ສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືລະຫວ່າງຫວຽດນາມ - ຈີນ

	ຫວຽດນາມ ໄດ້ຕີລາຄາສູງການຊຸກຍູ້ການຮ່ວມມືອາຊຽນ - ຈີນໃນທຸກຂົງເຂດ
	ປະທານສະພາແຫ່ງຊາດຫວຽດນາມ ເວືອງດິ່ງເຫວ້ ໄດ້ມີການຕ້ອນຮັບທ່ານ ຊຸງປົວ ເອກອັກຄະລັດຖະທູດຈີນ ປະຈຳ ຫວຽດນາມ

ໃນວັນທີ 24 ພຶດສະພາ, ທ່ານປະທານປະເທດຫງວຽນຊວນຟຸກ ໄດ້ມີການໂອ້ລົມທາງໂທລະສັບກັບທ່ານ ສີ​ຈິ້ນ​ຜິງ - ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ, ປະທານປະເທດແຫ່ງສປຈີນ.

ທ່ານປະທານປະເທດຫງວຽນຊວນຟຸກ. (ພາບ: vietnamplus)

ໃນການໂອ້ລົມທາງໂທລະສັບ, ທ່ານປະທານປະເທດ ຫງວຽນຊວນຟຸກ ໄດ້ເນັ້ນໜັກວ່າ ເຖິງວ່າ ຖືກຜົນກະທົບຈາກໂລກລະບາດໂຄວິດ - 19 ກໍ່ຕາມ ແຕ່ຫວຽດນາມ ໄດ້ປະຕິບັດສຳເລັດເປົ້າໝາຍຄວບຄູ່ ທັງປ້ອງກັນ, ສະກັດກັ້ນໂລກລະບາດໂຄວິດ - 19 ທັງພັດທະນາເສດຖະກິດ ແລະ ໃນວັນທີ 23 ພຶດສະພາ ຈັດການເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນອາຍຸການ 2021 – 2026 ສຳເລັດ. ລັດຫວຽດນາມ ຢຶດໝັ້ນກັບແນວທາງການທູດເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບແບບ. ໃນນັ້ນ ຖືການພັດທະນາການຮ່ວມມືຮອບດ້ານກັບ ຈີນ ເປັນສຳຄັນ. ທ່ານປະທານປະເທດ ຫງວຽນຊວນຟຸກ ໄດ້ຍົກອອກບາງມາດຕະການຊຸກຍູ້ການພົວພັນສອງປະເທດ ໃນໄລຍະຈະມາເຖິງຄື: ຊຸກຍູ້ການຮ່ວມມືຮອບດ້ານ, ມີຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ, ທ່ານກໍ່ໄດ້ເຊື້ອເຊີນ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ການນຳຈີນ ມາຢ້ຽມຢາມ ຫວຽດນາມ.

ສ່ວນທ່ານເລຂາທິການໃຫຍ່, ປະທານປະເທດຈີນ ສີ​ຈິ້ນ​ຜິງ ໄດ້ສະແດງຄວາມເຊື່ອໝັ້ນວ່າ: ພາຍໃຕ້ການນຳພາອັນສະຫຼາດສ່ອງໃສຂອງພັກກອມມູນິດຫວຽດນາມ, ປະຊາຊົນຫວຽດນາມ ຈະປະສົບຜົນສຳເລັດຕາມເປົ້າໝາຍ ແລະ ໜ້າທີ່ຂອງກອງປະຊຸມໃຫຍ່ຄັ້ງທີ 13 ຂອງພັກທີ່ໄດ້ແນະນຳ.

ທ່ານເລຂາທິການໃຫຍ່, ປະທານປະເທດຈີນ ສີ​ຈິ້ນ​ຜິງ ໄດ້ຢືນຢັນວ່າ: ພັກ, ລັດ ແລະ ປະຊາຊົນຈີນຖືເປັນສຳຄັນການພົວພັນກັບຫວຽດນາມ; ສະແດງຄວາມປາດຖະໜາ ແລະ ພ້ອມແລ້ວທີ່ພະຍາຍາມກັບພັກ, ລັດ ແລະ ປະຊາຊົນຫວຽດນາມ ເພື່ອສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ, ນຳການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ ແລະ ຈີນໃຫ້ພັດທະນາຕື່ມອີກ.

ທ່ານເລຂາທິການໃຫຍ່, ປະທານປະເທດຈີນ ສີ​ຈິ້ນ​ຜິງ ຢືນຢັນວ່າ ຈີນຈະສະໜັບສະໜູນ ຫວຽດນາມ ດ້ວຍບັນດາກົນໄກຮ່ວມມືຫຼາຍຝ່າຍ ແລະ ສະໜັບສະໜູນຫວຽດນາມ ໃນການປ້ອງກັນ ແລະ ຄວບຄຸມ COVID-19.

ຄວາມຍຸຕິທຳສຳລັບ ຜູ້ປະສົບເຄາະຮ້າຍຈາກທາດພິດສີສົ້ມ-ດີໂອຊີນ ຍສໝ - ນາງ ເຈີນໂຕຫງ່າ, ອາຍຸ 79 ປີ, ຖືສັນຊາດຝະລັ່ງ - ຫວຽດນາມ ເຊິ່ງເປັນຜູ້ປະສົບກັບພະຍາດຫຼາຍຢ່າງ ຍ້ອນຮັບຜົນສະທ້ອນຈາກທາດພິດສີສົ້ມ-ດີໂອຊີນ. ໃນທົດສະວັດທີ່ຜ່ານມາ, ຜ່ານຜ່າຄວາມເຈັບປວດຂອງຊະຕາກຳ, ຄວາມຫຍຸ້ງຍາກໃນຊີວິດ ແລະ ອຸປະສັກນັບຫຼາຍຢ່າງຈາກຫລາຍໆຝ່າຍ, ນາງເຈີນໂຕຫງ່າ ໄດ້ຮຽກຮ້ອງຢ່າງຍຸຕິທຳສຳລັບບັນດາຜູ້ປະສົບເຄາະຮ້າຍຈາກທາດພິດສີສົ້ມ-ດີໂອຊິນ ຈຳນວນຫລາຍພັນຄົນ.

ຫວຽດນາມ ໄດ້ຕີລາຄາສູງການຊຸກຍູ້ການຮ່ວມມືອາຊຽນ - ຈີນໃນທຸກຂົງເຂດ ຍສໝ - ກ່າວຄຳເຫັນຕາງໜ້າບັນດາປະເທດອາຊຽນ, ທ່ານຮອງລັດຖະມົນຕີ ຫງວຽນກ໊ວກຢຸງ ສະເໜີໃຫ້ບັນດາຝ່າຍ ໃຫ້ບຸລິມະສິດການສົມທົບກັນຮັບມືກັບໂລກລະບາດ; ພ້ອມກັນນັ້ນ, ຮັບມືກັບບັນດາສິ່ງທ້າທາຍທີ່ພົ້ນເດັ່ນຂຶ້ນຢ່າງມີປະສິດທິຜົນ ເໝາະສົມກັບຈິດໃຈປີຮ່ວມມືພັດທະນາແບບຍືນຍົງອາຊຽນ - ຈີນ 2021.

ອາເມລິກາ, ຈີນ ແລະ ສ.ເກົາຫຼີ ສືບຕໍ່ແມ່ນ 4 ຕະຫຼາດນຳເຂົ້າສິນໃນນ້ຳແຖວໜ້າຂອງ ສິນໃນນ້ຳ ຫວຽດນາມ ໃນຊຸມເດືອນຜ່ານມາ ຍສໝ - ປັດຈຸບັນ, ອາເມລິກາ, ຈີນ ແລະ ສ.ເກົາຫຼ ີສືບຕໍ່ແມ່ນ 4 ຕະຫຼາດນຳເຂົ້າສິນໃນນ້ຳແຖວໜ້າຂອງ ສິນໃນນ້ຳ ຫວຽດນາມ ໃນຊຸມເດືອນຜ່ານມາ, ກວມເອົາກ່ວາ 57% ຍອດມູນຄ່າສົ່ງອອກສິນໃນນ້ຳ.