 |
ພາບປະກອບ
ໃນນັ້ນມີ 3.478 ໂຄງການໃໝ່ໄດ້ຮັບໃບຢັ້ງຢືນຈົດທະບຽນລົງທຶນ, ເພີ່ມຂຶ້ນ 28,2% ຈໍານວນໂຄງການເມື່ອທຽບໃສ່ໄລຍະດຽວກັນຂອງປີກາຍ. ຍອດຈຳນວນທຶນຈົດທະບຽນໃໝ່ບັນລຸ 14,68 ຕື້ໂດລາສະຫະລັດ, ເທົ່າກັບ 93% ເມື່ອທຽບໃສ່ໄລຍະດຽວກັນຂອງປີກາຍ . ໃນນັ້ນຮ່າໂນ້ຍ ດຶງດູດເງິນລົງທຶນຕ່າງປະເທດຫຼາຍທີ່ສຸດດ້ວຍຍອດຈຳນວນທຶນຈົດທະບຽນບັນລຸ 6,82 ຕື້ໂດລາສະຫະລັດ, ກວມເອົາ 21,5% ຍອດຈໍານວນເງິນລົງທຶນ. ນະຄອນໂຮ່ຈີມິນ ຢືນອັນດັບທີ 2 ດ້ວຍຍອດຈຳນວນທຶນຈົດທະບຽນບັນລຸ 5,48 ຕື້ໂດລາສະຫະລັດ, ກວມເອົາ 17,2% ຍອດຈໍານວນເງິນລົງທຶນ.
ຕອນເຊົ້າວັນທີ 02 ທັນວາ, ຢູ່ຮ່າໂນ້ຍ, ລັດຖະບານໄດ້ຈັດກອງປະຊຸມສະໄໝສາມັນປະຈຳເດືອນ ພະຈິກ ປີ 2019. ກອງປະຊຸມໄດ້ດຳເນີນພາຍຫຼັງກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 14 ເພື່ອແນໃສ່ກວດກາຄືນສະພາບການ ແລະ ຜັນຂະຫຍາຍບັນດາມາດຕະການປັບປຸງທີ່ຈຳເປັນດ້ວຍເປົ້າໝາຍປະຕິບັດບັນດາຕົວເລກຄາດໝາຍແຜນການປີ 2019 ໃຫ້ບັນລຸລະດັບສູງສຸດ.
 |
ກອງປະຊຸມສະໄໝສາມັນປະຈຳເດືອນພະຈິກປີ 2019. (ພາບ: VGP)
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ຕີລາຄາວ່າ, ບັນດາສະມາຊິກລັດຖະບານ ໄດ້ຕັ້ງໜ້າເຂົ້າຮ່ວມວຽກງານກະກຽມສ້າງບັນດາຮ່າງກົດໝາຍ, ບັນດາຮ່າງບົດລາຍງານ ແລະ ເຂົ້າຮ່ວມການຊັກຖາມ, ຕອບຄຳຊັກຖາມທີ່ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 14 ເປັນຢ່າງດີ. ສະພາແຫ່ງຊາດໄດ້ຮັບຮູ້ບັນດາຜົນງານໃນການຄຸ້ມຄອງ, ບໍລິຫານຂອງລັດຖະບານ ເຊິ່ງໄດ້ສະແດງໃຫ້ເຫັນຜ່ານການປະຕິບັດລື່ນກາຍ 12/12 ຕົວເລກຄາດໝາຍເຊິ່ງສະພາແຫ່ງຊາດມອບໝາຍໃຫ້; ໃນນັ້ນມີຫຼາຍຕົວເລກຄາດໝາຍສຳຄັນ, ໂດຍສະເພາະແມ່ນການເຕີບໂຕ.
ທ່ານນາຍົກລັດຖະມົນຕີ ຖືວ່າ, ເສດຖະກິດ ຫວຽດນາມ ຍັງສືບຕໍ່ມີການຜັນແປຢ່າງຕັ້ງໜ້າ. ເສດຖະກິດມະຫາພາກສືບຕໍ່ເປັນປົກກະຕິ. ພິເສດ, ຂົງເຂດທ່ອງທ່ຽວສືບຕໍ່ເພີ່ມຂຶ້ນຢ່າງແຮງ; ວົງເງິນສົ່ງອອກສືບຕໍ່ເຕີບໂຕດີພໍສົມຄວນ. ລັດຖະບານໄດ້ປຶກສາຫາລືບັນດາມາດຕະການ ເພື່ອປະຕິບັດບັນດາເປົ້າໝາຍທີ່ໄດ້ວາງອອກໃຫ້ບັນລຸໝາກຜົນດີທີ່ສຸດ, ໃນສະພາບປະເທດຊາດໃກ້ຈະກ້າວເຂົ້າປີ 2020 ດ້ວຍການຄາດຄະເນເສດຖະກິດໂລກສືບຕໍ່ມີທ່າອ່ຽງເຕີບໂຕຊັກຊ້າລົງ.
（ໄຊພອນ）
