| ປະຊາຄົມຊາວຫວຽດນາມ ອາໄສຢູ່ອາຟຣິກາໃຕ້ ໜູນຊ່ວຍບັນດາປະເທດອາຟຣິກາ ປ້ອງກັນ, ຕ້ານພະຍາດໂຄວິດ-19 | |
| ວິສາຫະກິດຊາວຫວຽດນາມຢູ່ຕ່າງປະເທດ ໄດ້ເຊື່ອມຕໍ່ເພື່ອນຳເອົາສິນຄ້າຂອງຫວຽດນາມ ໄປຍັງ ເອີຣົບ |
ໃນວັນທີ 18 ກໍລະກົດ 2021, ທ່ານນ່າງປະທານສະມາຄົມການກຸສົນ Sen Vang Berlin ເຢື່ອງຖິບິກຫງອກ ໄດ້ສົ່ງຄຳຮຽກຮ້ອງໄປຍັງປະຊາຄົມຊາວຫວຽດນາມຢູ່ເຢຍລະມັນ ເພື່ອໜູນຊ່ວຍປະເທດເຢຍລະມັນ ພາຍຫຼັງໄພນ້ຳຖ້ວມ. ພາຍໃນເວລາພຽງ 5 ມື້ຂອງການສົ່ງຄຳຮຽກຮ້ອງ, ສະມາຊິກຂອງສະມາຄົມ ພ້ອມກັບຜູ້ທີ່ມີໃຈສັດທາ ແລະ ນັກທຸລະກິດຊາວຫວຽດນາມຢູ່ຕ່າງປະເທດ ຢູ່ປະເທດເຢຍລະມັນ ໄດ້ບໍລິຈາກເງິນຈຳນວນ 2000 ເອີໂຣ.
 |
| ໄພນໍ້າຖ້ວມຢູ່ເຢຍລະມັນ |
ທ່ານນາງ ເຢື່ອງຖິບິກຫງອກ ເວົ້າວ່າ: “ເຢຍລະມັນ - ບ້ານເກີດແຫ່ງທີສອງຂອງຊາວຫວຽດນາມຢູ່ຕ່າງປະເທດ ກໍາລັງປະສົບກັບໄພນໍ້າຖ້ວມແບບທີ່ບໍ່ເຄີຍມີມາກ່ອນໃນປະຫວັດສາດ. ມີຈຳນວນຜູ້ເສຍຊີວິດແມ່ນ 143 ຄົນ (ໃນນັ້ນ ມີພະນັກງານກູ້ໄພ 4 ຄົນ), ບາດເຈັບຫຼາຍກວ່າ 600 ຄົນ ແລະຫາຍສາບສູນຫຼາຍກວ່າ 1300 ຄົນ, ສ້າງຄວາມເສຍຫາຍໃຫ້ບ້ານເຮືອນ ແລະ ຖະໜົນຫຼາຍສາຍ. ປະຊາຊົນຫວຽດນາມຢູ່ເຢຍລະມັນ ໄດ້ດຳລົງຊີວິດພາຍໃຕ້ການອຸປະຖຳຂອງເຢຍລະມັນ, ບັນດາອົງການກຸສົນປະເທດປະຈຳຖິ່ນ ໄດ້ຮຽກຮ້ອງ “ຊ່ວຍຄົນໃນຕອນທີ່ປະສົບໄພ”, ດັ່ງນັ້ນພວກເຮົາເຂົ້າຮ່ວມເພື່ອພ້ອມກັນເຮັດໃຫ້ຊີວິດການເປັນຢູ່ດີຂຶ້ນ.”
ເນື່ອງຈາກສະຖານະການການລະບາດ, ບໍ່ທີ່ຈະໄປມອບໃຫ້ໂດຍກົງ, ໃນທ້າຍເດືອນກໍລະກົດ, ສະມາຄົມໄດ້ໂອນເງິນຈໍານວນ 2000 ເອີໂຣ ເພື່ອສະໜັບສະໜູນແກ້ໄຂຜົນຮ້າຍຈາກໄພນໍ້າຖ້ວມ ໃນປະເທດເຢຍລະມັນ ໃຫ້ກັບອົງການ Katastrophenhilfe. ອົງການ Katastrophenhilfe ມີການຮ່ວມສຳພັນກັບອົງການຈັດຕັ້ງອື່ນໆ ເຊັ່ນ: Caritas (ອົງການກາແດງເຢຍລະມັນ), Diakonie Katosystemhenhilfe ແລະ ອົງການ UNICEF ເຢຍລະມັນ ເພື່ອແກ້ໄຂຜົນສະທ້ອນຂອງໄພພິບັດທາງທໍາມະຊາດ, ເຊິ່ງເອີ້ນວ່າ ສຳພັນທະມິດການກະທຳຊ່ວຍກູ້ຊີບໄພພິບັດ.
ປະຊາຄົມຊາວຫວຽດນາມຢູ່ເຢຍລະມັນ ແລະ ສະມາຄົມການກຸສົນ Sen Vang Berlin ໄດ້ສະແດງຄວາມຫວັງວ່າ ປະຊາຊົນເຢຍລະມັນຈະຜ່ານຜ່າຄວາມຫຍຸ້ງຍາກທີ່ເກີດຈາກໄພນໍ້າຖ້ວມ ແລະ ພະຍາດລະບາດໄປໄດ້ ແລະ ເຮັດໃຫ້ຊີວິດຂອງເຂົາເຈົ້າເປັນປົກກະຕິໂດຍໄວ.
ຄຳຮຸ່ງ
