ້ແກ່ປະຊາຊົນ ແລະ ລັດຖະບານ ສປປ.ລາວ ໃນຕະຫລອດໄລຍະຜ່ານມາ.
ທ່ານພົນຕີ ວົງຄຳ ພົມມະກອນ ໃຫ້ຮູ້ວ່າ ຊຸດເຝິກອົບຮົມການແພດ ເພື່ອປັບປຸງຄວາມສາມາດໃນການປ້ອງກັນພະຍາດ Covid-19 ໃຫ້ແກ່ບັນດາແພດໝໍຂອງປະເທດລາວ ແລະ ການຊ່ວຍເຫລືອ ກອງທັບປະຊາຊົນ, ກໍຄື ປະຊາຊົນລາວ ດ້ານອຸປະກອນການແພດເພື່ອປ້ອງກັນ ແລະ ສະກັດກັ້ນ ການແຜ່ລະບາດ ຂອງພະຍາດ Covid-19 ຄັ້ງນີ້ ແມ່ນພະຍານຫຼັກຖານທີ່ ສະແດງຈະແຈ້ງຄວາມຮັກແພງຢ່າງເລິກເຊິ່ງ, ຄວາມສາມັກຄີພິເສດ ລະຫວ່າງ ພັກ ແລະ ປະຊາຊົນສອງປະເທດ ຫວຽດນາມ - ລາວ.
 |
| ທ່ານພົນຕີ ວົງຄຳ ພົມມະກອນ ສະແດງຄວາມຂອບໃຈ ແລະ ຮູ້ບຸນຄຸນຢ່າງຍິ່ງ ຕໍ່ປະຊາຊົນ ແລະ ລັດຖະບານ ສສ. ຫວຽດນາມ. (ພາບ: vientianemai) |
ໃນຊຸດເຝິກອົບຮົມ, ຄະນະຊ່ຽວຊານການແພດກອງທັບ ຫວຽດນາມ ໄດ້ຮ່ວມມືກັບບັນດາແພດໝໍ ຂອງປະເທດລາວ ໃນຂັ້ນສູນກາງ ແລະ ບັນດາແຂວງ ທັງພາກກາງ ແລະ ພາກໃຕ້ເປັນຕົ້ນຄື: ໂຮງໝໍທະຫານສູນກາງ 103, ໂຮງໝໍ ມິດຕະພາບ, ໂຮງໝໍ ມະໂຫສົດ, ໂຮງໝໍບໍລິເວນ 109, ໂຮງໝໍ ກອງພົນທີ 5…
ຊຸດເຝິກອົບຮົມການແພດ ຄັ້ງນີ້ ເພື່ອຍົກລະດັບຄວາມຮູ້ຄວາມສາມາດ, ມາດຕະການ ແລະ ມາດຕະຖານໃນການປ້ອງກັນພະຍາດ Covid-19 ໃຫ້ແກ່ບັນດາແພດໝໍລາວ.
ປຶກສາຫາລື ແລະ ປັບປຸງວິທີຄຸ້ມຄອງກໍລະນີຜູ້ຖືກສົງໄສຕິດເຊື້ອ, ຮັກສາອະນາໄມສິ່ງແວດລ້ອມ, ກວດກາຊອກຫາກໍລະນີຕິດເຊື້ອ, ໂດຍສະເພາະ ແມ່ນການປິ່ນປົວຄົນເຈັບໃຫ້ຜົນດີທີ່ສຸດ, ການໂຄສະນາເຜີຍແຜ່ໃຫ້ປະຊາຊົນ, ປະກອບສ່ວນເຂົ້າໃນການປ້ອງກັນການແຜ່ລະບາດ ຂອງພະຍາດ Covid-19 ໃນຊຸມຊົນ.
ເນື່ອງໃນໂອກາດນີ້, ທ່ານພົນຕີ ວົງຄຳ ພົມມະກອນ ໄດ້ເຊື່ອໝັ້ນວ່າ ສາຍພົວພັນມິດຕະພາບເປັນມູນເຊື້ອ ແລະ ການຮ່ວມມືຮອບດ້ານ ລະຫວ່າງ ສອງພັກ, ລັດ ເວົ້ົ້າລວມ, ລະຫວ່າງກອງທັບ ແລະ ປະຊາຊົນສອງຊາດ ລາວ ແລະ ຫວຽດນາມ ເວົ້ົ້າສະເພາະ ໄດ້ນັບມື້ນັບພັດທະນາຂຶ້ນໄປເລື້ອຍໆ.
 | ປະຊາຄົມສາກົນ ໄດ້ຕີລາຄາສູງບົດບາດຂອງຫວຽດນາມໃນການຈັດຕັ້ງ 2 ກອງປະຊຸມຂັ້ນສູງພິເສດ ຍສໝ - ການຈັດຕັ້ງກອງປະຊຸມສຸດຍອດພິເສດ ອາຊຽນ ແລະ ກອງປະຊຸມສຸດຍອດພິເສດອາຊຽນ +3 ກ່ຽວກັບການປະເຊີນໜ້າ ຕໍ່ການລະບາດຂອງພະຍາດ Covid-19 ຂອງຫວຽດນາມ ໃນຖານະທີ່ເປັນປະທານອາຊຽນ ໄດ້ຮັບການຕີລາຄາສູງຂອງປະຊາຊົນ ໃນພາກພື້ນ ແລະ ສາກົນ. |
 | ຫວຽດນາມ ຈະສືບຕໍ່ການໜູນຊ່ວຍ ບັນດາປະເທດທີ່ຖືກຮັບຜົນສະທ້ອນຈາກໂລກພະຍາດ Covid-19 ຍສໝ - ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນວ່າ ຫວຽດນາມຈະສືບຕໍ່ການໜູນຊ່ວຍບັນດາປະເທດທີ່ຖືກຮັບຜົນສະທ້ອນຈາກໂລກພະຍາດ Covid-19, ຮັກສາການເຄື່ອນໄຫວເສດຖະກິດເປັນປົກກະຕິ. |
 | ຄະນະຊ່ຽວຊານຫວຽດນາມ ສືບຕໍ່ຊຸດເຝີກອົບຮົມ ໃຫ້ພະນັກງານແພດໝໍທະຫານ ສປປ.ລາວ ຢູ່ ແຂວງສະຫວັນນະເຂດ ຍສໝ - ໃນວັນທີ 12 ເມສາ, ຄະນະຊ່ຽວຊານການແພດ ຫວຽດນາມ ໄດ້ຈັດຕັ້ງການເຝີກອົບຮົມໃຫ້ແກ່ແພດໝໍຂອງກອງທັບເຂດພາກກາງ 103 ສປປ.ລາວ. |
ຄຳຮຸ່ງ
