ໄຊຊະນະ ດ້ຽນບຽນຝູ - ເປັນຂົວເຊື່ອມຕໍ່ຊ່ວຍໃຫ້ ຫວຽດນາມ ແລະ ອານເຊຣີ ແບ່ງປັນອະດີດ ແລະ ມຸ່ງໄປເຖິງອະນາຄົດ

	ກະຊວງປ້ອງກັນປະເທດ ລາວ ຈັດການໂອ້ລົມຫົວເລື່ອງສະເພາະກ່ຽວກັບໄຊຊະນະ ດ້ຽນບຽນຝູ
	ປະທານສະມາຄົມມິດຕະພາບ ລາວ-ຫວຽດນາມ ສະແດງຄວາມຊົມເຊີຍ 70 ປີແຫ່ງວັນໄຊຊະນະ ດ້ຽນບຽນຝູ

ບັນຍາກາດທີ່ກອງປະຊຸມການສຳມະນາ.

ເຂົ້າ​ຮ່ວມ​ເປັນ​ປະ​ທານ​ກອງ​ປະ​ຊຸມ, ສຳລັບຝ່າຍ ​ຫວຽດ​ນາມ ມີ​ທ່ານ​ພົນ​ຈັດຕະວາ ຫງວຽນ​ຮວ່າງ​ຍຽນ, ຫົວໜ້າສະ​ຖາ​ບັນ​ປະ​ຫວັດ​ສາດ​ການ​ທະ​ຫານ ແລະ ທ່ານ ຫວໍ​ຮົ່ງ​ນາມ, ລູກ​ຊາຍ​ຂອງທ່ານ​ພົນ​ເອກ ຫວໍ​ຫງວ່ຽນ​ຢ໋າບ.

ໂດຍມີ​ຜູ້ຕາງໜ້າ​ບັນດາ​ກະຊວງ, ຂະ​ແໜງ​ການຂອງ ອານເຊຣີ, ບັນດານັກຮົບ, ນັກ​ຮົບ​ເກົ່າ​, ຜູ້ອາວຸໂສທີ່ເຂົ້າຮ່ວມການປະຕິວັດ, ນັກ​ຮຽນຮູ້, ​ບັນດາເພື່ອນ​ມິດ​ທີ່​ຮັກ​ແພງ​ ຫວຽດນາມ ​ແລະ ນັກ​ຂ່າວ​ທີ່​ມາ​ຈາກ​ປະມານ 40 ອົງການໜັງສືພິມ, ໂທລະພາບ​ຂອງ ອານເຊຣີ ໄດ້ເຂົ້າຮ່ວມຢ່າງຫຼວງຫຼາຍ.

ເຂົ້າ​ຮ່ວມ ​ແລະ ກ່າວ​ຄຳ​ປາໄສທີ່ພິທີ​ເປີດກອງ​ປະຊຸມສຳມະນາ, ທ່ານ​ລັດຖະມົນຕີ​​ກະຊວງ​ນັກຮົບ​ເກົ່າ ​ແລະ ຜູ້ທີ່ມີຄຸນງາມຄວາມດີ ອານເຊຣີ ທ່ານ Laid Rebiga ໄດ້​ເນັ້ນ​ໜັກ​ວ່າ ກອງ​ປະຊຸມສຳມະນາ​ຄັ້ງ​ນີ້​ແມ່ນ​ໜຶ່ງ​ໃນ​ບັນດາ​ການ​ເຄື່ອນ​ໄຫວ​ສະ​ເຫຼີ​ມສະຫຼອງ 70 ປີ​ແຫ່ງ​ວັນ​ໄຊຊະນະ ດ້ຽນບຽນ​ຝູ ກໍ່ຄື​ 70 ປີແຫ່ງວັນຄົບຮອບການປະຕິວັດລະເບີດຂຶ້ນຢູ່ ອານເຊຣີ ອັນສະຫງ່າລາສີ (ວັນທີ 1 ພະຈິກ). ​ເຖິງ​ວ່າ​ສອງ​ເຫດການ​ດັ່ງກ່າວ​ໄດ້​ເກີດ​ຂຶ້ນ​ໃນ​ສະພາບ​ການ​ ແລະ ​ທີ່​ຕັ້ງ​ພູມ​ສາດ​ທີ່​ແຕກ​ຕ່າງ​ກັນ, ​ແຕ່​ໄດ້​ເຊື່ອມ​ໂຍງ​ເຂົ້າ​ກັນ​ຍ້ອນ​ປະຫວັດສາດ​ແຫ່ງ​ການ​ຕໍ່ສູ້​ຮ່ວມ​ກັນ ​ແລະ ມີ​ວິ​ໄສ​ທັດ​ອັນ​ດຽວ​ກັນ​ໃນ​ການ​ສ້າງ​ອະນາຄົດ​ທີ່​ສວຍ​ງາມ.

ບັ້ນຮົບ ດ້ຽນບຽນຝູ ໄດ້ປ່ຽນແປງຫຼາຍຄວາມເຊື່ອໝັ້ນ, ທິດສະດີຂອງບັນດານັກຊ່ຽວຊານການທະຫານ ແລະ ຍຸດທະສາດໃນທົ່ວໂລກ ພ້ອມກັນນັ້ນກໍ່ເຮັດໃຫ້ບັນດາຊ່ຽວຊານຕາເວັນອອກ ແລະ ຕາເວັນຕົກ ຕ້ອງຄິດໄລ່ຄືນເຖິງບັນດາພື້ນຖານທີ່ບັ້ນຮົບນີ້ວາງອອກເຊັ່ນ: ສິລະປະການຕໍ່ສູ້, ການນຳໃຊ້ອາວຸດ ແລະ ຍຸດໂທປະກອນ.

ທະຫານ​ຫວຽດນາມ, ດ້ວຍ​​ການນຳໃຊ້ບັນດາວິທີ​ການ​ທີ່ປະຖົມປະຖານ, ​ໄດ້​ຜ່ານ​ຜ່າ​ບັນດາ​ຂຸມຄອງທີ່​ສັບສົນ​ທີ່​ສຸດ, ທຳລາຍ​ບັນດາແນວ​ປ້ອງ​ກັນ​ອັນແຂງແກ່ນທີ່ສຸດ ​ແລະ ດຳ​ເນີນ​ການ​ສູ້ຮົບ​ດ້ວຍ​ການ​ເຂົ້າ​ຮ່ວມ​ຂອງໝົດ​ທຸກກຳລັງ.

ໄຊຊະນະອັນຍິ່ງໃຫຍ່ຂອງ ດ້ຽນບຽນຝູ ແມ່ນບົດຮຽນທີ່ເປັນອະມະຕະຂອງຊາດທີ່ພິສູດໃຫ້ເຫັນວ່າ ປະຊາຊົນຜູ້ທີ່ຍາມໃດກໍ່ຖືກກົດຂີ່ຂົ່ມເຫັງ ມີຄວາມສາມາດໃນການຍຶດອໍານາດຄືນມາ ແລະ ເຮັດໃຫ້ສັດຕູຕ້ອງເຄົາລົບນັບຖື, ໄຊຊະນະນີ້ຍັງຊ່ວຍໃຫ້ບັນດາຊາດທີ່ບໍ່ມີທ່າແຮງອື່ນໆມີຄວາມຮູ້ສຶກພາກພູມໃຈ ແລະ ມີກຳລັງໃຈຕື່ມອີກ.

ບັນດາການນໍາປະຕິວັດ ອານເຊຣີ ໄດ້ຮັບຮູ້ຄວາມສໍາຄັນຂອງໄຊຊະນະນັ້ນ, ໄຊຊະນະນັ້ນໄດ້ເຮັດໃຫ້ພວກລ່າເມືອງຂຶ້ນສັ່ນສະເທືອນ ແລະ ເປີດເຜີຍເນື້ອແທ້ຂອງພວກມັນ. ນັ້ນ​ແມ່ນ​ແຫຼ່ງກຳລັງແຮງ​ທາງ​ຈິດໃຈ ​ແລະ ​ຫຼໍ່ລ້ຽງເຈດ​ຈຳນົງ, ສິ່ງເຫຼົ່ານີ້​ໄດ້​ປະກອບສ່ວນ​ຊຸກຍູ້​ການ​ປະຕິວັດ​ເພື່ອ​ປົດ​ປ່ອຍ ອານເຊຣີ.

ໃນການປະກອບ​ຄຳ​ເຫັນ​ທີ່​ກອງ​ປະຊຸມ, ທ່ານ​ພົນຈັດຕະວາ ຫງວຽນ​ຮວ່າງ​ຍຽນ ຖື​ວ່າ ອາດ​ຈະ​ເວົ້າ​ໄດ້​ວ່າ ໄຊຊະນະ​ ດ້ຽນບຽນ​ຝູ ​ໄດ້​ນຳ​​ ຫວຽດນາມ ​ແລະ ອານເຊຣີ ຫຍັບ​ເຂົ້າ​ໃກ້​ກັນ​ເປັນ​ສອງ​ປະ​ເທດ “ບ້ານ​ໃກ້​ເຮືອນ​ຄຽງ” ດ້ວຍ​ການປະສົມປະສານທີ່ມີລັກສະນະ​ຍຸກ​ສະ​ໄໝ. ຈາກ ດ້ຽນບຽນຝູ ຂອງ ຫວຽດນາມ, ອານເຊຣີ ສາມາດເຫັນໄດ້ເສັ້ນທາງປົດປ່ອຍທີ່ຖືກຕ້ອງ, ໄດ້ຮັບກຳລັງຜັກດັນໃໝ່ ແລະ ມີຄວາມເຊື່ອໝັ້ນວ່າຕ້ອງມີໄຊຊະນະໃໝ່ຢ່າງແນ່ນອນ ເພື່ອນຳພາເຮືອປະຕິວັດຂຶ້ນສູ່ຝັ່ງຜົນສຳເລັດ. ​ນັ້ນແມ່ນ​ຕົວ​ຢ່າງ​ທີ່​ເປັນ​ແບບຢ່າງ​​ກ່ຽວກັບ​ຄຸນຄ່າ​ປົດ​ປ່ອຍ​ມະນຸດ​ຂອງ​ໄຊຊະນະ ​ດ້ຽນບຽນ​ຝູ.

ທ່ານ ຫວໍຮົ່ງນາມ ຕີ​ລາຄາ​ວ່າ ໄຊຊະນະ ​ດ້ຽນບຽນ​ຝູ ​ໄດ້​ເຊື່ອມ​ໂຍງ​ປະຊາຊົນ​ສອງ​ປະ​ເທດ ຫວຽດນາມ ​- ອານເຊຣີ, ​ເຊື່ອມ​ໂຍງລະຫວ່າງບັນດາຄົນຜູ້​ທີ່​ຕໍ່ສູ້​ຮ່ວມ​ກັນ​ເພື່ອ​ເສລີພາບ​ຂອງປະ​ເທດ​ຊາດ. ກອງ​ປະ​ຊຸມ​ໄດ້​ຈັດ​ຂຶ້ນ​ໃນຈຸດ​ເວ​ລາ​ປະ​ຫວັດ​ສາດ, ເມື່ອ​ສອງ​ປະ​ຊາ​ຊົນສອງຊາດ - ສອງ​ປະ​ເທດ​ໄດ້​ສະ​ເຫຼີມ​ສະ​ຫຼອງ​ວັນ​ຄົບ​ຮອບ 70 ປີ​ທີ່​ມີ​ຄວາມ​ຫມາຍ​ຫຼາຍຢ່າງ. ຝ່າຍເພື່ອນ​ໄດ້​ສຸມ​ໃສ່​ຄົ້ນ​ຄ້ວາ, ມີຫຼາຍ​ໂຄງການ ​ແລະ ຕີ​ລາຄາ​ກ່ຽວ​ກັບ​ຄວາມ​ໝາຍ​ໄຊຊະນະ​ ດ້ຽນບຽນ​ຝູ, ​ກ່ຽວກັບການ​ນຳພາ​ຂອງ​ພັກ, ຂອງລຸງ​ ໂຮ່ ​ແລະ ກອງທັບ​ປະຊາຊົນ ​ຫວຽດນາມ, ​ກໍ່ຄື​ບົດບາດ​ຂອງ​ທ່ານພົນ​ເອກ, ຜູ້​ບັນຊາ​ການ​ສູງສຸດ ຫວໍຫ​ງວ່ຽນ​ຢ໋າບ ໃນ​ບັ້ນຮົບ​ປະ​ຫວັດ​ສາດ ດ້ຽນ​ບຽນ​ຝູ. ນີ້​ແມ່ນ​ການ​ເຊື່ອມ​ໂຍງ​ປະຫວັດສາດ​ລະຫວ່າງ​ສອງ​ປະ​ເທດ.

ໂດຍກ່າວເຖິງຄວາມສະໜິດຕິດພັນພັນ​​ລະຫວ່າງ​ປະຊາຊົນ​ສອງ​ປະ​ເທດ, ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ອານເຊຣີ ເຈິ່ນກວັ໋ກແຂ໋ງ ຢືນຢັນ​ວ່າ ຫວຽດນາມ ​ແລະ ອານເຊຣີ ພ້ອມກັນ​ແບ່ງປັນ​ບັນດາ​ຄຸນຄ່າ​ອັນ​ສູງ​ສົ່ງ​ຂອງ​ການ​ປົດ​ປ່ອຍ​ຊາດ ​ແລະ ​ປົດ​ປ່ອຍ​ມະນຸດ. ໄຊຊະນະ ດ້ຽນບຽນຝູ ແລະ ການປະຕິວັດ ອານເຊຣີ ແມ່ນ 2 ຂີດໝາຍອັນສະຫງ່າລາສີທີ່ສຸດ, ມີຄວາມໝາຍບໍ່ພຽງແຕ່ສຳລັບອະດີດ, ປັດຈຸບັນເທົ່ານັ້ນ, ຫາກຍັງເພື່ອອະນາຄົດ, ພາພວກເຮົາໄປເຖິງເສັ້ນທາງແຫ່ງການພັດທະນາທີ່ຈະເລີນຮຸ່ງເຮືອງ, ເພື່ອຜົນປະໂຫຍດຂອງປະຊາຊົນ.

ໄຂງານວາງສະແດງສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ (7 ພຶດສະພາ 1954-7 ພຶດສະພາ 2024) ຍສໝ - ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 70 ປີ​ແຫ່ງ​ວັນ​ໄຊຊະນະ ດ້ຽນບຽນ​ຝູ (7 ພຶດສະພາ 1954-7 ພຶດສະພາ 2024), ຕອນ​ເຊົ້າ​ວັນ​ທີ 3 ພຶດສະພາ, ຄະນະ​ຈັດ​ຕັ້ງ​ງານ​ລ້ຽງ​ສະ​ເຫຼີ​ມສະຫຼອງ​ວັນ​ບຸນ​ສຳຄັນ​ຂອງ​ນະຄອນ ​ໂຮ່ຈີ​ມິນ ​ໄດ້​ຈັດ​ຕັ້ງ​ງານ​ວາງສະ​ແດງ​ດ້ວຍ​ຫົວ​ຂໍ້​ວ່າ: “​ໄຊຊະນະ​ດ້ຽນບຽນ​ຝູ - ກຳລັງ​ແຮງ​ຂອງ​ຫວຽດນາມ, ຮູບຮ່າງ​ຂອງ​ຍຸກ​ສະ​ໄໝ” ຢູ່​ຖະໜົນ​ຄົນ​ຍ່າງ ຫງວຽນ​ເຫ້ວ ​ແລະ ຖະໜົນ​ດົງ​ກອຍ, ...

VUFO ແລະ ISB ຮ່ວມມືເພື່ອເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນ ຫວຽດນາມ ແລະ Venezuela ຍສໝ - ຕອນ​ເຊົ້າ​ວັນ​ທີ 31 ຕຸລາ, ສະຫະພັນ​ບັນດາ​ອົງການ​ມິດຕະພາບ​ຫວຽດນາມ (VUFO) ​ໄດ້​ດຳ​ເນີນ​ການ​ພົບປະເຈລະຈາ​ທາງ​ອອນ​ລາຍ​ກັບ​ສະ​ຖາ​ບັນ Simon Bolivar ​ເພື່ອ​ສັນຕິພາບ ​ແລະ ຄວາມ​ສາມັກຄີ​ລະຫວ່າງ​ປະຊາຊົນ (ISB - ຂຶ້ນກັບ​ກະຊວງ​ການ​ຕ່າງປະ​ເທດ Venezuela).