ປຸກລຸກຄວາມຫວັງພັດທະນາປະເທດຊາດວັດທະນາຖາວອນ, ມີຄວາມຜາສຸກ ແມ່ນແຜນນະໂຍບາຍໃຫຍ່ເຊິ່ງກອງປະຊຸມໃຫຍ່ຄັ້ງທີ 13 ຂອງ ພັກກອມມູນິດຫວຽດນາມ ປຸກລະດົມ, ນີ້ບໍ່ພຽງແຕ່ແມ່ນຄວາມມຸ່ງມາດປາດຖະໜາຂອງປະເທດຊາດໃນມື້ນີ້ເທົ່ານັ້ນ ຫາກຍັງແມ່ນຄວາມມຸ່ງມາດປາດຖະໜາຂອງທົ່ວຊົນຊາດໃນຕະຫຼອດໄລຍະແຫ່ງປະຫວັດສາດອັນຍາວນານຂອງປະເທດຊາດ. ພວກເຮົາຈະເຮັດແນວໃດເພື່ອຄວາມມຸ່ງມາດປາດຖະໜາດັ່ງກ່າວປະກົດຜົນເປັນຈິງ, ດ້ວຍຈິດໃຈຄວາມຮັບຜິດຊອບອັນສູງສົ່ງ, ບັນດານັກຊ່ຽວຊານ, ປັນຍາຊົນ ໄດ້ປະກອບຫຼາຍຄຳເຫັນທີ່ສຸດຈິດສຸດໃຈ ແລະ ເຕັມໄປດ້ວຍພູມປັນຍາໃຫ້ແກ່ຫົວຂໍ້ນີ້. ວາລະສານຍຸກສະໄໝ ຂໍເປັນກຽດແນະນຳໄປຍັງຜູ້ອ່ານທຸກທ່ານ.
ຍສໝ - ຊື່ຂອງປະເທດຊາດຫວຽດນາມ, ຊື່ປະເທດພວກເຮົາຕິດພັນກັບຄຳຂວັນ ເອກະລາດ - ອິດສະລະພາບ - ຄວາມຜາສຸກ. ຄຳຂວັນໄດ້ສະແດງໃຫ້ເຫັນເຖິງລະບົບຄຸນຄ່າ, ເປົ້າໝາຍອັນສູງສຸດ ແລະຍືນຍົງຂອງພີ່ນ້ອງຮ່ວມຊາດຫວຽດນາມທັງຢູ່ພາຍໃນ ແລະ ຕ່າງປະເທດ. ນີ້ແມ່ນເສັ້ນທາງ, ແມ່ນກຳລັງໜູນ, ແມ່ນຮາກຖານພື້ນຖານທີ່ສຸດ ເພື່ອນຳປະເທດຊາດພວກເຮົາໄປສູ່ຄວາມຈະເລີນຮຸ່ງເຮືອງ, ມີຄວາມຜາສຸກ.
ຍສໝ - ເພື່ອສະໜອງຄວາມປາຖະໜາໃນການປະຕິຮູບປະເທດຊາດນັ້ນ, ກ່ອນອື່ນລັດຕ້ອງສະແດງໃຫ້ເຫັນໄດ້ຄວາມປາຖະໜານັ້ນກ່ອນ. ນັ້ນຕ້ອງເປັນຄວາມໄຝ່ຝັນອັນຍິ່ງໃຫຍ່, ຄວາມຕັ້ງໃຈອັນກ້າແກ່ນ, ການເລືອກເຟັ້ນໜຶ່ງດຽວເພື່ອຄວາມຢູ່ລອດ… ແຮງບັນດານໃຈ ແລະ ຄວາມມຸ່ງໝັ້ນຕັ້ງໃຈນັ້ນ ໄດ້ຖືກຖ່າຍທອດໄປເຖິງປະຊາຊົນ ຄືກັບກະບອກສຽງຂອງລາຊາກະສັດໃນນິທານພື້ນບ້ານ ແທງຢອງ ເພື່ອປຸກລະດົມປະຊາຊົນທັງມວນ ລົບລ້າງການສະໜັບສະໜູນລາຊາກະສັດຊ່ວຍເຫຼືອປະເທດຊາດ… ນັ້ນແມ່ນຈິດວິຍານທີ່ແທ້ຈິງໃນບົດຕອບສຳພາດ ຂອງ ປອ. ຫວູມິ່ງເຄື່ຶອງ ຕໍ່ກັບວາລະສານຍຸກສະໄໝ.
ຍສໝ - ເສດຖະກິດການຕະຫຼາດບໍ່ພຽງແຕ່ແມ່ນວິທີການຈັດຕັງພື້ນຖານເສດຖະກິດທີ່ມີປະສິດທິຜົນທີ່ສຸດໃນປັດຈຸບັນຫາກຍັງແມ່ນກຳລັງໜູນ, ປັດໄຈຕັດສິນກ່ຽວກັບຮູບແບບ, ໂຄງປະກອບພັດທະນາວັດທະນະທຳ, ສັງຄົມ, ການເມືອງ… ຂອງມວນມະນຸດ. ເມື່ອຮັບຮູ້ຢ່າງຖືກຕ້ອງ ແລະ ດັດສົມຢ່າງເໝາະສົມ, ການເຄື່ອນໄຫວຂອງມັນຈະສ້າງເປັນລັກສະນະສາມັກຄີ, ການຮ່ວມມື, ກະຕຸ້ນຫົວຄິດປະດິດສ້າງ, ຄວາມເສລີດ້ານແນວຄິດ, ຄວາມຮັບຜິດຊອບຂອງປະຊາຄົມ, ການແບ່ງຜົນປະໂຫຍດຢ່າງປອດໄສ, ເໝາະສົມ… ຖ້າຫາກສ້າງພື້ນຖານວັດທະນະທຳທີ່ກ້າວໜ້າ, ເຕັມໄປດ້ວຍສີສັນໄດ້ນັ້ນ ຄວາມວັດທະນາຖາວອນ, ຄວາມຈະເລີນຮຸ່ງເຮື່ອງ, ຄວາມຜາສຸກກໍ່ຈະຕາມມາ.
ຍສໝ - ຂ້າພະເຈົ້າເຫັນວ່າບໍ່ວ່າບັນດາວຽກງານນ້ອຍ ຫຼື ໃຫຍ່ທີ່ຈັດຕັ້ງປະຕິບັດພາຍໃຕ້ຮູບແບບ “ລັດ ແລະປະຊາຊົນຮ່ວມກັນປະຕິບັດ” ລ້ວນແຕ່ປະສົບຜົນສໍາເລັດທີ່ສຸດທັງດ້ານຄຸນນະພາບ, ປະສິດທິຜົນ ແລະ ສ້າງເປັນຈິດຕະສາດ, ຄວາມຮູ້ສຶກທາງສັງຄົມທີ່ດີຂຶ້ນ. ຖ້າລັດຮ່ວມກັບປະຊາຊົນໃນການສ້າງສາ ແລະປະຕິບັດເປົ້າໝາຍຢ່າງສະເໝີພາບ, ໂປ່ງໃສ ກ່ຽວກັບສິດຜົນປະໂຫຍດ ແລະ ຄວາມຮັບຜິດຊອບ, ຮູ້ຮັບຟັງ ແລະ ການສ້າງເພື່ອໃຫ້ປະຊາຊົນເປັນເຈົ້າ ແມ່ນ "ເຖິງຈະຫຍຸ້ງຍາກປານໃດກໍ່ຕາມ ແຕ່ຖ້າພໍ່ແມ່ປະຊາຊົນເຮັດ ກໍ່ຈະສໍາເລັດຜົນ". ທ່ານ ປອ. ເລດຶກທີ້ງ, ຫົວໜ້າກົມຄຸ້ມຄອງເສດຖະກິດການຮ່ວມມື ແລະ ພັດທະນາຊົນນະບົດ - ກະຊວງກະສິກໍາ ແລະ ພັດທະນາຊົນນະບົດ ຖືວ່າ ທັດສະນະດັ່ງກ່າວເປັນຄູ່ມືເພື່ອການສ້າງສາປະເທດໃຫ້ມີຄວາມເລີນຮຸ່ງເຮືອງ ແລະ ມີຄວາມຜາສຸກ.
ຍສໝ - ປຸກລຸກຄວາມຫວັງພັດທະນາປະເທດຊາດວັດທະນາຖາວອນ, ມີຄວາມຜາສຸກ ແມ່ນແຜນນະໂຍບາຍໃຫຍ່ເຊິ່ງກອງປະຊຸມໃຫຍ່ຄັ້ງທີ 13 ຂອງ ພັກກອມມູນິດຫວຽດນາມ ປຸກລະດົມ, ນີ້ບໍ່ພຽງແຕ່ແມ່ນຄວາມມຸ່ງມາດປາດຖະໜາຂອງປະເທດຊາດໃນມື້ນີ້ເທົ່ານັ້ນ ຫາກຍັງແມ່ນຄວາມມຸ່ງມາດປາດຖະໜາຂອງທົ່ວຊົນຊາດໃນຕະຫຼອດໄລຍະແຫ່ງປະຫວັດສາດອັນຍາວນານຂອງປະເທດຊາດ. ພວກເຮົາຈະເຮັດແນວໃດເພື່ອຄວາມມຸ່ງມາດປາດຖະໜາດັ່ງກ່າວປະກົດຜົນເປັນຈິງ, ດ້ວຍຈິດໃຈຄວາມຮັບຜິດຊອບອັນສູງສົ່ງ, ບັນດານັກຊ່ຽວຊານ, ປັນຍາຊົນ ໄດ້ປະກອບຫຼາຍຄຳເຫັນທີ່ສຸດຈິດສຸດໃຈ ແລະ ເຕັມໄປດ້ວຍພູມປັນຍາໃຫ້ແກ່ຫົວຂໍ້ນີ້. ວາລະສານຍຸກສະໄໝ ຂໍເປັນກຽດແນະນຳໄປຍັງຜູ້ອ່ານທຸກທ່ານ.
