| ບັນດາຖ້ຽວກຳປັ່ນທີ່ເຕັມໄປດ້ວຍຄວາມມິດຕະພາບ ເພື່ອສັນຕິພາບ ແລະ ສະຖຽນລະພາບຢູ່ທະເລ | |
| ຕໍາຫຼວດທະເລ ໄປຢ້ຽມຢາມຄອບຄົວຊາວປະມົງທີ່ຖືກເຄາະຮ້າຍຢູ່ທະເລ |
ຕາມກະຊວງການຕ່າງປະເທດແລ້ວ, ເອກະສານດັ່ງກ່າວອີກເທື່ອໜຶ່ງໄດ້ຢັ້ງຢືນທັດສະນະລວມຂອງອາຊຽນກ່ຽວກັບການຮ່ວມມືທາງທະເລໃນພາກພື້ນ. ນັ້ນແມ່ນບັນດາຫຼັກການພື້ນຖານໃນການປະພຶດຂອງບັນດາປະເທດຢູ່ບັນດາເຂດທະເລຕາເວັນອອກສ່ຽງໃຕ້, ໃນນັ້ນ ມີທະເລຕາເວັນອອກ.
 |
| ລັດຖະມົນຕີການຕ່າງປະເທດອາຊຽນ ເຂົ້າຮ່ວມກອງປະຊຸມວົງແຄບຢູ່ນະຄອນຫຼວງຈາກາຕາ ຂອງອິນໂດເນເຊຍ. (ຮູບປະກອບ: KT) |
ບົນພື້ນຖານນັ້ນ, ບັນດາລັດຖະມົນຕີການຕ່າງປະເທດບັນດາປະເທດ ອາຊຽນ ໄດ້ “ຢືນຢັນຄືນໃໝ່ຄວາມຮີບຮ້ອນໃນການຟື້ນຟູ ແລະ ເພີ່ມທະວີຄວາມໄວ້ເນື້ອເຊື່ອໃຈ, ລະງັບໃຈເອງໃນການດຳເນີນບັນດາການເຄື່ອນໄຫວທີ່ອາດຈະສັບສົນ ຫຼື ເພີ່ມທະວີການແກ່ງແຍ້ງຍາດຊີງກັນ ແລະ ສົ່ງຜົນສະທ້ອນເຖິງສັນຕິພາບ , ຄວາມໝັ້ນຄົງ; ຫຼີກບັນດາເຄື່ອນໄຫວທີ່ອາດຈະເຮັດໃຫ້ສະພາບການສັບສົນຕື່ມອີກ ແລະ ແກ້ໄຂບັນດາແຫ່ງແຍ້ງກັນໂດຍສັນຕິວິທີບົນພື້ນຖານເຄົາລົບບັນດາຫຼັກການທີ່ໄດ້ຮັບການຮັບຮູ້ຢ່າງກວ້າງຂວາງຂອງກົດໝາຍສາກົນ, ໃນນັ້ນມີ UNCLOS 1982”.
ບັນດາລັດຖະມົນຕີການຕ່າງປະເທດ ອາຊຽນ ກໍ່ “ເນັ້ນໜັກເຖິງຄວາມສຳຄັນຂອງການປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ໃຫ້ຄຳໝັ້ນສັນຍາຈະສົມທົບກັນຢ່າງແໜ້ນແຟ້ນ ເພື່ອໃຫ້ບັນລຸກົດແຫ່ງການປະພຶດຢູ່ທະເລຕາເວັນອອກ (COC) ທີ່ມີປະສິດທິຜົນ, ເນື້ອແທ້, ສອດຄ່ອງກັບກົດໝາຍສາກົນ, ໃນນັ້ນ ມີ UNCLOS 1982 ໄດ້ໂດຍໄວ”.
ນີ້ແມ່ນຄັ້ງທີ 5 ທີ່ອາຊຽນ ໄດ້ອອກຖະແຫຼງການສະເພາະກ່ຽວກັບບັນຫາການເດີນທະເລນັບແຕ່ປີ 1995. ໂດຍໄດ້ຮູ້ວ່າ ໃນຫວ່າງມໍ່ໆມານີ້ ອາຊຽນໄດ້ອອກຖະແຫຼງການສະເພາະກ່ຽວກັບທະເລຕາເວັນອອກແມ່ນໃນປີ 2014.
ດີງເລື້ອງ
