| ກອງປະຊຸມວິສາຫະກິດ ຫວຽດນາມ ຮ່ວມມື ແລະ ລົງທຶນຢູ່ລາວ | |
| ລາວ - ຫວຽດນາມ ມີ ດ່ານຊາຍແດນສາກົນ ມີ 08 ແຫ່ງ |
 |
| ພິທີ ຍ້ອງຍໍສັນລະເສີນ ນັກສຶກສາລາວ - ກຳປູເຈຍ ດີເດັ່ນ122 ຄົນໃນປີ 2020 |
ໃນເວລາມໍ່ໆມານີ້, ຄະນະຊາວໜຸ່ມນະຄອນໂຮ່ຈີມິນໄດ້ຈັດຕັ້ງໂຄງການຍ້ອງຍໍສັນລະເສີນນັກສຶກສາລາວ - ກຳປູເຈຍ ດີເດັ່ນ ໃນປີ 2020, ໃນນັ້ນມີນັກສຶກສາລາວ 61 ຄົນ ແລະ ນັກສຶກສາ ກຳປູເຈຍ 61 ຄົນ ເຊິ່ງພວມຮ່ຳຮຽນຢູ່ບໍລິເວນນະຄອນໂຮ່ຈີມິນ.
ນາມມະຍົດ “ນັກສຶກສາ ລາວ - ກຳປູເຈຍທີ່ດີເດັ່ນ” ເພື່ອແນໃສ່ເຊີດຊູ, ຍ້ອງຍໍໃຫ້ແກ່ບັນດາຜູ້ທີ່ເປັນແບບຢ່າງຂອງນັກສຶກສາລາວ, ກຳປູເຈຍໃນການຮ່ຳຮຽນ, ຕັ້ງໜ້າເຂົ້າຮ່ວມ ບັນດາການເຄື່ອນໄຫວຂອງຂະບວນການ. ຜ່ານນັ້ນ, ປະກອບສ່ວນເຂົ້າການທະວີຄູນບັນດາແບບຢ່າງນັກສຶກສາລາວ, ກຳປູເຈຍເພື່ອແນໃສ່ສ້າງການແຜ່ຂະຫາຍອອກສູ່ນັກສຶກສາສອງປະເທດທີ່ພວມຮ່ຳຮຽນຢູ່ນະຄອນ ໂຮ່ຈີມິນ.
ປີ 2020, ສະພາ ພິຈາລະນານາມມະຍົດ ຮັບໄດ້ ເອກະສານ 129 ຊຸດເຂົ້າຮ່ວມການຄັດເລືອກມາຈາກ ມະຫາວິທະຍາໄລ, ສະຖາບັນ 17 ແຫ່ງໃນບໍລິເວນນະຄອນ. ສະພາໄດ້ຈັດກອງປະຊຸມພິຈາລະນາ ແລະ ເຫັນດີເປັນເອກະພາບ ຍ້ອງຍໍສັນລະເສີນ ນັກສຶກສາລາວ 94 ຄົນ ແລະ ນັກສຶກສາ ກຳປູເຈຍ 28 ຄົນໃນປີ 2020. ໃນນັ້ນມີ ນັກສຶກສາ 1 ຄົນບັນລຸໄດ້ນາມມະຍົດ ນັກສຶກສາດີເດັ່ນ 6 ປີຢ່າງລຽນຕິດ, 9 ຄົນບັນລຸໄດ້ 5 ປີຢ່າງລຽນຕິດ, 8 ຄົນບັນລຸໄດ້ 4 ປີຢ່າງລຽນຕິດ, 11 ຄົນບັນລຸໄດ້ 3 ປີຢ່າງລຽນຕິດ ແລະ 2 ຄົນບັນລຸໄດ້ 2 ປີຢ່າງລຽນຕິດ.
ທ່ານນາງ ອົງທິງອກລິງ, ຫົວໜ້າຄະນະຊາວໜຸ່ມໂຮງຮຽນຄະນະຊາວໜຸ່ມນະຄອນ, ຫົວໜ້າຫໍພັກນັກສຶກສາລາວ ໃຫ້ຮູ້ວ່າ: “ປັດຈຸບັນ, ຫໍພັກນັກສຶກສາລາວຄຸ້ມຄອງ ນັກສຶກສາລາວ, ກຳປູເຈຍກ່ວາ 450 ຄົນ ທີ່ພວມຮ່ຳຮຽນໃນບໍລິເວນນະຄອນ. ບັນດານັກສຶກສາລາວ, ກຳປູເຈຍ ໄດ້ຮັບຄວາມເອົາໃຈໃສ່ເປັນພິເສດ, ສ້າງເງື່ອນໄຂດີທີ່ສຸດ ກ່ຽວກັບເງື່ອນໄຂຮ່ຳຮຽນ, ການກິນຢູ່, ສຸຂະພາບ ແລະ ຊີວິດດ້ານວັດທະນະທຳ ແລະຈິດໃຈ. ບັນດານັກສຶກສາລາວ ແລະ ກຳປູເຈຍດີເດັ່ນໄດ້ຮັບການຍ້ອງຍໍສັນລະເສີນ ຈະສືບຕໍ່ແມ່ນບັນດາແບບຢ່າງທີ່ດີໃນການຮ່ຳຮຽນ, ເປັນເຈົ້າການໃນການຝຶກແອບຫຼໍ່ຫຼອມ, ເຂົ້າຮ່ວມບັນດາການເຄື່ອນໄຫວຂອງຫໍພັກ, ຂອງໂຮງຮຽນ”.
ພາຍຫຼັງການຈັດຕັ້ງມາເປັນເວລາ 15 ປີ, ມາຮອດປັດຈຸບັນ, ໂຄງການໄດ້ຍ້ອງຍໍສັນລະເສີນ ນັກສຶກສາ ລາວ, ກຳປູເຈຍ ດີເດັ່ນ 801 ຄົນ ຢູ່ບັນດາມະຫາວະທະຍາໄລ, ສະຖາບັນໃນບໍລິເວນນະຄອນໂຮ່ຈີມິນ. ບັນດາແບບຢ່າງດີເດັ່ນໄດ້ຮັບການຍ້ອງຍໍສັນລະເສີນບໍ່ພຽງແຕ່ແມ່ນແບບຢ່າງທີ່ດີໃນການຮ່ຳຮຽນ, ຝຶກຝົນຫຼໍ່ຫຼອມ ເທົ່ານັ້ນ ຫາກຍັງແມ່ນຜູ້ທີ່ສືບຕໍ່ເພີ່ມພຸນຄຸນສ້າງໃຫ້ແກ່ນ້ຳໃຈມິດຕະພາບ ລະຫວ່າງ ຫວຽດນາມ - ລາວ - ກຳປູເຈຍ ໃຫ້ພັດທະນາແບບຍືນຍົງອີກດ້ວຍ.
 | ກອງປະຊຸມວິສາຫະກິດ ຫວຽດນາມ ຮ່ວມມື ແລະ ລົງທຶນຢູ່ລາວ ຍສໝ - ທ່ານ ຫງວຽນບ໊າຮຸ່ງ ເອກອັກຄະລັດຖະທູດ ຫວຽດນາມ ປະຈຳລາວ ໃຫ້ຮູ້ວ່າ ກອງປະຊຸມໄດ້ຈັດຕັ້ງເພື່ອແນໃສ່ຮັບເອົາຄຳເຫັນ, ຂໍ້ສະເໜີແນະຂອງ ບັນດາວິສາຫະກິດ ຫວຽດນາມ ທີ່ພວມລົງທຶນ, ຮ່ວມມື, ດຳເນີນທຸລະກິດ ຢູ່ລາວ ເພື່ອຍືນສະເໜີຕໍ່ນາຍົກລັດຖະມົນຕີ ສອງປະເທດ ພິຈາລະນາແກ້ໄຂເພື່ອແນໃສ່ມີບັນດາມາດຕະການແກ້ໄຂ ແລະ ໜູນຊ່ວຍບັນດາວິສາຫະກິດ. |
 | ລາວ - ຫວຽດນາມ ມີ ດ່ານຊາຍແດນສາກົນ ມີ 08 ແຫ່ງ ປະຈຸບັນຢູ່ຕາມ ເສັ້ນຊາຍແດນ ລາວ - ຫວຽດນາມ ມີ ດ່ານຊາຍແດນສາກົນ ມີ 08 ແຫ່ງ. |
 | ບັນດານັກລົງທຶນ ສສ ຫວຽດນາມມີ 414 ໂຄງການດ້ວຍຍອດ ຈຳນວນເງິນລົງທຶນ 4,2 ຕື້ ໂດລາສະຫະລັດ ໄດ້ຮັບໃບຢັ້ງຢືນການລົງທຶນຢູ່ ສປປ ລາວ ມາຮອດປະຈຸບັນ, ບັນດານັກລົງທຶນ ສສ ຫວຽດນາມມີ 414 ໂຄງການດ້ວຍຍອດ ຈຳນວນເງິນລົງທຶນ 4,2 ຕື້ ໂດລາສະຫະລັດ ໄດ້ຮັບໃບຢັ້ງຢືນການລົງທຶນຢູ່ ສປປ ລາວ, ຕົກອັນດັບທີ 3 ໃນບັນດານັກລົງທຶນຢູ່ລາວ. ພິເສດ, ຢູ່ 10 ແຂວງຊາຍແດນຂອງ ສປປ ລາວ, ໄດ້ມີ 110 ໂຄງການລົງທຶນໂດຍກົງຂອງບັນດານັກລົງທຶນຫວຽດນາມ ... |
ບຸນຄົງ
