| ໜັງສືພິມອາເຈນຕິນາໄດ້ລົງຄະແນນສຽງ ຊາບາ ເປັນເມືອງນ້ອຍທີ່ສວຍງາມທີ່ສຸດໃນໂລກ | |
| ອາຊຽນ Para Games 2022: ຫວຽດນາມ ສືບຕໍ່ທຳລາຍສະຖິຕິ |
ງານສະແດງສິລະປະໃນພິທີເປີດງານວັດພູຫີນອອ່ນພະອະວາໂລກິເຕສວນ ປີ 2024 (ພາບ: ເຈີ່ນເລເລີມ/ສໍານັກງານຂ່າວຫວຽດນາມ)
ໃນຕອນຄ່ຳວັນທີ 26 ມີນານີ້, ຢູ່ທີ່ວັດພູຫີນອ່ອນພະອະວາໂລກິເຕສວນ, ນະຄອນດາໜັງ ໄດ້ຈັດພິທີເປີດງານບຸນວັດຫີນອອ່ນພະອະວາໂລກິເຕສວນ ຫງູແຫ່ງເຊີນ ປີ 2024.
ປີ 2024 ແມ່ນປີທີ 2 ທີ່ຈັດງານບຸນຂຶ້ນຢູ່ຂັ້ນນະຄອນ ແລະ ຈັດຂຶ້ນໃນວັນທີ່ນະຄອນໄດ້ສະເຫຼີມສະຫຼອງວັນປົດປ່ອຍດາໜັງຄົບຮອບ 49 ປີ (29 ມີນາ) ຢ່າງເບີກບານມ່ວນຊື່ນ.
ທ່ານ ເຈີ່ນຈີ໋ເກື່ອງ ຮອງປະທານຄະນະກຳມະການປະຊາຊົນ ນະຄອນດາໜັງ ໄດ້ກ່າວວ່າ: ວັດພູຫີນອ່ອນພະອະວາໂລກິເຕສວນຫງູແຫ່ງເຊີນແມ່ນໜຶ່ງໃນບັນດາງານບຸນປະເພນີທີ່ໄດ້ນໍາເອົາອົງປະກອບທີ່ສຳຄັນຂອງຄວາມເຊື່ອຖືທາງພຸດທະສາສະໜາຂອງນະຄອນ.
 |
ພິທີເປີດງານວັດພູຫີນອອ່ນພະອະວາໂລກິເຕສວນ ໃນປີ 2024. |
ນີ້ແມ່ນໜຶ່ງຈຸດວັດທະນະທຳທີ່ເປັນເອກະລັກສະເພາະທີ່ສຸດຂອງເຂດ ຫງູແຫ່ງເຊີນ, ແມ່ນການຕົກຄ້າງສິ່ງທີ່ມີຄຸນຄ່າທາງດ້ານວັດທະນະທຳ ພຸດທະສາສະໜາ ແລະ ເຂດມໍລະດົກ ຫງູແຫ່ງເຊີນ, ໄດ້ສະແດງໃຫ້ເຫັນເຖິງການສົມສົມປະສານທີ່ລົງຕົວຢ່າງເຊັດເຈນ ລະຫວ່າງທໍາມະກັບຊາດ, ຊາດກັບທໍາມະ ໄດ້ຮັບການຮ່ວມຈິດຮ່ວມໃຈຈາກປະຊາຊົນ ແລະ ອຳນາດການປົກຄອງທຸກຂັ້ນ ແຕ່ຂັ້ນສູນກາງຮອດທ້ອງຖິ່ນ ອານຸລັກ, ຮັກສາ ແລະ ເຊີດຊູຄຸນດັ່ງກ່າວ.
ງານວັດພູຫີນອອ່ນພະອະວາໂລກິເຕສວນໄດ້ຈັດຂຶ້ນເປັນເວລາ 4 ວັນ, ແຕ່ວັນທີ 26-29 ມີນາ (17-20 ກຸມພາຂອງປະຕິທິນຫວຽດນາມ). ໃນນັ້ນ, ພາກສ່ວນງານບຸນປະກອບມີບັນດາພິທີການທາງສາສະໜາ, ການສວດມົນພາວະນາເພື່ອໃຫ້ປະເທດຊາດມີຄວາມສະຫງົບສຸກ ແລະ ຈະເລີນຮຸ່ງເຮືອງ; ງານບຸນລວມມີບັນດາການເຄື່ອນໄຫວວັດທະນະທຳ, ສິລະປະ, ວັນນະຄະດີ ແລະ ກິລາທີ່ຫຼາກຫຼາຍ, ເຕັມໄປດ້ວຍເອກະລັກທາງດ້ານວັດທະນະທຳຂອງຊາດ, ບັນດາລາຍການສະແດງສິລະປະ, ໃນນັ້ນມີການເຂົ້າຮ່ວມຂອງຄະນະສິລະປະຊົນເຜົ່າທີ່ມາຈາກບັນດາປະເທດຄື: ຍີ່ປຸ່ນ, ໄທ...
ງານວັດພູຫີນອອ່ນພະອະວາໂລກິເຕສວນ ຫງູແຫ່ງເຊີນ ຢູ່ນະຄອນດາໜັງ ໄດ້ຮັບການຈັດອັນດັບຈາກກະຊວງວັດທະນະທຳ, ກິລາ ແລະ ທ່ອງທ່ຽວໃຫ້ເປັນມໍລະດົກວັດທະນະທຳທີ່ຈັບຕ້ອງບໍ່ໄດ້ແຫ່ງຊາດ; ກົມໃຫຍ່ທ່ອງທ່ຽວຈັດໃຫ້ເປັນໜຶ່ງໃນ 15 ງານບຸນໃຫຍ່ຂອງປະເທດ.
ສະນັ້ນ, ງານບຸນນີ້ຈິ່ງເປັນຈຸດດຶງດູດໃຈບໍ່ພຽງແຕ່ໃຫ້ນັກທ່ອງທ່ຽວພາຍໃນປະເທດທົ່ວໂລກເທົ່ານັ້ນ, ແຕ່ຍັງແມ່ນກາລະໂອກາດເພື່ອໃຫ້ນັກທ່ອງທ່ຽວສາກົນສຳຜັດ ແລະ ຮຽນຮູ້ກ່ຽວກັບບັນດາຄຸນຄ່າທາງດ້ານຈິດໃຈທີ່ຕິດພັນກັບປະຫວັດສາດ ແລະ ວັດທະນະທຳພຸດທະສາສະໜາຫວຽດນາມ.
ງານວັດພູຫີນອອ່ນພະອະວາໂລກິເຕສວນ ຫງູແຫ່ງເຊີນ ຍັງເປັນກິດຈະກໍາວັດທະນະທໍາຂອງຊຸມຊົນທີ່ເປັນເອກະລັກສະເພາະ, ແມ່ນຄວາມພະຍາຍາມຂອງປະຊາຊົນທ້ອງຖິ່ນໃນການຟື້ນຟູ, ຮັກສາຄຸນຄ່າປະເພນີອັນດີງາມຂອງຊາດ, ແມ່ນໂອກາດເພື່ອພີ່ນ້ອງຊາວພຸດ ແລະ ສວດມົນພາວະນາເພື່ອໃຫ້ປະເທດຊາດມີຄວາມສະຫງົບສຸກ ແລະ ຈະເລີນຮຸ່ງເຮືອງ ສັດໂລກມີຄວາມສຸກສໍາລານ, ສ້າງຄວາມເມດຕາສົງສານ, ຫັນໄປສູ່ບຸນກຸສົນ ໃຫ້ມະນຸດທຸກໆຄົນ, ຄວາມສາມັກຄີລະຫວ່າງພຸດທະສາສະນິກະຊົນກັບປະເທດຊາດ, ແລະຄວາມຮັກຕໍ່ບ້ານເກີດເມືອງນອນ.
ພາຍຫຼັງທີ່ເປີດພິທີແລ້ວ, ມີກິດຈະກໍາວັດທະນະທຳ, ສິລະປະຫຼາຍຢ່າງໄດ້ດຳເນີນໄປ. ມີບັນດາຊາວພຸດທະສາສະນິກະຊົນ, ປະຊາຊົນ ແລະ ນັກທ່ອງທ່ຽວເປັນຈຳນວນຫຼວງຫຼາຍເຂົ້າຮ່ວມງານບຸນ./.
ນະຄອນ ດາໜັງ ໄດ້ເປີດພິທີງານວັດພູຫີນອອ່ນພະອະວາໂລກິເຕສວນ ຫງູແຫ່ງເຊີນ ປີ 2023
ງານວັດພູຫີນອອ່ນພະອະວາໂລກິເຕສວນ ຫງູແຫ່ງເຊີນ ຢູ່ນະຄອນດາໜັງ ໄດ້ຮັບການຈັດອັນດັບຈາກກະຊວງວັດທະນະທຳ, ກິລາ ແລະ ທ່ອງທ່ຽວໃຫ້ເປັນມໍລະດົກວັດທະນະທຳທີ່ຈັບຕ້ອງບໍ່ໄດ້ແຫ່ງຊາດ; ກົມໃຫຍ່ທ່ອງທ່ຽວຈັດໃຫ້ເປັນໜຶ່ງໃນ 15 ງານບຸນໃຫຍ່ຂອງປະເທດ.
ຄຳຮຸ່ງ
