 | ເປີດກວ້າງຂົວຕໍ່ແຫ່ງການຮ່ວມມື ຫວຽດນາມ - ໄທ ຢູ່ແຂວງ ຮ້ອຍເອັດ (Roi Et) |
| ໄຂມາກຢ່າງສົມເກດ ກອງປະຊຸມໃຫຍ່ຜູ້ແທນທົ່ວປະເທດ ສະມາຄົມຊາວນາຫວຽດນາມ ຄັ້ງທີ IX |
ກ່າວປາໄສຢູ່ພາຍໃດໂຄງການ, ທ່ານ ຟາມຢາງນາມ (Phạm Giang Nam) - ຫົວໜ້າພະແນກສາທາລະນະສຸກແຂວງ ດຽນບຽນ ໃຫ້ຮູ້ວ່າ, ນັບຕັ້ງແຕ່ປີ 2019 ມາຮອດປັດຈຸບັນ, ໂດຍຜ່ານການປະສານງານລະຫວ່າງ ພະແນກສາທາລະນະສຸກ ແລະ ສູນກາງທີ II ຊ່ວຍເຫຼືອເດັກພິການໂດຍກົງ - ສັງກັດສະມາຄົມຊ່ວຍເຫຼືອເດັກພິການຫວຽດນາມ, ແມ່ນໄດ້ດຳເນີນການຜ່າຕັດຈຳນວນ 874 ເທື່ອຄົນ ແລະ ການເຮັດຫັດຖະການຈຳນວນ 40 ເທື່ອຄົນ ໂດຍບໍ່ມີຄ່າໃຊ້ຈ່າຍໃດໆ ໃຫ້ແກ່ເດັກພິການຢູ່ພາຍໃດທ້ອງຖິ່ນແຂວງ. ທຸກໆກໍລະນີແມ່ນລ້ວນແຕ່ໄດ້ຮັບການຕິດຕາມ, ປິ່ນປົວຢ່າງຮອບດ້ານ ແລະ ຮັບປະກັນຄວາມປອດໄພກ່ອນທີ່ຈະອອກໂຮງໝໍ.
 |
| ການນໍາພະແນກສາທາລະນະສຸກ ແລະ ຕົວແທນຜູ້ອຸປະຖຳ ມອບຂອງຂວັນໃຫ້ແກ່ນັກປິ່ນປົວເດັກ (ຄົນເຈັບເດັກນ້ອຍ) ແລະ ຄອບຄົວທີ່ເຂົ້າຮ່ວມໂຄງການ. (ພາບ: ລານເຟືອງ/dienbien.gov.vn) |
ໃນປີ 2026, ເພື່ອສືບຕໍ່ຜົນສຳເລັດທີ່ບັນລຸໄດ້, ພາຍຫຼັງຜ່ານຂະບວນການກວດກັ່ນຕອງຢູ່ບັນດາຮາກຖານສາທາລະນະສຸກ, ມີເດັກນ້ອຍຈຳນວນ 370 ຄົນ ທີ່ປະສົບກັບຮູບແບບຄວາມພິການຕ່າງໆ ເປັນຕົ້ນແມ່ນ ທາງດ້ານການເຄື່ອນໄຫວ, ຕາ, ແຂ້ວ-ຄາງ-ໃບໜ້າ, ຫູ-ດັງ-ຄໍ, ບາດແຜໄຟໄໝ້, ລະບົບທາງເດີນປັດສະວະ... ໄດ້ຮັບການກວດ, ວິນິດໄສຮ່ວມ, ປິ່ນປົວ ແລະ ຜ່າຕັດ. ນີ້ແມ່ນກິດຈະກຳທີ່ມີຄວາມໝາຍມະນຸດສະທຳອັນເລິກເຊິ່ງ, ປະກອບສ່ວນຊ່ວຍໃຫ້ພວກຫຼານໆມີໂອກາດໄດ້ຮັບການປິ່ນປົວ, ຟື້ນຟູໜ້າທີ່ການ, ປັບປຸງຄຸນນະພາບຊີວິດ ແລະ ສາມາດເຊື່ອມໂຍງເຂົ້າກັບຊຸມຊົນ.
ທ່ານ ຟາມຢາງນາມ (Phạm Giang Nam) - ຫົວໜ້າພະແນກສາທາລະນະສຸກແຂວງ ດຽນບຽນ ໄດ້ຈົດຈຳ ແລະ ສະແດງຄວາມຂອບໃຈຕໍ່ກັບການສະໜັບສະໜູນຂອງ ສູນກາງທີ II ຊ່ວຍເຫຼືອເດັກພິການໂດຍກົງ, ບັນດາຊ່ຽວຊານ, ແພດໝໍ, ອົງການຈັດຕັ້ງການກຸສົນ ແລະ ບັນດາຜູ້ອຸປະຖຳ ທີ່ໄດ້ຮ່ວມເດີນທາງໄປພ້ອມກັບໂຄງການພາຍໃດໄລຍະຫຼາຍປີທີ່ຜ່ານມາ, ເຊິ່ງໄດ້ນຳເອົາໂອກາດພາຍໃດການປິ່ນປົວພະຍາດ ແລະ ປ່ຽນແປງຊີວິດໃຫ້ແກ່ເດັກນ້ອຍຫຼາກຫຼາຍຄົນທີ່ມີເງື່ອນໄຂຄອບຄົວຝືດເຄືອງເປັນພິເສດ ຢູ່ພາຍໃດທ້ອງຖິ່ນແຂວງ.
ແນໃສ່ເຮັດໃຫ້ໂຄງການບັນລຸປະສິດທິຜົນສູງ, ທ່ານຫົວໜ້າພະແນກສາທາລະນະສຸກ ໄດ້ສະເໜີໃຫ້ໂຮງໝໍມະໂຫສົດແຂວງ ສືບຕໍ່ປະສານງານກັນຢ່າງສະໜິດແໜ້ນກັບ ສູນກາງທີ II, ຄະນະຊ່ຽວຊານ ແລະ ບັນດາກົມກອງທີ່ກ່ຽວຂ້ອງ ເພື່ອຈັດຕັ້ງປະຕິບັດບັນດາຂັ້ນຕອນວິຊາສະເພາະພາຍໃດການກວດ, ກັ່ນຕອງ, ຜ່າຕັດ ແລະ ການເບິ່ງແຍງດູແລຫຼັງການຜ່າຕັດຢ່າງເຂັ້ມງວດ, ຮັບປະກັນຄວາມປອດໄພຢ່າງເດັດຂາດໃຫ້ແກ່ຄົນເຈັບ; ໃນຂະນະດຽວກັນ ກໍສ້າງເງື່ອນໄຂອັນສະດວກທີ່ສຸດເພື່ອໃຫ້ພວກຫຼານໆໄດ້ເຂົ້າເຖິງບັນດາການບໍລິການສາທາລະນະສຸກທີ່ມີຄຸນນະພາບ ແລະ ມີປະສິດທິຜົນ.
ໂຄງການ “ການເດີນທາງຫວ່ານເມັດພັນຂຽວແຫ່ງຄວາມຫວັງ” ໄດ້ສືບຕໍ່ຢືນຢັນເຖິງຄວາມເອົາໃຈໃສ່ຂອງບັນດາຂັ້ນ, ບັນດາຂະແໜງການ ແລະ ທົ່ວສັງຄົມ ທີ່ມີຕໍ່ກັບວຽກງານການເບິ່ງແຍງດູແລ, ປົກປັກຮັກສາເດັກນ້ອຍ, ປະກອບສ່ວນຈັດຕັ້ງປະຕິບັດນະໂຍບາຍຮັບປະກັນສະຫວັດດິການສັງຄົມຢ່າງມີປະສິດທິຜົນ, ນຳເອົາຄວາມເຊື່ອໝັ້ນ ແລະ ຄວາມຫວັງມາໃຫ້ແກ່ເດັກນ້ອຍຜູ້ທີ່ຂາດໂຊກລາບ ຢູ່ພາຍໃດທ້ອງຖິ່ນແຂວງ ດຽນບຽນ.
 | ອົງການ Sunflower Mission (ອາເມລິກາ) ອຸປະຖຳໂຄງການກໍ່ສ້າງການສຶກສາ ມູນຄ່າ 4,9 ຕື້ດົ່ງ ຢູ່ແຂວງ ອານຢາງ ຍສໝ - ໃນຕອນເຊົ້າວັນທີ 8/6, ສະຫະພັນບັນດາອົງການຈັດຕັ້ງມິດທະພາບແຂວງ ອານຢາງ (An Giang), ອົງການ Sunflower Mission (ອາເມລິກາ) ຮ່ວມກັບ ຄະນະກຳມະການປະຊາຊົນຕາແສງ ອານຝູ (An Phú) ຈັດຕັ້ງພິທີສະຫຼອງ ແລະ ມອບ-ຮັບ ຫ້ອງຮຽນຈຳນວນ 6 ຫ້ອງ ຢູ່ທີ່ໂຮງຮຽນປະຖົມ "B" ... |
 | ກະຊວງການເງິນ ຫວຽດນາມ - ລາວ ເຊັນຂໍ້ຕົກລົງການຮ່ວມມື ໄລຍະ 2026-2030 ຍສໝ - ຕໍ່ໜ້າການຮ່ວມເປັນສັກຂີພິຍານ ຂອງທ່ານນາຍົກລັດຖະມົນຕີ ແຫ່ງສອງປະເທດ, ກະຊວງການເງິນ ຫວຽດນາມ ແລະ ກະຊວງການເງິນ ລາວ ໄດ້ແລກປ່ຽນຂໍ້ຕົກລົງການຮ່ວມມື ໄລຍະ 2026-2030, ເປີດກວ້າງການປະສານງານ ພາຍໃດຫຼາກຫຼາຍຂົງເຂດວຽກງານການເງິນທີ່ເປັນແກນຫຼັກ ແລະ ສຳຄັນ. |
