 |
| ການເຮັດວຽກ |
ທ່ານຮອງປະທານ ຜູ້ປະຈຳການ ສະພາແຫ່ງຊາດ ເຈີນແທງເໝີນ ສະເໜີໃຫ້ ສະພາຊົນເຜົ່າ ສືບຕໍ່ສັງລວມ, ຕີລາຄາບັນດາຜົນກະທົບຈາກໂລກລະບາດໂຄວິດ - 19 ຕໍ່ພໍ່ແມ່ປະຊາຊົນບັນດາຊົນເຜົ່າສ່ວນໜ້ອຍ ແລະ ປະຊາຊົນທີ່ດຳລົງຊີວິດຢູ່ເຂດພູດອຍ, ຈາກນັ້ນ, ກຳນົດບັນດາໜ້າທີ່ຈຸດສຸມຢ່າງຈະແຈ້ງ ເພື່ອທັງພັດທະນາເສດຖະກິດ - ສັງຄົມ, ທັງປ້ອງກັນ, ຕ້ານໂລກລະບາດ, ຮັບປະກັນຊິີວິດສັງຄົມ ແລະ ປະຕິບັດບັນດານະໂຍບາຍຊົນເຜົ່າຢ່າງມີປະສິດທິຜົນ. ເນື່ອງໃນໂອກາດບຸນເຕັດທີ່ຈະມາເຖິງນີ້, ສະພາຊົນເຜົ່າຕ້ອງກຳໄດ້ການດຳລົງຊີວິດຂອງພໍ່ແມ່ປະຊາຊົນຢ່າງໃກ້ຊິດ, ເລິກເຊິ່ງ ເພື່ອໃຫ້ທຸກໆຄົນໄດ້ຕ້ອນຮັບບຸນເຕັດຢ່າງປອດໄພ, ອົບອຸ່ນ.
ສະພາຊົນເຜົ່າ ສືບຕໍ່ສົມທົບ, ຕິດຕາມ, ກວດກາການປະຕິບັດລາຍການເປົ້າໝາຍແຫ່ງຊາດກ່ຽວກັບການພັດທະນາເສດຖະກິດ - ສັງຄົມຢູ່ເຂດພໍ່ແມ່ປະຊາຊົນເຜົ່າສ່ວນໜ້ອຍ ແລະ ເຂດພູດອຍໄລຍະ 2021 – 2030, ບັນດາລາຍການຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່ຢູ່ເຂດພໍ່ແມ່ປະຊາຊົນເຜົ່າສ່ວນໜ້ອຍ ແລະ ເຂດພູດອຍ…, ຕາມນັ້ນແລ້ວ, ເມື່ອພົບເຫັນບັນດາຂໍ້ຕິດຂັດ, ຄວາມຫຍຸ້ງຍາກ ແມ່ນສະເໜີບັນດາມາດຕະການແກ້ໄຂຢ່າງທັນການ, ເພື່ອແນໃສ່ປະຕິບັດລາຍການນີ້ໃຫ້ມີປະສິດທິຜົນ.
ບັນດາສະມາຊິກສະພາຊົນເຜົ່າ ຕ້ອງແທດຮາກຖານ, ສະໜິດຕິດພັນ, ມີການປ່ຽນແປງໃໝ່, ຍົກສູງຄຸນນະພາບການເຄື່ອນໄຫວ, ເປັນເຈົ້າການສະເໜີແນະ, ສະເໜີບັນດາເຊື້ອໃນທີ່ກ່ຽວຂ້ອງເຖິງນະໂຍບາຍຊົນເຜົ່າກັບສະພາແຫ່ງຊາດ.
ບຸນຄົງ
