 | ໂຄສະນາວັດທະນະທຳ ແລະ ອາຫານການກິນ ຫວຽດນາມ ຢູ່ ຮົງກົ່ງ ແລະ ມາກາວ (ຈີນ) |
| ໄຊຊະນະ ດ້ຽນບຽນຝູ - ເປັນຂົວເຊື່ອມຕໍ່ຊ່ວຍໃຫ້ ຫວຽດນາມ ແລະ ອານເຊຣີ ແບ່ງປັນອະດີດ ແລະ ມຸ່ງໄປເຖິງອະນາຄົດ |
ກຽມພ້ອມທີ່ຈະສົບທົບກູ້ໄພ
ໃນເວລາປະມານ 8 ໂມງເຊົ້າຂອງວັນທີ 3 ພະຈິກ, ໄດ້ເກີດເຫດໄຟໄໝ້ຢູ່ຊັ້ນ 7 ຂອງຕຶກກາຊີໂນ 7 ຊັ້ນ, ຢູ່ຕາແສງ Tropeng Phlong, ເມືອງ Ponhia Kret, ແຂວງ Tbong Khmum, ລາຊະອານາຈັກ ກຳປູເຈຍ. ກຳລັງປະຕິບັດໜ້າທີ່ປ້ອງກັນອັກຄີໄພ ກຳປູເຈຍ ໄດ້ຜັນຂະຫຍາຍກຳລັງປ້ອງກັນ, ຕ້ານອັກຄີໄພ ແລະ ລົດດັບເພີງ 3 ຄັນໄປຮອດບ່ອນເກີດເຫດ, ແຕ່ບໍ່ສາມາດຄວບຄຸມໄຟໄດ້, ຈຶ່ງໄດ້ຮຽກຮ້ອງໃຫ້ກຳລັງປ້ອງກັນ ແລະ ຕ້ານອັກຄີໄພຂອງຕຳຫຼວດແຂວງ ໄຕນິງ - ຫວຽດນາມ ມາຊ່ວຍເຫຼືອ.
ເມື່ອກຳລັງປ້ອງກັນ ແລະ ຕ້ານອັກຄີໄພຂອງຕຳຫຼວດແຂວງ ໄຕນິງ ເຂົ້າໄປຮອດຈຸດເກີດເຫດ, ມີ 3 ຫ້ອງພັກຢູ່ຊັ້ນ 7 ຂອງກາຊີໂນໄດ້ເກີດໄຟໄໝ້ຢ່າງຮຸນແຮງ. ພື້ນທີ່ໄຟໄໝ້ແມ່ນປະມານ 80 ຕາແມັດ, ຄວັນໄຟ ແລະ ແກັສພິດໄດ້ແຜ່ລາມໄປເຖິງຊັ້ນ 4, 5, 6 ແລະ 7 ຂອງອາຄານ. ບັນດາພະນັກງານ ແລະ ນັກຮົບຕຳຫຼວດປ້ອງກັນອັກຄີໄພແຂວງ ໄຕນິງ ໄດ້ປະຕິບັດການວາງກຳລັງ 2 ລັງ A ພ້ອມດ້ວຍລະບົບທໍ່ດັບເພີງກຳແພງ ເພື່ອດັບເພີງຢ່າງຮີບດ່ວນ ແລະ ກູ້ຊ່ວຍຜູ້ຖືກເຄາະຮ້າຍ 4 ຄົນທີ່ພວມເຈັບບາດ ແລະ ຕິດຄ້າງຢູ່ຊັ້ນ 5, 6 ຂອງອາຄານ. ພາຍຫຼັງດັບໄຟຢ່າງຕັ້ງໜ້າເປັນເວລາ 2 ຊົ່ວໂມງ, ຮອດເວລາ 13 ໂມງ 30 ນາທີ ຂອງວັນດຽວກັນ, ໄຟໄດ້ຮັບການຄວບຄຸມມອດໝົດ.
 |
| ຕຳຫຼວດ ໄຕນິງ ໃຫ້ການຊ່ວຍເຫຼືອ ກຳປູເຈຍ ດັບເພີງກາຊີໂນ 7 ຊັ້ນ. |
ຫຼັງຈາກນັ້ນ, ຄະນະປະຕິບັດງານໂດຍທ່ານພົນຈັດຕະວາ Sui Bun Hieng, ຮອງຫົວໜ້າຮັບຜິດຊອບດ້ານປ້ອງກັນອັກຄີໄພ ແລະ ວັດຖຸລະເບີດ, ພະແນກຕຳຫຼວດແຂວງ Tboung Kh'mum, ລາຊະອານາຈັກ ກຳປູເຈຍ ເປັນຫົວໜ້າຄະນະໄດ້ເຂົ້າຢ້ຽມຢາມຖາມຂ່າວ ແລະ ສົ່ງຄຳຂອບໃຈເຖິງຕຳຫຼວດແຂວງ ໄຕນິງ.
ເປັນທີ່ໄດ້ຮູ້ກັນວ່າ, ໃນໄລຍະທີ່ຜ່ານມາ, ກຳລັງຕຳຫຼວດປ້ອງກັນອັກຄີໄພ ແລະ ກູ້ຊີບກູ້ໄພ ຫວຽດນາມ ຍາມໃດກໍ່ຕັ້ງໜ້າ ແລະ ເປັນເຈົ້າການປະຕິບັດໜ້າທີ່ຮັບຜິດຊອບບັນດາບັນຫາສາກົນກ່ຽວກັບວຽກງານປ້ອງກັນ ແລະ ຕ້ານອັກຄີໄພ, ກູ້ຊີບກູ້ໄພຢູ່ ລາວ ແລະ ກຳປູເຈຍ.
ລະອຽດ, ຕຳຫຼວດແຂວງ ໄຕນິງ ໄດ້ເປັນເຈົ້າການສົມທົບກັບບັນດາຫົວໜ່ວຍປະຕິບັດໜ້າທີ່ຂອງແຂວງ SvayRieng - ກຳປູເຈຍ ຈັດຕັ້ງການດັບເພີງ 3 ເຫດໄຟໄໝ້ໃນໄລຍະ ປີ 2017-2023. ຕຳຫຼວດແຂວງ ກວາງຈີ້ ໄດ້ເປັນເຈົ້າການສົມທົບກັບບັນດາຫົວໜ່ວຍປະຕິບັດໜ້າທີ່ຂອງແຂວງ ສະຫວັນນະເຂດ - ລາວ ເພື່ອຈັດຕັ້ງການດັບເພີງ 4 ເຫດການໃນໄລຍະ ປີ 2014-2020.
ໂດຍຜ່ານນັ້ນ, ກໍ່ສາມາດເຫັນໄດ້ວ່າ, ການໜູນຊ່ວຍຢ່າງທັນການຂອງບັນດາໜ່ວຍຕຳຫຼວດປ້ອງກັນອັກຄີໄພ ແລະ ກູ້ຊີບກູ້ໄພ ຫວຽດນາມ ໄດ້ປະກອບສ່ວນເຮັດໃຫ້ຄວາມເສຍຫາຍກ່ຽວກັບຊີວິດອິນຊີ ແລະ ຊັບສິນໄດ້ຫຼຸດລົງ ເວົ້າສະເພາະ ແລະ ໄດ້ປະກອບສ່ວນຮັດແໜ້ນສາຍພົວພັນອັນດີງາມ, ຄວາມຮັກແພງຊ່ວຍເຫຼືອເຊິ່ງກັນ ແລະ ກັນຂອງປະຊາຊົນ 3 ປະເທດ.
ຮ່ວມກັນຊຸກຍູ້ການພັດທະນາ, ລະບົບປົກກະຕິ ແລະ ຍອດຢ້ຽມ
ເພື່ອສະແດງໃຫ້ເຫັນຄວາມຕັດສິນໃຈໃນການຮ່ວມມືຢ່າງເລິກເຊິ່ງລະຫວ່າງບັນດາອົງການຕຳຫຼວດປ້ອງກັນອັກຄີໄພ ແລະ ກູ້ຊີບກູ້ໄພຂອງ 3 ປະເທດ ບົນຈິດໃຈຮ່ວມມື “ສາມັກຄີ, ແບ່ງປັນ, ຊ່ວຍເຫຼືອເຊິ່ງກັນ ແລະ ກັນ ເພື່ອຍົກສູງຄວາມສາມາດໃນການຕໍ່ສູ້” ການເຄື່ອນໄຫວຫຼາຍຢ່າງໄດ້ຈັດຕັ້ງຂຶ້ນໃນປີທີ່ຜ່ານມາ.
ນັ້ນແມ່ນກອງປະຊຸມຮ່ວມມື ແລະ ແລກປ່ຽນປະສົບການໃນວຽກງານປ້ອງກັນອັກຄີໄພ ແລະ ກູ້ຊີບກູ້ໄພຢູ່ 3 ປະເທດ ຫວຽດນາມ - ລາວ - ກຳປູເຈຍ ຄັ້ງທຳອິດ ໄດ້ຈັດຂຶ້ນຢູ່ນະຄອນ ດ່ານັງ ໃນເດືອນ ມີນາ ປີ 2024. ທີ່ກອງປະຊຸມ, ຜູ້ແທນຂອງສາມປະເທດໄດ້ແລກປ່ຽນ, ແບ່ງປັນ ແລະ ປຶກສາຫາລື 3 ກຸ່ມບັນຫາຕົ້ນຕໍ, ໃນນັ້ນມີ: ປຶກສາຫາລືກ່ຽວກັບສະພາບການປ້ອງກັນ, ຕ້ານອັກຄີໄພ, ກູ້ຊີບກູ້ໄພຢູ່ແຕ່ລະປະເທດ; ປຶກສາຫາລືກ່ຽວກັບທິດທາງການຮ່ວມມືໃນເວລາຈະມາເຖິງ; ປຶກສາຫາລືກ່ຽວກັບກົນໄກການປະສານງານເພື່ອເຂົ້າຮ່ວມວຽກງານດັບເພີງ ແລະ ກູ້ຊີບກູ້ໄພ ເມື່ອເກີດອັກຄີໄພ ຫຼື ເກີດເຫດການຢູ່ເຂດຊາຍແດນ ເຊິ່ງຕ້ອງການລະດົມກຳລັງ ແລະ ພາຫະນະຈາກບັນດາຄູ່ຮ່ວມມືສາກົນເຂົ້າຮ່ວມ.
 |
| ບັນດານັກຮົບຕຳຫຼວດປ້ອງກັນອັກຄີໄພ ແລະ ກູ້ຊີບກູ້ໄພ ຫວຽດນາມ - ລາວ - ກຳປູເຈຍ ຝຶກຊ້ອມຮ່ວມ. |
ນອກຈາກນັ້ນ, ຕຳຫຼວດປ້ອງກັນອັກຄີໄພ ແລະ ກູ້ຊີບກູ້ໄພ 100 ກວ່າຄົນຈາກ 3 ປະເທດ ກຳປູເຈຍ - ລາວ - ຫວຽດນາມ ໄດ້ເຂົ້າຮ່ວມການຝຶກຊ້ອມແຜນງານແກ້ໄຂກໍລະນີອຸບັດເຫດທາງເຄມີ ແລະ ລົດບັນທຸກນໍ້າມັນແອັດຊັງ, ກາຊວນ ຢູ່ເຂດຊາຍແດນ.
ບັນດາຝ່າຍຍັງຈະສືບຕໍ່ແລກປ່ຽນຂໍ້ມູນຂ່າວສານກ່ຽວກັບການປ້ອງກັນອັກຄີໄພ ແລະ ເພີ່ມທະວີການຮ່ວມມື ເພື່ອແນໃສ່ຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມ; ຈັດຕັ້ງການພົບປະ, ປະເມີນ ແລະ ຖອດຖອນບົດຮຽນຈາກໝາກຜົນຂອງການປະສານງານລະຫວ່າງບັນດາກໍາລັງວິຊາສະເພາະຢ່າງເປັນປະຈຳ. ນອກຈາກນັ້ນ, ບັນດາຝ່າຍຍັງໄດ້ຈັດຕັ້ງການຝຶກຊ້ອມໃນແຕ່ລະປີລະຫວ່າງກຳລັງປ້ອງກັນ ແລະ ຕ້ານອັກຄີໄພຊາຍແດນ ເພື່ອແນໃສ່ແລກປ່ຽນປະສົບການຕົວຈິງ; ຊຸກຍູ້ການພົວພັນລະຫວ່າງກຳລັງປ້ອງກັນ ແລະ ຕ້ານອັກຄີໄພຢູ່ບັນດາແຂວງຊາຍແດນໃນການໂຄສະນາເຜີຍແຜ່ແກ່ປະຊາຊົນສອງຟາກຊາຍແດນກ່ຽວກັບຜົນຮ້າຍຢ້ອນຫຼັງຈາກອັກຄີໄພ ແລະ ບັນດາມາດຕະການປ້ອງກັນ, ຕ້ານອັກຄີໄພ...
 | ທ່ານປະທານສະພາແຫ່ງຊາດໄດ້ໄປຢ້ຽມຢາມສະຖານທູດ ແລະ ພົບປະກັບປະຊາຄົມຊາວຫວຽດນາມ ປະຈຳ ກຳປູເຈຍ ຍສໝ - ຕອນບ່າຍວັນທີ 23 ພະຈິກ, ຢູ່ສຳນັກງານສະຖານທູດ ຫວຽດນາມ ປະຈຳນະຄອນຫຼວງ ພະນົມເປັນ - ກຳປູເຈຍ, ທ່ານປະທານສະພາແຫ່ງຊາດ ຫວຽດນາມ ເຈິນແທງເໝີ໊ນ ແລະ ຄະນະຜູ້ແທນຂັ້ນສູງພັກ ແລະ ລັດ ຫວຽດນາມ ໄດ້ມີການພົບປະຢ່າງສະໜິດສະໜົມກັບພະນັກງານ, ລັດຖະກອນສະຖານທູດ ແລະ ປະຊາຄົມຊາວຫວຽດນາມ ຢູ່ ກຳປູເຈຍ. |
 | ພັດທະນາວັດທະນະທຳຢູ່ເຂດຊາຍແດນ ຫວຽດນາມ - ລາວ - ກຳປູເຈຍ ຍສໝ - ເຂດຊາຍແດນ ຫວຽດນາມ - ລາວ - ກຳປູເຈຍ ແມ່ນບ່ອນປະສົມປະສານຂອງຫຼາຍຊົນເຜົ່າດ້ວຍບັນດາສີສັນວັດທະນະທຳທີ່ຫຼາກຫຼາຍ ແລະ ອຸດົມສົມບູນ. ຄວາມໃກ້ຊິດທາງດ້ານພູມສາດ ພ້ອມກັບພື້ນຖານວັດທະນະທຳ ແລະ ປະຫວັດສາດອັນຍາວນານໄດ້ສ້າງເປັນການພົວພັນແບບພິເສດລະຫວ່າງ 3 ປະເທດ, ໃນນັ້ນ ວັດທະນະທຳມີບົດບາດເປັນເຊືອກເຊື່ອມຕໍ່ຢ່າງແໜ້ນແຟ້ນ. ການພັດທະນາວັດທະນະທໍາຢູ່ເຂດຊາຍແດນໄດ້ຮັບຄວາມເອົາໃຈໃສ່ຈາກບັນດາປະເທດ, ເພື່ອແນໃສ່ອະນຸລັກສີສັນຂອງຊາດ, ພ້ອມກັນນັ້ນ ກໍ່ຊຸກຍູ້ການແລກປ່ຽນວັດທະນະທໍາ, ເຊື່ອມໂຍງໃນສະພາບການທີ່ທັນສະໄຫມ. |
ມິງດຶກ
