ທີມບານເຕະຍິງ U.18 ຫວຽດນາມ ເລີ່ມຝຶກແອບຢູ່ ຍີ່ປຸ່ນ | |
ແຂວງກວ່າງບິ່ງ (ຫວຽດນາມ) ແລະ ສະຫວັນນະເຂດ (ລາວ) ລົງນາມໃນບົດບັນທຶກການຮ່ວມມື |
ພາຍຫຼັງ 2 ປີທີ່ເກີດໂລກພະຍາດ, Festival ເຫ້ວ ກັບຄືນມາດ້ວຍຫຼາຍກິດຈະກຳທີ່ໜ້າສົນໃຈ, ໃນນັ້ນມີບຸນບອນລູນ.
ເມື່ອທຽບໃສ່ຊຸມປີກ່ອນ, Festival ເຫ້ວ 2022 ປີນີ້ໄດ້ຮັບການຈັດຕັ້ງຕາມທິດ 4 ລະດູ: ລະດູບານໃໝ່, ລະດູຮ້ອນ, ລະດູໃບໄມ້ຫຼົ່ນ ແລະ ລະດູໜາວ. ເຫດການມີ ກວ່າ 50 ການເຄື່ອນໄຫວວັດທະນະທຳ ແລະງານບຸນ ດຳເນີນແຕ່ເດືອນມັງກອນຫາເດືອນທັນວາ.
ທ່ານ ຫງວຽນວັນຟຸກ, ຫົວໜ້າພະແນກທ່ອງທ່ຽວແຂວງ ເທື່ອທຽນເຫ້ວ ໃຫ້ຮູ້ວ່າ: Festival ເຫ້ວ 2022 ແມ່ນໂອກາດເພື່ອໃຫ້ແຂວງເປີດກວ້າງບັນດາຄຸນຄ່າວັດທະນະທຳ, ຂຸດຄົ້ນບັນດາທ່າແຮງບົ່ມຊ້ອນດ້ານການທ່ອງທ່ຽວ.
ຈຸດພົ້ນເດັ່ນຂອງງານບຸນໃນທ້າຍເດືອນມິຖຸນາແມ່ນບຸນປູມເປົ້າອາກາດຮ້ອນ, ເຊິ່ງດຳເນີນໄປແຕ່ວັນທີ 25 ມິຖຸນາ ຫາວັນທີ 30 ມິຖຸນາ.
ທ່ານ ຫງວຽນແທ່ງບິ່ງ, ຮອງປະທານຄະນະກຳມະການປະຊາຊົນແຂວງ, ຫົວໜ້າຄະນະຈັດຕັ້ງ Festival ເຫ້ວ 2022 ຕີລາຄາວ່າ Festival ເຫ້ວ ຄາດວ່າຈະໄດ້ຮັບຄວາມສົນໃຈ ແລະ ການເຂົ້າຮ່ວມຂອງແຂກທ່ອງທ່ຽວ ແລະ ຊາວທ້ອງຖິ່ນເປັນຈຳນວນຫຼວງຫຼາຍ.
ງານບຸນແມ່ນໃຫ້ນັກທ່ອງທ່ຽວເຂົ້າທ່ຽວຊົມ ແລະ ຊົມການສະແດງບອນລູນ ໂດຍບໍ່ເສຍຄ່າ.
ຄຽງຄູ່ກັບການເຄື່ອນໄຫວຂອງສັບປະດາ festivel ໃນເດືອນມິຖຸນາ, ພະແນກທ່ອງທ່ຽວແຂວງເທື່ອທຽນ-ເຫ້ວ ຈະຈັດຕັ້ງການເດີນທາງເພື່ອໂຄສະນາຈຸດໝາຍປາຍທາງ “ຢ້ຽມຢາມເຫ້ວ”.
Festival ເຫ້ວ 2022 ເປັນຂີດໝາຍ 22 ປີນັບແຕ່ວັນບຸນນີ້ຖືກຈັດຂຶ້ນເປັນຄັ້ງທຳອິດ ແລະ ໄດ້ກາຍເປັນເຫດການວັດທະນະທຳ ແລະ ທ່ອງທ່ຽວແຫ່ງຊາດທີ່ມີລັກສະນະສາກົນ.
ບູນມີ