 | ທ່ານ ຮ່ວາງເຫງຍຫຽວ ໄດ້ຮັບເລືອກຕັ້ງເປັນປະທານສະຫະພັນບັນດາອົງການມິດຕະພາບແຂວງ ເງ້ອານ ອາຍຸການ 2024-2029 |
| [ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ |
ນີ້ແມ່ນການໄປປະຕິບັດງານເຂົ້າຮ່ວມບັນດາການເຄື່ອນໄຫວການຕ່າງປະເທດຫຼາຍຝ່າຍ ແລະ ເຮັດວຽກຢູ່ ອາເມລິກາ ຄັ້ງທຳອິດ ຂອງທ່ານເລຂາທິການໃຫຍ່, ປະທານປະເທດ ໃນຖານະຕຳແໜ່ງໃໝ່ ແລະ ກໍ່ແມ່ນຄັ້ງທຳອິດທີ່ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ເຂົ້າຮ່ວມກອງປະຊຸມຂັ້ນສູງ ສະມັດຊາໃຫຍ່ສະຫະປະຊາຊາດແບບໂດຍກົງ.
ພາຍຫຼັງເກືອບ 50 ປີ, ການພົວພັນລະຫວ່າງ ຫວຽດນາມ ແລະ ສະຫະປະຊາຊາດ ສືບຕໍ່ພັດທະນາຢ່າງຕັ້ງໜ້າ, ນັບມື້ນັບກ້າວເຂົ້າສູ່ລວງເລິກ, ໄດ້ຮັບການປັບປຸງ ແລະ ເພີ່ມທະວີຢ່າງບໍ່ຢຸດຢັ້ງ. ສະຫະປະຊາຊາດ ໄດ້ຮ່ວມເດີນທາງກັບ ຫວຽດນາມ ນັບແຕ່ໄລຍະສ້າງສາປະເທດຊາດຄືນໃໝ່, ຟື້ນຟູຫຼັງສົງຄາມ ໄປສູ່ການມ້າງທຳລາຍຮົ້ວກີດຂວາງຂວ້ຳບາດ ແລະ ເຊື່ອມໂຍງເຂົ້າກັບສາກົນເທື່ອລະກ້າວ. ຫວຽດນາມ ນັບມື້ນັບເຂົ້າຮ່ວມຢ່າງເປັນເຈົ້າການ, ຕັ້ງໜ້າ, ປະກອບສ່ວນຢ່າງເເທດຈິງ, ເລິກເຊິ່ງກ້ວາງຂວາງກວ່າອີກ ທັງດ້ານແນວຄິດ, ມະນຸດ, ແຫຼ່ງກຳລັງໃນທຸກຂົງເຂດຂອງບັນດາຂົງເຂດການເຄື່ອນໄຫວເສົາຄ້ຳຂອງສະຫະປະຊາຊາດກ່ຽວກັບການຮັກສາສັນຕິພາບ, ຄວາມໝັ້ນຄົງ ແລະ ການຮ່ວມມືພັດທະນາ.
 |
| ບັນດາຜູ້ແທນຕ້ອນຮັບທ່ານເລຂາທິການໃຫຍ່, ປະທານປະເທດ ໂຕເລີມ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ທີ່ສະໜາມບິນສາກົນ J.F. Kennedy. ພາບ: ເລິມແຄ້ງ/TTXVN |
ຫວຽດນາມ ກໍ່ໄດ້ຮັບຄວາມໄວ້ເນື້ອເຊື່ອໃຈ ແລະ ໄດ້ຮັບຄວາມຕັ້ງຫວັງສູງຈາກປະຊາຄົມໂລກ, ເຊິ່ງໄດ້ ແລະ ພວມຮັບດຳລົງຫຼາຍຖານະເປັນສຳຄັນຢ່າງມີຜົນສຳເລັດຢູ່ ສປຊ. ການນຳ ສປຊ ຍາມໃດກໍ່ຕີລາຄາສູງບົດບາດ ແລະ ການປະກອບສ່ວນຂອງ ຫວຽດນາມ ແລະ ຫວັງວ່າ ຫວຽດນາມ ຈະສືບຕໍ່ສວມບົດບາດນັບມື້ນັບຕັ້ງໜ້າກ່ວາອີກ ໃນບັນດາຂົງເຂດບຸລິມະສິດຂອງ ສປຊ.
ໃນຂະນະນັ້ນ, ການພົວພັນ ຫວຽດນາມ - ອາເມລິກາ ພາຍຫຼັງ 1 ປີແຫ່ງການຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ, ການຮ່ວມມືລະຫວ່າງ 2 ປະເທດບັນລຸໄດ້ບັນດາໝາກຜົນຢ່າງຕັ້ງໜ້າ. ການຮ່ວມມືຍຸດທະສາດລະຫວ່າງສອງປະເທດໃນຫຼາຍຂົງເຂດສືບຕໍ່ໄດ້ຮັບການຊຸກຍູ້; ບັນດາການເຄື່ອນໄຫວພົບປະ ແລະ ແລກປ່ຽນຄະນະຜູ້ແທນໄດ້ດຳເນີນໄປຢ່າງຟົດຟື້ນຢູ່ທຸກຊ່ອງທາງ, ທຸກຂັ້ນ. ຂົງເຂດເສດຖະກິດ - ການຄ້າ - ການລົງທຶນສືບຕໍ່ແມ່ນກຳລັງທີ່ສຳຄັນໃຫ້ແກ່ການພົວພັນລະຫວ່າງ 2 ປະເທດ. ໃນ 8 ເດືອນຕົ້ນປີ 2024, ວົງເງິນການຄ້າສອງຝ່າຍບັນລຸເກືອບ 88 ຕື້ USD, ເພີ່ມຂຶ້ນ 22%. ການຮ່ວມມືດ້ານຄວາມປອດໄພ - ການປ້ອງກັນປະເທດສືບຕໍ່ໄດ້ຮັບການຜັນຂະຫຍາຍຢ່າງມີປະສິດທິຜົນ, ໃນນັ້ນການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ ຍັງຄົງແມ່ນບຸລິມະສິດ ແລະ ເປັນເສົາຄ້ຳສຳຄັນໃນການພົວພັນສອງປະເທດ. ດ້ວຍບັນດາບັນຫາທີ່ຍັງຄົງຄ້າງ, 2 ຝ່າຍຈະສືບຕໍ່ເພີ່ມທະວີການປຶກສາຫາລືບົນຈິດໃຈສັດຊື່, ສ້າງສັນ ແລະ ໃຫ້ຄວາມສົນໃຈຕໍ່ຜົນປະໂຫຍດອັນຊອບທຳຂອງແຕ່ລະຝ່າຍ.
ທີ່ ສປຊ ໃນຄັ້ງນີ້, ທ່ານເລຂາທິການໃຫຍ່, ປະທານປະເທດ ໂຕເລີມ ຈະນຳມາບັນດາສານອັນໃຫຍ່ຫຼວງ, ສຳຄັນ ເພື່ອສະໜັບສະໜູນລັດທິຫຼາຍຝ່າຍຢ່າງເຂັ້ມແຂງ, ດ້ວຍບົດບາດໃຈກາງຂອງສະຫະປະຊາຊາດ ກ່ຽວກັບສັນຕິພາບ, ການຮ່ວມມື, ພັດທະນາໃນໂລກ. ພ້ອມກັນນັ້ນ ທ່ານເລຂາທິການໃຫຍ່, ປະທານປະເທດ ຫວຽດນາມ ຈະມີການພົບປະສອງຝ່າຍກັບການນຳບັນດາອົງການຈັດຕັ້ງສາກົນ ແລະ ບັນດາປະເທດເຂົ້າຮ່ວມສັບປະດາຂັ້ນສູງສະມັດຊາໃຫຍ່ສະຫະປະຊາຊາດ.
ໃນຂອບເຂດການໄປປະຕິບັດງານ, ທ່ານເລຂາທິການໃຫຍ່, ປະທານປະເທດ ໂຕເລີມ ຍັງຈະມີການພົບປະສອງຝ່າຍສຳຄັນກັບບັນດາການນຳອຳນາດການປົກຄອງ ອາເມລິກາ, ເຂົ້າຮ່ວມ ແລະ ກ່າວຄຳປາໄສທີ່ເຫດການມຸ່ງໄປເຖິງສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ອາເມລິກາ ແລະ 1 ປີແຫ່ງການຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ, ເຊັ່ນດຽວກັນກັບບັນດາການພົບປະ, ເຮັດວຽກດ້ວຍການເຂົ້າຮ່ວມຂອງບັນດາເຈົ້າໜ້າທີ່, ວິສາຫະກິດ, ນັກຊ່ຽວຊານ, ນັກຮຽນຮູ້ແຖວໜ້າຂອງ ອາເມລິກາ.
ນີ້ແມ່ນໂອກາດເພື່ອໃຫ້ ຫວຽດນາມ ຢືນຢັນອີກເທື່ອໜຶ່ງນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ຫັນເປັນຫຼາຍຮູບຫຼາຍແບບການພົວພັນຕ່າງປະເທດ, ເປັນເຈົ້າການ ແລະ ຕັ້ງໜ້າເຂົ້າໃນການເຊື່ອມໂຍງເຂົ້າກັບສາກົນຢ່າງເລິກເຊິ່ງ, ເປັນເພື່ອນມິດ, ຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນຊະມາຊິກມີຄວາມຮັບຜິດຊອບຂອງປະຊາຄົມສາກົນ, ຍາມໃດກໍ່ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ມິດຕະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.
 | ທ່ານເລຂາທິການໃຫຍ່, ປະທານປະເທດລາວ ຈະໄປຢ້ຽມຢາມທາງລັດຖະກິດ ຫວຽດນາມ ຍສໝ - ສະຫາຍ ເລຂາທິການໃຫຍ່, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທອງລຸນ ສີສຸລິດ ແລະ ພັນລະຍາ ຈະໄປຢ້ຽມຢາມທາງລັດຖະກິດ ຫວຽດນາມ ນັບແຕ່ວັນທີ 10 – 13 ກັນຍາ. |
 | ເລຂາທິການໃຫຍ່, ປະທານປະເທດ ໂຕເລີມ ມອບຂໍ້ຕົກລົງແຕ່ງຕັ້ງເອກອັກຄະລັດຖະທູດ ຫວຽດນາມ ປະຈຳ ລາວ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ມອບຂໍ້ຕົກລົງແຕ່ງຕັ້ງເອກອັກຄະລັດຖະທູດຜູ້ມີອຳນາດເຕັມແຫ່ງສາທາລະນະລັດ ສັງຄົມນິຍົມ ຫວຽດນາມ ປະຈຳ ສປປ ລາວ. |
ມີງດຶກ
