 |
| ບັນດາຜູ້ແທນຖ່າຍຮູບລວມໝູ່ |
ວັນທີ 3 ມັງກອນ, ສະມາຄົມມິດຕະພາບ ຫວຽດນາມ - ກຳປູເຈຍ ອະດີດທະຫານອາສາສະໝັກ ກອງພົນ 2 ໄດ້ຈັດຕັ້ງພິທີພົບປະເພື່ອ ສະເຫຼີມສະຫຼອງເນື່ອງໃນໂອກາດ 42 ປີແຫ່ງວັນໄຊຊະນະ ຊາຍແດນ ທາງທິດຕາເວັນຕົກສ່ຽງເໜືອ ແລະ ການຊ່ວຍເຫຼືອປະຊາຊົນກຳປູເຈຍຄົ້ນລົ້ມລະບົບດັດສູນເຊື້ອຊາດ (7 ມັງກອນ 1979 – 7 ມັງກອນ 2021).
ເຂົ້າຮ່ວມການພົບປະມີ ທ່ານ ພົນໂທ ຫງວຽນວັນຣິງ, ອະດີດກຳມະການຄະນະບໍລິຫານງານ ສູນການພັກ, ອະດີດຮອງລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານນາງ ຫງວຽນທິເຟືອງງາ ປະທານສະຫະສະມາຄົມບັນດາອົງການມິດຕະພາບ ຫວຽດນາມ, ທ່ານ Chay Navuth ເອກອັກຄະລັດຖະທູດ ກຳປູເຈຍ ປະຈຳຫວຽດນາມ…
ກ່າວຄຳເຫັນທີ່ການພົບປະ, ທ່ານ ຟ້າມງອກຄ໊ວາ ເນັ້ນໜັກວ່າ: “ພວມເຮົາມີຄວາມຮັບຮູ້ຢ່າງເລິກເຊິ່ງວ່າ ສະພາບການອາດຈະປ່ຽນແປງແຕ່ນ້ຳໃຈສາມັກຄີ ລະຫວ່າງ ຫວຽດນາມ - ກຳປູເຈຍ ບໍ່ມີວັນໃດປ່ຽນແປງ. ນ້ຳໃຈສາມັກຄີມິດຕະພາບ ໄດ້ສ້າງຕັ້ງຂຶ້ນດ້ວຍເລືອດເນື້ອເຫື່ອແຮງຂອງ ຄົນລຸ້ນກ່ອນ. ດັ່ງນັ້ນ ບັນດານັກຮົບອາສາມະໝັກເຖິງວ່າ ໄດ້ອອກກິນບຳນານແລ້ວກໍ່ຕາມ ແຕ່ຍັງມີຄວາມເປັນຫ່ວງເປັນໃຍຕໍ່ຄວາມໝັ້ນຄົງຂອງປະເທດຊາດ, ເຖິງວ່າອາຍຸສູງແລ້ວກໍ່ຕາມ ແຕ່ເຈັບຈຳນົງຍັງທົນທານຢູ່”.
ສ່ວນທ່ານນາງ ຫງວຽນເຟືອງງານ ໄດ້ແບ່ງປັນວ່າ, ພິທີດັ່ງກ່າວ ແມ່ນການທູດປະຊາຊົນຄັ້ງທຳອິດໃນ ປີ 2021 ໂດຍແມ່ນການເປີດສາກທີ່ດີງາມ ແລະ ການເຄື່ອນໄຫວແທດຈິງເພື່ອມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 5 ຂອງ ສະມາຄົມມິດຕະພາບ ຫວຽດນາມ - ກຳປູເຈຍ.
ເລື່ອງນຳປະເທດກຳປູເຈຍຫຼຸດພົ້ນອອກຈາກລະບົບດັດສູນເຊື້ອຊາດແມ່ນໄຊຊະນະປະຫວັດສາດຂອງປະຊາຊົນກຳປູເຈຍ ປິດໜ້າປະຫວັດສາດທີ່ມຶດມົນ, ເຈັບປວດ, ປະຕິບັດພາລະກິດຟື້ນຟູ ຊົນຊາດ ແລະ ເປີດຍຸກສະໄໝແຫ່ງເອກະລາດ, ສັນຕິພາບ, ເສລີ ແລະ ພັດທະນາ. “ນີ້ກໍ່ແມ່ນໄຊຊະນະຂອງພາລະກິດທີ່ຊອບທຳ, ຂອງນ້ຳໃຈສາມັກຄີຕໍ່ສູ້ລະຫວ່າງ ສອງຊາດ ຫວຽດນາມ - ກຳປູເຈຍເຊິ່ງມີມູນເຊື້ອມິດຕະພາບທີ່ດີງາມ, ຊ່ວຍເຫຼືອເຊິ່ງກັນແລະກັນ. ປະຫວັດສາດຂອງສອງປະເທດ ຈະຈາລຶກນ້ຳໃຈສາມັກຄີທີ່ຍິ່ງໃຫຍ່, ສະເໝີຕົ້ນສະເໝີປາຍ ແລະ ໃສແຈ້ງ ດັ່ງກ່າວຕະຫຼອດການ”.
ທີ່ພິທີພົບປະ, ທ່ານ Chay Navuth ເອກອັກຄະລັດຖະທູດ ກຳປູເຈຍ ປະຈຳ ຫວຽດນາມ ໃຫ້ຮູ້ວ່າ: ດ້ວຍການຊ່ວຍເຫຼືອ, ສະໜັບສະໜູນທີ່ໃຫຍ່ຫຼວງ, ທັນການ ແລະ ມີປະສິດທິຜົນຂອງ ທົ່ວປະເທດຫວຽດນາມ ໄດ້ປະກອບສ່ວນເຂົ້າໃນການປ່ຽນແປງກຳປູເຈຍ ແຕ່ປະເທດແຫ່ງສົງຄາມ, ເຈັບປວດ ກາຍເປັນປະເທດແຫ່ງສັນຕິພາບ ພັດທະນາຢ່າງຮອບດ້ານໃນທຸກຂົງເຂດ.
 | ລົງນາມການຮ່ວມມືລະຫວ່າງ ຫວຽດນາມ ກັບ ກຳປູເຈຍ ກ່ຽວກັບການຊອກຫາອັດຖິທະຫານເສຍສະຫຼະຊີວິດເພື່ອຊາດ, ນັກຮົບອາສາສະໝັກ ແລະ ນັກຊ່ຽວຊາ ຍສໝ - ທ່ານພັນເອກ ດ່າມກຽນທຶ໊ກ, ຜູ້ບັນຊາການກອງບັນຊາການທະຫານ, ຮອງຫົວໜ້າຄະນະປະຈຳຄະນະສະເພາະກິດແຂວງ ກຽນຢາງໃຫ້ຮູ້ວ່າ: ນັບແຕ່ເວລາປະຕິບັດສົນທິສັນຍາລະຫວ່າງ ສອງລັດຖະບານ ປະເທດ ສາທາລະນະລັດ ສັງຄົມນິຍົມຫວຽດນາມ ແລະ ລັດຖະບານລາຊະອານາຈັກກຳປູເຈຍ ໄດ້ລົງນາມໃນວັນທີ 28 ສິງຫາ 2020 ຢູ່ນະຄອນຫຼວງ Phnom Penh, ລາຊະອານາຈັກກຳປູເຈຍ ມາຮອດປັດຈຸບັນ, ກອງ K92, ກອງບັນຊາການທະຫານ ... |
 | ແຜນການພັດທະນາການທ່ອງທ່ຽວລວມ ຂອງ 3 ປະເທດ ຫວຽດນາມ, ລາວ, ກຳປູເຈຍ ຍສໝ - ແຜນການນີ້ແມ່ນເອກະສານຍຸດທະສາດຂອງເຂດ ທີ່ກ່ຽວຂ້ອງເຖິງການພັດທະນາການທ່ອງທ່ຽວຢູ່ 13 ແຂວງ ໃນເຂດສາມລຽມພັດທະນາ CLV, ລວມມີ 4 ແຂວງຂອງກຳປູເຈຍ, 4 ແຂວງຂອງລາວ ແລະ 5 ແຂວງຂອງຫວຽດນາມ. |
 | ນະຄອນໂຮ່ຈີມິນຍ້ອງຍໍສັນລະເສີນ ນັກສຶກສາລາວ - ກຳປູເຈຍ ດີເດັ່ນ122 ຄົນໃນປີ 2020 ຍສໝ - ນາມມະຍົດ “ນັກສຶກສາ ລາວ - ກຳປູເຈຍທີ່ດີເດັ່ນ” ເພື່ອແນໃສ່ເຊີດຊູ, ຍ້ອງຍໍໃຫ້ແກ່ບັນດາຜູ້ທີ່ເປັນແບບຢ່າງຂອງນັກສຶກສາລາວ, ກຳປູເຈຍໃນການຮ່ຳຮຽນ, ຕັ້ງໜ້າເຂົ້າຮ່ວມ ບັນດາການເຄື່ອນໄຫວຂອງຂະບວນການ. ຜ່ານນັ້ນ, ປະກອບສ່ວນເຂົ້າການທະວີຄູນບັນດາແບບຢ່າງນັກສຶກສາລາວ, ກຳປູເຈຍເພື່ອແນໃສ່ສ້າງການແຜ່ຂະຫາຍອອກສູ່ນັກສຶກສາສອງປະເທດທີ່ພວມຮ່ຳຮຽນຢູ່ນະຄອນ ໂຮ່ຈີມິນ. |
ບຸນຄົງ
