ໃນອາທິດທີ່ຜ່ານມາ, ຢູ່ທີ່ທໍານຽບປະທານປະເທດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບບັນດາທູດປະເທດ ເພື່ອນມິດ ເຂົ້າຍື່ນສານຕາຕັ້ງ ເພື່ອດໍາລົງຕໍາແໜ່ງ ເປັນເອກອັກຄະລັດຖະທູດຄົນໃໜ່ ປະຈໍາ ສປປ ລາວ ແລະ ມອບສານແຕ່ງຕັ້ງໃຫ້ທູດລາວ ໄປປະຈຳຢູ່່ປະເທດຕ່າງໆ ຕາມລຳດັບດັ່ງນີ້:
ປັດຈຸບັນ ການແຂ່ງຂັນ ຫລາຍປະເທດ ໃນອາຊຽນ ພວມແຂ່ງຂັນກັນ ຢ່າງຟົດຟື້ນ ເພື່ອດຶງດູດ ການລົງທຶນ ຈາກຕ່າງປະເທດ
ຍສໝ - ໃນໄລຍະ 8 ເດືອນ ໄດ້ມີການຈົດທະບຽນລົງທຶນຂອງຕ່າງປະເທດເຂົ້າສູ່ຫວຽດນາມ 22,63 ຕື້ ໂດລາສະຫະລັດ.
ປັດຈຸບັນ, ກຳປູເຈຍ ມີຊາວຕ່າງປະເທດ ຫລາຍກວ່າ 160.000 ຄົນ ຈາກ 93 ປະເທດ ແລະ ພາກພື້ນ ພວມອາໄສ ແລະ ເຮັດວຽກຢູ່ໃນກຳປູເຈຍ ໂດຍປົກກະຕິແລ້ວ ຊາວຕ່າງປະເທດປະກອບອາຊີບດັ່ງກ່າວ ຕ້ອງຈ່າຍເງິນ 180 ໂດລາສະຫະລັດຕໍ່ປີ ສຳລັບວິຊາ ໃນໄລຍະຍາວ ແລະ ອີກ 130 ໂດລາສະຫະລັດຕໍ່ປີ ສຳລັບບັດ ຫລື ໜັງສືຈ້າງງານ.
ຍສໝ - ໃນຕອນບ່າຍຂອງວັນທີ 27 ສິງຫາ 2019, ຢູ່ສຳນັກງານນາຍົກລັດຖະມົນຕີ, ທ່ານ ຫງວຽນຊວນຟຸກ ນາຍົກລັດຖະມົນຕີ ສສ ຫວຽດນາມ ໄດ້ໃຫ້ການຕ້ອນຮັບ ທ່ານ Lim Jock Hoi ເລຂາທິການໃຫຍ່ອາຊຽນ.
ຍສໝ - ໃນຕອນບ່າຍຂອງວັນທີ 26 ສິງຫາ 2019, ທີ່ ບາງກອກ, ປະເທດໄທ, ທ່ານ ຫງວຽນວັນເຢົ່າ, ປະທານກໍາມາທິການການຕ່າງປະເທດສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານ ເອກສະຫວ່າງ ວົງວິຈິດ, ປະທານກໍາມາທິການການຕ່າງປະເທດສະພາແຫ່ງຊາດລາວ.
ຫ້ອງການ ຄະນະກຳມະການຊາຍແດນແຫ່ງຊາດ ກະຊວງການຕ່າງປະເທດ ຢືນຢັນວ່າ: ບັນຫາຊາຍແດນ ລາວ ແລະ ກຳປູເຈຍ ບໍ່ໄດ້ເປັນດັ່ງທີ່ສື່ບາງແຫ່ງທັງພາຍໃນ ແລະ ຕ່າງປະເທດ ໄດ້ອອກຂ່າວຜ່ານທາງ ສື່ອອນລາຍໃນໄລຍະຜ່ານມາ ເປັນຂ່າວທີ່ບໍ່ມີມູນຄວາມຈິງ ເປັນການສ້າງສະຖານະການ ເພື່ອເຮັດໃຫ້ສອງປະເທດ ລາວ-ກຳປູເຈຍ ມີຄວາມເຂົ້າໃຈຜິດຕໍ່ກັນ.
ຍສໝ - ໃນວັນທີ 21-22 ສິງຫາ 2019, ທີ່ ນະຄອນຫລວງວຽງຈັນ, ສປປ ລາວ ໄດ້ເປັນເຈົ້າພາບຈັດກອງປະຊຸມໜ່ວຍງານວິຊາການ ຂະແໜງການບູລິມະສິດ ແລະ ກອງປະຊຸມເຈົ້າໜ້າທີ່ອາວຸໂສ ຂອບການຮ່ວມມືື ກໍາປູເຈຍ-ລາວ-ມຽນມາ-ຫວຽດນາມ ເຊິ່ງມີຄະນະຜູ້ແທນຈາກ ຂະແໜງການຕ່າງໆຂອງ 4 ປະເທດ ເຂົ້າຮ່ວມຢ່າງພ້ອມພຽງ.
ໃນລະຫວ່າງວັນທີ 20-21 ສິງຫາ 2019, ທີ່ນະຄອນຫລວງວຽງຈັນ ກະຊວງພາຍໃນ ໄດ້ຈັດກອງປະຊຸມຄົ້ນຄວ້າ ປະກອບຄຳເຫັນ ໃສ່ຮ່າງດຳລັດ ວ່າດ້ວຍການແຕ່ງດອງລະຫວ່າງພົນລະ ເມືອງລາວ ກັບຄົນຕ່າງປະເທດ (ສະບັບປັບປຸງ 2019) ເພື່ອປັບປຸງຂອດການຂໍອະນຸມັດແຕ່ງດອງ ໃຫ້ສັ້ນລົງກວ່າເກົ່າ, ທັງມີເນື້ອໃນຮັດກຸມ, ຄົບຖ້ວນ, ຊັດເຈນ, ເປັນເອກະພາບກັນ ແລະ ສອດຄ່ອງກັບພາລະບົດ ບາດ ຂອງຂະແໜງການທີ່ກ່ຽວຂ້ອງ ຕາມທີ່່ກໍານົດໃນກົດໝາຍ ແລະ ປັບປຸງຂອດການປະສານສົມທົບລະຫວ່າງ ຂະແໜງການທີ່ກ່ຽວຂ້ອງໃຫ້ກົມກຽວ.
ວັນທີ 19 ສິງຫາ 2019 ຢູ່ກະຊວງການຕ່າງປະເທດ ໃນໂອກາດສຳເລັດການປະຕິບັດໜ້າທີ່ການທູດຢູ່ ສປປ ລາວ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ຕ້ອນຮັບການເຂົ້າຢ້ຽມຄຳນັບອຳລາຂອງ ທ່ານ ທາເຄຊິ ຮິຄິຮາຣະ ເອກອັກຄະລາຊະທູດ ຍີ່ປຸ່ນ ປະຈຳ ສປປ ລາວ.
ນັບແຕ່ເດືອນ ມັງກອນ-ເດືອນກໍລະກົດປີນີ້ ຈີນ ສາມາດດຶງດູດ ທຶນຈາກຕ່າງປະເທດ ລວມທັງໝົດ 533.140 ລ້ານຢວນ ຫລື 78.800 ລ້ານໂດລາ ສະຫະລັດ, ເພີ່ມຂື້ນ 7,3% ເມື່ອທຽບໃສ່ໄລຍະດຽວກັນ ຂອງປີກາຍ.
ຍສໝ - ວັນທີ 18 ສິງຫາ 2019, ກອງປະຊຸມຄັ້ງທີ 7 ກໍາມາທິການການຕ່າງປະເທດຂອງສະພາແຫ່ງຊາດສາມປະເທດ ກຳປູເຈຍ-ລາວ-ຫວຽດນາມ ໄດ້ອອກຖະແຫຼງການຮ່ວມເພື່ອແນໃສ່ເພີ່ມທະວີສາຍພົວພັນສາມັກຄີມິດຕະພາບທີ່ເປັນມູນເຊື້ອລະຫວ່າງ 3 ສະພາແຫ່ງຊາດ ແລະຊຸກຍູ້ການປະຕິບັດບັນດາໂຄງການຮ່ວມມືໃນເຂດສາມຫຼ່ຽມພັດທະນາ (CLV-DTA) ເຊິ່ງລັດຖະບານສາມປະເທດໄດ້ເຫັນດີເປັນເອກະພາບ.
ຍສໝ - ຕອນຄ່ຳວັນທີ 31 ກໍລະກົດ, ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 52 (AMM – 52) ຢູ່ ບາງກອກ ປະເທດໄທ ໄດ້ອອກຖະແຫລງການຮ່ວມ ເຕື້ອງເຖິງຫລາຍເນື້ອໃນ.
ຕອນເຊົ້າວັນທີ 31 ກໍລະກົດ, ກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 52 (AMM 52) ແລະ ບັນດາກອງປະຊຸມທີ່ກ່ຽວຂ້ອງໄດ້ໄຂຂຶ້ນຢ່າງເປັນທາງການ, ຢູ່ນະຄອນຫຼວງບາງກອກ, ປະເທດໄທ.
ເນື່ອງໃນໂອກາດວັນສ້າງຕັ້ງສະມາຄົມບັນດາປະຊາຊາດອາຊີຕາເວັນອອກສ່ຽງໃຕ້ ຫຼື ອາຊຽນ ຄົບຮອບ 52 ປີ (8 ສິງຫາ 1967 – 8 ສິງຫາ 2019) ແລະ ຄົບຮອບ 22 ປີ ຂອງການເຂົ້າເປັນສະມາຊິກອາຊຽນ ຂອງສາທາລະນະລັດ ປະຊາທິປະໄຕ ປະຊາຊົນລາວ (23 ກໍລະກົດ 1997- 23 ກໍລະກົດ 2019), ຂ້າພະເຈົ້າ ຂໍຕາງຫນ້າລັດຖະບານ ສົ່ງພອນອັນປະເສີດ ມາຍັງ ບັນດາທ່ານ ການນຳພັກ-ລັດ, ພະນັກງານ, ທະຫານ, ຕຳຫຼວດ ແລະ ຕະຫຼອດຮອດພີ່ນ້ອງຊາວລາວທຸກຖ້ວນໜ້າທັງຢູ່ພາຍໃນ ແລະ ຕ່າງປະເທດ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເວົ້າລວມ ແລະ ເວົ້າສະເພາະ ປະກອບສ່ວນເຂົ້າໃນການເຄື່ອນໄຫວວຽກງານອາຊຽນ ຕະຫລອດໄລຍະ 22 ປີ ຜ່ານມາ.
ວັນທີ 02 ສິງຫາ, ກອງປະຊຸມລັດຖະມົນຕີການຕ່າງປະເທດອາຊຽນ + 3 ຄັ້ງທີ 20 ດຳເນີນໃນຂອບເຂດກອງປະຊຸມ AMM 52, ໄດ້ຈັດຂຶ້ນຢູ່ບາງກອກ, ປະເທດໄທ.
ໂດຍສືບຕໍ່ບັນດາການເຄື່ອນໄຫວນອນໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 52 (AMM-52) ແລະ ບັນດາກອງປະຊຸມທີ່ກ່ຽວຂ້ອງ, ຕອນບ່າຍວັນທີ 01 ສິງຫາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມິງ ພ້ອມກັບບັນດາລັດຖະມົນຕີການຕ່າງປະເທດ ອາຊຽນ ແລະ ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ - ອາເມລິກາ.
ໃນຂອບເຂດກອງປະຊຸມລັດຖະມົນຕີກະຊວງການຕ່າງປະເທດອາຊຽນຄັ້ງທີ 52 (AMM 52) ແລະບັນດາກອງປະຊຸມທີ່ກ່ຽວຂ້ອງ, ຕອນບ່າຍວັນທີ 31 ກໍລະກົດ, ທີ່ ບາງກອກ, ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມພ້ອມດ້ວຍບັນດາລັດຖະມົນຕີກະຊວງການຕ່າງປະເທດອາຊຽນ ແລະ ທ່ານຫວາງອີ້ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດອາຊຽນ-ຈີນ.
ໃນຕອນບ່າຍວັນທີ 30 ກໍລະກົດ 2019 ທີ່ ບາງກອກ ປະເທດໄທ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ພ້ອມຄະນະ ໄດ້ເຂົ້າຮ່ວມກອງປະຊຸມ ຄະນະກໍາມາທິການ ວ່າດ້ວຍເຂດປອດອາວຸດນິວເຄລຍອາຊີ ຕາເວັນອອກສ່ຽງໃຕ້ (SEANWFZ Commission), ເຊິ່ງໄດ້ສະແດງຄວາມເພິ່ງພໍໃຈຕໍ່ຄວາມຄືບໜ້າ ການຈັດຕັ້ງປະຕິບັດ ແຜນປະຕິບັດງານ ຂອງສົນທິສັນຍາ ວ່າດ້ວຍເຂດປອດອາວຸດນິວເຄລຍ ໃນອາຊີຕາເວັນອອກສ່ຽງໃຕ້ ໄລຍະ 2018-2022 ແລະ ຮັບຊາບຜົນກອງປະຊຸມ ເຄືອຂ່າຍອົງການພະລັງງານ ປະລາມະນູອາຊຽນ ຄັ້ງທີ 6 (6th ASEANTOM).
ຍສໝ - ໃນລະຫວ່າງວັນທີ 30 ກໍລະກົດ ຫາ ວັນທີ 3 ສິງຫາ ທີ່ບາງກອກ, ປະເທດໄທ ໄດ້ດຳເນີນກອງປະຊຸມບັນດາເຈົ້າໜ້າທີ່ອາວຸໂສ ASEAN (SOM) ກະກຽມໃຫ້ກອງປະຊຸມບັນດາລັດຖະມົນຕີການຕ່າງປະເທດ ອາຊຽນຄັ້ງທີ 52 (AMM-52) ແລະ ບັນດາກອງປະຊຸມລັດຖະມົນຕີການຕ່າງປະເທດອາຊຽນ ກັບຄູ່ຮ່ວມມືຕ່າງໆ (PMC+) ເຊິ່ງຈະໄດ້ດໍາເນີນ. ທ່ານ ຫງວຽນກ໊ວກຢູງ ຮອງລັດຖະມົນຕີການຕ່າງປະເທດຫວຽດນາມ ນຳໜ້າຄະນະຜູ້ແທນຫວຽດນາມເຂ້ົາຮ່ວມກອງປະຊຸມ.