 | ຫາຍເຢືອງ ແລະ ແທັງຮ໋ວາ ສະແດງຄວາມຮູ້ບຸນຄຸນຕໍ່ການເສຍສະຫຼະຂອງບັນດາກອງທັບອາສາສະໝັກ ຫວຽດນາມ ຢູ່ລາວ |
| ງານຕະຫຼາດນັດການຄ້າການທ່ອງທ່ຽວ ຫວຽດນາມ - ລາວ ໃນປີ 2024 |
 |
| ການນຳຄະນະກຳມະບານປ້ອງກັນປະເທດ, ກົມໃຫຍ່ການເມືອງກອງທັບປະຊາຊົນ ຫວຽດນາມ ໄດ້ແລກປ່ຽນກັບບັນດາຜູ້ແທນກອງທັບປະຊາຊົນ ລາວ. |
ເຂົ້າຮ່ວມການເປີດຊຸດຝຶກອົບຮົມມີການນຳ ແລະ ຜູ້ຕາງໜ້າບັນດາອົງການປະຕິບັດໜ້າທີ່ຂອງກົມໃຫຍ່ການເມືອງກອງທັບປະຊາຊົນ ຫວຽດນາມ. ຜູ້ແທນຫ້ອງການທີ່ປຶກສາຝ່າຍທະຫານ ລາວ ປະຈຳ ຫວຽດນາມ ແລະ ຜູ້ແທນພະນັກງານກອງທັບປະຊາຊົນ ລາວ ທີ່ເຂົ້າຮ່ວມຊຸດຝຶກອົບຮົມ. ດ້ວຍລາຍການທີ່ແກ່ຍາວເຖິງໜຶ່ງເດືອນ, ຊຸດຝຶກອົບຮົມລວມມີບັນດາຜູ້ຮຽນທີ່ເປັນພະນັກງານຈາກຫຼາຍກົມກອງຂອງກອງທັບປະຊາຊົນ ລາວ.
ທີ່ພິທີເປີດຊຸດຝຶກອົບຮົມ, ທ່ານພັນເອກພີເສດ ຫງວຽນດິງດຶກ, ຫົວໜ້າຄະນະກຳມະບານປ້ອງກັນຊາດ (ກົມໃຫຍ່ການເມືອງກອງທັບປະຊາຊົນ ຫວຽດນາມ) ໃຫ້ຮູ້ວ່າ ເລີ່ມຕົ້ນຈາກສາຍພົວພັນທີ່ສະໜິດຕິດພັນລະຫວ່າງສອງປະເທດ, ໃນຫຼາຍປີຜ່ານມາ, ດ້ວຍຖານະຕຳແໜ່ງ, ພາລະບົດບາດ ແລະ ໜ້າທີ່ຂອງຕົນ, ພະນັກງານ, ສະມາຊິກກຳມະບານກອງທັບສອງປະເທດ ຍາມໃດກໍ່ສືບທອດ ແລະ ເສີມຂະຫຍາຍມູນເຊື້ອອັນດີງາມຂອງປະເທດຊາດ, ຂອງປະຊາຊົນສອງຊາດ ແລະ ກອງທັບຂອງແຕ່ລະປະເທດ.
 |
| ທ່ານພັນເອກພີເສດ ຫງວຽນດິງດຶກ, ຫົວໜ້າຄະນະກຳມະບານປ້ອງກັນຊາດກ່າວຄຳເຫັນ. |
ດ້ວຍຄວາມຮັກແພງ, ຄວາມຮັບຜິດຊອບຂອງຕົນ, ພະນັກງານ, ສະມາຊິກກຳມະບານກອງທັບສອງປະເທດໄດ້ມີການເຄື່ອນໄຫວທີ່ແທດຈິງ ແລະ ມີປະສິດທິຜົນຫຼາຍຢ່າງ, ປະກອບສ່ວນປັບປຸງ ແລະ ພັດທະນາສາຍພົວພັນມິດຕະພາບທີ່ພິເສດລະຫວ່າງກອງທັບສອງຝ່າຍໃຫ້ນັບມື້ນັບເລິກເຊິ່ງ, ສ້າງຄວາມເຊື່ອໝັ້ນທັງເປັນມິດສະຫາຍ ແລະ ທັງເປັນອ້າຍນ້ອງ. ທ່ານພັນເອກ ຫງວຽນດິງດຶກ ຢືນຢັນວ່າ ຊຸດຝຶກອົບຮົມແມ່ນການເຄື່ອນໄຫວປະກອບສ່ວນສະແດງໃຫ້ເຫັນຄວາມສົນໃຈພິເສດຂອງການນໍາກະຊວງປ້ອງກັນປະເທດສອງປະເທດ, ສືບຕໍ່ການພົວພັນທີ່ເປັນມູນເຊື້ອຂອງພະນັກງານ, ສະມາຊິກກຳມະບານກອງທັບປະຊາຊົນ ຫວຽດນາມ ແລະ ກອງທັບປະຊາຊົນ ລາວ.
 |
| ບັນດາຜູ້ແທນເຂົ້າຮ່ວມພິທີເປີດຊຸດຝຶກອົບຮົມ. |
ຊຸດຝຶກອົບຮົມລວມມີບັນດາເນື້ອໃນທີ່ໄດ້ສົມທົບກັນຢ່າງແໜ້ນແຟ້ນລະຫວ່າງທິດສະດີກັບພາກປະຕິບັດ ແລະ ບັນດາການເຄື່ອນໄຫວເພີ່ມເຕີມ, ເປັນຕົ້ນແມ່ນການໄປທັດສະນະຕົວຈິງ, ແລກປ່ຽນປະສົບການກ່ຽວກັບຮູບແບບການຈັດຕັ້ງ, ໝາກຜົນການເຄື່ອນໄຫວຂອງກຳມະບານຢູ່ບາງຫົວໜ່ວຍ, ວິສາຫະກິດ; ຊອກຮູ້ກ່ຽວກັບມູນເຊື້ອປະຫວັດສາດຂອງກຳມະບານປ້ອງກັນປະເທດກອງທັບປະຊາຊົນ ຫວຽດນາມ; ໄປທັດສະນະບັນດາຮ່ອງຮອຍປະຫວັດສາດການປະຕິວັດ, ວັດທະນະທໍາ, ທັດສະນີຍະພາບຫຼາຍແຫ່ງ, ຜ່ານນັ້ນ ກໍ່ບໍາລຸງສ້າງ, ຍົກສູງລະດັບ, ທັກສະວິຊາສະເພາະ, ແບ່ງປັນ, ແລກປ່ຽນປະສົບການໃນການຈັດຕັ້ງການເຄື່ອນໄຫວຂອງກຳມະບານກອງທັບ ພ້ອມກັນນັ້ນ ກໍ່ຊ່ວຍໃຫ້ບັນດາສະມາຊິກໃນຄະນະຝຶກອົບຮົມມີຄວາມເຂົ້າໃຈເລິກເຊິ່ງກ່ຽວກັບປະຫວັດສາດ, ມູນເຊື້ອ, ວັດທະນະທຳ, ປະຊາຊົນ, ປະເທດ ຫວຽດນາມ ແລະ ກອງທັບປະຊາຊົນ ຫວຽດນາມ ຫຼາຍກວ່າອີກ...
 | ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ໄດ້ດໍາເນີນຢູ່ແຂວງຫົວພັນ ຍສໝ - ໂດຍສືບຕໍ່ກິດຈະກໍາເຄື່ອນໄຫວຢູ່ເມືອງ ມົກເຈົາ (ແຂວງ ເຊີນລາ), ຕອນເຊົ້າວັນທີ 23 ຕຸລາ, ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ສືບຕໍ່ດຳເນີນບັນດາກິດຈະກໍາຢູ່ເມືອງສົບເບົາ (ແຂວງຫົວພັນ), ເລີ່ມຕົ້ນດ້ວຍພິທີຕ້ອນຮັບຄະນະຜູ້ແທນຫວຽດນາມ ຢູ່ດ່ານຊາຍແດນ ປາຮາງ. |
 | ຍສໝ - ຕອນບ່າຍວັນທີ 22 ຕຸລາ, ງານພົບປະແລກປ່ຽນມິດຕະພາບປ້ອງກັນຊາດ ເຂດຊາຍແດນ ຫວຽດນາມ-ລາວ ຄັ້ງທີ 2 ໄດ້ດໍາເນີນຢ່າງເປັນທາງການ ດ້ວຍພິທີຕ້ອນຮັບຄະນະຜູ້ແທນລາວ ຢ່າງສົມກຽດຢູ່ ດ່ານຊາຍແດນ ລ່ອງເຊິບ, ເມືອງມົກເຈົາ (ແຂວງເຊີນລາ) ເພື່ອເຂົ້າຮ່ວມບັນດາການ ເຄື່ອນໄຫວທໍາອິດໃນຂອບເຂດງານພົບປະແລກປ່ຽນ. |
ແທັງຮັ່ງ
