 | ຮ່າໂນ້ຍ ແລະ ນະຄອນ ໂຮ່ຈີມິນ ນອນໃນ 10 ຕົວເມືອງທີ່ມີຄ່າໃຊ້ຈ່າຍການທ່ອງທ່ຽວຖືກກວ່າໝູ່ຢູ່ ອາຊີ |
| ນັກຮົບອາສາສະໝັກ 120 ຄົນຈາກນະຄອນ ໂຮ່ຈີມິນ ໄປເຂົ້າຮ່ວມການເຄື່ອນໄຫວລະດູແລ້ງຢູ່ ລາວ |
ທີ່ການຕ້ອນຮັບ, ສະຫາຍ ນາງ ຫງວຽນທິເລ້ ຢືນຢັນວ່າ ນະຄອນ ໂຮ່ຈີມິນ ພາກພູມໃຈຕໍ່ການພົວພັນມິດຕະພາບ ແລະ ການຮ່ວມມືກັບບັນດາທ້ອງຖິ່ນຂອງ ລາວ ທີ່ພວມພັດທະນາຢ່າງເລິກເຊິ່ງໃນຫຼາຍຂົງເຂດ, ນັບມື້ນັບບັນລຸໄດ້ໝາກຜົນທີ່ແທດຈິງຫຼາຍຢ່າງ.
 |
| ສະຫາຍ ນາງ ຫງວຽນທິເລ້ ຮອງເລຂາພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ກ່າວຄຳປາໄສທີ່ການຕ້ອນຮັບ ສະຫາຍ ສາຍທອງ ໄຊຍະວົງ, ຮອງເລຂາພັກແຂວງ, ປະທານສະພາປະຊາຊົນແຂວງ ຈຳປາສັກ - ລາວ ຢູ່ນະຄອນ ໂຮ່ຈີມິນ ໃນວັນທີ 21 ສິງຫາ. |
ສະຫາຍ ນາງ ຫງວຽນທິເລ້ ຖືວ່າ: ການຢ້ຽມຢາມຂອງ ສະຫາຍ ສາຍທອງ ໄຊຍະວົງ ຈະປະກອບສ່ວນຫັນບັນດາຂໍ້ຕົກລົງຂັ້ນສູງລະຫວ່າງສອງພັກ ແລະ ລັດຖະບານ 2 ປະເທດໃຫ້ປະກົດຜົນເປັນຈິງ, ເຮັດໃຫ້ການຮ່ວມມືທີ່ແທດຈິງ ແລະ ມີປະສິດທິຜົນໃນການພົວພັນລະຫວ່າງ ຫວຽດນາມ - ລາວ ເລິກເຊິ່ງກວ່າອີກ.
ສະຫາຍ ນາງ ຫງວຽນທິເລ້ ຢືນຢັນວ່າ ທັດສະນະທີ່ສະເໝີຕົ້ນສະເໝີປາຍຂອງນະຄອນ ໂຮ່ຈີມິນ ນັບແຕ່ກ່ອນມາຮອດປະຈຸບັນແມ່ນ ຍາມໃດກໍ່ນັບຖືຢ່າງສູງ ແລະ ເຮັດຈົນສຸດຄວາມສາມາດຂອງຕົນເພື່ອປົກປັກຮັກສາ, ປັບປຸງ ແລະ ພັດທະນາສາຍພົວພັນແບບພິເສດກັບ ລາວ ເວົ້າລວມ ແລະ ບັນດາທ້ອງຖິ່ນຂອງ ລາວ ເວົ້າສະເພາະ.
 |
| ສະຫາຍ ນາງ ຫງວຽນທິເລ້ ຮອງເລຂາພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ຕ້ອນຮັບ ສະຫາຍ ສາຍທອງ ໄຊຍະວົງ, ຮອງເລຂາພັກແຂວງ, ປະທານສະພາປະຊາຊົນແຂວງ ຈຳປາສັກ - ລາວ ຢູ່ນະຄອນ ໂຮ່ຈີມິນ ໃນວັນທີ 21 ສິງຫາ. |
ນະຄອນ ໂຮ່ຈີມິນ ຈະຕັ້ງໜ້າຊຸກຍູ້ບັນດາການເຄື່ອນໄຫວພົບປະແລກປ່ຽນ, ເຊື່ອມຕໍ່ເສດຖະກິດ, ສົ່ງເສີມການຄ້າ, ການລົງທຶນ, ການທ່ອງທ່ຽວ, ແລກປ່ຽນຄະນະ ແລະ ພົບປະແລກປ່ຽນປະຊາຊົນ, ເບິ່ງແຍງດູແລ ແລະ ຊ່ວຍເຫຼືອພະນັກງານ, ນັກຮຽນ, ນັກສຶກສາ ລາວ ທີ່ພວມຄົ້ນຄວ້າຮໍ່າຮຽນຢູ່ນະຄອນ ໂຮ່ຈີມິນ.
ຢູ່ທີ່ການຕ້ອນຮັບ, ສະຫາຍ ສາຍທອງ ໄຊຍະວົງ ໄດ້ຕີລາຄາສູງໝາກຜົນແຫ່ງການຮ່ວມມືລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງ ລາວ ເຊິ່ງໃນນັ້ນມີແຂວງ ຈຳປາສັກ.
ສະຫາຍ ສາຍທອງ ໄຊຍະວົງ ປາດຖະໜາວ່າ ໃນໄລຍະຈະມາເຖິງ, ນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງ ລາວ, ໃນນັ້ນມີແຂວງ ຈໍາປາສັກ ຈະສືບຕໍ່ປະຕິບັດບັນດາເນື້ອໃນຂອງການຮ່ວມມືໃນບັນດາຂົງເຂດຢ່າງມີປະສິດທິຜົນ, ປະກອບສ່ວນເຂົ້າໃນການປັບປຸງ ແລະ ພັດທະນາສາຍພົວພັນສາມັກຄີແບບພິເສດ ລາວ - ຫວຽດນາມ ໃຫ້ໝັ້ນຄົງເຂັ້ມແຂງ.
 |
| ສະຫາຍ ນາງ ຫງວຽນທິເລ້ ຮອງເລຂາພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ຖ່າຍຮູບທີ່ລະນຶກກັບ ສະຫາຍ ສາຍທອງ ໄຊຍະວົງ, ຮອງເລຂາພັກແຂວງ, ປະທານສະພາປະຊາຊົນແຂວງ ຈຳປາສັກ - ລາວ ຢູ່ນະຄອນ ໂຮ່ຈີມິນ ໃນວັນທີ 21 ສິງຫາ. |
ທີ່ການເຮັດວຽກ, ຜູ້ຕາງໜ້າບັນດາພະແນກ, ຂະແໜງການຂອງນະຄອນ ໂຮ່ຈີມິນ ແລະ ຄະນະປະຕິບັດງານຂອງ ລາວ ໄດ້ປຶກສາຫາລືລະອຽດຫຼາຍບັນຫາທີ່ກ່ຽວຂ້ອງເຖິງປະສົບການໃນການພັດທະນາເສດຖະກິດ - ສັງຄົມ ແລະ ການດຶງດູດການລົງທຶນ ເພື່ອແນໃສ່ເຮັດໃຫ້ສາຍພົວພັນລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງ ລາວ, ໃນນັ້ນມີແຂວງ ຈໍາປາສັກ ເລິກເຊິ່ງກວ່າອີກ.
 | ຊຸກຍູ້ການຮ່ວມມືລະຫວ່າງນະຄອນ ໂຮ່ຈີມິນ ກັບບັນດາທ້ອງຖິ່ນຂອງ ລາວ ຍສໝ - ການນຳນະຄອນ ໂຮ່ຈີມິນ ຢືນຢັນວ່າ: ນະຄອນ ຍາມໃດກໍ່ສຸມໃສ່ເພີ່ມທະວີການພົວພັນຮ່ວມມືກັບ ລາວ, ສ້າງເງື່ອນໄຂສະດວກໃຫ້ບັນດາວິສາຫະກິດຂອງ 2 ຝ່າຍຊອກຫາກາລະໂອກາດລົງທຶນ, ສົ່ງເສີມການຄ້າ. |
 | ນະຄອນ ໂຮ່ຈີມິນ ພ້ອມແລ້ວທີ່ຈະໜູນຊ່ວຍລາວ ກໍ່ສ້າງແຫຼ່ງຊັບພະຍາກອນຄຸນນະພາບສູງ ຍສໝ - ທີ່ການຕ້ອນຮັບ, ສະຫາຍ ຫງວຽນວັນເນັນ ສະແດງຄວາມປາດຖະໜາວ່າ ນອກຈາກຊຸກຍູ້ການພັດທະນາເສດຖະກິດ, ຫວຽດນາມ ແລະລາວ ຈະຮ່ວມມື ແລະພັດທະນາໃນຂົງເຂດວັດທະນະທໍາ, ການທູດປະຊາຊົນ, ສ້າງເງື່ອນໄຂສະດວກກວ່າອີກເພື່ອໃຫ້ປະຊາຊົນສອງປະເທດຜະລິດ, ດໍາເນີນທຸລະກິດ, ທ່ອງທ່ຽວ... |
ມິງດຶກ (ແປຕາມ nld.com.vn)
