| ປຸກລະດົມງານປະກວດຮູບພາບໂຄສະນາ ການທ່ອງທ່ຽວຮ່າໂນ້ຍ | |
| ປຸກລະດົມການທ່ອງທ່ຽວພາຍໃນປະເທດ “ການທ່ອງທ່ຽວປອດໄພ - ແບບຄົບວົງຈອນ” |
 |
| ພິທີໄຂງານຕະຫຼາດນັດການທ່ອງທ່ຽວຢ່າງເປັນທາງການ (ພາບ: congthuong.vn) |
ໂດຍໄດ້ດຳເນີນໃນລະຫວ່າງວັນທີ 23 ທັນວາ 2021 - ວັນທີ 2 ມັງກອນ ປີ 2022, ງານຕະຫຼາດນັດໄດ້ດຶງດູດການເຂົ້າຮ່ວມຂອງວິສາຫະກິດ ປະມານ 300 ແຫ່ງທັງຢູ່ພາຍໃນ ແລະ ນອກແຂວງ ໂດຍໄດ້ເຂົ້າຮ່ວມແບບທາງໄກ ແລະ ໂດຍກົງ ບົນພື້ນຖານເວັບໄຊການຄ້າເອເລັກໂຕນິກ ທີ່ຢູ່ www.dulichbariavungtau.com ແລະ www.dulich.baria-vungtau.gov.vn.
ກ່າວຄຳເຫັນທີ່ພິທີ, ທ່ານ ຫງວຽນເລຟຸກ - ຮອງຫົວໜ້າກົມໃຫຍ່ການທ່ອງທ່ຽວ (ກະຊວງວັດທະນະທຳ, ກິລາ ແລະ ການທ່ອງທ່ຽວ) ໄດ້ຕີລາຄາສູງຂໍ້ລິເລີ່ມຂອງ ແຂວງບ່າເຣ້ຍ - ຫວູງເຕົາ. ນີ້ແມ່ນໂອກາດເພື່ອໃຫ້ແຂກທ່ອງທ່ຽວທົ່ວປະເທດອາດຈະຊົມໃຊ້ບັນດາບຸລິມະສິດທີ່ຈັບອົກຈອບໃຈກ່ຽວກັບ tour ທ່ອງທ່ຽວ, ໂຮງແຮມ - ບ່ອນພັກອາໄສ, ເຍື່ອງອາຫານທີ່ມີຊື່ສຽງ…ຂອງແຂວງ ບ່າເຣ້ຍ - ຫວູງເຕົາ. ທ່ານຟຸກ ໃຫ້ຮູ້ວ່າ ກົມໃຫຍ່ການທ່ອງທ່ຽວພວມຜັນຂະຫຍາຍບັນດາມາດຕະການສ້າງລະບົບນິເວດແຫ່ງການທ່ອງທ່ຽວແບບອັດສະລິຍະ ເຊື່ອມຕໍ່ພາກສ່ວນຕ່າງໆໃນຂະແໜງລວມມີ: ແຂກທ່ອງທ່ຽວ, ວິສາຫະກິດການສະໜອງການບໍລິການ, ສະຖານທີ່ທ່ອງທ່ຽວ ແລະ ອົງການຄຸ້ມຄອງ.
ບຸນຄົງ
