| ຊາວຫວຽດນາມຢູ່ເຢຍລະມັນ ຊ່ວຍປະເທດປະຈຳຖິ່ນ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ | |
| ລາວ ສະໜັບສະໜູນ ຫວຽດນາມ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ |
ທ່ານນາຍົກລັດຖະມົນຕີເນັ້ນໜັກວ່າ: ໄພທຳມະຊາດສົ່ງຜົນກະທົບຕໍ່ທຸກຄົນ, ສະນັ້ນຕ້ອງມີວິທີເຂົ້າເຖິງກັບທົ່ວປວງຊົນ, ຖືປະຊາຊົນເປັນໃຈກາງ, ເປັນເຈົ້າກຳ, ເປັນເປົ້າໝາຍ ແລະ ເປັນກຳລັງໜູນ, ຍົກສູງຄວາມຮັບຮູ້ຂອງປະຊາຊົນ ໃນການປົກປ້ອງຕົນເອງ ແລະ ຜູ້ອື່ນ, ພ້ອມທັງສົມທົບກັບບັນດາຄະນະພັກ, ອຳນາດການປົກຄອງ, ແນວໂຮມປະເທດຊາດ ແລະ ບັນດາອົງການຈັດຕັ້ງມະຫາຊົນ ໃນການປ້ອງກັນ ແລະ ຕ້ານໄພທຳມະຊາດ.
 |
| ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນ ຈົ່ງຕັ້ງໜ້າຄົ້ນຄວ້າ, ວາງແຜນກຳນົດ, ຜັນຂະຫຍາຍນຳປະຊາຊົນອອກຈາກເຂດອັນຕະລາຍ. (ພາບ: dangcongsan.vn) |
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນ ຈົ່ງຕັ້ງໜ້າຄົ້ນຄວ້າ, ວາງແຜນກຳນົດ, ຜັນຂະຫຍາຍນຳປະຊາຊົນອອກຈາກເຂດອັນຕະລາຍ, ພິເສດແມ່ນເຂດທີ່ມີຄວາມສ່ຽງສູງຈາກດິນເຈື່ອນ.
ລາຍງານທີ່ກອງປະຊຸມ, ການນຳບັນດາທ້ອງຖິ່ນ ໃຫ້ຮູ້ວ່າ ໄດ້ຈັດຕັ້ງປະຕິບັດບັນດາມາດຕະການແກ້ໄຂ ແລະ ເປົ້າໝາຍໃຫຍ່ທີ່ສຸດ ແມ່ນຮັບປະກັນຄວາມປອດໄພ ແລະ ຊີວິດຂອງປະຊາຊົນ, ພ້ອມກັນນັ້ນ ກໍແມ່ນປົກປັກຮັກສາຊັບສິນຂອງປະຊາຊົນ ແລະ ຂອງລັດ. ມາຮອດປະຈຸບັນ, ສະພາບຝົນ ແລະ ນ້ຳຖ້ວມໄດ້ຫຼຸດລົງ; ເສັ້ນທາງຄົມມະນາຄົມ ແມ່ນເປີດໃຫ້ສັນຈອນໂດຍພື້ນຖານແລ້ວ; ລະດັບນ້ຳຂອງແມ່ນ້ຳຂອງ ຫຼຸດລົງຕໍ່າກວ່າລະດັບສັນຍານໄພທີ 1; ປະຊາຊົນທ້ອງຖິ່ນ ແລະ ອຳນາດການປົກຄອງ ພວມມານະພະຍາຍາມແກ້ໄຂຜົນຮ້າຍຢ້ອນ, ເຮັດໃຫ້ການດຳລົງຊີວີດ ແລະ ການຜະລິດກັບເຂົາສູ່ສະພາບປົກກະຕິ. ເຖິງຢ່າງໃດກໍ່ຕາມ, ການແກ້ໄຂຜົນຮ້າຍຢ້ອນຫຼັງ ແມ່ນຍັງປະສົບຄວາມຫຍຸ້ງຍາກຫຼາບຢ່າງ, ເນື່ອງຈາກເງື່ອນໄຂຂອງທ້ອງຖິ່ນຍັງມີຄວາມຈຳກັດ, ໃນຂະນະທີ່ຄວາມເສຍຫາຍຍັງມີຫຼາຍຢູ່.
ພິເສດ, ຜ່ານໄພນໍ້າຖ້ວມຄັ້ງນິ້ ໄດ້ປາກົດອອກຂໍ້ຈໍາກັດຈໍານວນຫນຶ່ງ ເຊັ່ນ: ບັນດາອ່າງເກັບນຳ້ຂະຫນາດນ້ອຍ ເພື່ອຫຼຸດຜ່ອນສະພາບນໍ້າຖ້ວມ; ການປະສານງານການເຄື່ອນໄຫວດັດປັບສະພາບໄພນ້ຳຖ້ວມ ຢູ່ເຂດຫຼົ້ົ້ງແມ່ນ້ຳບາລະຫວ່າງບັນດາແຂວງທີ່ຍັງມີຄວາມບົກພ່ອງກ່ຽວກັບວິວັດການ, ເງື່ອນໄຂຮັບປະກັນການເຄື່ອນໄຫວ, ຂໍ້ມູນຂ່າວສານ ແລະ ຮັບປະກັນຄວາມປອດໄພຢູ່ຕອນລຸ່ມແມ່ນ້ຳ... ເຮັດໃຫ້ປະສິດທິຜົນການປ້ອງກັນ, ຕ້ານໄພນ້ຳຖ້ວມຍັງບໍ່ທັນສູງ.
ຄຳຮຸ່ງ
