ການເຄື່ອນໄຫວຂອງບັນດາກ່ຳປັ່ນ ຈີນ ໃນຂອບເຂດນ່ານທະເລຂອງ ເກາະ ຊີງຕົນດົງ ຢູ່ໝູ່ເກາະເຈື່ອງຊາ ຂອງ ຫວຽດນາມ ແມ່ນລ່ວງລ້ຳອະທິປະໄຕຂອງ ຫວຽດນາມ
	ປຸກລຸກຄວາມຮັກຕໍ່ບ້ານເກີດເມືອງນອນ, ທະເລ, ໝູ່ເກາະໃຫ້ແກ່ລຸ້ນໜຸ່ມ

ຫວ່າງມໍ່ໆນີ້, ຢູ່ທີ່ການປະຊຸມຂ່າວປະຈຳຂອງກະຊວງການຕ່າງປະເທດ ທີ່ດຳເນີນດ້ວຍທາງຖ່າຍທອດສົດ, ໃນການຕອບຄຳຖາມຈຳນວນໜຶ່ງ ທີ່ກ່ຽວຂ້ອງເຖິງສະພາບການຢູ່ທະເລຕາເວັນອອກ, ໂຄສົກກະຊວງການຕ່າງປະເທດ ທ່ານນາງ ເລຖິທູຮັ່ງ ໄດ້ຢັ້ງຢືນອີກເທື່ອໜຶ່ງວ່າ: “ອຳນາດການປົກຄອງຫວຽດນາມ ໄດ້ຕິດຕາມກວດກາທຸກຢ່າງຢ່າງໃກ້ຊິດ ກ່ຽວກັບບັນດາການເຄື່ອນໄຫວຢູ່ໝູ່ເກາະຮ່ວາງຊາ ແລະ ເຈື່ອງຊາ ກໍ່ຄື ເຂດທະເລຂອງຫວຽດນາມຢູ່ທະເລຕາເວັນອອກ”.

ໂຄສົກກະຊວງການຕ່າງປະເທດ ທ່ານນາງ ເລຖິທູຮັ່ງ. (ພາບ: TTXVN)

ກ່ອນໜ້ານັ້ນມີຂ່າວວ່າ ກຳປັ່ນຈີນຈຳນວນໜຶ່ງ ໄດ້ປະກົດຕົວໃກ້ເກາະ ຈີໂຕນ ໃນໝູ່ ເກາະຮ່ວາງຊາຂອງຫວຽດນາມ, ໂຄສົກກະຊວງການຕ່າງປະເທດ ທ່ານນາງ ເລຖິທູຮັ່ງ ໃຫ້ຮູ້ວ່າ: ດັ່ງທີ່ໄດ້ຮັບການຢັ້ງຢືນຊ້ຳແລ້ວ, ຫວຽດນາມມີຫຼັກຖານປະຫວັດສາດຢ່າງພຽງພໍ, ພື້ນຖານດ້ານກົດໝາຍ ໃນການຢັ້ງຢືນອະທິປະໄຕຕໍ່ ໝູ່ເກາະຮ່ວາງຊາ ແລະ ເຈື່ອງຊາ ຕາມກົດໝາຍສາກົນ. ໃນຖານະທີ່ເປັນສະມາຊິກຂອງສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982), ຫວຽດນາມມີອະທິປະໄຕ, ສິດອະທິປະໄຕ ແລະ ສິດອຳນາດແຫ່ງຊາດກ່ຽວກັບເຂດນ່ານນ້ຳທີ່ກ່ຽວຂ້ອງ ຢູ່ທະເລຕາເວັນອອກ ທີ່ໄດ້ສ້າງຕັ້ງຕາມສົນທິສັນຍາ.

ຕອບຄຳຖາມກ່ຽວກັບປະຕິກິລິຍາຂອງຫວຽດນາມ ຕໍ່ຂ່າວທີ່ຫົວໜ້າ ເສນາທິການກອງທັບຟີລິບປິນ ໃນຕົ້ນອາທິດນີ້ ໄດ້ໄປຢ້ຽມຢາມເກາະ ຖິເຕື້ ໃນໝູ່ເກາະເຈື່ອງຊາ ຂອງຫວຽດນາມ ແລະ ຢືນຢັນວ່ານີ້ແມ່ນສ່ວນໜຶ່ງຂອງແຜນການ ເພື່ອປັບປຸງ ເກາະເຈື່ອງຊາ ໃຫ້ກາຍເປັນຖານພະລາທິການຂອງຟີລິບປິນໃນເຂດໝູ່ເກາະເຈື່ອງຊາ, ໂຄສົກກະຊວງການຕ່າງປະເທດ ທ່ານນາງ ເລຖິທູຮັ່ງ ໄດ້ເນັ້ນໜັກວ່າ: “ຫວຽດນາມ ໄດ້ສະແດງຄວາມເດັດດ່ຽວຄັດຄ້ານການກະທຳລະເມີດອະທິປະໄຕຂອງຫວຽດນາມ ທີ່ກ່ຽວກັບໝູ່ ເກາະເຫຼົ່ານີ້. ຫວຽດນາມ ໄດ້ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງ ຕ້ອງການເຄົາລົບອະທິປະໄຕຂອງຫວຽດນາມ, ເຄົາລົບກົດໝາຍ ສາກົນ ແລະ ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ຢ່າປະຕິບັດບັນດາການກະທຳທີ່ເຮັດໃຫ້ສະພາບການສັບສົນຕື່ມອີກ, ໄດ້ປະກອບສ່ວນແທດຈິງ ແລະ ມີຜົນດີຕໍ່ການຮັກສາສັນຕິພາບ ແລະ ສະຖຽນລະພາບຢູ່ທະເລຕາເວັນອອກ, ພ້ອມທັງສ້າງສະພາບແວດລ້ອມທີ່ເອື້ອອຳນວຍ ໃຫ້ແກ່ການເຈລະຈາ ກ່ຽວກັບກົດແຫ່ງການປະພຶດຢູ່ທະເລຕາເວັນອອກ (COC).

ເວທີປາໄສອາຊຽນ - ຍີ່ປຸ່ນ: ຕົກລົງຮັບປະກັນຄວາມໝັ້ນຄົງ ແລະ ຄວາມປອດໄພໃນການເດີນທະເລຢູ່ທະເລຕາເວັນອອກ ຍສໝ - ເມື່ອບໍ່ດົນມານີ້, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວກຢູ້ງ, ຫົວໜ້າ SOM ອາຊຽນຂອງຫວຽດນາມ ແລະ ທ່ານ Mori Takeo - ຮອງລັດຖະມົນຕີກະຊວງການຕ່າງປະເທດຍີ່ປຸ່ນ ໄດ້ເປັນປະທານຮ່ວມເວທີປາໄສອາຊຽນ - ຍີ່ປຸ່ນຄັ້ງທີ 36.

ກະຊວງການຕ່າງປະເທດຫວຽດນາມ ຄັດຄ້ານຕໍ່ບັນດາການກະທຳລ່ວງລ້ຳອາທິປະໄຕ, ສິດອະທິປະໄຕ, ສິດອຳນາດສານຂອງ ຫວຽດນາມ ຢູ່ ໝູ່ເກາະ ເຈື່ອງຊາ ແລະ ຮວ່າງຊາ ຍສໝ - ຫວຽດນາມ ມີພະຍານຫຼັກຖານປະຫວັດສາດ ແລະ ພື້ນຖານທາງດ້ານນິຕິກຳກ່ຽວກັບອະທິປະໄຕ, ອຳນາດອະທິປະໄຕ, ສິດອຳນາດສານ ຢ່າງຄົບຖ້ວນສຳລັບສອງໝູ່ເກາະ ຮວ່າງຊາ ແລະ ເຈື່ອງຊາ ແມ່ນສອດຄ່ອງກັບກົດໝາຍສາກົນ.

ຄັດຄ້ານຄຳສັ່ງຫ້າມຫາປາຂອງຈີນ ຢູ່ທະເລຕາເວັນອອກ ຫວຽດນາມ ມີສິດອຳນາດອະທິປະໄຕ ແລະ ສິດອຳນາດສານ ເພື່ອປະຕິບັດຄຳສັ່ງຫ້າມຫາປາ, ແລະ ສຳລັບ ຈີນ ບໍ່ມີສິດປະຕິບັດໃນເຂດທະເລຂອງຫວຽດນາມແຕ່ຢ່າງໃດ.