| ໜັງສືພິມອາເມລິກາ ຊົມເຊີຍເລື່ອງ ຫວຽດນາມ ຊ່ວຍເຫຼືອ ອີຢູ | |
 |
| ຜູ້ຕາງໜ້າຂອງ ສະມາຄົມໃຫຍ່ຊາວຫວຽດນາມ ອາໄສຢູ່ລາວ ແລະ ສະມາຄົມວິສາຫະກິດ ຫວຽດນາມ ຮ່ວມມື ແລະ ລົງທຶນຢູ່ລາວ ໄດ້ມອບເງິນຈຳນວນ 113.900.000 ກີບ ໃຫ້ແກ່ທ່ານສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນລາວ ເພື່ອຮ່ວມແຮງຮ່ວມໃຈພ້ອມກັບລັດຖະບານ ແລະ ປະຊາຊົນລາວໃນບັ້ນຕໍ່ສູ້ກັບໂລກລະບາດ Covid -19. (ພາບ:TTXVN) |
ໄລຍະທີ່ຜ່ານມາ, ພໍ່ແມ່ປະຊາຊົນຊາວ ຫວຽດນາມອາໄສຢູ່ລາວ ແລະ ບັນດາວິສາຫະກິດ ຫວຽດນາມ ທີ່ພວມລົງທຶນ, ດຳເນີນທຸລະກິດຢູ່ລາວມີຄວາມເອົາໃຈໃສ່ທີ່ສຸດ ແລະ ຕິດຕາມສະພາບການຂອງໂລກລະບາດ Covid - 19 ຢູ່ລາວຢ່າງໃກ້ຊິດ. ເຖິງແມ່ນວ່າ ໂລກລະບາດ ໄດ້ສົ່ງຜົນສະທ້ອນບໍ່ແມ່ນໜ້ອຍເຖິງຊີວິດການເປັນຢູ່ກໍ່ຄືການດຳເນີນທຸລະກິດຂອງພໍ່ແມ່ປະຊາຊົນຊາວຫວຽດນາມ ອາໄສຢູ່ລາວ ແລະ ບັນດາວິສາຫະກິດກໍ່ຕາມ, ແຕ່ປະຊາຄົມຊາວຫວຽດນາມອາໄສຢູ່ລາວຍັງໄດ້ສະໜັບສະໜູນ ແລະ ຕີລາຄາສູງທີ່ສຸດ ຕໍ່ບັນດາມາດຕະການຢ່າງຂ້ຽວຂາດຂອງ ລັດຖະບານລາວໃນການປ້ອງກັນ, ສະກັດກັ້ນໂລກລະບາດ Covid -19.
ນອກຈາກນັ້ນ, ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດເພື່ອປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິດ-19, ໄດ້ຮັບເຄື່ອງຊ່ວຍເຫຼືອໃນວັນທີ 10 ເມສາ ທີ່ສໍານັກງານນາຍົກລັດຖະມົນຕີ, ຊຶ່ງມີພາກສ່ວນຕ່າງໆດັ່ງນີ້:
ຄອບຄົວການນໍາ ແລະ ນັກທຸລະກິດຍິງໜຸ່ມ, ຕາງໜ້າຄອບຄົວການນໍາ ໂດຍທ່ານ ນາງ ອາລຸນນີ ກົມມະສິດ, ພັນລະຍາລັດຖະມົນຕີກະຊວງການຕ່າງປະເທດ, ຊຶ່ງຈໍານວນເຄື່ອງທີ່ນໍາມາມອບມີ: ເຄື່ອງວັດແທກອຸນນະພູມ 200 ອັນ, ຜ້າອັດປາກອະນາໄມ 8 ແກັດ ລວມເປັນມູນຄ່າ 214 ລ້ານກີບ; ບໍລິສັດ ສະກາຍໂທລະຄົມ, ມອບໂດຍທ່ານ ສຸບັນ ພັນທະວີ, ຜູ້ອໍານວຍການໃຫຍ່ບໍລິສັດສະກາຍໂທລະຄົມ ຊຶ່ງມອບເປັນເງິນ 100 ລ້ານກີບ; ສໍານັກງານປົກປ້ອງເງິນຝາກ, ມອບໂດຍ ທ່ານ ຄໍາໄຊ ພົມມະວີ,ຮອງຫົວໜ້າສໍານັກງານປົກປ້ອງເງິນຝາກ ຊຶ່ງມອບເປັນເງິນ 50 ລ້ານກີບ; ບໍລິສັດ ສຸວັນນີ ໂຮມເຊັນເຕີ ມະຫາຊົນ, ມອບໂດຍ ທ່ານ ວັດດານາ ສຸຂະບັນດິດ, ຜູ້ອໍານວຍການໃຫຍ່ບໍລິສັດ ສຸວັນນີ ໂຮມເຊັນເຕີ ມະຫາຊົນ ຊຶ່ງມອບເປັນເງິນ 100 ລ້ານກີບ.
ໃນໂອກາດດັ່ງກ່າວ ທ່ານ ສົມດີ ດວງດີ, ກໍໄດ້ສະແດງຄວາມຂອບໃຈ ຕໍ່ກັບຄະນະດັ່ງກ່າວ ທີ່ໄດ້ນໍາເອົາອຸປະກອນ,ເງິນ ນໍາມາມອບໃຫ້ໃນຄັ້ງນີ້ ແລະ ຈະນໍາໃຊ້ໃຫ້ເກີດປະໂຫຍດສູງສຸດ ເພື່ອໃຫ້ພົ້ນວິກິດໂຄວິດ-19 ໂດຍໄວ.
ອີກບໍ່ພໍເທົ່າໃດມື້ທີ່ຈະມາເຖິງນີ້ ກໍແມ່ນເປັນບຸນປີໃໝ່ລາວ, ສະນັ້ນ ລັດຖະບານ ລາວ ກໍໄດ້ຮຽກຮ້ອງໃຫ້ພໍ່ແມ່ ປະຊາຊົນລາວບັນດາເຜົ່າທຸກໆຄົນ ໃຫ້ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງນາຍົກລັດຖະລັດມົນຕີ ເລກທີ 06/ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນແທ້ໆ ໃຫ້ມີການຮັກສາໄລຍະຫ່າງ, ຫລີກລ້ຽງງານຊຸມແຊວເປັນກຸ່ມ ແລະ ການປະກອບວຽກງານທາງສາສະໜາ ກໍຄວນປະຕິບັດແບບບໍ່ມີ ການລວມເປັນກຸ່ມໃຫຍ່.
 | ສະມາຄົມມິດຕະພາບຫວຽດນາມ - ລາວ ໃນກໍາລັງຕໍາຫຼວດປະຊາຊົນຫວຽດນາມ ມອບອຸປະກອນການແພດ ໃຫ້ແກ່ ລາວ ເພື່ອປ້ອງກັນ ແລະ ຄວບຄຸມການລະບາດຂອງ Covid – 19 ຍສໝ - ໃນຕອນບ່າຍຂອງວັນທີ 9 ເມສາ 2020, ຢູ່ ສຳນັກງານໃຫຍ່ຂອງສະຫະພັນບັນດາອົງການມິດຕະພາບຫວຽດນາມ ໄດ້ຈັດພິທີມອບຮັບອຸປະກອນການແພດ ເພື່ອສະໜັບສະໜຸນ ລາວ ປ້ອງກັນ ແລະ ຄວບຄຸມ ໂລກພະຍາດ Covid - 19 ລະຫວ່າງສະມາຄົມມິດຕະພາບຫວຽດນາມ - ລາວ ເປັນຜູ້ຮັບ ແລະ ສະມາຄົມມິດຕະພາບ ຫວຽດນາມ - ... |
 | ກອງປະຊຸມທາງອລ ລະຫວ່າງກະຊວງສາທາລະນະສຸກ ຫວຽດນາມ ແລະ ລາວ ເພື່ອສົ່ງເສີມການປ້ອງກັນ Covid-19 ຍສໝ - ວັນທີ 7 ເມສາ, ທ່ານ ຫງວຽນແທງລອງ, ຮອງລັດຖະມົນຕີຜູ້ປະຈຳການກະຊວງສາທາລະນະສຸກ ຫວຽດນາມ ໄດ້ມີການປະຊຸມອານລາຍ ກັບທ່ານ ບຸນກອງສີຫາວົງ, ລັດຖະມົນຕີກະຊວງສາທາລະນະສຸກ ລາວ ເພື່ອ ເພີ່ມທະວີການຮ່ວມມືຢ່າງມີປະສິດທິຜົນ ໃນການປ້ອງກັນການລະບາດຂອງພະຍາດ Covid-19. |
 | ທ້ອນໂຮມອັດຖິນັກຮົບເສຍສະຫຼະຊີວິດຢູ່ ລາວ ແລະ ກຳປູເຈຍ 21 ອັດຖິ ຍສໝ - ຫວ່າງແລ້ວນີ້, ທິມງານ K53 ແຂວງ ກອນຕຸມ ສສ. ຫວຽດນາມ ໄດ້ຄົ້ນພົບ, ທ້ອນໂຮມໄດ້ອັດຖິນັກຮົບທະຫານອາສາສະໝັກ, ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດໃນຂະນະທີ່ປະຕິບັດງານຢູ່ ສອງ ປະເທດ ລາວ ແລະ ກຳປູເຈຍ 21 ອັດຖິ. |
ໄຊພອນ
