ສະຫະພັນບັນດາອົງການມິດຕະພາບຫວຽດນາມ ລະນຶກເຖິງບັນດາທະຫານກາຊັກສະຖານທີ່ເສຍຊີວິດ

ທ່ານ ດົ່ງຮຸຍເກື່ອງ, ຮອງປະທານສະຫະພັນບັນດາອົງການມິດຕະພາບຫວຽດນາມ, ລົງນາມໃນປຶ້ມໄວ້ອາໄລ ເພື່ອລະນຶກເຖິງບັນດາທະຫານກາຊັກສະຖານທີ່ເສຍຊີວິດໃນຂະນະປະຕິບັດໜ້າທີ່ຢູ່ແຂວງ Mangystau.

ໃນປຶ້ມໄວ້ອາໄລ, ທ່ານ ດົ່ງຮຸຍເກື່ອງ ໄດ້ຂຽນວ່າ:

“ສະຫະພັນບັນດາອົງການມິດຕະພາບຫວຽດນາມ ແລະ ບັນດາສະມາຄົມສະມາຊິກຢູ່ສູນກາງ ແລະ ທ້ອງຖິ່ນ ຂໍສົ່ງຄຳແບ່ງປັນຄວາມເສົ້າໂສກຢ່າງສຸດຊຶ້ງ ແລະ ຈິງໃຈທີ່ສຸດ ເຖິງລັດຖະບານ, ປະຊາຊົນກາຊັກສະຖານ ແລະ ຄອບຄົວຂອງບັນດາທະຫານທີ່ເສຍຊີວິດໃນຂະນະປະຕິບັດໜ້າທີ່ຢູ່ແຂວງ Mangystau. ພວກເຮົາຂໍຮ່ວມແບ່ງປັນຢ່າງສຸດຊຶ້ງຕໍ່ການສູນເສຍຄັ້ງນີ້ ແລະ ປາດຖະໜາໃຫ້ບັນດາຜູ້ບາດເຈັບຫາຍດີໂດຍໄວ.

ພວກເຮົາເຊື່ອໝັ້ນວ່າ ລັດຖະບານ ແລະ ປະຊາຊົນກາຊັກສະຖານ ຈະຜ່ານຜ່າການສູນເສຍຄັ້ງນີ້ໄປໄດ້ໂດຍໄວ”.

ກ່ອນໜ້ານີ້, ທ່ານ Kassym-Jomart Tokayev, ປະທານປະເທດແຫ່ງສາທາລະນະລັດກາຊັກສະຖານ, ໄດ້ປະກາດໃຫ້ວັນທີ 25/9/2026 ເປັນວັນໄວ້ທຸກແຫ່ງຊາດ ເພື່ອລະນຶກເຖິງບັນດາທະຫານທີ່ເສຍຊີວິດໃນຂະນະປະຕິບັດໜ້າທີ່ຢູ່ແຂວງ Mangystau.

ດັດແກ້, ເພີ່ມເຕີມກົດລະບຽບຂອງສະຫະພັນບັນດາອົງການມິດຕະພາບຫວຽດນາມ ຍສໝ - ໃນວາລະທີໜຶ່ງ ຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII, ອາຍຸການ 2026-2031 ຂອງສະຫະພັນບັນດາອົງການມິດຕະພາບຫວຽດນາມ, ບັນດາຜູ້ແທນໄດ້ຮັບຟັງບົດລາຍງານດັດແກ້, ເພີ່ມເຕີມກົດລະບຽບຂອງສະຫະພັນບັນດາອົງການມິດຕະພາບຫວຽດນາມ.

ທ່ານ ຟານແອັງເຊີນ ໄດ້ຮັບເລືອກເປັນປະທານສະຫະພັນບັນດາອົງການມິດຕະພາບຫວຽດນາມ ອາຍຸການ 2026-2031 ຍສໝ - ວັນທີ 14/9 ຢູ່ຮ່າໂນ້ຍ, ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII, ອາຍຸການ 2026-2031 ຂອງສະຫະພັນບັນດາອົງການມິດຕະພາບຫວຽດນາມ ໄດ້ສຳເລັດລົງຢ່າງຈົບງາມ. ທ່ານ ຟານແອັງເຊີນ, ເລຂາຄະນະພັກ, ປະທານສະຫະພັນບັນດາອົງການມິດຕະພາບຫວຽດນາມ ຊຸດທີ VI, ໄດ້ຮັບຄວາມໄວ້ວາງໃຈເລືອກເປັນປະທານສະຫະພັນບັນດາອົງການມິດຕະພາບຫວຽດນາມ ຊຸດທີ VII.