 | ກອງທັບຫວຽດນາມ, ລາວ ແລະ ກຳປູເຈຍ ຝຶກແອບຮ່ວມຢູ່ນະຄອນ ໂຮ່ຈີມິນ |
| ບຸນປີໃໝ່ທີ່ອົບອຸ່ນຂອງນັກສຶກສາລາວ ແລະ ກຳປູເຈຍ |
ວັນທີ 24 ກໍລະກົດນີ້, ເວັບໄຊຂອງສະຫະປະຊາຊາດໄດ້ອ້າງຄຳເວົ້າຂອງຮອງໂຄສົກ ທ່ານ Farhan Haq ທີ່ກ່າວວ່າ, ທ່ານເລຂາທິການໃຫຍ່ António Guterres ພວມ “ຕິດຕາມກັບຄວາມວິຕົກກັງວົນ” ບັນດາການລາຍງານກ່ຽວກັບບັນດາຄວາມປະທະກັນ.
ທ່ານຍົກຊັດແຈ້ງວ່າ “ທ່ານເລຂາທິການໃຫຍ່ຮຽກຮ້ອງໃຫ້ສອງຝ່າຍຈຳກັດຫຼາຍສຸດ ແລະ ແກ້ໄຂທຸກບັນຫາໂດຍຜ່ານການໂອ້ລົມສົນທະນາ ແລະ ຈິດໃຈບ້ານໃກ້ເຮືອນຄຽງທີ່ດີ, ເພື່ອແນໃສ່ຊອກຫາວິທີແກ້ໄຂທີ່ຍາວນານໃຫ້ການພິພາດ”.
ຕາມແຜນການ, ສະພາຄວາມສະຫງົບ ສະຫະປະຊາຊາດ ຈະຈັດກອງປະຊຸມດ່ວນກ່ຽວກັບບັນຫານີ້ໃນເວລາ 15:00 ໂມງ ໃນວັນທີ 25 ກໍລະກົດ, ຕາມເວລາ ນິວຢອກ (ຄື 2:00 ໂມງຂອງວັນທີ 26 ກໍລະກົດ, ຕາມເວລາ ຮ່າໂນ້ຍ).
ໃນສື່ສານເທິງໜ້າສ່ວນຕົວໃນຕອນຄ່ຳວັນທີ 24 ກໍລະກົດ, ທ່ານນາຍົກລັດຖະມົນຕີ Anwar Ibrahim ຂອງມາເລເຊຍ, ປະເທດທີ່ດຳລົງຕຳແໜ່ງເປັນປະທານອາຊຽນໝູນວຽນ ASEAN ກ່າວວ່າ ທ່ານໄດ້ໂອ້ລົມໂດຍກົງກັບຄູ່ຕຳແໜ່ງກຳປູເຈຍ ແລະ ໄທ ລວມມີ ທ່ານນາຍົກລັດຖະມົນຕີ Hun Manet ແລະ ທ່ານປະທານາທິບໍດີທ່ານ Phumtham Wechayachai. ທ່ານ Anwar Ibrahim ຮຽກຮ້ອງໃຫ້ຜູ້ນຳສອງປະເທດຊອກຫາວິທີຫຼຸດຜ່ອນຄວາມເຄັ່ງຕຶງ.
"ຂ້າພະເຈົ້າຂໍຕ້ອນຮັບສັນຍານທີ່ເປັນຕັ້ງໜ້າ ແລະ ຄວາມເຕັມໃຈຂອງທັງລັດຖະບານ ບາງກອກ ແລະ ພນົມເປັນ ເພື່ອພິຈາລະນາທິດທາງນີ້. ມາເລເຊຍ ພ້ອມທີ່ຈະໃຫ້ການສະໜັບສະໜູນ ແລະ ຊຸກຍູ້ຂະບວນການນີ້ ໃນຈິດໃຈແຫ່ງຄວາມສາມາຄີ ແລະ ການແບ່ງປັນຄວາມຮັບຜິດຊອບຮ່ວມຂອງອາຊຽນ," ທ່ານນາຍົກລັດຖະມົນຕີ ມາເລເຊຍ ໄດ້ຂຽນໄວ້.
 |
| ຊາວໄທ ໄດ້ຍົກຍ້າຍອອກຈາກການປະທະກັນຢູ່ເຂດຊາຍແດນ, ພັກຢູ່ສູນກາງແຫ່ງໜຶ່ງໃນແຂວງ Surin, ປະເທດໄທ ລົງວັນທີ 25 ກໍລະກົດ 2025. (ພາບ: AP) |
ຕາມຂ່າວສານ AFP (ຝຣັ່ງ) ວັນທີ 24 ກໍລະກົດນີ້, ສະຫະພາບເອີລົບ (ອີຢູ) ໄດ້ຮຽກຮ້ອງໃຫ້ກຳປູເຈຍ ແລະ ໄທ ແກ້ໄຂຄວາມຂັດແຍ່ງກັນຢູ່ເຂດຊາຍແດນທີ່ມີການພິພາດ.
ທ່ານໂຄສົກ ອີຢູ ທ່ານ Anouar El Anouni ໄດ້ເນັ້ນໜັກວ່າ: “ອີຢູ ມີຄວາມກັງວົນຢ່າງຫນັກໜ່ວງຕໍ່ສະພາບການຕຶງເຄັ່ມທີ່ເພີ່ມຂຶ້ນຢູ່ຊາຍແດນ ກັບບັນດາລາຍງານກ່ຽວກັບຜູ້ສູນເສຍໃນພົນລະເຮືອນ. ພວກເຮົາຮຽກຮ້ອງໃຫ້ທັງສອງຝ່າຍຫຼຸດຜ່ອນຄວາມຕຶງເຄັ່ມ ແລະ ແກ້ໄຂຄວາມຂັດແຍ້ງຜ່ານການໂອ້ລົມສົນທະນາ ແລະ ບັນດາມາດຕະການສັນຕິວິທີທີ່ສອດຄ່ອງກັບກົດໝາຍສາກົນ”.
ໃນວັນດຽວກັນ, ກະຊວງການຕ່າງປະເທດຂອງອາເມຣິກາ ໄດ້ອອກຖະແຖງວ່າ: “ອາເມຣິກາ ມີຄວາມກັງວົນຢ່າງຫນັກໜ່ວງຕໍ່ລາຍງານກ່ຽວກັບສະພາບການສູ້ລົບທີ່ມີຄວາມຕຶງເຄັ່ມເພີ່ມຂຶ້ນຕາມແນວຊາຍແດນລະຫວ່າງ ໄທ - ກຳປູເຈຍ. ພວກເຮົາຮູ້ສຶກກັງວົນເປັນພິເສດຕໍ່ລາຍງານກ່ຽວກັບການສູນເສຍຊີວິດຂອງປະຊາຊົນຜູ້ບໍ່ມີຄວາມຜິດ. ພວກເຮົາຂໍແບ່ງເບົາຄວາມເສົ້າສະຫຼົດໃຈຢ່າງສຸດຊຶ້ງຕໍ່ການສູນເສຍຊີວິດເຫຼົ່ານີ້. ພວກເຮົາຮຽກຮ້ອງໃຫ້ຢຸດການໂຈມຕີທັນທີ, ປົກປ້ອງປະຊາຊົນ ແລະ ແກ້ໄຂຄວາມຂັດແຍ້ງດ້ວຍວິທີສັນຕິ”.
ໜັງສືພິມ CNA (ສິງກະໂປ) ໄດ້ອ້າງຄຳເວົ້າຂອງທ່ານໂຄສົກກະຊວງການຕ່າງປະເທດສິງກະໂປ ໃຫ້ຮູ້ວ່າ ສິງກະໂປ ໄດ້ຮຽກຮ້ອງກຳປູເຈຍ ແລະ ໄທ ຈຳກັດໃນສະພາບຄວາມເຄັ່ງຕຶງທີ່ເພີ່ມຂຶ້ນລະຫວ່າງສອງປະເທດເພື່ອນບ້ານໃນອາຊີຕາເວັນອອກສຽງໃຕ້ນີ້.
ກະຊວງການຕ່າງປະເທດສິງກະໂປກ່າວຕື່ມວ່າ ມາເຖິງຕອນນັ້ນຍັງບໍ່ທັນມີລາຍງານອັນໃດກ່ຽວກັບຊາວສິງກະໂປ ໄດ້ຮັບບາດເຈັບໃນການປະທະກັນຢູ່ເຂດຊາຍແດນ. ຊາວສິງກະໂປພວມອາໄສ ຫຼືເດີນທາງໄປທ່ອງທ່ຽວຮອດທັງສອງປະເທດນີ້ຍັງໄດ້ສົ່ງເສີມໃຫ້ລົງທະບຽນທາງອອນລາຍກັບກະຊວງການຕ່າງປະເທດ; ຜູ້ທີ່ຕ້ອງການການຊ່ວຍເຫຼືອທາງກົງສຸນຄວນຕິດຕໍ່ກັບສະຖານທູດ ສິງກະໂປ ປະຈໍາ Phnom Penh ຫຼື ບາງກອກ, ຫຼືຫ້ອງການກະຊວງການຕ່າງປະເທດ ສິງກະໂປ.
ກະຊວງການຕ່າງປະເທດ ລາວ ຍັງສະແດງຄວາມເປັນກັງວົນຢ່າງເລິກເຊິ່ງຕໍ່ສະພາບການທີ່ຍັງຄົງຄ້າງຢູ່ຊາຍແດນໄທ - ກຳປູເຈຍ, ຮຽກຮ້ອງໃຫ້ທັງສອງຝ່າຍຈຳກັດ ແລະ ແກ້ໄຂສະຖານະການດ້ວຍສັນຕິວິທີ. ຕາມໜັງສືພິມ Vientiane Times (ລາວ), ທ່ານໂຄສົກກະຊວງການຕ່າງປະເທດລາວ ໃຫ້ຮູ້ວ່າ: “ໃນຖານະເປັນປະເທດບ້ານໃກ້ເຮືອນຄຽງທີ່ມີຮ່ວມຊາຍແດນ ແລະ ຮັກສາການພົວພັນອັນດີງາມກັບກຳປູເຈຍ ແລະ ໄທ, ລາວ ຮຽກຮ້ອງໃຫ້ສອງຝ່າຍຈຳກັດ ແລະ ແກ້ໄຂບັນຫາດ້ວຍສັນຕິວິທີ.”
ຕາມ AFP (ຝະລັ່ງ), ຕອນເຊົ້າວັນທີ 25 ກໍລະກົດນີ້, ໄທ ກ່າວວ່າ, ປະເທດນີ້ໄດ້ຍົກຍ້າຍປະຊາຊົນ 100.000 ກວ່າຄົນຢູ່ລຽບຕາມຊາຍແດນກຳປູເຈຍ ໃນສະພາບການທີ່ຄວາມເຄັ່ງຕຶງເພີ່ມຂຶ້ນຢູ່ທີ່ນັ້ນ. ກະຊວງພາຍໃນ ໄທ ກ່າວວ່າ ປະຊາຊົນ 100.672 ຄົນຈາກ 4 ແຂວງຊາຍແດນໄດ້ຖືກຍົກຍ້າຍໄປຢູ່ບ່ອນລີ້ໄພ. ທ່ານຮອງໂຄສົກ ກະຊວງການແພດສາທາລະນະສຸກໄທ ກ່າວວ່າ ມາຮອດເວລາ 21:00 ໂມງ ໃນວັນທີ 24 ກໍລະກົດນີ້, ຈຳນວນຜູ້ເສຍຊີວິດໃນການປະທະກັນທາງທະຫານຢູ່ເຂດຊາຍແດນໄທ-ກຳປູເຈຍ ມີ 14 ຄົນ ແລະ ກໍລະນິບາດເຈັບ 46 ຄົນ. ປະຈຸບັນ ຝ່າຍກຳປູເຈຍ ຍັງບໍ່ທັນໄດ້ປະກາດໃຊ້ຂໍ້ມູນກ່ຽວກັບຜູ້ເສຍຊີວິດ.
 | ສະເຫຼີມສະຫຼອງບຸນປີໃໝ່ລາວ, ກຳປູເຈຍ, ມຽນມາ ແລະ ໄທ ຢູ່ນະຄອນໂຮ່ຈີມິນ ຍສໝ - ວັນທີ 6 ເມສາ, ຢູ່ນະຄອນໂຮ່ຈີມິນ ໄດ້ດຳເນີນບຸນປີໃໝ່ຂອງປະຊາຊົນກຳປູເຈຍ, ລາວ, ມຽນມາ ແລະ ໄທ. ງານບຸນໄດ້ຮັບການສົມທົບກັບສະຫະພັນບັນດາອົງການມິດຕະພາບນະຄອນໂຮ່ຈິມິນ (HUFO) ເພື່ອຈັດຕັ້ງ. |
 | ຫຼາຍການເຄື່ອນໄຫວທີ່ມີຄວາມໝາຍຢູ່ລາຍການຄອບຄົວ ຫວຽດນາມ ກັບນັກສຶກສາລາວ ແລະ ກຳປູເຈຍ ຍສໝ - ວັນທີ 23 ກຸມພາ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈິມິນ ໃຫ້ຮູ້ວ່າ ປີ 2024, ລະບົບແນວໂຮມປະເທດຊາດ ນະຄອນ ແລະ ບັນດາອົງການສະມາຊິກ ໄດ້ຜັນຂະຫຍາຍຫຼາຍການເຄື່ອນໄຫວການທູດປະຊາຊົນຢ່າງມີປະສິດທິຜົນ. |
ແທັງຮັ່ງ
