 |
ເມື່ອລະດູໃບໄມ້ຫຼົ່ນວຽນມາ, ຈອມພູ ຕາຈີຍູ, ແຂວງອຽນບ້າຍ ພັດດຶງດູດແຂກທ່ອງທ່ຽວເປັນຈຳນວນຫຼວງຫຼາຍມາຮັບຊົມ, ພິເສດແມ່ນໄວໜຸ່ມມາລ່າເມກ, ຖ່າຍຮູບ. ອາດຈະວ່າ ຈອມພູ ຕາຈີຍູ ມີກຳລັງດຶງດູດສຳລັບແຂກທ່ອງທ່ຽວຍ້ອນຄວາມງາມດັ່ງໃນຝັນ.
 |
ແບ່ງປັນກັບ ນັກຂ່າວ, ອ້າຍ ຢຸຍແອງ - ຜູ້ນິຍົມການທ່ອງທ່ຽວຄົ້ນຫາໃຫ້ຮູ້ວ່າ: “ຂ້າພະເຈົ້າເປັນຄົນນິຍົມການທ່ອງທ່ຽວ, ຢາກລອງກຳລັງຂອງຕົນ, ດັ່ງນັ້ນຈິ່ງໄດ້ມາ ຕາຈີຍູ. ຕາຈີຍູແມ່ນສະຫວັນສຳລັບໄວໜຸ່ມ, ພິເສດແມ່ນແຂກທ່ອງທ່ຽວທີ່ນິຍົມການຄົ້ນຫາ, ລົງຕິວຈິງ, ມັກການລ່າເມກ.
 |
“ຖ້າມີໂອກາດມາທ່ຽວອຽນບ້າຍ, ແນ່ນອນວ່າເພື່ອນຕ້ອງມາພິຊິດຈອມພູຕາຈີຍູ. ຢູ່ທີນີ້, ເພື່ອນອາດຈະຮັບຊົມຄວາມງາມແບບໃຫຍ່ໂຕມະໂຫຖານຂອງດອກໄມ້, ລ່າເມກ ແລະ ຮັບຊົມທິວທັດທຳມະຊາດທີ່ໃຫຍ່ໂຕມະໂຫຖານຂອງເຂດພູພາປ່າໄມ້ ໄຕບັກ” - ຢຸຍແອງແບ່ງປັນ.
 |
ເພື່ອຮັບຊົມຄວາມງາມຂອງຕາຈີຍູ, ນັກທ່ອງທ່ຽວຕ້ອງພິຊິດເສັ້ນທາງທີ່ລຳບາກ. ບໍ່ມີພາຫະນະໃດໜູນຊ່ວຍແຂກທ່ອງທ່ຽວເມື່ອມາຈອມພູນີ້. ວິທີການອັນໜຶ່ງດຽວແມ່ນແຂກທ່ອງທ່ຽວຕ້ອງປີນພູ, ຜ່ານປ່າ ດ້ວຍພູຊັນ, ຫ້ວຍນ້ອຍ ແລະ ເສັ້ນທາງທີ່ທຸລະກັນດານຫຼາຍແຫ່ງ.
 |
“ຕ້ອງຜ່ານຜ່າພູຜາປ່າໄມ້ດ້ວຍຕົນເອງ, ເພື່ອນຈຶ່ງຮູ້ສຶກໄດ້ຄວາມສຸເດຍອດເມື່ອຂຶ້ນໄປຈອມພູຕາຈີຍູ, ໄດ້ເຫັນປະຈັກຕາປ່າດອກຫຍ້າສີມ່ວງ, ທ້ອງຟ້າທີ່ເຕັມໄປດ້ວຍເມກຂາວເລື່ອນລອຍ ແລະ ມີຄວາມດຶງດູດໃຈ” - ຢຸຍແອງແບ່ງປັນຕື່ມ.
 |
ເບິ່ງແຕ່ໄກ ຢູ່ຈອມພູ, ດອກໄມ້ປ່າໄດ້ເກີດເປັນແຖວ, ຄືເສື້ອຄຸມໃຫຍ່ໂຕມະໂຫຖານເລື່ອນລອຍທ່າມກາງທ້ອງຟ້າ, ນຳມາເຊິ່ງຄວາມງາມທີ່ສຸດຍອດ.
 |
ບໍ່ມີຫຍັງທີ່ສຸດຍອດໄປກວ່າ ເມື່ອເພື່ອນໄດ້ເຊື່ອມຕົວເຂົ້າກັບໝອກຂາວທີ່ປົກຄຸມທົ່ວທຸກແຫ່ງ. ເມກຂາວເປັນຊັ້ນໆ ເລື່ອນລອຍຢູ່ອ້ອມຂ້າງ, ພຽງແຕ່ຢື້ມືໄປ ກໍ່ມີຄວາມຮູ້ສຶກວ່າແຕະໄດ້ແລ້ວ.
“ບາງຄັ້ງບາງຄາວ, ໄວໜຸ່ມແມ່ນໄປສຳຜັດຕົວຈິງບັນດາສິ່ງລຳບາກກາກກຳນັ້ນ ເພື່ອຮັກຊີວິດ, ຮັກທຳມະຊາດທີ່ດົນບັນດານໃຫ້ຫຼາຍກວ່າອີກ. ເພື່ອຫຼັງການເດີນທາງນັ້ນ, ພວກເຮົາຮູ້ສຶກເຕີບໃຫຍ່ກ່ວາ ດ້ວຍຫົວໃຈທີ່ເຕັມໄປດ້ວຍຄວາມຮູ້ສຶກຫຼາຍຢ່າງ” - ຢຸຍແອງ ຍິ້ມແຍ້ມແບ່ງປັນ.
ບຸນຄົງ
