ມື້ວັນທີ 16 ກໍລະກົດທີ່ຜ່ານມາ ນັກລົງທືນ Warren Buffett ໄດ້ລວບລວມເງິນບໍລິຈາກໄດ້ເຖິງ 3,4 ຕື້ໂດລາສະຫະລັດ ເງິນໂບນັດແຕ່ລະປີ ຈາກຫຸ້ນຂອງບໍລິສັດ Berkshire Hathaway ເພື່ອຮັດການກຸສົນ.
ຕັ້ງແຕ່ໃດມາຈຳນວນເງິນໂບນັດດັ່ງກ່າວນີ້ແມ່ນຈະຖືກມອບໃຫ້ ອົງການ-ການກຸສົນ ບິນ ແລະ ເມລິນດາ ເກດສ (thiện Bill & Melinda Gates Foundation) ອົງການນີ້ສ້າງຕັ້ງໂດຍຄອບຄົວສອງຜົວເມຍ ມະຫາເສດຖີ ບິນເກດສ ແລະ ອີກ 4 ອົງການ-ການກຸສົນ ຂອງຄອບຄົວ Buffett.
ທັງ 4 ອົງການ-ການກຸສົນນັ້ນປະກອບມີ: ອົງການທີ່ສຸມໃສ່ການເຄື່ອນໄຫວດ້ານການສືກສາ ທີ່ມີຊື່ວ່າ ຊູຊານ ເມຍຂອງ ບັບເຟດ; ອົງການ Sherwood Foundation ບໍລິຫານໂດຍລູກສາວ ຂອງ ບັບເຟດ; Howard G. Buffett Foundation- ບໍລິຫານໂດຍລູກຊາຍ ຂອງ ບັບເຟດ; ແລະ ອົງການ NoVo Foundation- ບໍລິຫານໂດຍ ລູກຊາຍຫຼ້າ ຂອງ ບັບເຟດ.
ມະຫາເສດຖີ ວາເລນ ບັບເຟດ ມີຊັບສິນຫຼາຍເປັນອັນດັບ 3 ປະມານ 82 ຕື້ໂດລາສະຫະລັດ.
ຖ້າໄລ່ທັງຈຳນວນເງິນ 3,4 ຕື້ໂດລາສະຫະລັດນີ້ ບັບເຟດ ໄດ້ບໍລິຈາກໃຫ້ແກ່ການກຸສົນລວມແລ້ວປະມານ 31 ຕື້ໂດລາສະຫະລັດ.
ປີ 2016 ທ່ານໄດ້ປະກາດວ່າທ່ານຈະຄ່ອຍໆບໍລິຈາກເງິນທັງໝົດ ທີ່ໄດ້ມາຈາກຫຸ້ນຂອງຕົນ ໃນບໍລິສັດ Berkshire ໃຫ້ແກ່ການກຸສົນ. ທ່ານຍັງເປັນຜູ້ໜື່ງທີ່ນຳໜ້າພາທາງໃນການປຸກລະດົມມະຫາເສດຖີທົ່ວໂລກສຸມໃສ່ວຽກງານການກຸສົນ.
ປີ 2010 ຄອບຄົວ ບິນ ແລະ ເມລິນດາ ເກດສ ເລີ່ມໂຄງການ The Giving Pledge - ແນວຄິດປຸກລະດົມບັນດາມະຫາເສດຖີຂອງໂລກ ປະກອບສ່ວນບໍລິຈາກຊັບສົມບັນຂອງຕົນໃຫ້ແກ່ການກຸສົນ.
ຕາມສະຖິຕິການຄິດໄລ່ຂອງ Forbes, Buffett ປະຈຸບັນ ມີຊັບສິນຫຼາຍກວ່າ 82 ຕື້ໂດລາສະຫະລັດ , ເປັນມະຫາເສດຖີອັນດັບທີ 3 ຖັດຈາກ ບິນເກດສ ແລະ ເຈົ້າຂອງ Amazon Jeff Bezos ໂດຍມີຊັບສິນ ຫຼາຍກວ່າ 150 ຕື້ໂດລາສະຫະລັດ.
(ຫັດທະບູນ)