| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ | |
| 50 ປີແຫ່ງການພົວພັນທາງການທູດລະຫວ່າງ ຫວຽດນາມ ແລະ ຍີ່ປຸ່ນ: ມຸ່ງໄປເຖິງອະນາຄົດ, ຕົວຂຶ້ນອອກສູ່ໂລກ |
ຄະນະຜູ້ແທນພ້ອມກັບທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ໃນການໄປປະຕິບັດງານປະກອບມີ: ທ່ານລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ດາວຫງອກຢຸງ; ທ່ານລັດຖະມົນຕີກະຊວງແຜນການ ແລະ ການລົງທຶນ ຫງວຽນຈີ໋ຢຸງ; ທ່ານລັດຖະມົນຕີກະຊວງສາທາລະນະສຸກ ນາງ ດາວຮົ່ງລານ; ທ່ານລັດຖະມົນຕີກະຊວງຄົມມະນາຄົມຂົນສົ່ງ ຫງວຽນວັນຖັງ; ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫງວຽນກິມເຊີນ; ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ດັ້ງກວກແຄ໋ງ; ທ່ານຮອງລັດຖະມົນຕີກະຊວງຕຳຫຼວດ ເລກ໋ວກຮູງ; ທ່ານຮອງລັດຖະມົນຕີກະຊວງປ້ອງກັນປະເທດ ຟ້າມຮ່ວາຍນາມ; ທ່ານຮອງຫົວໜ້າຫ້ອງວ່າການສູນກາງພັກ ເລແຄ໋ງຕວານ; ທ່ານຮອງລັດຖະມົນຕີການຕ່າງປະເທດ ໂດ໋ຮູງຫວຽດ; ທ່ານຮອງຫົວໜ້າຫ້ອງວ່າການລັດຖະບານ ຫງວຽນຊວນແທ່ງ; ການນຳຂອງບັນດາກະຊວງ, ຂະແໜງການ ແລະ ທ້ອງຖິ່ນເຂົ້າຮ່ວມຄະນະ.
ພາຍຫຼັງ 50 ປີ, ການພົວພັນ ອາຊຽນ - ຍີ່ປຸ່ນ ໄດ້ພັດທະນາຢ່າງຮອບດ້ານ, ຂະຫຍັນຂັນເຂື່ອນໃນທຸກຂົງເຂດຄື: ການເມືອງ, ຄວາມໝັ້ນຄົງ, ເສດຖະກິດ, ການຄ້າ, ການລົງທຶນ, ວັດທະນະທຳ, ສັງຄົມ ແລະ ການຮ່ວມມືພັດທະນາ. ຍີ່ປຸ່ນເຂົ້າຮ່ວມຢ່າງເລິກເຊິ່ງໃນຂະບວນການຮ່ວມມືດ້ານການເມືອງ ແລະ ຄວາມໝັ້ນຄົງຂອງພາກພື້ນ; ສະໜັບສະໜູນຄວາມສາມັກຄີ, ເປັນເອກະພາບ ແລະ ບົດບາດໃຈກາງຂອງ ອາຊຽນ.
ການຮ່ວມມືດ້ານເສດຖະກິດລົງທຶນລະຫວ່າງ ອາຊຽນ ແລະ ຍີ່ປຸ່ນ ໄດ້ຮັບການປະຕິບັດໂດຍຜ່ານຫຼາຍກົນໄກ / ຂອບເຂດທີ່ແຕກຕ່າງກັນ, ໃນນັ້ນລວມມີສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ແລະ ສັນຍາຄູ່ຮ່ວມມືເສດຖະກິດຮອບດ້ານ ອາຊຽນ - ຍີ່ປຸ່ນ (AJCEP). ຍີ່ປຸ່ນ ກໍ່ແມ່ນຄູ່ຮ່ວມມືທີ່ຕັ້ງໜ້າປະກອບສ່ວນຜັນຂະຫຍາຍຂໍ້ຄິດປະດິດສ້າງໃນການເຊື່ອມໂຍງ ອາຊຽນ (IAI) ແລະ ສະໜັບສະໜູນການຮັດແຄບຊ່ອງຫວ່າງການພັດທະນາໃນ ອາຊຽນ.
 |
ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ເດີນທາງໄປເຂົ້າຮ່ວມກອງປະຊຸມຂັ້ນສູງສະເຫຼີມສະຫຼອງ 50 ປີແຫ່ງການພົວພັນ ອາຊຽນ - ຍີ່ປຸ່ນ |
ໃນປີ 2022, ຍີ່ປຸ່ນ ຈະແມ່ນຄູ່ຮ່ວມມືການຄ້າໃຫຍ່ອັນດັບ 4 ແລະ ເປັນນັກລົງທຶນ FDI ໃຫຍ່ອັນດັບ 2 ຂອງອາຊຽນ, ດ້ວຍວົງເງິນການຄ້າ 2 ຝ່າຍບັນລຸ 268,5 ຕື້ USD. ຍອດ FDI ເງິນລົງທຶນຈາກຍີ່ປຸ່ນເຂົ້າ ອາຊຽນ ບັນລຸ 26,7 ຕື້ USD, ເພີ່ມຂຶ້ນ 27,7% ເມື່ອທຽບໃສ່ປີກາຍ.
ຕໍ່ສະພາບການຂອງໂລກ, ພາກພື້ນ ມີບັນດາສິ່ງທ້າທາຍ, ການຜັນແປໃໝ່ທີ່ຍາກຈະຄາດເດົາໄດ້; ບົນພື້ນຖານການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງຝ່າຍ ແລະ ຄວາມສາມາດບົ່ມຊ້ອນ, ກາລະໂອກາດເປີດກວ້າງ, ອາຊຽນ ແລະ ຍີ່ປຸ່ນ ປາດຖະໜາຢາກເພີ່ມທະວີການຮ່ວມມື, ເຊື່ອມໂຍງ ເພື່ອຕອບສະໜອງບັນດາສິ່ງທ້າທາຍລວມ ແລະ ພ້ອມກັນພັດທະນາ.
ກອງປະຊຸມຂັ້ນສູງສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ອາຊຽນ - ຍີ່ປຸ່ນ ໄດ້ຈັດຂຶ້ນໃນທັນທີທີ່ພາຍຫຼັງ ອາຊຽນ ແລະ ຍີ່ປຸ່ນ ສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ, ແມ່ນໂອກາດເພື່ອໃຫ້ບັນດາການນຳຂັ້ນສູງຂອງ 2 ຝ່າຍກວດກາຄືນບັນດາໝາກຜົນແຫ່ງການຮ່ວມມື, ຜ່ານນັ້ນ ກໍ່ກຳນົດທິດພັດທະນາການພົວພັນໃນໄລຍະໃໝ່, ເໝາະສົມກັບຂອບການຮ່ວມມືຍຸດທະສາດຮອບດ້ານ.
ຫວຽດນາມ ແມ່ນສະມາຊິກທີ່ຕັ້ງໜ້າ, ມີຄວາມຮັບຜິດຊອບໃນ ອາຊຽນ ແລະ ຊຸກຍູ້ການພົວພັນ ຍີ່ປຸ່ນ - ອາຊຽນ, ພິເສດແມ່ນ ຫວຽດນາມ ໄດ້ປະສົບຜົນສຳເລັດໃນການຮັບບົດບາດເປັນຜູ້ປະສານງານການພົວພັນ ອາຊຽນ - ຍີ່ປຸ່ນ ໄລຍະ 2018 – 2021.
ກ່ຽວກັບສອງຝ່າຍ, ການພົວພັນລະຫວ່າງ ຫວຽດນາມ - ຍີ່ປຸ່ນ ສືບຕໍ່ພັດທະນາຢ່າງເຂັ້ມແຂງ ແລະ ຮອບດ້ານໃນທຸກຂົງເຂດ ດ້ວຍຄວາມໄວ້ເນື້ອເຊື່ອໃຈດ້ານການເມືອງສູງ, ການພົວພັນແລກປ່ຽນຂັ້ນສູງ ແລະ ທຸກຂັ້ນໄດ້ດຳເນີນຢ່າງສະໜິດສະໜົມ. ປີ 2023 ແມ່ນຂີດໝາຍສຳຄັນທີ່ສອງປະເທດ ໄດ້ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ, ໃນໄລຍະຢ້ຽມຢາມ ຍີ່ປຸ່ນ ຂອງທ່ານປະທານປະເທດ ຫວຽດນາມ ຫວໍວັນເຖືອງ, 2 ຝ່າຍໄດ້ປະກາດຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ, ວັດທະນາຖາວອນຢູ່ ອາຊີ ແລະ ໃນໂລກ.
ການເດີນທາງໄປເຂົ້າຮ່ວມກອງປະຊຸມຂັ້ນສູງສະເຫຼີມສະຫຼອຫຼອງ 50 ປີແຫ່ງການພົວພັນ ອາຊຽນ - ຍີ່ປຸ່ນ ແລະ ດຳເນີນບັນດາການເຄື່ອນໄຫວສອງຝ່າຍຢູ່ ຍີ່ປຸ່ນ ຂອງທ່ານນາຍົກລັດຖະມົນຕີ ຟ້າມມິງຈິ໋ງ ມີຄວາມໝາຍສຳຄັນ, ປະຕິບັດນະໂຍບາຍການຕ່າງປະເທດຂອງກອງປະຊຸມໃຫຍ່ຄັ້ງທີ 13 ຂອງພັກ; ຄຳສັ່ງເລກທີ 25-CT/TW ຂອງຄະນະເລຂາວ່າດ້ວຍການຊຸກຍູ້ ແລະ ເພີ່ມທະວີການພົວພັນຕ່າງປະເທດຫຼາຍຝ່າຍຮອດປີ 2030 ແລະ ບົດສະຫຼຸບເລກທີ 59-KL/TW ຂອງກົມການເມືອງກ່ຽວກັບກຳນົດທິດທາງການເຂົ້າຮ່ວມ ອາຊຽນ ຮອດປີ 2030.
ມິງດຶກ
