| ຍີ່ປຸ່ນ ຕີລາຄາສູງບົດບາດເປັນປະທານອາຊຽນ 2020 ຂອງ ຫວຽດນາມ | |
 | ນາຍົກລັດຖະມົນຕີ ຫວຽດນາມ ສົ່ງສານເຖິງກອງປະຊຸມອອນລາຍ "ສາມັກຄີກັນຕ້ານໂລກລະບາດໂຄວິດ-19" ຂອງ WHO |
ໃນວັນທີ 14 ເມສາ, ທ່ານ Dato Lim Jock Hoi, ເລຂາທິການໃຫຍ່ ອາຊຽນ ໄດ້ເນັ້ນໜັກວ່າ ສອງກອງປະຊຸມຂັ້ນສູງກ່ຽວກັບການຮັບມືກັບພະຍາດ Covid-19, ເຊິ່ງເປັນການຫຼັກຖານພະຍານໃຫ້ເຫັນເຖິງຄວາມສາມັກຄີ ລະຫວ່າງບັນດາປະເທດອາຊຽນ, ການຮ່ວມມືກັບ 3 ປະເທດຄູ່ຮ່ວມມື ໃນພາກພື້ນ (ຍີ່ປຸ່ນ, ຈີນ, ເກົາຫຼີ) ເພື່ອຮັບມືກັບການສະກັດກັ້ນພະຍາດ Covid-19.
ກ່ຽວກັບບົດບາດຂອງ ຫວຽດນາມ ເຊິ່ງເປັນປະທານອາຊຽນ 2020 ໃນການຊຸກຍູ້ຄວາມພະຍາຍາມຮ່ວມກັນ ເພື່ອສະກັດກັ້ນພະຍາດ Covid-19, ທ່ານ Dato Lim Jock Hoi, ເລຂາທິການໃຫຍ່ອາຊຽນ ໄດ້ຕີລາຄາສູງເລື່ອງຫວຽດນາມຊຸກຍູ້ການຮ່ວມມືປ້ອງກັນ, ຕ້ານໂລກລະບາດໂຄວິດ - 19.
 |
| ທ່ານ Dato Lim Jock Hoi, ເລຂາທິການໃຫຍ່ ອາຊຽນ. (ພາບ: TTXVN) |
ການຮັບມືກັບໂລກລະບາດໂຄວິດ-19 ຂອງອາຊຽນ ສ່ວນໃຫຍ່ແມ່ນເນື່ອງຈາກການນຳພາຂອງ ຫວຽດນາມ ໃນການຊຸກຍູການເຈລະຈາ ແລະ ການຮ່ວມມືໃນພາກພື້ນຢ່າງຕັ້ງໜ້າ. ການເຕົ້າໂຮມບັນດາປະເທດເພື່ອຈັດຕັ້ງ ປະຕິບັດກອງປະຊຸມສຸດຍອດພິເສດອາຊຽນ ແລະ ອາຊຽນ +3 ໃນຮູບແບບອອນລາຍຖ່າຍທອດສົດ ແມ່ນ “ຜົນສຳເລັດທີ່ແທ້ຈິງ”. ທ່ານ Dato Lim Jock Hoi ຢືນຢັນວ່າ: "ຫວຽດນາມ ໄດ້ສະແດງໃຫ້ເຫັນວ່າ ພວກເຮົາສາມາດຜ່ານຜ່າສິ່ງທ້າທາຍຈາກພະຍາດ Covid-19, ຖ້າບັນດາປະເທດໃນພາກພື້ນ ໄດ້ ຮ່ວມກັນດ້ວຍຄວາມສາມັກຄີ"
ຜູ້ຊ່ຽວຊານປະເທດຈີນ, ທ່ານ Ling Dequan (ອະດີດຜູ້ຕາງໜ້າສຳນັກຂ່າວ Xinhuashe ປະຈຳ ຫວຽດນາມ) ໃຫ້ຮູ້ວ່າ, ຫວຽດນາມມີບົດບາດລິເລີ່ມໃນການຈັດຕັ້ງກອງປະຊຸມສຸດຍອດພິເສດ ອາຊຽນ ໃນຄັ້ງນີ້.
ທ່ານ Ling Dequan ກ່າວວ່າ ໃນຖານະທີ່ເປັນປະທານອາຊຽນ 2020, ຫວຽດນາມ ໄດ້ມີບົດບາດ ສຳຄັນໃນການລິເລີ່ມ, ຈັດຕັ້ງ ແລະ ຊຸກຍູ້ກອງປະຊຸມພິເສດຄັ້ງນີ້ ໃຫ້ບັນລຸໝາກຜົນທີ່ດີ. ລັດຖະບານຈີນ ແລະ ປະຊາຄົມສາກົນ ກໍ່ໄດ້ຕີລາຄາສູງບົດບາດຂອງຫວຽດນາມ. ໂດຍສະເພາະ, ລັດຖະບານຈີນ ໄດ້ຊົມເຊີຍບັນດາຄວາມພະຍາຍາມ ແລະ ມາດຕະການຢ່າງມີປະສິດທິຜົນຂອງພັກ, ລັດຖະບານ ແລະ ປະຊາຊົນຫວຽດນາມ ໃນບັ້ນການຕໍ້ສູ້ຕ້ານພະຍາດ Covid-19ຳ. ໃນສະພາບການປະຈຸບັນ, ສອງປະເທດ ສາມາດແບ່ງປັນມາດຕະການ ແລະ ປະສົບການທີ່ມີຄຸນຄ່າ, ເພື່ອຜ່ານຜ່າຜົນກະທົບທີ່ເກີດຈາກການລະບາດຂອງ Covid-19 ຕໍ່ການຄ້າ ແລະ ການທ່ອງທ່ຽວສອງຝ່າຍ.
 | ບັນດາປະເທດ ອາຊຽນ ສະໜັບສະໜູນຂໍ້ລິເລີ່ມ ຂອງຫວຽດນາມ ກ່ຽວກັບການຮັບມືກັບໂລກລະບາດໂຄວິດ - 19 ຍສໝ - ການນໍາບັນດາປະເທດ ອາຊຽນ ໄດ້ຢັ້ງຢືນວ່າ ບຸລິມະສິດແຖວໜ້າຂອງ ອາຊຽນ ໃນປັດຈຸບັນ ແມ່ນຄວບຄຸມ ແລະ ສະກັດກັ້ນການແຜ່ລະບາດຂອງໂລກລະບາດ, ໂດຍສະເພາະແມ່ນການແຜ່ລະບາດຂ້າມຊາຍແດນ. |
 | ກອງປະຊຸມສຸດຍອດພິເສດອາຊຽນ: ຫວຽດນາມ ໄດ້ນຳສະເໜີຂໍ້ລິເລີ່ມເພື່ອສະກັດກັ້ນ ພະຍາດ COVID-19 ຍສໝ - ວັນທີ 14 ເມສາ, ທີ່ກອງປະຊຸມອອນລາຍຖ່າຍທອດສົດ,ໃນຖານະເປັນປະທານອາຊຽນ 2020, ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານກອງປະຊຸມສຸດຍອດພິເສດອາຊຽນ ແລະ ກອງປະຊຸມສຸດຍອດພິເສດອາຊຽນ +3 (ຈີນ, ຍີ່ປຸ່ນ ແລະ ເກົາຫຼີໃຕ້), ໄດ້ສົນທະນາກ່ຽວກັບການຮັບມືພະຍາດ COVID-19. |
 | ກອງປະຊຸມສຸດຍອດພິເສດອາຊຽນ ຄາດວ່າຈະອອກຖະແຫຼງການຮ່ວມກ່ຽວກັບບັນຫາໂລກລະບາດໂຄວິດ-19 ຍສໝ - ກອງປະຊຸມສຸດຍອດອາຊຽນ ພິເສດ ແລະ ກອງປະຊຸມສຸດຍອດອາຊຽນ +3 ພິເສດ (ລວມມີ: ຈີນ, ຍີ່ປຸ່ນ ແລະ ສ.ເກົາຫຼີ) ກ່ຽວກັບບັນຫາໂຄວິດ-19 ຈະ ໄດ້ຈັດຂຶ້ນ ໃນ ວັນທີ 14 ເມສາ 2020. |
ຄຳຮຸ່ງ
