ຫວຽດນາມ ສະເໜີເຮັດປະມວນກົດແຫ່ງການປະພຶດຢູ່ທະເລຕາເວັນອອກໃຫ້ສຳເລັດໂດຍໄວ

	ເວທີປາໄສອາຊຽນ - ຍີ່ປຸ່ນ: ຕົກລົງຮັບປະກັນຄວາມໝັ້ນຄົງ ແລະ ຄວາມປອດໄພໃນການເດີນທະເລຢູ່ທະເລຕາເວັນອອກ
	ຢັ້ງຢືນຄືນໃໝ່ກ່ຽວກັບການຮັກສາສັນຕິພາບ, ເຄົາລົບກົດໝາຍສາກົນຢູ່ທະເລຕາເວັນອອກ

ຄະນະຜູ້ແທນຫວຽດນາມ ໂດຍ ທ່ານພົນໂທ ຟານວັນຢາງ, ລັດຖະມົນຕີກະຊວງປ້ອງກັນປະເທດ ໄດ້ນຳໜ້າ ເຂົ້າຮ່ວມກອງປະຊຸມ. ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີ ຟານວັນຢາງ ໄດ້ເນັ້ນໜັກວ່າ ທຸກຝ່າຍທີ່ກ່ຽວຂ້ອງຕ້ອງປະຕິບັດຫຼັກການແກ້ໄຂບັນດາຄວາມຂັດແຍ້ງກັນຢູ່ທະເລຕາເວັນອອກຢ່າງເຄັ່ງຄັດ ໂດຍອີງໃສ່ກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ 1982 (UNCLOS 1982); ເຮັດປະມວນກົດແຫ່ງການປະພຶດຢູ່ທະເລຕາເວັນອອກ (COC) ໃຫ້ສຳເລັດໂດຍໄວ ແລະ ມີປະສິດທິຜົນ, ແທດຈິງ, ສອດຄ່ອງກັບກົດໝາຍສາກົນ; ມີຄວາມອົດກັ້ນຢ່າງສຸດຂີດ, ໂດຍບໍ່ໃຫ້ມີການກະທຳໃດໆທີ່ເຮັດໃຫ້ເພີ່ມຄວາມເຄັ່ງຕຶງ ແລະ ສັບສົນໃນທຸກຮູບການ.

ກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ ເປີດກວ້າງ (ADMM +) ຄັ້ງທີ 8. (ພາບ: vnexpress)

ການສືບຕໍ່ປະຕິບັດຖະແຫຼງການວ່າດ້ວຍ ການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ແລະ UNCLOS 1982 ຢ່າງຄົບຖ້ວນ ແມ່ນມີຄວາມຈຳເປັນກ່ວາສິ່ງໃດໝົດ, ຄວນປະຕິບັດມະນຸດສະທຳຕໍ່ຊາວປະມົງບໍ່ວ່າຢູ່ໃນສະພາບການຢູ່ທະເລ. ທ່ານລັດຖະມົນຕີ ຟານວັນຢາງ ໄດ້ກ່າວເນັ້ນວ່າ "ການເຮັດສິ່ງນີ້ໄດ້ ຈະເປັນການຢັ້ງຢືນວ່າ ພວກເຮົາເປັນຜູ້ນຳດ້ານປ້ອງກັນປະເທດເພື່ອສັນຕິພາບ".

ກອງປະຊຸມ ADMM + ຄັ້ງທີ 8 ໄດ້ຮັບຮອງເອົາຖະແຫຼງການ Bandar Seri Begawan ຂອງ ADMM + ວ່າດ້ວຍການຊຸກຍູ້ ອາຊຽນ ກຽມພ້ອມເພື່ອອະນາຄົດແຫ່ງສັນຕິພາບ ແລະ ຄວາມວັດທະນາຖາວອນ, ໃນນັ້ນລັດຖະມົນຕີກະຊວງປ້ອງກັນປະເທດຂອງບັນດາປະເທດອາຊຽນ ແລະ 8 ປະເທດຄູ່ຮ່ວມເຈລະຈາ ໄດ້ຢັ້ງຢືນອີກເທື່ອໜຶ່ງວ່າ ອາຊຽນແມ່ນກຳລັງໜູນຊຸກຍູ້ໃນ ADMM +, ຮ່ວມມືກັບບັນດາຄູ່ຮ່ວມມືຢ່າງແໜ້ນແຟ້ນ ດ້ວຍຈິດໃຈຍົກສູງຄວາມຮັບຜິດຊອບລວມ ແລະ ມານະພະຍາຍາມ ເພື່ອຊຸກຍູ້ຄວາມໄວ້ເນື້ອເຊື່ອໃຈຢ່າງບໍ່ຢຸດຢັ້ງ.

ບັນດາລັດຖະມົນຕີປ້ອງກັນປະເທດໄດ້ເປັນເອກະພາບກ່ຽວກັບຄວາມຈຳເປັນທີ່ຈະຕ້ອງເສີມຂະຫຍາຍຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ມີຄວາມອົດກັ້ນຕົນເອງ, ຫລີກລ້ຽງການກະທຳທີ່ເຮັດໃຫ້ສະຖານະການສັບສົນຂຶ້ນຕື່ມ ແລະ ດຳເນີນການແກ້ໄຂຂໍ້ຂັດແຍ່ງໂດຍສັນຕິວິທີ, ໂດຍບໍ່ມີການບັງຄັບ, ສອດຄ່ອງກັບກົດໝາຍສາກົນ.

ຖະແຫຼງການຮ່ວມ ໄດ້ຮັບຮູ້ບັນດາສິ່ງທ້າທາຍດ້ານຄວາມປອດໄພແບບບໍ່ເຄີຍມີມາກ່ອນ ທີ່ພາກພື້ນ ແລະ ທົ່ວໂລກ ກຳລັງປະເຊີນຢູ່, ກໍ່ຄືຜົນສະທ້ອນຈາກບັນດາໄພນາບຂູ່ແບບເກົ່າ ແລະ ແບບໃໝ່.

ກະຊວງການຕ່າງປະເທດຫວຽດນາມ ຄັດຄ້ານຕໍ່ບັນດາການກະທຳລ່ວງລ້ຳອາທິປະໄຕ, ສິດອະທິປະໄຕ, ສິດອຳນາດສານຂອງ ຫວຽດນາມ ຢູ່ ໝູ່ເກາະ ເຈື່ອງຊາ ແລະ ຮວ່າງຊາ ຍສໝ - ຫວຽດນາມ ມີພະຍານຫຼັກຖານປະຫວັດສາດ ແລະ ພື້ນຖານທາງດ້ານນິຕິກຳກ່ຽວກັບອະທິປະໄຕ, ອຳນາດອະທິປະໄຕ, ສິດອຳນາດສານ ຢ່າງຄົບຖ້ວນສຳລັບສອງໝູ່ເກາະ ຮວ່າງຊາ ແລະ ເຈື່ອງຊາ ແມ່ນສອດຄ່ອງກັບກົດໝາຍສາກົນ.

ຄັດຄ້ານຄຳສັ່ງຫ້າມຫາປາຂອງຈີນ ຢູ່ທະເລຕາເວັນອອກ ຫວຽດນາມ ມີສິດອຳນາດອະທິປະໄຕ ແລະ ສິດອຳນາດສານ ເພື່ອປະຕິບັດຄຳສັ່ງຫ້າມຫາປາ, ແລະ ສຳລັບ ຈີນ ບໍ່ມີສິດປະຕິບັດໃນເຂດທະເລຂອງຫວຽດນາມແຕ່ຢ່າງໃດ.

ຫວຽດນາມ ປະຕິເສດຂໍ້ຕົກລົງຂອງຈີນກ່ຽວກັບການຫ້າມຫາປາ ຢູ່ທະເລຕາເວັນອອກ ຍສໝ - ໃນການຖະແຫລງຂ່າວນັດສາມັນດຳເນີນໃນຕອນບ່າຍວັນທີ 29 ເມສາ, ກະຊວງການຕ່າງປະເທດ ຫວຽດນາມ ໄດ້ອອກສຽງຄັດຄ້ານ ແລະປະຕິເສດຂໍ້ຕົກລົງຂອງຈີນ ກ່ຽວກັບການຫ້າມຫາປາຢູ່ທະເລຕາເວັນອອກ.