| ເຜີຍແຜ່ຄວາມຮູ້ກ່ຽວກັບເສດຖະກິດດີຈີຕອນໃຫ້ກັບຊາວໜຸ່ມຫວຽດນາມ | |
| ການນຳໃຊ້ບັນດາທ່າແຮງຈາກບັນດາສັນຍາການຄ້າເສລີເປັນຢ່າງດີພໍສົມຄວນນັ້ນ ຈະແມ່ນໜຶ່ງໃນບັນດາປັດໃຈສຳຄັນເພື່ອຊຸກຍູ້ການສົ່ງອອກຂອງຫວຽດນາມ ໃນໄລຍະຈະມາເຖິງ |
ສອງຝ່າຍໄດ້ລົງນາມໃນຂໍ້ຕົກລົງຮ່ວມມືເພື່ອຊຸກຍູ້ການນຳໃຊ້ໂປແກມ ການຄ້າເອເລັກໂຕນິກ, ຮັບເອົາການຊຳລະດ້ວຍດິຈີຕອນ ແລະ ດຳເນີນທຸລະກິດດີຈີຕອນ ເພື່ອຢັ້ງຢືນທີ່ຕັ້ງຫຼັກແຫຼ່ງຂອງຂະແໜງການກະສິກຳ ໃນການພັດທະນາເສດຖະກິດຂອງຫວຽດນາມ.
ທ່ານນາງ ດັ້ງຕວຽດຢຸງ, ຜູ້ອຳນວຍການ Visa ຫວຽດນາມ ແລະ ລາວ ໃຫ້ຮູ້ວ່າ: ຜ່ານການສົມທົບກັບກົມການຄ້າເອເລັກໂຕນິກ ແລະ ເສດຖະກິດດີຈີຕອນ, Visa ສາມາດປະກອບສ່ວນວິຊາສະເພາະ ແລະ ນຳບັນດາມາດຕະການຊຳລະເອເລັກໂຕຣນິກ ເຂົ້າໃກ້ຂະແໜງກະສິກຳຫວຽດນາມ ກວ່າອີກ. ການເຊື່ອມໂຍງເຂົ້າໃນການເຄື່ອນໄຫວຫັນເປັນດິຈິຕອນ ຈະສ້າງທ່າໄດ້ປຽບໃຫ້ບັນດານັກຜະລິດຫວຽດນາມມີການພັດທະນາທີ່ໄວກວ່າ; ພ້ອມກັນນັ້ນ ກໍຫັນເປັນທັນສະໄໝ ແລະ ປັບປຸງປະສິດທິພາບຂອງລະບົບຈຳໜ່າຍຜະລິດຕະພັນກະເສດຂອງຫວຽດນາມ.
 |
| Visa ຮ່ວມມື ໂປແກມ ການຄ້າເອເລັກໂຕນິກ ໃນກະສິກໍາ |
Visa ຈະຮ່ວມເດີນທາງກັບວິສາຫະກິດການຜະລິດ, ວິສາຫະກິດກະສິກໍາ, ສະຫະກອນ ແລະ ຄົວເຮືອນຊາວນາ ໃຫ້ຄ່ອຍໆສ້າງຄວາມຮູ້, ສ້າງຄວາມສາມາດຂາຍບົນພື້ນຖານດິຈິຕອນ ແລະ ປະສານງານກັບບັນດາຫົວໜ່ວຍທີ່ປະຕິບັດການຊຳລະດີຈີຕອນ.
ທ່ານ ບຸ່ຍຮຸຍຮ່ວາງ, ຮອງຫົວໜ້າສູນວິທະຍາສາດ ຄອມພິວເຕີ ແລະ ເຕັກໂນໂລຊີດິຈິຕອນ ໃຫ້ຮູ້ວ່າ: ຜ່ານໂຄງການຮ່ວມມືນີ້, ສອງຝ່າຍຈະພ້ອມກັບບັນດາວິສາຫະກິດຫວຽດ, ວິສາຫະກິດກະສິກຳ, ສະຫະກອນ, ຄົວເຮືອນຊາວນາ ຜ່ານຜ່າຄວາມຫຍຸ້ງຍາກໃນວິວັດການຫັນເປັນດິຈິຕອນ; ກຳນົດທິດຂະແໜງການຜະລິດ, ຂະແໜງການກະສີກຳໃຫ້ກາຍເປັນຂະແໜງເສດຖະກິດປາຍແຫຼມ, ເປັນເສົາຄ້ຳໃຫ້ແກ່ພື້ນຖານເສດຖະກິດ, ມຸ່ງໄປສູ່ຕະຫຼາດໂລກ.
Visa ຈະໃຫ້ໂອກາດວິສາຫະກິດຂະໜາດນ້ອຍ ແລະ ກາງ, ສະຫະກອນ ແລະ ຄົວເຮືອນຊາວນາ ເຂົ້າເຖິງເຕັກໂນໂລຊີການຊຳລະເງິນແບບດິຈິຕອນ ແລະ ວິທີແກ້ໄຂ ເຊັ່ນ: ວິທີການແກ້ໄຂການອະນຸມັດຜູ້ຂາຍໂດຍໄວ; ວິທີການແກ້ໄຂການຈ່າຍເງິນດ້ວຍທາງໂທລະສັບ; ວິທີການແກ້ໄຂຂອງ Visa ສໍາລັບວິສາຫະກິດ ລວມມີ ຊຸດເຄື່ອງມືໜູນຊ່ວຍໃຫ້ວິສາຫະກິດ ແລະ ຜູ້ຄຸ້ມຄອງສາມາດ ເພີ່ມປະສິດທິພາບການເຮັດວຽກປະຈໍາວັນຂອງເຂົາເຈົ້າໄດ້ສູງທີ່ສຸດ.
ຄຳຮຸ່ງ
