 | ຫວຽດນາມ ເປັນເຈົ້າພາບຈັດກອງປະຊຸມຫົວໜ້າກົມໃຫຍ່ພາສີ ອາຊຽນ ຄັ້ງທີ 33 |
| ເວທີປາໄສ “ແນວຄິດ ໂຮ່ຈີມິນ ກັບ ວັດທະນະທຳທາງທຸລະກິດ” |
 |
| ທ່ານຮອງລັດຖະມົນຕີການຕ່າງປະເທດ ຫວຽດນາມ ໂດ໊ຮຸ່ງຫວຽດ ແລະ ບນດາຫົວໜ້າຄະນະ ຖ່າຍຮູບຮ່ວມກັນ. |
ທີ່ເວທີປາໄສ, ບັນດາປະເທດໄດ້ຊົມເຊີຍກອງປະຊຸມຂັ້ນສູງສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ອາຊຽນ - ຍີ່ປຸ່ນ (ໂຕກຽວ, ເດືອນ ທັນວາ ປີ 2023) ໄດ້ຮັບຜົນສຳເລັດອັນດີງາມ ແລະ ມີຄວາມໝາຍເປັນພິເສດ, ເປີດກາລະໂອກາດການຮ່ວມມືໃໝ່ໃນການພົວພັນຄູ່ຮ່ວມມືສອງຝ່າຍໃນໄລຍະຂອງການພັດທະນາຕໍ່ໄປ.
ຍີ່ປຸ່ນ ເຫັນດີເປັນເອກະພາບຈະສືບຕໍ່ຊຸກຍູ້ການຮ່ວມມືກັບ ອາຊຽນ ເພື່ອຕອບສະໜອງບັນດາສິ່ງທ້າທາຍດ້ານຄວາມໝັ້ນຄົງແບບໃໝ່ ແລະ ການຮ່ວມມືທາງທະເລ. ອາຊຽນ ຄາດວ່າ ຍີ່ປຸ່ນ ຈະຫັນເປັນລະອຽດບັນດາຂໍ້ລິເລີ່ມ ແລະ ຄຳໝັ້ນສັນຍາຂອງນາຍົກລັດຖະມົນຕີ Fumio Kishida ໃນກອງປະຊຸມຂັ້ນສູງສະເຫຼີມສະຫຼອງ ໂດຍຜ່ານບັນດາລາຍການ ແລະ ໂຄງການຮ່ວມມືທີ່ລະອຽດ.
ຕໍ່ໜ້າສະພາບການຄວາມເຄັ່ງຕຶງ, ຄວາມຮຸນແຮງ ແລະ ການປະທະກັນເພີ່ມຂຶ້ນຢູ່ຫຼາຍພາກພື້ນໃນໂລກ, ຄື: ແຫຼມເກົາຫຼີເໜືອ, ທະເລຕາເວັນອອກ, ການປະທະກັນລະຫວ່າງ ລັດເຊຍ - ຢູແກຼນ, ຕາເວັນອອກກາງ... ບັນດາປະເທດໜັກເນັ້ນວ່າ ຈະເພິ່ມທະວີການສົມທົບກັນ ເພື່ອມານະພາຍາຍາມຮັບປະກັນຄວາມສັນຕິພາບ ແລະ ສະຖຽນລະພາບໃນພາກພື້ນ, ໃນນັ້ນມີຢູ່ທະເລຈີນ ຕາເວັນອອກ ແລະ ທະເລຕາເວັນອອກ, ສ້າງສະພາບແວດລ້ອມສະດວກໃຫ້ແກ່ການຮ່ວມມື ແລະ ພັດທະນາ, ຍົກສູງການປະຕິບັດຕາມກົດໝາຍສາກົນ, ແກ້ໄຂຄວາມຂັດແຍ່ງກັນ, ການປະທະກັນໂດຍສັນຕິວິທີ ບົນພື້ນຖານກົດບັດ ສະຫະປະຊາຊາດ ແລະ ກົດໝາຍສາກົນ, ໃນນັ້ນມີສົນທິສັນຍາຂອງ ສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ ປີ 1982 (UNCLOS 1982).
ກ່າວຄຳປາໄສທີ່ເວທີປາໄສ, ທ່ານຮອງລັດຖະມົນຕີ ຫວຽດນາມ ໂດ໊ຮຸ່ງຫວຽດ ຢືນຢັນຄວາມປາຖະໜາວ່າ: ການພົວພັນຄູ່ຮ່ວມມືຍຸດທະສາດຮອບດ້ານ ອາຊຽນ - ຍີ່ປຸ່ນ ຈະປະກອບສ່ວນຢ່າງຕັ້ງໜ້າ ແລະ ມີປະສິດທິຜົນເຂົ້າໃນບັນດາຄວາມມານະພະຍາຍາມຊຸກຍູ້ການເຕີບໂຕແບບກວມລວມ ເພື່ອມຸ່ງໄປເຖິງອະນາຄົດທີ່ພັດທະນາຢ່າງໝັ້ນຄົງຂອງບັນດາປະເທດ ແລະ ປະຊາຊົນສອງພາກພື້ນ, ຕາມນັ້ນແລ້ວ ກໍ່ຮຽກຮ້ອງໃຫ້ສອງຝ່າຍເພີ່ມທະວີການຮ່ວມມືເຊື່ອມໂຍງ ແລະ ພັດທະນາພື້ນຖານໂຄງລ່າງຄຸນນະພາບສູງ, ລວມມີ ຂອບເຂດການຮ່ວມມືແມ່ນ້ຳຂອງ - ຍີ່ປຸ່ນ, ປະກອບສ່ວນເຂົ້າໃນການພັດທະນາລວມຂອງ ອາຊຽນ, ພ້ອມກັນນັ້ນ ກໍ່ຮຽກຮ້ອງໃຫ້ ຍີ່ປຸ່ນ ເພີ່ມທະວີການໜູນຊ່ວຍບັນດາປະເທດ ອາຊຽນ ປະຕິບັດຄຳໝັ້ນສັນຍາຫຼຸດຜ່ອນການປ່ອຍອາຍພິດກາກບອນ, ຊຸກຍູ້ການຫັນປ່ຽນພະລັງງານ, ຕອບສະໜອງຕໍ່ການປ່ຽນແປງຂອງດິນຟ້າອາກາດ, ໂດຍຜ່ານບັນດາກົນໄກ ແລະ ຂໍ້ລິເລີ່ມເຊັ່ນ: ຂໍ້ລິເລີ່ມປະຊາຄົມ ອາຊີ ປ່ອຍອາຍພິດສຸດທິເຫຼືອ "0" (AZEC) ຂອງລັດຖະບານ ຍີ່ປຸ່ນ, ຂໍ້ລິເລີ່ມການຫັນປ່ຽນພະລັງງານ ອາຊີ ແລະ ຂໍ້ລິເລີ່ມພະລັງງານສະອາດໃນອະນາຄົດ ອາຊຽນ.
ກ່ຽວກັບສະພາບການໃນໂລກ ແລະ ພາກພື້ນ, ທ່ານຮອງລັດຖະມົນຕີ ຫວຽດນາມ ໂດ໊ຮຸ່ງຫວຽດ ຮຽກຮ້ອງໃຫ້ ຍີ່ປຸ່ນ ສືບຕໍ່ສະໜັບສະໜູນຫຼັກໝັ້ນລວມຂອງ ອາຊຽນ ກ່ຽວກັບ ທະເລຕາເວັນອອກ, ພິເສດແມ່ນບັນດາຫຼັກການອົດກັ້ນ, ແກ້ໄຂຂໍ້ຂັດແຍ້ງໂດຍສັນຕິວິທີ, ເຄົາລົບກົດໝາຍສາກົນ ແລະ UNCLOS 1982, ສະໜັບສະໜູນບັນດາຄວາມມານະພະຍາຍາມປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ແລະ ສ້າງເງື່ອນໄຂສະດວກໃຫ້ແກ່ການເຈລະຈາເພື່ອກໍ່ສ້າງປະມວນຂໍ້ກຳນົດການປະພຶດຢູ່ ທະເລຕາເວັນອອກ (COC) ຢ່າງມີປະສິດທິຜົນ, ແທດຈິງ ແລະ ສອດຄ່ອງກັບກົດໝາຍສາກົນ, ພິເສດແມ່ນ UNCLOS 1982, ປະກອບສ່ວນກໍ່ສ້າງ ທະເລຕາເວັນອອກ ເປັນເຂດທະເລທີ່ມີສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ.
 | ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ ຍສໝ - ທ່ານ ຮວ່າງບິ່ງກວນ, ອະດີດກຳມະການສູນກາງພັກ, ອະດີດຫົວໜ້າຄະນະພົວພັນຕ່າງປະເທດສູນກາງ, ເມື່ອບໍ່ດົນມານີ້ ໄດ້ຮັບຫຼຽນໄຊອາທິດອຸໄທ ໂດຍລັດຖະບານຍີ່ປຸ່ນ ມອບໃຫ້ ຍ້ອນມີການປະກອບສ່ວນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ. |
 | ອາຊຽນ ແລະ ຍີ່ປຸ່ນ ໄດ້ຮັບຮອງເອົາຖະແຫຼງການວິໄສທັດກ່ຽວກັບການພົວພັນມິດຕະພາບ ແລະ ການຮ່ວມມື ອາຊຽນ - ຍີ່ປຸ່ນ: ຄູ່ຮ່ວມມືທີ່ໄວ້ເນື້ອເຊື່ອໃຈ ຍສໝ - ຕາມຂ່າວສານຫວຽດນາມ, ວັນທີ 17 ທັນວາ, ຢູ່ນະຄອນຫຼວງໂຕກຽວ ຍີ່ປຸ່ນ, ທ່ານນາຍົກລັດຖະມົນຕີ ຟ້າມບິ່ງມິງ ແລະ ການນຳບັນດາປະເທດ ອາຊຽນ ແລະ ຍີ່ປຸ່ນ ໄດ້ເຂົ້າຮ່ວມກອງປະຊຸມສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນອາຊຽນ - ຍີ່ປຸ່ນ. |
ມິງດຶກ
