 | ອົງການກຳມະບານກວາງນາມ ມີຄວາມສົນໃຈຕໍ່ວຽກງານການຕ່າງປະເທດ |
| ໜັງສືພິມ ຈະສືບຕໍ່ພ້ອມຮ່ວມເດີນທາງກັບຊົນຊັ້ນກຳມະກອນ ແລະ ອົງການກຳມະບານ |
ທີ່ການພົບປະ, ທ່ານ ຫງວຽນດິ່ງຄາງ ໄດ້ສົ່ງຄຳຢື້ຢາມຖາມຂ່າວ ແລະ ຕີລາຄາສູງການຢ້ຽມຢາມຂອງຄະນະຜູ້ແທນຂັ້ນສູງສະຫະພັນກຳມະບານ ລາວ ກ່ອນວັນສະເຫຼີມສະຫຼອງ 47 ປີແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (ວັນທີ 18 ກໍລະກົດ ປີ 1977 - ວັນທີ 18 ກໍລະກົດ ປີ 2024).
ທ່ານ ຫງວຽນດິ່ງຄາງ ເນັ້ນໜັກວ່າ: ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ ໃນຕະຫຼອດ 60 ປີຜ່ານມາ ຍາມໃດກໍ່ໄດ້ຮັບການຮັກສາ ແລະ ເສີມຂະຫຍາຍຈາກການນຳຂອງພັກ, ລັດ ແລະ ປະຊາຊົນສອງປະເທດ. ໃນດ້ານການຕ່າງປະເທດ, ທ່ານປະທານສະຫະພັນໃຫຍ່ແຮງງານ ຫວຽດນາມ ຢືນຢັນວ່າ: ອົງການກຳມະບານ ຫວຽດນາມ ຍາມໃດກໍ່ຖືການພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບ LFTU ແມ່ນບຸລິມະສິດແຖວໜ້າ.
 |
| ຫຼາຍເນື້ອໃນຂອງການຮ່ວມມືໄດ້ຮັບການປຶກສາຫາລືຈາກສອງຝ່າຍທີ່ກອງປະຊຸມ |
ໂດຍການແບ່ງປັນຂໍ້ມູນ, ທ່ານປະທານສະຫະພັນໃຫຍ່ແຮງງານ ຫວຽດນາມ ໃຫ້ຮູ້ວ່າ: ປະຈຸບັນ, 5 ອົງການກຳມະບານຂະແໜງສູນກາງ, 2 ຫົວໜ່ວຍຂຶ້ນກັບສະຫະພັນໃຫຍ່ ແລະ 15 ສະຫະພັນແຮງງານຂອງບັນດາແຂວງ, ນະຄອນຂຶ້ນກັບສູນກາງຂອງ ຫວຽດນາມ ໄດ້ມີການພົວພັນຮ່ວມມືສອງຝ່າຍກັບບັນດາອົງການກຳມະບານຂອງ ລາວ, ໃນນັ້ນ ບັນດາແຂວງຢູ່ເຂດຊາຍແດນລ້ວນແຕ່ມີການສ້າງຕັ້ງສາຍພົວພັນ. ໃນຂະບວນການປະຕິບັດສັນຍາການຮ່ວມມືໄລຍະ ປີ 2023-2028, 2 ຝ່າຍໄດ້ປະຕິບັດ 25 ການເຄື່ອນໄຫວແລກປ່ຽນບັນດາຄະນະຜູ້ແທນທຸກຂັ້ນ, ໃນນັ້ນມີ 15 ຄະນະອອກໄປປະຕິບັດງານດ້ວຍຈຳນວນ 67 ເທື່ອຄົນ, 4 ຄະນະເຂົ້າມາເຮັດວຽກດ້ວຍຈຳນວນ 15 ເທື່ອຄົນ, ຈັດຕັ້ງ 4 ຫ້ອງຝຶກອົບຮົມໄລຍະສັ້ນດ້ວຍຈຳນວນສຳມະນາກອນລາວ 159 ຄົນເຂົ້າຮ່ວມ...
ທ່ານປະທານ ຫງວຽນດິ່ງຄາງ ກໍ່ໄດ້ຕີລາຄາຢ່າງສູງບັນດາໝາກຜົນແຫ່ງການເຄື່ອນໄຫວຂອງ LFTU ໂດຍການນຳພາຂອງພັກປະຊາຊົນປະຕິວັດ ລາວ ແລະ ຢືນຢັນວ່າ: “ບັນດາການເຄື່ອນໄຫວຮ່ວມມືສອງຝ່າຍລະຫວ່າງອົງການກຳມະບານ ຫວຽດນາມ ແລະ ສະຫະພັນກຳມະບານ ລາວ ພວມໄດ້ຮັບການປະຕິບັດ ແລະ ນຳມາເຊິ່ງປະສິດທິຜົນຢ່າງແທດຈິງ”.
ທີ່ການເຮັດວຽກ, ທ່ານ ເລັດ ໄຊຍະພອນ - ປະທານ LFTU ໄດ້ຕີລາຄາສູງການພົວພັນຮ່ວມມືມິດຕະພາບທີ່ເປັນມູນເຊື້ອອັນດີງາມຂອງປະຊາຊົນສອງປະເທດ ລາວ - ຫວຽດນາມ ເວົ້າລວມ ແລະ ຂອງອົງການກຳມະບານສອງປະເທດ ລາວ - ຫວຽດນາມ ເວົ້າສະເພາະ. ທ່ານ ເລັດ ໄຊຍະພອນ ເຊື່ອໝັ້ນວ່າ ການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ LFTU ແລະ ສະຫະພັນໃຫຍ່ແຮງງານ ຫວຽດນາມ ຈະແມ່ນກຳລັງແຮງ, ຊຸກຍູ້ຂະບວນການການເຄື່ອນໄຫວຂອງອົງການກຳມະບານສອງປະເທດ ລາວ - ຫວຽດນາມ ເພື່ອພ້ອມກັນເຮັດສຳເລັດໜ້າທີ່ອັນສູງສົ່ງຂອງຕົນ.
 |
| ບັນດາຜູ້ແທນເຂົ້າຮ່ວມກອງປະຊຸມ. |
ທ່ານປະທານ LFTU ໃຫ້ຮູ້ວ່າ: LFTU ທຸກຂັ້ນໄດ້ສຸມໃສ່ປະຕິບັດມະຕິຂອງກອງປະຊຸມໃຫຍ່ຜູ້ແທນອົງການກຳມະບານແຫ່ງຊາດ ຄັ້ງທີ 8 ແລະ ແຜນການພັດທະນາວຽກງານກຳມະບານ ຄັ້ງທີ 4 ໂດຍສຸມໃສ່ 9 ໂຄງການໄລຍະ ປີ 2021 – 2025 ແລະ ວິໄສທັດຮອດ ປີ 2030. ໃນນັ້ນ ສູ້ຊົນພັດທະນາບັນດາອົງການກຳມະບານພາກວິສາຫະກິດເອກະຊົນໃຫ້ບັນລຸ 65%, ສະມາຊິກກຳມະບານຂັ້ນຮາກຖານໃຫ້ບັນລຸ 20% ແລະ ຂົງເຂດການລົງທຶນຕ່າງປະເທດໃຫ້ບັນລຸ 10% (ຂອງຍອດຈຳນວນຜູ້ອອກແຮງງານຄົນລາວ); ຊຸກຍູ້ການເຈລະຈາເພື່ອສ້າງສັນຍາແຮງງານລວມໝູ່ ໂດຍສະເພາະກ່ຽວກັບບັນຫາເງິນເດືອນ, ເງິນບຳເນັດ, ກຳເວລາເຮັດວຽກ, ເວລາພັກຜ່ອນ ແລະ ບັນຫາຄວາມປອດໄພດ້ານສຸຂະອະນາໄມຂອງແຮງງານ ໂດຍມີເປົ້າໝາຍສູ້ຊົນໃຫ້ບັນລຸເຖິງ 55% ຂອງບັນດາຫົວໜ່ວຍແຮງງານທີ່ມີຄົບເງື່ອນໄຂຕາມຂໍ້ກໍານົດຂອງກົດຫມາຍ.
ທ່ານ ເລັດ ໄຊຍະພອນ ຍັງໄດ້ສະເໜີໃຫ້ສອງຝ່າຍສືບຕໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດຂອງສອງຝ່າຍ ບົນພື້ນຖານການປະຕິບັດສັນຍາຮ່ວມມື (MOU) ທີ່ສອງຝ່າຍໄດ້ລົງນາມຢ່າງເປັນທາງການ; ເພີ່ມທະວີການຮ່ວມມືຂັ້ນທ້ອງຖິ່ນ.
 | 8 ບັນຫາຂອງສະມາຊິກໃນຄະນະ, ຄົນງານ ແລະ ອົງການກຳມະບານໃດ້ສະເໜີຕໍ່ພັກ ແລະ ລັດ ຍສໝ - ໃນກອງປະຊຸມໃຫຍ່ຄັ້ງທີ 13 ຂອງອົງການກຳມະບານ ຫວຽດນາມ ວັນທີ 2 ທັນວາ, ຢູ່ ຮ່າໂນ້ຍ ຄະນະປະຕິບັດສູນກາງສະຫະພັນແຮງງານ ຫວຽດນາມ ໄດ້ສັງລວມ, ຄັດເລືອກ 8 ບັນຫາໃຫຍ່ເພື່ອລາຍງານຕໍ່ການນຳພັກ ແລະ ລັດ. |
 | ຊຸກຍູ້ການພົວພັນຮ່ວມມືກັບອົງການກຳມະບານ ລາວ ແລະ ກູບາ ໃຫ້ນັບມື້ນັບເລິກເຊິ່ງ ຍສໝ - ຕອນບ່າຍວັນທີ 1 ທັນວາ, ຢູ່ທີ່ການຕ້ອນຮັບຄະນະຜູ້ແທນສູນກາງອົງການກຳມະບານ ລາວ ແລະ ສູນຜູ້ແຮງງານ ກູບາ ເນື່ອງໃນໂອກາດທີ່ຄະນະຜູ້ແທນເຂົ້າຮ່ວມກອງປະຊຸມໃຫຍ່ຄັ້ງທີ 13 ຂອງອົງການກຳມະບານຫວຽດນາມ, ກຳມະການສູນກາງພັກ, ປະທານສະຫະພັນແຮງງານຫວຽດນາມ ຫງວຽນດິງແຄງ ຢືນຢັນຫຼັກໝັ້ນຂອງອົງການກຳມະບານຫວຽດນາມ ໃນໄລຍະຈະມາເຖິງ: ສືບຕໍ່ຮັກສາ, ເພີ່ມທະວີ ແລະ ຊຸກຍູ້ການພົວພັນຮ່ວມມືລະຫວ່າງ ລາວ ແລະ ກູບາ ... |
ມິງດຶກ
