| ຖ້ຽວບິນທີສອງນຳສົ່ງພົນລະເມືອງ ຫວຽດນາມ ອາໄສຢູ່ ຢູແກຼນ ກັບຄືນມາ ປະເທດ ຢ່າງປອດໄພ | |
| ບັນດາວິສາຫະກິດສົ່ງອອກຂອງຫວຽດນາມ ເລີ່ມປະສົບກັບຄວາມ ຫຍຸ້ງຍາກ ຍ້ອນສະພາບຄວາມເຄັ່ງຕຶງ ລະຫວ່າງ ລັດເຊຍ - ຢູແກຼນ |
 |
| ທ່ານນາງເຈີນອວຽນເຟືອງ |
ທ່ານນາງເຈີນອວຽນເຟືອງ ເກີດໃນປີ 1981, ໄດ້ຮັບການເຂົ້າຮ່ວມການບໍລິຫານບໍລິສັດຄອບຄົວແຕ່ປີ 2004. ປະຈຸບັນ, ທ່ານນາງດຳລົງຕຳແໜ່ງຮອງຜູ້ອຳນວຍການໃຫຍ່ກຸ່ມບໍລິສັດ ເຕີນຫຽບຟາດ.
| ຕອນອາຍຸ 19 ປີ ອວຽນເຟືອງເລີ່ມເຂົ້າຮຽນມະຫາວິທະຍາໄລສາຍບໍລິຫານທຸລະກິດ ທີ່ສິງກະໂປ. ສໍາເລັດການຮຽນລະດັບປະລິນຍາຕີຕອນອາຍຸ 24 ປີ ເຈີນອວຽນເຟືອງ ກັບໄປປະເທດຫວຽດນາມເພື່ອຮ່ວມແຮງເຂົ້າໃນການງານເຮັດທຸລະກິດຂອງຄອບຄົວ. ທ່ານນາງຕ້ອງຜ່ານເວລາ 1 ປີປາຍເພື່ອສຶກສາວັດທະນະທໍາທຸລະກິດ ແລະ ການເຮັດວຽກຂອງບໍລິສັດ ກໍຄືວັດທະນະທຳການບໍລິໂພກຂອງຊາວຫວຽດນາມ ນັບຈາກຕຳແໜ່ງເປັນພະນັກງານ. ຈາກນັ້ນ, ດ້ວຍການປະກອບສ່ວນທີ່ແທດຈິງເຊິ່ງໄດ້ນໍາໃຊ້ເຂົ້າໃນລະບົບການຄຸ້ມຄອງ ແລະ ພັດທະນາດ້ານເຄື່ອງໝາຍການຄ້າ ທ່ານນາງໄດ້ຮັບຄວາມໄວ້ເນື້ອເຊື່ອໃຈໃຫ້ກາຍເປັນຜູ້ອໍານວຍການໂຄງການຂອງສາຍຜະລິດຕະພັນ Number 1, ເຮັດໃຫ້ຍີ່ຫໍ້ນີ້ກາຍເປັນຍີ່ຫໍ້ສຳຄັນ ແລະ ປະສົບຜົນສຳເລັດທີ່ສຸດຂອງກຸ່ມບໍລິສັດ ເຕີນຫຽບຟາດ ໃນປີ 2005. ພ້ອມກັນນັ້ນ ໃນປີດຽວກັນ, ທ່ານນາງໄດ້ຮັບກຽດເປັນຜູ້ຕາງໜ້ານັກທຸລະກິດໜຸ່ມທີ່ສຸດຂອງຫວຽດນາມ ເຂົ້າຮ່ວມກອງປະຊຸມຊາວໜຸ່ມ, ນັກສຶກສາໂລກ ຄັ້ງທີ 16 ທີ່ Venezuela. ໂດຍສືບຕໍ່ຄວາມສຳເລັດດັ່ງກ່າວ, ປີ 2006 ແລະ 2008 ໄດ້ເປັນຂີດໝາຍທີ່ໜ້າຈົດຈຳໃນພາລະກິດຂອງທ່ານນາງ ເມື່ອບໍລິສັດໄດ້ນໍາສະເໜີຜະລິດຕະພັນ ຊາຂຽວສູນອົງສາ ແລະ ຊາ Dr.Thanh ອອກສູ່ຕະຫຼາດ, ສ້າງໄດ້ສຽງດັງກ້້ອງໃນຕະຫຼາດໃນເວລານັ້ນ. ລາຍຮັບຂອງການຂາຍຜະລິດຕະພັນໃນເວລາເປີດຕົວ ມັນເກີນຄວາມຄາດຫວັງ ເມື່ອການສະໜອງຜະລິດຕະພັນບໍ່ພຽງພໍຕາມຄວາມຕ້ອງການ. ອວຽນເຟືອງ ໄດ້ປະຕິບັດຍຸດທະສາດການສື່ສານແບບກໍານົດທິດ ແລະ ໝັ້ນຄົງໃຫ້ບັນດາຍີ່ຫໍ້ຂອງ ເຕີນຫຽບຟາດ. ໃນປີ 2008 ເຊັ່ນກັນ, ອວຽນເຟືອງ ເປັນຜູ້ອໍານວຍການຂອງບໍລິສັດຫຸ້ມຫໍ່ຂຽວປາຊີຟິກຢ່າງເປັນທາງການ ເຊິ່ງມີພາລະບົດບາດແມ່ນຜູ້ອໍານວຍການບໍລິຫານ. ທ່ານນາງໄດ້ສ້າງບາດກ້າວບຸກທະລຸໃນການພັດທະນາຮູບແບບບໍລິສັດຫຸ້ມຫໍ່ ເພື່ອບໍ່ພຽງແຕ່ສະໜອງຄວາມຕ້ອງການຂອງເຕີນຫຽບຟາດເທົ່ານັ້ນ ຫາກຍັງຂະຫຍາຍໄປສູ່ບັນດາວິສາຫະກິດ ແລະ ບັນດາກຸ່ມວິສາຫະກິດຢູ່ພາຍໃນ ແລະ ຕ່າງປະເທດ. ດ້ວຍຄວາມພະຍາຍາມອັນບໍ່ຢຸດຢັ້ງຂອງສາວໄວໜຸ່ມ 8x, ວັນທີ 10 ເດືອນພຶດສະພາ ປີ 2010 ສະມາຄົມ ເບຍ - ເຫຼົ້າ - ເຄື່ອງດື່ມຫວຽດນາມ ໄດ້ມອບໃບຍ້ອງຍໍໃຫ້ນັກທຸລະກິດ ເຈີນອວຽນເຟືອງ - ຮອງຜູ້ອໍານວຍການໃຫຍ່ກຸ່ມບໍລິສັດເຕີນຫຽບຟາດ ດ້ວຍ “ຜົນງານດີເດັ່ນທີ່ປະກອບສ່ວນເຂົ້າໃນການກໍ່ສ້າງ ແລະ ພັດທະນາວາລະສານເຄື່ອງດື່ມຫວຽດ ນາມ ເນື່ອງໃນໂອກາດສະເຫຼີມສະຫຼອງ 10 ປີແຫ່ງວັນສ້າງຕັ້ງ”. ປີ 2011, ເຈີນອວຽນເຟືອງ ເປັນກຽດໄດ້ເອກອັກຄະລັດຖະທູດຜູ້ມີອໍານາດເຕັມ ຂອງສາທາລະນະລັດ ຊູດັງ ປະຈຳຫວຽດນາມ ສະເໜີເປັນ ກົງສູນກິດຕິມະສັກ ຂອງປະເທດສາທາລະນະລັດຊູດັງ ປະຈໍານະຄອນໂຮ່ຈິມິນ. |
ພໍ່ຂອງທ່ານນາງເຈີນອວຽນເຟືອງ ແມ່ນ ທ່ານເຈີນກຸ້ຍແທັງ ເກີດປີ 1953, ທ່ານແມ່ນຜູ້ກໍ່ຕັ້ງກຸ່ມບໍລິສັດ ເຕີນຫຽບຟາດ.
ແມ່ຂອງທ່ານນາງເຈີນອວຽນເຟືອງ ແມ່ນ ທ່ານນາງເຈີນທິນຸ ເກີດປີ 1957, ເຄີຍເປັນປະທານ ແລະ ຜູ້ອຳນວຍການຂອງເຕີນຮຽບຟາດ.
ນ້ອງສາວເຈີນຫງອກບິກ ເກີດປີ 1984, ຮຽນຈົບປະລິນຍາເອກສາຍບໍລິຫານການເງິນຢູ່ມະຫາວິທະຍາໄລ Manchester ທີ່ປະເທດອັງກິດ. ປະຈຸບັນທ່ານນາງເປັນຮອງຜູ້ອຳນວຍການຂອງເຕີນຫຽບຟາດ. ພ້ອມກັນນັ້ນ, ທ່ານນາງຖືຕຳແໜ່ງຮອງຜູ້ອຳນວຍການໃຫຍ່ບໍລິສັດ Number One ຮ່ານາມ.
ນ້ອງຊາຍຂອງທ່ານນາງ ເຈີນອວຽນເຟືອງ ແມ່ນ ທ່ານເຈີນກັວກຢຸງ ເກີດປີ 1985 ເຊິ່ງເປັນຜູ້ອໍານວຍການໃຫຍ່ຂອງບໍລິສັດເຈີນຕວານຟາດ.
ຫວ່າງມໍ່ໆນີ້ ທ່ານນາງເຈີນອວຽນເຟືອງ ສ່ວນຫຼາຍເປັນຜູ້ຕາງໜ້າຂອງກຸ່ມເຕີນຫຽບຟາດ ໄປເຂົ້າຮ່ວມງານສໍາລັບວົງການນັກທຸລະກິດ.
ເຈີນອວຽນເຟືອງໃຫ້ຮູ້ວ່າ ປະຈຸບັນຍັງບໍ່ມີປະສົບການ ແລະ ຄວາມຮູ້ພຽງພໍເພື່ອແທນພໍ່ໄດ້ເທື່ອ, ແຕ່ເມື່ອໄດ້ຮັບຄວາມເຊື່ອໝັ້ນຈາກພໍ່ໃຫ້ບໍລິຫານບໍລິສັດ, ທ່ານນາງຈະພະຍາຍາມພັດທະນາບໍລິສັດເຮັດໃຫ້ໄດ້ສອງເທົ່າທຽບກັບປັດຈຸບັນ.
ເຕີນຫຽບຟາດໄດ້ກາຍເປັນໜຶ່ງໃນບັນດາວິສາຫະກິດໃຫຍ່ທີ່ສຸດຂອງຫວຽດນາມ ດ້ວຍລາຍຮັບຂອງແຕ່ລະປີເພີ່ມຂຶ້ນນັບເປັນພັນຕື້ດົ່ງ, ສະເລ່ຍປະລິມານການເຕີບໂຕແຕ່ປີ 2007 – 2010 ແມ່ນ 40%, ນຳໜ້າຕະຫຼາດເຄື່ອງດື່ມໃນທົ່ວປະເທດ ແລະ ມຸ່ງໄປສູ່ໂລກ.
ບັນດາຜະລິດຕະພັນອັນດັບໜຶ່ງໃນຕະຫຼາດເຊັ່ນ ນໍ້າຊາສູນອົງສາ, ຊາ Dr.Thanh, ນໍ້າ Number 1, ນົມຖົ່ວເຫຼືອງ Number 1 Soya,... ໄດ້ພິສູດໃຫ້ເຫັນວ່າເຕີນຫຽບຟາດແມ່ນວິສາຫະກິດນໍາໜ້າໃນການປະຊິດເຂົ້າ ແລະ ເຂົ້າໃຈຄວາມຕ້ອງການຂອງຜູ້ບໍລິໂພກ.
ໄຊພອນ
