 | ສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ໂຮ່ຈີມິນ ມອບປື້ມໃຫ້ໂຮງຮຽນຢູ່ ຫວຽດນາມ 11 ແຫ່ງ |
| ນະຄອນ ໂຮ່ຈີມິນ ສະເຫຼີມສະຫຼອງວັນຊາດ ຣູມານີ ຄົບຮອບ 106 ປີ |
ນັ້ນແມ່ນຄຳຢືນຢັນຂອງທ່ານ ຫວໍວັນຮ່ວານ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ທີ່ພິທີສະເຫຼີມສະຫຼອງ 79 ປີແຫ່ງວັນຊາດອີຕາລີ (2 ມິຖຸນາ 1946 – 2 ມິຖຸນາ 2025) ໂດຍກົງສູນໃຫຍ່ ອີຕາລີ ປະຈຳນະຄອນ ໂຮ່ຈີມິນ ຈັດຕັ້ງໃນຕອນຄ່ຳວັນທີ 2 ມິຖຸນາ.
 |
| ທ່ານ ຫວໍວັນຮ່ວານ, ຮອງປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ກ່າວຄຳປາໄສສະເຫຼີມສະຫຼອງ 79 ປີແຫ່ງວັນຊາດ ອີຕາລີ. (ພາບ: TTXVN) |
ໂດຍແບ່ງປັນໝາກຜົນການຮ່ວມມືລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງ ອີຕາລີ, ທ່ານ ຫວໍວັນຮ່ວານ ໃຫ້ຮູ້ວ່າ ບົນພື້ນຖານການພົວພັນສອງຝ່າຍອັນດີງາມລະຫວ່າງ ຫວຽດນາມ ແລະ ອີຕາລີ, ນະຄອນ ໂຮ່ຈີມິນ ຍາມໃດກໍ່ແມ່ນໜຶ່ງໃນບັນດາທ້ອງຖິ່ນຊຸກຍູ້ການພົວພັນຮ່ວມມືກັບ ອີຕາລີ ຢ່າງຕັ້ງໜ້າ. ອີຕາລີ ແມ່ນໜຶ່ງໃນບັນດາຄູ່ຮ່ວມມືການຄ້າ - ການລົງທຶນສຳຄັນຂອງນະຄອນໂຮ່ຈິມິນ, ດ້ວຍຍອດວົງເງິນການຄ້າ 2 ສົ້ນໃນປີ 2024 ບັນລຸເກືອບ 790 ລ້ານ USD, ເພີ່ມຂຶ້ນກ່ວາ 30% ເມື່ອທຽບໃສ່ປີກາຍ. ປະຈຸບັນ, ອີຕາລີ ມີ 76 ໂຄງການລົງທຶນ ດ້ວຍຍອດຈຳນວນທຶນເກືອບ 135 ລ້ານ USD ພວມຜັນຂະຫຍາຍຢ່າງມີປະສິດທິຜົນຢູ່ນະຄອນ, ຢືນອັນດັບທີ 24 ໃນຈຳນວນກ່ວາ 120 ປະເທດ ແລະ ເຂດແຄ້ວນລົງທຶນເຂົ້ານະຄອນ.
ຕີລາຄາກ່ຽວກັບການພົວພັນລະຫວ່າງນະຄອນ ແລະ ທ້ອງຖິ່ນອີຕາລີ, ທ່ານ ຫວູວັນຮ່ວານ ໃຫ້ຮູ້ວ່າ ໃນໄລຍະຈະມາເຖິງ, ພາຍຫຼັງການປະຕິບັດການໂຮມເຂົ້າກັບ2 ແຂວງບິ່ງເຢືອງ ແລະ ບາເຣຍ - ຫວູງເຕົ່າ, ຂະແໜງການນະຄອນ ໂຮ່ຈີມິນ ຈະເປີດກ້ວາງ ແລະ ມີຊ່ອງຫວ່າງຫຼາຍກວ່າອີກເພື່ອພັດທະນາຕົວເມືອງ, ອຸດສາຫະກຳ, logistics ແລະ ທ່າກຳປັ່ນທະເລ, ສ້າງພື້ນຖານອັນໜັກແໜ້ນເພື່ອຊຸກຍູ້ການເຊື່ອມຕໍ່ພາກພື້ນ ແລະ ການເຊື່ອມໂຍງເຂົ້າກັບສາກົນ. ນະຄອນໂຮ່ຈິມິນ ຈະມີຫຼາຍເງື່ອນໄຂສະດວກເພື່ອຊຸກຍູ້ການຮ່ວມມືກັບບັນດາຄູ່ຮ່ວມມືສາກົນ, ໃນນັ້ນມີບັນດາທ້ອງຖິ່ນ ແລະ ວິສາຫະກິດ ອີຕາລີ.
 |
| ທ່ານ ຫວໍວັນຮ່ວານ (ຂວາ), ຮອງປະທານຄະນະກຳມະການປະຊາຊົນ ແລະ ທ່ານ Enrico Padula (ຊ້າຍ), ກົງສຸນໃຫຍ່ ອີຕາລີ ປະຈຳ ນະຄອນ ໂຮ່ຈີມິນ ໄດ້ອວຍພອນວັນຊາດອີຕາລີ ຄົບຮອບ 79 ປີ. (ພາບ: TTXVN) |
ການນຳນະຄອນ ໂຮ່ຈີມິນ ເຊື່ອໝັ້ນວ່າ ບົນພື້ນຖານຄວາມໄວ້ເນື້ອເຊື່ອໃຈດ້ານການເມືອງອັນໜັກແໜ້ນ, ການພົວພັນດ້ານເສດຖະກິດຢ່າງມີປະສິດທິຜົນ, ການພົບປະແລກປ່ຽນປະຊາຊົນລະຫວ່າງ ຫວຽດນາມ ແລະ ອີຕາລີ ໄດ້ກໍ່ສ້າງ, ການພົວພັນຄູ່ຮ່ວມມືຍຸດທະສາດ ຫວຽດນາມ - ອີຕາລີ ເວົ້າລວມ ແລະ ການຮ່ວມມືລະຫວ່າງນະຄອນ ໂຮ່ຈີມິນ ແລະ ທ້ອງຖິ່ນຂອງ ອີຕາລີ ເວົ້າສະເພາະ ຈະນັບມື້ນັບພັດທະນາເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຂອງພາກພື້ນ.
 |
| ທ່ານ Enrico Padula, ກົງສຸນໃຫຍ່ ອີຕາລີ ປະຈຳ ນະຄອນ ໂຮ່ຈີມິນ ກ່າວຄຳປາໄສທີ່ພິທີ. (ພາບ: TTXVN) |
ກ່າວຄຳປາໄສທີ່ພິທີ, ທ່ານ Enrico Padula, ກົງສຸນໃຫຍ່ ອີຕາລີ ປະຈຳນະຄອນ ໂຮ່ຈີມິນ ໄດ້ແບ່ງປັນປະຫວັດແຫ່ງການພັດທະນາຂອງສາທາລະນະລັດ ອີຕາລີ ພາຍຫຼັງ 79 ປີແຫ່ງວັນສ້າງຕັ້ງ; ໃຫ້ຮູ້ວ່າ ນະຄອນໂຮ່ຈິມິນ ແລະ ບັນດາແຂວງໃກ້ຄຽງແມ່ນເຂດທີ່ມີບັນດາວິສາຫະກິດອີຕາລີຫຼາຍທີ່ສຸດຢູ່ ຫວຽດນາມ. ການມີໜ້າຂອງວິສາຫະກິດອີຕາລີ 100 ກວ່າແຫ່ງຢູ່ເຂດກົງສຸນແມ່ນສະແດງໃຫ້ເຫັນການຮ່ວມມືພັດທະນາເຊິ່ງກັນແລະກັນລະຫວ່າງ ອີຕາລີ ແລະ ຫວຽດນາມ.
ທ່ານ Enrico Padula ກ່າວຕື່ມວ່າ ນະຄອນ ໂຮ່ຈີມິນ ຍັງເປັນທີ່ຕັ້ງຂອງສໍານັກງານໃຫຍ່ຂອງອົງການຜູ້ຕາງໜ້າລັດຖະບານ ອີຕາລີ ທີ່ຊ່ຽວຊານດ້ານການສະໜັບສະໜູນວິສາຫະກິດ ແລະ ການຫັນເປັນໂລກາພິວັດຂອງວິສາຫະກິດ, ເພື່ອແນໃສ່ຊຸກຍູ້ການພັດທະນາເສດຖະກິດ, ການຄ້າລະຫວ່າງ ອີຕາລີ ແລະ ຫວຽດນາມ. ໃນໄລຍະຈະມາເຖິງ, ສະຖານກົງສຸນໃຫຍ່ ອີຕາລີ ປະຈຳນະຄອນ ໂຮ່ຈີມິນ ຈະສືບຕໍ່ໜູນຊ່ວຍບັນດາການເຄື່ອນໄຫວຂອງວິສາຫະກິດ ອີຕາລີ ຢູ່ ຫວຽດນາມ ໃນບັນດາຂົງເຂດກຳລັງແຮງຄື: ກົນຈັກ, ການຢາ, ເອເລັກໂຕຣນິກ, ການບິນອະວະກາດ, ແຟຊັນ, ອາຫານ ແລະ ອື່ນໆ.
ທ່ານ ກົງສຸນໃຫຍ່ ອີຕາລີ ປະຈຳນະຄອນ ໂຮ່ຈີມິນ ເຊື່ອໝັ້ນວ່າ ສົນໃຈເຖິງການຊຸກຍູ້ການພົວພັນດ້ານວິທະຍາສາດຈະປະກອບສ່ວນປັບປຸງການພົວພັນດ້ານເສດຖະກິດ, ການຄ້າ, ຊຸກຍູ້ການຮ່ວມມືດ້ານວັດທະນະທຳ, ຜ່ານນັ້ນປະກອບສ່ວນເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນອີຕາລີ ແລະ ຫວຽດນາມ. ການມີໜ້າຂອງສະມາຄົມແມ່ຍິງອີຕາລີ ຢູ່ນະຄອນ ໂຮ່ຈີມິນ ກໍ່ຄືການພັດທະນາຢ່າງແຮງໃນເຄືອຂ່າຍສັງຄົມຂອງວົງການຮຽນພາສາອີຕາລີ, ຜູ້ຮັກອາຫານອີຕາລີ... ໄດ້ສະແດງໃຫ້ເຫັນການພັດທະນາອັນດີງາມໃນການພົວພັນລະຫວ່າງຊາວອີຕາລີ ແລະ ປະຊາຊົນນະຄອນ ໂຮ່ຈີມິນ.
 | ນະຄອນ ໂຮ່ຈີມິນ ແລະບັນດາທ້ອງຖິ່ນຂອງ ລາວ ຮ່ວມມືໃນຫຼາຍຂົງເຂດ ຍສໝ - ສະຫາຍ ນາງ ຫງວຽນທິເລ້ ຮອງເລຂາພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ໄດ້ໃຫ້ການຕ້ອນຮັບ ສະຫາຍ ສາຍທອງ ໄຊຍະວົງ, ຮອງເລຂາພັກແຂວງ, ປະທານສະພາປະຊາຊົນແຂວງ ຈຳປາສັກ ພ້ອມດ້ວຍຄະນະຜູ້ແທນຂອງ ພັກປະຊາຊົນ ປະຕິວັດ ລາວ ວັນທີ 21 ສິງຫາ ຢູ່ນະຄອນ ໂຮ່ຈີມິນ. |
 | ຮ່າໂນ້ຍ ແລະ ນະຄອນ ໂຮ່ຈີມິນ ນອນໃນ 10 ຕົວເມືອງທີ່ມີຄ່າໃຊ້ຈ່າຍການທ່ອງທ່ຽວຖືກກວ່າໝູ່ຢູ່ ອາຊີ ຍສໝ - ບັນຊີລາຍຊື່ຂອງ 10 ຕົວເມືອງທີ່ມີຄ່າໃຊ້ຈ່າຍມນການໄປທ່ອງທ່ຽວຖືກທີ່ສຸດໃນ ອາຊີ ຫາກໍ່ໄດ້ຮັບການປະກາດໂດຍວາລະສານການທ່ອງທ່ຽວສະຫະລັດ ອາເມລິກາ Travel & Leisure ອີງຕາມລາຄາສະເລ່ຍຂອງຫ້ອງຄູ່ມາດຕະຖານ ແລະ ຄ່າປີ້ຍົນໄປກັບຊັ້ນທຳມະດາ, ໃນໄລຍະແຕ່ເດືອນ ມິຖຸນາ ຫາເດືອນ ທັນວາ. |
ມີງດຶກ
