ກອງປະຊຸມໄດ້ຮັບຟັງບົດລາຍງານການຕີລາຄາວຽກງານສື່ມວນຊົນປີ 2021, ທິດທາງ, ໜ້າທີ່, ມາດຕະການໃນປີ 2022; ບົດລາຍງານໝາກຜົນ 3 ປີແຫ່ງການຜັນຂະຫຍາຍປະຕິບັດແຜນຜັງການພັດທະນາ ແລະຄຸ້ມຄອງສື່ມວນຊົນທົ່ວປະເທດ ຮອດປີ 2025.
 |
| ພາບປະກອບ: TTXVN |
ທີ່ກອງປະຊຸມ, ທ່ານຮອງຫົວໜ້າຄະນະໂຄສະນາສຶກສາສູນກາງ ເຈີ່ນແທງເລິມ ໃຫ້ຮູ້ວ່າ: ມາຮອດວັນທີ 30 ພະຈິກ, ໃນທົ່ວປະເທດມີ 816 ອົງການສື່ມວນຊົນ (ສື່ສິ່ງພິມ ແລະເອເລັກໂຕນິກ), ໃນນັ້ນ ມີສໍານັກງານໜັງສືພິມ 114 ແຫ່ງ, ສໍານັກງານວາລະສານ 116 ແຫ່ງດຳເນີນການ 2 ຮູບແບບ, 557 ໜັງສືພິມ ແລະວາລະສານ, 29 ໜັງສືພິມເອເລັກໂຕນິກ ແລະ ວາລະສານເອເລັກໂຕນິກ, ມີ 72 ອົງການທີ່ມີໃບອະນຸຍາດເຄື່ອນໄຫວດ້ານວິທະຍຸກະຈາຍສຽງ ແລະ ໂທລະພາບ ແລະ 5 ຫົວໜ່ວຍເຄື່ອນໄຫວດ້ານໂທລະພາບທີ່ບໍ່ມີພື້ນຖານ ໂຄງລ່າງອອກອາກາດໂທລະພາບສະເພາະຕ່າງຫາກ. ທົ່ວປະເທດມີປະມານ 40.000 ຄົນເຮັດວຽກຢູ່ໃນອົງການສື່ມວນຊົນ.
ໃນປີ 2021, ຂົງເຂດສື່ມວນຊົນສືບຕໍ່ມີການປ່ຽນແປງຢ່າງຕັ້ງໜ່າຫຼາຍຢ່າງ ຄື: ວຽກງານຊີ້ນໍາສື່ມວນຊົນ, ຄຸ້ມຄອງສື່ມວນຊົນໄດ້ປະຕິບັດຕາມທິດທາງເປັນເຈົ້າ ການ, ທັນການ, ມີປະສິດທິຢ່າງສະເໝີຕົ້ນສະເໝີປາຍ...
ໃນປີ 2022 ຈຸດສຸມແມ່ນສືບຕໍ່ເພີ່ມທະວີການນຳພາຂອງພັກ ແລະການຄຸ້ມຄອງລັດ; ສົມທົບກັບສະມາຄົມນັກຂ່າວ ແລະອົງການປົກຄອງ ເພື່ອສ້າງຄວາມເປັນເອກະພາບໃນການນຳພາ ແລະຄຸ້ມຄອງວຽກງານສື່ມວນຊົນ; ແຈ້ງມະຕິຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ ແລະ ມະຕິຄໍາສັ່ງ, ຂໍ້ສະຫຼຸບ, ກົດລະບຽບຂອງຄະນະບໍລິຫານງານສູນກາງ, ກົມການເມືອງ, ຄະນະເລຂາທິການ, ສະພາແຫ່ງຊາດ, ລັດຖະບານ, ນາຍົກລັດຖະມົນຕີ... ຢ່າງຄົບຖ້ວນ, ທັນການ ແລະ ເລິກເຊິ່ງ; ສ່ອງແສງການຜັນແປສໍາຄັນໃນ ຊີວິດທາງດ້ານການເມືອງຂອງປະເທດ; ແຈ້ງຂໍ້ມູນຂ່າວສານ ແລະໂຄສະນາເຜີຍແຜ່ວຽກງານປ້ອງກັນ, ຕ້ານພະຍາດໂຄວິດ-19 ໃນໄລຍະ “ປັບຕົວທີ່ປອດໄພ, ມີໄຫວພິບ, ຄວບຄຸມພະຍາດໂຄວິດ-19 ຢ່າງມີປະສິດທິຜົນ” ຢ່າງທັນການ ແລະຄົບຖ້ວນ.
ບູນມີ
