ໃນວັນທີ 18 ພະຈິກ, ຄະນະຜູ້ແທນສົນທິສັນຍາ ແລະ ກົດໝາຍ (ກະຊວງການຕ່າງປະເທດລາວ) ນຳໂດຍ ສະຫາຍ ສົມຄີດ ວັນຄຳ, ຮອງຫົວໜ້າກົມ ໄດ້ລົງຢ້ຽມຢາມ ແລະ ເຮັດວຽກກັບກົມກົດໝາຍ ແລະ ສົນທິສັນຍາສາກົນ (ກະຊວງການຕ່າງປະເທດ ຫວຽດນາມ) ເພື່ອ ແລກປ່ຽນປະສົບການໃນການພັດທະນາດຳລັດກ່ຽວກັບ ນະໂຍບາຍສຳລັບສະມາຊິກຂອງອົງການຕົວແທນຕ່າງປະເທດ.
ທີ່ກອງປະຊຸມ, ທ່ານນາງ ເລຖິຕ໋ວຽດມາຍ , ຫົວໜ້າກົມກົດໝາຍ ແລະ ຂໍ້ສົນທິສັນຍາ ແລະ ຜູ້ຕາງໜ້າບັນດາຫົວໜ່ວຍທີ່ກ່ຽວຂ້ອງ ຂອງກະຊວງການຕ່າງປະເທດ ໄດ້ແບ່ງປັນປະສົບການ ກ່ຽວກັບການພັດທະນາດຳລັດ 08/2019 / ND-CP ລົງວັນທີ 23 ມັງກອນ/ປີ 2019 ຂອງລັດຖະບານ ທີ່ສະໜອງລະບອບຈຳນວນໜຶ່ງ ສຳລັບບັນດາສະມາຊິກຂອງອົງການຕົວແທນ ຫວຽດນາມຢູ່ຕ່າງປະເທດ.
 |
ທັດສະນີຍະພາບຂອງກອງປະຊຸມ. (ພາບ: baoquocte.vn)
ໂດຍສະເພາະ, ທັງສອງຝ່າຍໄດ້ແລກປ່ຽນເນື້ອໃນກ່ຽວກັບຄວາມສົນໃຈຂອງລາວ ເຊັ່ນ: ຄ່າລ້ຽງຊີບຂັ້ນພື້ນຖານ, ສຳປະສິດເຂດພື້ນທີ່ເຮັດວຽກ, ຄ່າອຸດໜູນກວດປະກັນສຸຂະພາບ ແລະ ຄ່າອຸດໜູນການປິ່ນປົວ, ເງິນອຸດໜູນອຸປະຕິເຫດແຮງງານ ແລະ ລະບຽບການຕ່າງໆກ່ຽວກັບນະໂຍບາຍ ສຳລັບເມຍ, ຜົວ ແລະ ເດັກນ້ອຍ ທີ່ມາພ້ອມກັບສະມາຊິກຂອງພາລະກິດການເປັນຕົວແທນ, ເພື່ອສ້າງເງື່ອນໄຂໃຫ້ສະມາຊິກຂອງອົງການຕົວແທນຕ່າງປະເທດ ປະຕິບັດໜ້າທີ່ຂອງພວກເຂົາ ເພື່ອຍົກສູງປະສິດທິພາບຂອງວຽກງານ; ສອດຄ່ອງກັບຄວາມຮຽກຮ້ອງຕ້ອງການຂອງວຽກງານການຕ່າງປະເທດ ໃນສະພາບການໃໝ່.
ກະຊວງການຕ່າງປະເທດລາວ ໄດ້ຕີລາຄາສູງຕໍ່ການແລກປ່ຽນຂໍ້ມູນຂ່າວສານ ແລະ ແລກປ່ຽນປະສົບການລະຫວ່າງສອງຝ່າຍກ່ຽວກັບການຈັດຕັ້ງປະຕິບັດລະບອບ ແລະ ນະໂຍບາຍຕໍ່ສະມາຊິກຂອງອົງການຕົວແທນ ຢູ່ຕ່າງປະເທດ. ຄະນະຜູ້ແທນລາວກ່າວວ່າ ຂໍ້ມູນຂ່າວສານທີ່ກະຊວງການຕ່າງປະເທດຫວຽດນາມ ໃຫ້ການຊ່ວຍເຫຼືອແມ່ນມີປະໂຫຍດຫຼາຍໃນການສ້າງສະບັບຮ່າງດຳລັດຊີ້ນຳ ການຈັດຕັ້ງປະຕິບັດລະບຽບ ແລະ ນະໂຍບາຍສຳລັບສະມາຊິກອົງການຕົວແທນ.
 |
ບັນດາຜູ້ແທນເຂົ້າຮ່ວມກອງປະຊຸມ. (ພາບ: baoquocte.vn)
ໃນໂອກາດດັ່ງກ່າວ, ທັງສອງຝ່າຍຍັງໄດ້ແລກປ່ຽນກ່ຽວກັບຫຼາຍບັນຫາດ້ານກົດໝາຍສາກົນໃນພາກພື້ນ ແລະ ໃນບັນດາເວທີປາໄສຫຼາຍຝ່າຍ, ມາດຕະການເພື່ອເພີ່ມທະວີການຮ່ວມມື ໂດຍສະເພາະແມ່ນ ລະຫວ່າງສອງກົມກົດໝາຍ ແລະ ສົນທິສັນຍາສາກົນຕື່ມອີກ ແລະ ເວົ້ົ້າລວມແມ່ນກະຊວງການຕ່າງປະເທດຂອງສອງປະເທດ ໃນອະນາຄົດ.
（ຄຳຮຸ່ງ）
